Hér hvílir 14. stærsta hagkerfi heimsins fallið úr evrulosti

Nú jæja. Þá er Spánn fallinn. Evru-bankakerfi landsins er komið í þrot. Komið í peningalegt mynt- og fullveldisþrot. Og á leið með að draga ríkissjóð Spánar með sér í eilífu falli ofan á borgarana í landinu sem var, en sem var þó aldrei í reynd. 1930-legt ástand ríkir á Spáni með hræðilegu atvinnuleysi sem mælist 51,5 prósent hjá ungu fólki og 24,3 prósent hjá þeim sem eftir eru á vinnualdri í þjóðinni. Fullveldið er farið og brauðmylsnu lýðræðisins hefur verið sópað af borðinu á ný. Allt er nú skammtað frá Brussel-Berlín-París samkvæmt skammtafræði meginlandsins alla daga vikunnar í 24 stunda 365 daglegu Brubepagate stjórnarfari sem ríkt hefur áratugum og jafnvel öldum saman.

 

Svo margir eru orðnir ónæmir fyrir hörmungarástandinu á Spáni og í öllu Evrópusambandinu, að þeir eru hættir að taka eftir dauðanum. Svartadauðamynt embættis- og stjórnmálamanna Evrópusambandsins í Brusselveldinu vinnur sína þöglu fjandans vinnu dag hvern. Þið vitið hvaða mynt er um að ræða; Gaukshreiðurs gjaldmiðil embættis- og stjórnmálamanna hinna Nýju Sovétríkja Evrópusambandsins. Gjaldmiðil nýja veldisins.

Fyrsti björgunarhringurinn handa bankakerfinu á Spáni nemur 10 hrikalegum prósentum af landsframleiðslu. Þessi pakki á eftir þrefaldast í það minnsta, því eins og er sést aðeins toppurinn á þeim borgarísjaka sem embættisstjórnmálamenn og seðlabankafyrirbæri Evrópusambandsins hafa skapað allar götur frá 1957. 

Áður fallin evrulönd eru Grikkland, Írland, Portúgal, Kýpur ásamt ERM II fylgihnöttum við Eystrasalt. Nú eru þau sem sagt fimm evruríkin sem komin eru í Blaupunkt öndunarvélina. Peningar landanna streyma því hraðar og hraðar inn til Berlín. Sem er eitt af höfuðvígum hinna sögulegu óreiðumanna Evrópu. Þar verða þeir slegnir til pólitísks ferlíkis.

Hvað á maður að segja? Á ég að segja hvað sagði ég 1000 sinnum? Nei það er ekki nóg. Hér ná engin orð yfir brjálæðið sem er í gangi í Evrópusambandinu. Þetta endar ekki. Endar ekki.

Á flestum heimsins blaðapappírum er fjallað um hvernig hægt sé að bjarga Evrópu frá Evrópu. Sannleikurinn er því miður sá að ekkert getur lengur bjargað Evrópu frá Evrópusambandinu. Þetta endar eins og áður, samkvæmt áætlun, eins og til var stofnað. Og það er aðeins ein ástæða fyrir því; meginland Evrópu er varanlega ónýtt. Svampétið og rotið niður í gegnum kjölinn sem eitt samfellt og órjúfanlegt 130 ára stórslys nútímans í langri mannkynssögu Jarðar.

 

Því miður er ekki hægt að skipta um heilabú í meginlandi Evrópu. Heilinn er áfastur. Og varanlega grætt í heila meginlands Evrópu er hið svarta heilabú Hegels; Sonderweg þvælan mikla sem svífur þar um; og svo hin díalektíska útópía sem gerir út af við hjartað. Lausamunir eru svo vel þekkt sænskt urg sem sarg og eitt og hið sama klessta verkið, ásamt hinu fimmta misheppnaða Frakklandi. En sjálfur Helgel og stærstur hluti Frakklands er það versta. Rætur Hegels ná svo víða á meginlandinu og þær ala af sér enn nýrri og eldfimari þvælur. Útkoman er ónýtt stjórnarfar, ónýt lög og ónýtur rent-seeking kapítalsmi af sérstakri tegund sem getur ekki þrifist í sterku lýðræði né stutt við lýðræðislega þróun í samfélögum.

Hér er eitt bréf frá Hegelian-heilabúnti til herra Wolf; Wolkenkuckucksheim

 

Fyrri færsla

 

Forsetaembættið krefst lýðveldis til að vera í 

 

 

Athugasemdir

[Júlíus Björnsson, 10.6.2012 kl. 04:26]

Spán er fallið vegna aðlögunar styrkja frá höfundum EU sem tók mið af hreimatilbúnum væntingarhagvexti, ekki raunvexti  PPP, Spánverjar stökkbreytust og urðu allir sérfræðingar, 50 % ólæst um 1970, vinnuafl var flutt inn í skítverk, en nú herfur sannast að stykjunum var greinlega ekki varið í arðbæra fjáfestingar og svo eftir 2000 þegar Vesturlönd byrja að gefa eftir, eftirpurn annrra ríkja, jafnkjörinn milli öreiga stétta heimsins.   Menntun hefur ekkert með rauntekjur á íbúa þjóða að gera. Hér eftir 1950 þegar íbúar í mörgum fyrrum nýlendum  lærðu að lesa , fóru dagblöð að seljast, þetta mældu hagfræðingar  í USA sem merki um hlutfallslegan minkinn hagvöxt. Hér eru aðilar sem greinilega er ekki með sigg í höndum og mögnðu þessa menntun fyrir sér fyrir.  Það þarf peninga til að kaup dagblöð. Veðsöfn myndast þegar borgir myndast og þá er hægt að lána óstöndugum ríkjum með bakveði í þessum langtímaveðsöfnum: þrautavarsjóðum.

[Haraldur Hansson, 10.6.2012 kl. 10:01]

Tvö háttvirt möppudýr af Brussel stigu fram til að „fagna ákvörðun Spánverja að óska eftir neyðaraðstoð“. Þetta voru þeir Barroso (sem enginn kaus) og Íslandsvinurinn Olli Rehn (sem enginn kaus heldur). En hverju voru þeir að fagna?

Það eru a.m.k. tveir möguleikar:

a) Að yfirvöld í Madríd hafi ákveðið að velta drápsklyfjum á herðar spænskra skattgreiðenda til að bjarga evrunni, eða

b) Að hrun/uppgjöf Spánar geri þeim eftirleikinn auðveldari við að hirða til sín væna sneið af fullveldi evrulanda og skapa Stór-Evrópu.

Mig grunar að þeir hafi sagt a) en meint b). Hrun Spánar er vatn á myllu esb-brjálæðinga eins og Barrosos, sem gengur með heimsveldisdrauma í kollinum.