Íslendingar í einangruðum útlöndum Evrópusambandsins

Nú er svo furðulega komið að eyjan í norðri sem sumir segja vonda, af því að hún er ekki í Hegelskum frauðheimi Evrópusambandsins, er fyrir suma aftur orðin nógu góð til að sumir innfæddir eyjaskeggjar búsettir erlendis komi hingað upp til eyjunnar vondu, til að vinna sér hér inn raunverulega peninga í upp-gripa-vinnu. Til svo þess, skiljanlega, að geta sent þá til þurfandi heimilis síns erlendis í ESB. Og vegna þess að bankakerfi Evrópusambandslanda eru almenningi lokuð og þar sem atvinnuleysi er að ná þeim stjarfa-stöðugleika er skapaði kjöraðstæður fyrir komu herr Hitlers; eins og Winston heitinn uppnefndi það fyrirbæri hins sundursagaða Hegelska meginlands Evrópu

Fjármálakerfi margra landa Evrópusambandsins eru læst og lokuð almenningi. Enginn borgari fær lán, sama hversu góðar tryggingar þeir bjóða hinum afstumpuðu lánastofnunum Evrópusambandslanda í stórum hluta hins nýja sovéts þess

Flestir ferðamenn sem hingað koma frá Evrópusambandslöndum hafa ekki efni á neinu. Þeir kaupa kannski eitt til tvö póstkort og fara svo aftur heim í fangelsi sitt innan múra sambandsins. Þar sem eymdin krónískt ríkir nú á fjórða tug ára og þar sem heil lönd eru að breytast í eins konar gettó undir balkaniseringu beygluveldisins af Brussel; lokuð og læst af frá umheiminum, alþjóðlegum fjármálamörkuðum, raunverulegu lýðræði og frelsi. Enginn mun þora að snerta á þessum löndum þegar þess raunverulega þarf. Þau eru brennimerkt ESB

Það sem rýfur einangrun búsettra Íslendinga í ESB frá umheiminum, eru helst flugtök og lendingar til dæmis flugfélagsins Flugleiða, sem á 11 mínútna fresti finna sér flugtaks- eða lendingarstað í millilandaflugi félagsins. Höfuðstöðvar þessa alþjóðlega flugfélags eru í Reykjavík á Íslandi í íslenskum krónum. Innanlands eru hér flugtök og lendingar fleiri en í mörgum undirkjálkalöndum Evrópusambandsins, þar sem flest er bannað

Hámenntaðir Íslendingar sem halda áfram að berjast um inni í einangrunarplastbúnker sínum hafa næstum múrað sig þar inni. Vantar nú einungis steypustyrktarjárnið til að halda þeim einmitt þar. Og það mun sjávarútvegur Íslands skaffa okkur, eins og ávallt

Fyrri færsla

IPA-bókin um Evrópusambandið var bara sænskt tré 

Athugasemdir

[Gunnar Rögnvaldsson, 12.8.2013 kl. 02:11]

Næsta skrefið í tilvistarkreppu Evrópusovétsambandsins í uppstigningarferli þess til fulls blómstrandi Sovétríkis yfir meginlandi Evrópu, verður tekið með þeim rökum að um algera “öryggisráðstöfun” verði að ræða, sem hindra ætti algert niðurbrot hins efnahagslega lífs borgaranna í "vandamálaríkjunum" eins og gerðist á vordögum í Prag og víðar undir Sovét-1.

Það er að segja; neyðarráðstöfun a la framþróað "Kýpur-skapalón" sem hindra ætti geggjað allsherjar bankaáhlaup og fjármagnsflótta. Aðgerð sem verður beitt með þeim rökum að ef henni yrði ekki beitt, að þá þyrfti að setja allsherjar gjaldeyris og fjármagnshöft á í öllum evruríkjunum samtímis og loka öllum landamærum. En full heimild er þó einnig fyrir slíkum aðgerðum í sáttmálum Evrópusambandsins, sem enginn hefur lesið.

Þessi neyðarráðstöfun og næsta skerf verður fólgin í því að þvinga stórbanka, bankakerfi og sjálfa seðlabanka “vandamálaríkjanna” til að láta sér sterkari stórbanka og seðlabanka hinna  “sterkari ríkja evrusvæðis” yfirtaka sig, stjórna sér og eiga sig til fullrar frambúðar.

Þá verða rökin þau; að ekkert bankaáhlaup muni verða eða koma fyrir eftir að bankakerfi og seðlabankar “vandamálaríkjanna” eru komin yfir í eigu og undir stjórn stórbanka og geðklofins tvíhöfða ECB-seðlabanka hinna “sterkari ríkja evrusvæðis”. Þá þurfi innistæðueigendur og fjármálafyrirtæki evrulanda ekki að flýja með fjármagn sitt úr bankakerfi hinna “veikari ríkja evrusvæðis” yfir til hinna “sterkari ríkja evrusvæðis”. Þau mæta bara sjálf á staðinn og yfirtaka allt innanfrá.

Þetta er þá eins og þvinguð yfirtaka (e. hostile take over) og innrás með pennann að vopni - og henni mun aldrei ljúka. Hún verður varanleg.

Þetta mun gerast á einn eða annan hátt. Þessu verður nauðgað í gegnum rotið stofnanaveldi evru-einræðisins eins og evrunni sjálfri og tilurð hennar var nauðgað þar í gegn