Stærsta fyrirtæki Grikklands yfirgefur landið og Evrópusambandið

 

Coca Cola Hellenic (CCH) yfirgefur Grikkland og flýr samtímis öll sovétríki Evrópusambandsins. Það skráir sig einnig samtímis af og á brott frá hlutabréfamarkaði Grikklands og alls myntsvæðis Evrópusovétsambandsins. 

Fyrirtækið —sem var Grikklands stærsta— endurstaðsetur sig nú í Sviss og segist ekki lengur vilja búa við það óöryggi og þá fjárhags og starfrænu áhættu sem fylgir því að vera með starfsemi á evrusvæðinu í Grikklandi. Vilja ekki vera í landi sem um þessar mundir hefur verið samfellt 30 ár í Evrópusambandinu og þegið á jafn mörgum árum samtals 97 miljarða af evrumútum frá aðalstöðvum hinna nýju sovétríkja Evrópu í Brussel, og sem nær hefur lagt þjóðríki Grikkja að velli í vöggustofu hins nýja einræðis Evrópu.

 

Hér eftir mun fyrirtækið starfa í Sviss og standa skráð á hinum Engilsaxneska hlutabréfamarkaði Lundúnaborgar sem nýtur þess öryggis að starfa í skjóli hins sjálfstæða gjaldmiðils Stóra Bretlands, Sterlingspundinu; The Great British Pound; ISO kóði; GBP.

 

Það má teljast nokkuð þegjandi segjandi fyrir ástandið á evrusvæðinu að CCH skuli ekki vilja flytja starfsemi sína til Þýskalands, þar sem raunlaun þýskra launþega hafa lækkað um samtals 4 prósent á síðustu 13 árum og hagvöxtur verið sá allra lélegasti í heiminum á eftir framskriðnu öldrunarhagkerfi Japans. Leið-togari Evrópu, Þýskaland, hefur kastað nýja trollinu. Hann fékk í það sinn stimulus —á kostnað annarra— og nýtur þess.

 

Krækja, Reuters; Greece's biggest firm leaves, jobless rate soars

 

Alþjóðlegi Rauði-Krossinn hefur verið kvaddur á vettvang í hinu evruhrjáða ríki Spánar þar sem atvinnuleysi nálgast nú hinn þriðja tug 10-ára áætlana Lissabonmarkmiða Evrópusambandsins, eins og í Grikklandi. Samtímis hefur héraðsstjórn ferðamannabræðslu Kanaríeyja lagst á evrudyraþrepin í Madríd til að biðja svo að segja gjaldþrota ríkisstjórn landsins um efnahagslega aðstoð, sem hún auðvitað getur ekki veitt án þess að kála sér enn frekar. Kanaríeyjar eru sjötta hérað Spánar sem evra Evrópusovétsambandsins hefur kalt klukkað inn á dýrðarþrep evrumyntar Spánar í Madríd.

 

Fyrri færsla

 

Kappræður Mitt Romney (R) og Barack Obama (D) þann 3. október 2012 

Athugasemdir

[Valdimar Samúelsson, 12.10.2012 kl. 18:03]

Ef þetta verður ekki frétt sem hefir áhrif á Össur og kó. Þá eru þau alveg gaga þessir ESB sinnar. Það munu fleiri fylgja Kók.

[Júlíus Björnsson, 15.10.2012 kl. 07:38]

Mag Donalds hefur sambönd og kemur ekki hingað næstu öldina, en Íslenska elíta heiskari en sú Græíska. Þeir skipta við EU með tóbaki og ræugmjöli og vinnuvikan hjá þeim fyrir hrunið var um 42 stundir á viku. Duglegri en ný-Íslendingar í vinnu.  Yfirvinna í opinbera geiranum er merki um seinþroska strafsmanna, ef um atvinnuleysi er ræða í Value adding geirum. 

Þetta um samdrátt í námum EU  kostaði tvær heimstyrjaldir. EU var stofnað til verja viðskipta árás úr austri. USA sér um kyrrahafið og UK um Atlandhafið. Heimskar elítur sem vita ekki hvað PPP merkir geta sjálfar sér um kennt.  666 er PPP á haus og speglað. Pez Petro aPostolo. kirkja er skip á hvolfi.  Lúsifer var fyrsti kennarinn. [presturinn var gamla nafnið: ég hef prest skilt press-a].