Skandallinn RÚV: neyðarlending þess á herðum skattgreiðenda

Til hvers er þessi stofnun? Hún hefur engan engan engan vilja né metnað til að sinna frumskyldum sínum. Að vera dyggur og trúr almannaþjónn og almannavörn þegar við liggur.

Frá neyðarlendingu þar sem 200 landsmenn okkar voru í háska birti RÚV eftir langan tíma til undirbúnings eina frosna mynd af einum frosnum manni á sjónvarpsskjá í nær tvo tíma þar sem skattpíndum áhorfendum gafst kostur á að hlusta á urgið í farsíma þeim sem stofnunin fann loks í ormagryfju ekkifréttastofunnar inn á milli pizzu-kassaklessuverks Evrópusambandsaðalstöðva ríkisstjórnarinnar við Hina efstu leti stillimyndarleika DDRÚV.

Á meðan fylltust vegir og götur af áhyggjufullum áhorfendum, ættingjum og vinum, því ekkert var lengi vel að sjá á DDR-skjá stofnunarinnar, nema eitt barn blautt á bak við bæði eyru að kynna kastljós svartholsins, sem fleytti þaðan út hefðbundinni forðu sinni yfir áhyggjufulla landsmenn.

Þessi truntustofnun gæti ekki varað landsmenn við eldgosi sem ætti upptök sín í aðalendastöðvum kommúnistaríkisstjórnar Íslands, þar sem sjálft RÚV er til húsa. Enda hafa landsmenn aldrei verið varaðir við hvorki ríkisstjóninni sjálfri, jarðskjálftum né eldgosum síðan RÚV bræddi úr sjálfu sér niður í malbikið til Brusselveldisins. Landsmenn hafa einungis verið varaðir við áskrift að Morgunblaðinu. Fréttafókus þessa fyrirbæris minnir mig á heilaþvottastöð.

Til fjandans með þetta fyrirbæli ef þetta á að vera svona. Ég neita að greiða fyrir þetta og vil fá raunverulegt Ríkisúvarp eða þá ekki neitt nema hið frjálsa framtak. Stór hluti útsendingartíma þessa fyrirbæris fer í að kynna og auglýsa sjálft sig. Er ekki kominn tími til að setja þessa stofnun í innheimtu? Hún gæti dúsað þar ásamt hinni gjaldþrota ríkisstjórn RÚV.

Hver stýrir þessu fyrirbæri!

Athugasemdir

[Helga Kristjánsdóttir, 19.5.2012 kl. 02:26]

orð með kristöllum,í tíma töluð.

[Hilmar Hafsteinsson (IP-tala skráð) 19.5.2012 kl. 09:56]

... ehem, Páll Magnússon DO-maður og FLokkssleikja.

[Sigurður (IP-tala skráð) 19.5.2012 kl. 12:52]

Comfortable and well-fed people are constitutionally disinclined for united action of any sort – a fact which explains the asinine meekness of the income-tax payer, ritaði Dorothy L. Sayers. En mikið lízt mér vel á þá ráðagerð Gunnars að greiða ekki fyrir RÚV. Ef til vill mætti einnig stinga upp á hávaðasömum mótmælum fyrir framan truntustofnunina. Ætli það væri til dæmis brot á lögreglusamþykkt að hlekkja sig við embættisbíl Páls Magnússonar?

[Eyjólfur G Svavarsson, 19.5.2012 kl. 16:22]

Það eru allir orðnir ansi leiðir á þessari stofnun, svo ekki sé meira sagt!!! Þessi stofnun verður að fara að breyta um takt, annars verður að gera hana að einkafyrirtæjki, það er alveg ljóst. Það er ekki hægt að láta Ríkisfjölmiðil níðast á landsmönnum!!!!

[Hrólfur Þ Hraundal, 19.5.2012 kl. 17:05]

Það er löngu komin tími á að setja þetta svokallaða Ríkisútvarp, sjónvarp í áskrift. 

Þá fá landsmenn að ákveða hvað þeir vilja borga mikið fyrir þennan vægast sagt hlutdræga fjölmiðil.  Þá fá landsmenn að ráða því sjálfir hvort þeir vilja styðja við þessa ræktarstöð vinstri manna á Íslandi. 

Þá væri mögulega til fréttateymi sem kynni að bregðast við svona atviki án þess að halda öllum í lausu lofti.  Þá hefði mögulega verið til á stöðinni fréttamaður sem vissi munninn á dekki og hjóli.

 

[Jón Baldur Lorange, 19.5.2012 kl. 18:03]

Ég verð að taka undir að útsending RÚV af þessum atburði í gær var mjög viðvaningsleg, svo ekki sé meira sagt. Það var ekki að sjá að þarna væri ríkisfjölmiðill á ferð, því miður.

[Gunnar Rögnvaldsson, 19.5.2012 kl. 18:44]

Þakka ykkur fyrir

RÚV, sýnist mér, er orðin hörmulega veruleikafirrt höfuðborgarsjoppa í vinstri- sósíaldemókratískum metrópólítanleik, með augnleppa á báðum og sendir út til höfuðs þjóðríki Íslendinga.

Stofnunin hefur ekki lengur neitt með almannahag allra landsmanna að gera. Komin úr tengslum við þjóðríkið sem setti stofnun þessa á laggirnar á sínum tíma. 

Kveðjur 

[H.T. Bjarnason (IP-tala skráð) 19.5.2012 kl. 18:45]

RÚV sætir gagnrýni vegna þess að það greindi frá lendingunni.  Ef RÚV hefði ekki gert það hefði það einnig sætt gagnrýni. 

[Jón Steinar Ragnarsson, 19.5.2012 kl. 20:00]

Bjarni: Rökvilla, fuglahræða og strámaður.  Rúv sætir hér gagnrýni fyrið það HVERNIG það sagði frá lendingunni. Síðan er eælilega bent á fenómenalt sleifarlag, meðalmennsku, metnaðarleysis og pólitískrar bakborðsslagsíðu stofnunarinnar. 

Það er ástæða til að óska ÍNN til hamingju með að vera komið framúr Rúv hvað varðar þessi atriði. Þótt ekki þýði það endilega að dagskrárgerð og metnaður hafi aukist þar á bæ.

[Hrólfur Þ Hraundal, 19.5.2012 kl. 20:36]

Það er ekki verið að gagnrýna fréttir H.T.B og ef allt væri með feldu hjá svokölluðu útvarpi allra landsmanna þá hefðu menn mögulega látið þennan fáránleika liggja á milli hluta, væri hann einstakur.