Trichet; evran verði styrkt með því að leggja evruríki niður í þrotabú með neyðarlögum

Evrópusambandið gæti styrkt myntbandalagið með því gefa embættis- og stjórnmálamönnum sambandsins heimild til að lýsa aðildarríki þjóðargjaldþrota og taka um leið yfir ríkisfjármálastjórn þeirra, segir fráfarandi seðlabankastjóri ECB-seðlabanka Evrópusambandsins, Jean-Claude Trichet, við fréttaveitu Reuters.

 

Áætlunin sem Trichet teflir fram myndi ráða bót á "tilvistarvandamáli" evrunnar sem samkvæmt fréttinni er það, að Evrópusambandið er ekki enn orðið eitt ríki með einni alríkisstjórn; mest sökum pólitískrar ógleði í aðildarríkjum þess. En þar munu menn samt kyngja ælunni, spái ég, því þeir geta úr því sem komið er ekki gert neitt annað. Það segir sagan okkur.

 

Valkostunn í þeirri stöðu sem komin er upp, segir Trichet, er að virkja og setja í framkvæmd alríkisvald Evrópusambandsins undir núverandi sáttmálalegum neyðarlögum, sem heimilt er að nota undir sérstökum aðstæðum, eins og t.d. þeim sem hóta sjálfri tilvist myntar og myntbandalags Evrópusambandsins; "e. Federation by exception"

 

Þessi lagalegu völd hafa þegar verið færð frá aðildarríkjunum og yfir til Evrópusambandsyfirvalda í þeim sáttmálum, lögum og sérstæða lagaramma sem aðildarríkin hafa þegar og margsinnis — en oftast ólesið — látið gabbast út í. Reyndar fólst þetta að meginuppistöðu þegar í fyrsta sáttmálanum sem undirritaður var og heitir Rómarsáttmálinn. Þetta var þegar mat mestu og bestu lagasérfræðinga bresku krúnunnar og utanríkisráðuneytis Stóra Bretlands árið 1957. En Rómarsáttmálinn fór að yfirlögðu ráði aldrei fyrir neinn "stjórnarskrárdómstól" í Þýskalandi, sem er ekki lýðræðisríki í eiginlegum anglo-sax skilningi.

 

"Alríkisstjórn undir neyðarlögum (Federation by exception) sýnist mér vera eini möguleikinn sem tryggja myndi sterkt myntbandalag sem eina heild í núverandi aðstæðum. Fyrirkomulagið myndi svo getað þjónað og hentað vel sem eðlilegur grunnur myntbandalags Evrópusambandsins í framtíðinni", segir Jean-Claude Trichet.

“It is a quantum leap of governance, which I trust is necessary for the next step of European integration,” he said.

 

Hér svitnar hinn einlægi ESB-aðdáandi Wolfgang Münchau meira og meira. Hann segist varla trúa sínum eigin eyrum og bendir á að "lausn" Trichet muni leiða til ofbeldis; we would expect extreme violence:

 

eurointelligence.com 18. maí 2012

Hér á landi ættu ESB-andstæðingar að nýta tímann vel. Til dæmis með því að segja ekki við sjálfa sig: "I am holding my position." Því, "We are not holding a Goddamned thing. Let the Aðfararstjórnina do that. We are advancing constantly and we are not interested in holding onto anything, except the enemy's balls

 

Hefðu forfeður okkar tapað baráttunni og ekki gefið út tvennar yfirlýsingar þjóðríkis okkar árin 1918 og 1944; þá sæti öll íslenska þjóðin nú í tárum yfir Íslendingasögum sínum.

Krækja

 

Reuters: Ex-ECB head unveils bold plan to save the euro og formáli hér

 

Fyrri færsla

 

Skandallinn RÚV: neyðarlending þess á herðum skattgreiðenda 

Athugasemdir

[Jón Steinar Ragnarsson, 20.5.2012 kl. 18:22]

Nú hefur sambandið gripið inn í alþingiskosningar á Grikklandi og breytt þeim í kosningar um Evruaðild samhliða.  Menn geta ekki einu sinni kosið til þings í sambandinu án þess að tilgangi kosninganna sé breytt að ofan og þjóðir látnar kjósa um eitthvað annað líka. Þetta er að sjálfsögðu lítt dulbúin hótun um að leggja landið í rúst ef þeir kjósa ekki "rétt" næst.

Hafi Grikkir einhverja glóru í kollinum og áróðursmáladeild ESB hefur ekki rænt þá viti og rænu með hræðsluáróðri sínum, þá kjósa þeir náttúrlega Evruna burt, en ég ætla ekki að stóla á það eftir allt eineltið og hryllinginn. 

Það læðist að manni einhver hugsun við að lesa pistil þinn og skoða það sem er á seyði að upp úr gröfum sínum séu gamlir Nasistar að rísa til að endurheimta forna frægð.

[Jón Steinar Ragnarsson, 20.5.2012 kl. 18:27]

Minni fer að gruna að hugmyndir hér um að kjósa um óskyld málefni samfara forsetakosningum og þá væntanlega samfara öðrum kosningum líka, séu komnar beint frá Brussel.  Nú liggur þeim á að taka stjórnarskrá landsins úr sambandi og fá heimild til fullveldis og valdaframsals samþykkta, þótt ekki sé minnst á þann lið í spurningalista umbeðinna kosninga. 

[Jón Steinar Ragnarsson, 20.5.2012 kl. 18:28]

Blitzkrieg a'la EU.

[Gunnar Rögnvaldsson, 20.5.2012 kl. 20:11]

Þakka þér Jón Steinar

Nei, ekki nasismi. Hann var afleiðing, en ekki orsök. Rétta orðið er að finna þarna í textanum hans Wolfgang Münchau; "imperialism". Gamla góða meginlandið og Sovétríkin

[Gunnar Heiðarsson, 20.5.2012 kl. 20:17]

Mann situr hljóðan við lestur greinar Stellu. Það er ljóst að frá upphafi kreppunnar átti að nota hana til að ná lokahnikknum, sameiningu evruríkja.

Þetta útskýrir þá vegferð sem í gangi hefur verið og Trichet, Merkel og Sarkozy eru höfundar að. Nú eru þeir Trichet og Sarkozy fallnir úr skaftinu en Merkel heldur enn merkinu á lofti!

Óvirðing þessa tríós við lýðræðið er algjört!!

Ríki sem myndað er með þessum hætti mun aldrei verða ríki. Þar mun ríkja stríðsástand!!

Það er vonandi að einhverjum vitibornum takist að snúa af þessari leið glötunnar, ef það er þá ekki þegar orðið of seint.

Það er spurning í hverju sú skoðun embættismanna ESB á því að Grikkland yfirgefi evruna felst. Hvort það sé einmitt hvernig þessari áætlun verði hleypt af stokkunum?

[Jón Steinar Ragnarsson, 20.5.2012 kl. 21:39]

Jú það er rétt Gunnar að afleiðingin er Nasismi eins og berlega má sjá í evrópu nú.  Milkilmennskuæðið og sukkópatían í tjáningum kommissaranna vakti þessa samlíkingu með mér. Uber alles, var einnig slagorð í Sovét og lítll munur á kúk og skít þegar þessi helfararhugmyndafræði er borin saman.  Almenningur dró alltaf stutta stráið í báðum tilfellum. Hvort tveggja anddemókrátískur despotismi og tröllaukin alltumfattandi ríkisbákn.