Fiskveiðiþjóðin Færeyingar bloggar ekki úr brunarústum Danske Bank

Fyrsta

Sovétveldi Evrópusambandsins hefur nú ákveðið að fiskveiðiþjóðin Færeyingar, sem eru bræður okkar og í Norður-Atlantshafi, megi ekki landa afla sínum í ríkinu Danmörku sem Færeyjar eru í ríkjasambandið við. Bannið mun taka gildi strax er rauðan reyk leggur upp úr skorsteinum Evrópusovétríkjanna í Brussel. Þeim sama skorsteini og þjóðkjörnum forseta Kýpur var blásið út um á eftir þeim gríska og írska

Aaltså; Sovétveldi Evrópusambandsins hefur bannað Danmörku að taka á móti sjávarafurðum frá því ríki sem Danmörk er treyst fyrir að að vera málsvari fyrir á vissum sviðum; en sem nú eru sviðin

Danmörk er hér núll og nix af því að hún er í Evrópusambandinu. Brennimerkt Evrópusambandinu. Danmörk er orðin impótent. Núlluð út sem bót á rassinum á Þýskalandi, sem landið hefur í reynd verið, svo lengi sem Þýskaland hefur haft þann rass, sem er lengi - og sem þrýstir sér yfir alla Evrópu nú

Danmörk er innlimuð í Evrópusambandið um aldur og ævi. Þaðan mun landið aldrei eiga afturkvæmt yfir í tölu sjálfstæðra og fullvalda ríkja. Færeyingar standa hér betur að vígi. Þeir standa í 1907-sporum Íslands. Þeir geta sagt sig úr Danmörku. Þeir geta það sem Danmörk getur ekki

Við eigum að opna faðm okkar og vernda Færeyinga. Við getum það af því að við erum sjálfstæð fullvalda þjóð í eigin landi. Og stuðning eiga Færeyingar svo sannarlega skilið

Winston Churchill bauð Frakklandi faðminn og fullan ríkisborgararétt er hersveitir Hitlers réðust á landið. Þeir afþökkuðu boðið pent og gengu í Þriðja ríkið sem svo varð Evrópusambandið. Af því má ýmislegt læra um valdastrúktúr hins Hegelska meginlands Evrópu á landsvæði Lotharinga

Meðal annars þetta: Forystugrein danska dagblaðsins Politiken þann 28. apríl 1940, fjórum vikum eftir að Danmörk hafði verið hernumin af Þjóðverjum, varaði einmitt Dana við því að Winston Churchill, fánaberi frelsisins, væri hættulegur maður. Hættulegur maður og ósamvinnuþýður. Um það bil 15.000 Danir sögu þá upp áskrift sinni að dagblaðinu Politiken. En það dugði þó ekki til að þetta þáverandi ríkisstjórnarmálgagn Danmerkur legðist niður. Það lifir enn og Frakkland og Danmörk eru og verða í Evrópusambandi Þýskalands um aldur og ævi

Annað

Hvað getur einn hagfræðingur sagt við annan hagfræðing? Það er nú það. Það fer líklega eftir því upp úr hvaða brunarústum hann talar

Eins og sumir vita þá var Danske Bank hársbreidd frá því að verða gjaldþrota. Honum hafði þrotið gjaldið snemma ársins 2009, þannig að hann gat ekki staðið við skuldbindingar sínar í til dæmis Bandaríkjadölum og seðlabanki hans gat heldur ekki skaffað honum þá dali

Hér skal tekið fram að uppgjöf Danske Bank fór ekki fram í íslenskum krónum heldur í dönskum kónum. Þær eru svo hræddar, að seðlabanki þeirra, Nationalbanken, hefur líklega í allt stundað þjóðhagslega sjálfstæða peningapólitík (e. Independent National Monetary Policy) í færri ár í alt, en Seðlabanki Íslands hefur gert á nýrri tímum. Danska krónan er svo léleg að hún telst þurfa að liggja fastbundin við akkeri uppi í þýskri þurrkví, langt inni í Þýskalandi. Danskir stjórnmálamenn treysta ekki dönsku krónunni til annars. Hún er því orðin bóla á rassinum á Þýskalandi eins og svo margt annað í Danmörku

Lars Christensen hagfræðingur —þekktur úr sjónvarpsseríum DDRÚV og DDRDK— er enn sá sami hagfræðingur Danske Bank sem hann var á meðan bankinn sá var að velta á hliðina ofan á dönsku þjóðina, hefur nú ritað bloggfærslu. Ritaði hana færsluna alla leið neðan úr brunarústum danska bankans, sem seðlabanki Bandaríkjanna bjargaði í gegnum gjaldmiðlaskiptalínur sínar til ECB-seðlabanka brunaliðsins í Brussel, sem er start/stopp takkinn fyrir 15-sekúndna sjálfstæði símaseðlabanka Danmerkur í Danmörku

Bloggfærsla Lars Christensen fjallar um bandaríska hagfræðinginn Paul Krugman, sem vinnur ekki í banka. Samkvæmt Lars Christensen hefur Paul Krugman unnið sér það til saka að vera mest lesni hagfræðingur veraldar - og að hafa komið fram í sjónvarpi. Þetta er svo voðalegt: Að til skuli vera hagfræðingur á hnettinum sem getur talað nokkurs konar mannamál og sem skrifar ekki eingöngu skriftir sínar fyrir aðra hagfæðinga í heimi hagfræðinga. Krækja; Paul Krugman and ‘reality TV economics’

Þriðja

Færeyingar þekkja vel til Danske Bank. Og sú saga er ekki fögur. Styðjum Færeyinga. Ekki bara í útvarpi og sjónvarpi, heldur í reynd!

Fyrri færsla

Íslendingar í einangruðum útlöndum Evrópusambandsins