Jólagjöfin: Ný Andspyrnuhreyfing í fæðingu á Ítalíu?

Mynd; Þessi hér íslensku villtu bláber og þessi hér íslensku villtu jarðaber, verða á jólaborðinu á eftir lambahryggnum sem hékk í fimm daga. Jólin koma. Ég óska ykkur hér með gleðilegrar jólahátíðar.

 

Er míster Silvio Berlusconi að mynda þá nýju andspyrnuhreyfingu sem taka mun mölbrotna Ítalíu út úr evrunni?; eftir 10 ára dvöl ítalska lýðveldisins í kvalarakvörn myntbandalags Evrópusambandsins. Út úr dómsdagsvél hinna nýju sovétríkja Evrópu þýskarafrakka? Taka Ítalíu úr evru-handjárnunum?

 

Samsteypa "hinna viljugu" í "húsi frelsisins" (Casa delle Libertà) og "aðskilnaðarsinnanna" í (Lega del Norte) ásamt "fimm stjörnu hreyfingu" (Movimento 5 Stelle) Beppe Grillo er að myndast í korridor sérstaks stjórnmálavængs, sem sameinast mun undir einu og aðeins einu stefnumáli; að koma Ítalíu út úr helvítis evrunni hvað sem það kostar. Framhaldslíf fyrir land Ítala er undir þessu eina stefnumáli komið.

 

Enginn hagvöxtur hefur verið á Ítalíu í meira en 10 ár og hefur evran og tilvistarkreppa hennar nú teppabombað eldsneytissölu sem knýr vélknúin ökutæki ítalska hagkerfisins aftur á bak til ársins 1960, að magni til. En samt eru úr þessu litla magni innkreistir skattar sem aldrei að magni og verðmætum til hafa verið hærri í sögu landsins.

 

Fyrri færsla

 

DDRÚV: Getið þið ekki komið betur fram við börnin? Ég spyr

Athugasemdir

[Ragnhildur Kolka, 24.12.2012 kl. 10:49]

Þakka þér fyrir alla þína góðu pistla a árinu, Gunnar.

Gleðileg jól.

[Jón Baldur Lorange, 24.12.2012 kl. 14:46]

Gleðileg jól bloggvinur og kærar þakkir fyrir fróðlega pistla á árinu sem er að líða.

[Gunnar Rögnvaldsson, 24.12.2012 kl. 17:30]

Gleðileg jól

Ég þakka ykkur fyrir

Kveðjur

[Halldór Jónsson, 26.12.2012 kl. 23:10]

Gleðileg jól kæri Gunnar. Hvernig geymirðu bláberin þín svo þau líti svona út í desember?

[Halldór Jónsson, 26.12.2012 kl. 23:10]

Já og Bravó fyrir Berlusconi!

[Gunnar Rögnvaldsson, 27.12.2012 kl. 01:14]

Gleðileg jól kæri Halldór minn og okkar

Frostið tók þau. Líta kannski ekki alveg svona út núna. En ansi nálægt því. Jarðaberin át ég strax. Verð að viðurkenna það. En þau voru villt. Ekki áttavillt, heldur villt!

Þakka þér og ykkur innlitið

Kveðjur

[Helga Kristjánsdóttir, 27.12.2012 kl. 05:38]

Gleðileg Jól! Mr.Gunnar og allir hér. Hjartans þakkir fyrir skrifin þín. Gott að þurfa ekki að skammast sin,þótt banki upp á um miðja nótt. Allar gáttir opnar í boði tækninnar, svo tilbúin að borga fyrir það.