ESB-pakka-Víetnamið [u]

Svona fer fyrir þeim sem stunda stjórnmálalegan stríðsrekstur gegn þjóð sinni, eins og þið sáuð og heyrðuð síðastliðin fjögur ár. Brak, brestir, geldingar og púff

Portúgalskur blaðamaður kallaði eitt sinn evrusvæðið fyrir; "kirkjugarð ríkisstjórna í Evrópu". Hann hefur nú stækkað, sá garður. Stækkunarpakk sérþekkingarliðsins hefur séð fyrir því

Fremstu hagfræðingar í kirkjugörðum evrusvæðis evru-ríkisstjórna, eru ekki sammála. Þeir eru ekki sammála um hvort peningamála-rörin (TARGET2) sem búa til skólp-myntina evru, þannig að úr verði einn gjaldmiðill, standi fyrir bakflæði, eða útferð

En ljóst er, segja þeir, að þegar rörin verða tekin af brunaliði evrunnar, að þá mun samstundis slokkna á myntinni. Og þá verða ráðin þau, segja þeir, að ekkert verður hægt að flýja með neitt

Erlendur maður sem þá á innistæður í erlendu bankakerfi í skólp-myntinni evru undir upplausnar- og bakflæðis útferð hennar, mun sjálfkrafa verða látinn fá myntina sem gildandi er í heimalandi hans þar sem hann býr. Sem þýðir; til dæmis, að Íslendingur eða íslenskt fyrirtæki sem á evrur í þýskum banka en býr á Íslandi, mun þá allt í einu eiga íslenskar krónur í þýskum banka, er TARGET2-rörin hætta að flytja mynt-skólp Brusselveldisins - og evran þar með flýtur gengislaus til móts við sína óhjákvæmilegu upplausn

Sem þýðir; sem annað dæmi, að Frakki eða franskt fyrirtæki sem á evrur í þýskum banka en býr í Frakklandi, mun þar með og sjálfkrafa, eiga þá mynt sem gildandi verður í Frakklandi undir og eftir upplausn evrunar. En sem bara eru rangstæðir inni í þessum áðurgreinda þýska banka. Og svo koll af kolli. Nafnið á innistæðu-myntinni undir upplausn evrunnar yrði bundið við búsetuland innistæðuhafa

Svona, og aðeins svona, segja hagfræðingar, er hægt að koma í veg yfir útþurrkun og byltingu í Þýskalandi vegna TARGET2 skuldbindinga, undir upplausn evrunnar. Rörin standi því aðeins áfram, að því tilskyldu, að Þýskaland fái í staðinn að nota Luftwaffe sem innheimtustofnun fyrir TARGET2 skuldbindingar á hendur öðrum evrulöndum næstu 1000 árin. Fái þar með að henda niður pökkum til að kíkja niður í þá ofaní rörum

Það er að segja; Henda Luftwaffe-pökkum niður í Evrópusambandið, sem samanstendur af 28 ríkjum sem öll gengu þar inn með það fyrir augum að ota þar sínum eigin efnahagslega þjóðartota, en ekki til að fórna sér. Þetta er jú svo hlutlaust & fallegt þetta friðarbandalag; Það samanstendur bara af 28 önnum köfnum ríkjum við að ota þar sínum efnahagslega þjóðartota yfir á 27 önnur ríki bandalagsins: Bandalag þjóðarhagsmuna gegn þjóðarhagsmunum, alveg þver-öfugt við það sem öllum var sagt

Sá sem stofnaði þetta friðar-bandalag er nú kallast Evrópusambandið, var líklega jafn geggjaður og sjálfur herr Hitler var. Honum hefur tekist svakalega vel að ljúga sig frá sjálfum tilgangi þess. Því þetta koncept sambandsins er eins og kjarnorkusprengja sem byggir sig sjálf, til að sprengja sér leið áfram í heiminum. Hún fattar ekki hið augljósa. En hleðslu-stofnendur hennar -e. founding fathers- náðu með stofnun myntbandalagsins þeim merka áfanga, að koma verkinu beyond point of no return. Sem kallast; að klára dæmið!

Þetta -þ.e. hin endanlega lausn- mun svo af nefnd -já af nefnd!- verða tekið-út með sjálfu haustinu. Haustið mun taka þetta út. Fyrirsjáanlega, of course. Út af eins konar stjórnmálalegu gúmmítímatékkhefti kjörtímabilsins. Síðan verður boðað til miðilsfunda um niður-stöður nefndarinnar. Þeim fundum hættir sjálfkrafa til að breytast í gjald-miðilsfundi

Ha? - hvaða sáttmálar?

Fyrri færsla

Góð ríkisstjórn kjörinna stjórnmálamanna er mikilvægari en allt annað