Vönduð evrópsk pressa um vitleysu

Hún er varhugaverð vandmeðvirkni pressunnar, því mest af henni fjallar um vitleysu. Hver í spegli tímans getur endursagt það sem hin vandaða evrópska pressa sagði um sjósetningu hinnar sameiginlegu myntar Evrópusambandsins? Hvað átti myntin ekki að lækna? Hverju átti hún upphaflega að ráða bót á? Og hvað sagði hin vandaða evrópska pressa í Noregi og víðar um þá ísöld sem frysta myndi Norðmenn niður, segðu þeir aftur nei. Hvað sagði evrópska sænska pressan um vesalings seðlabankamynt Svía, yrði henni ekki strax ekið úr vegi fyrir vandalisma þeim sem verklega er boðinn út til ókjörinnar útfarardeildar fullveldisins hjá Evrópusambandinu. Í sjálfum kirkjugörðum ESBríkja og stjórna þeirra er hamast nú.

Og síðan er það hin pressíska vandmeðvirkni pressunnar um að taka upp mynt annars ríkis. Sem í reynd er eins og að gefa ískrandi dyrum og gluggum varasalva barna þinna áður en þeim er sparkað úr húsi fjölskyldunnar. Vandaðar galdraþulur pressunnar um kosti og galla gluggaleysisins verður þá að panta sem arsenik á dósum frá galdramönnum Varasalvadoor.

Yfir spegil tímans í Evrópusambandinu hefur verið límt eitt stórt klístursmerki: Hið blágula asnamark Evrópusambandsins í Brussel. Það lýtur úrklippulögmálum pressunnar í Vouge. Óleti hinnar vönduðu erlendu pressu trúa of margir hérlendis fastar á en hið eina fullkomna heimsveldi okkar sanna Hurðaskellis.

Út og endurupprunninn er nú dagurinn þar sem steyttum hnefum embættis- og stjórnmálamanna verður þrykkt sem rauðum varasalva framan á fólkið áður en því er sparkað út úr húsi fullveldisins. Enda bandarískur dagur að upplagi. Vandaður vondur og nú um ekki neitt nema þá.

 

Enn verri dagar verða þó brátt í húsi haldnir; í hinu pólitíska vændishúsi vinstristjórnar Íslands. Þar mun sjálfstæði og fullveldi Íslands ekki eiga sjö daga sæla. 

Fyrri færsla

 

Ójarðtengd samanburðarárátta háir Íslendingum 

Athugasemdir

[Eggert Guðmundsson, 1.5.2012 kl. 21:09]

Það er rétt niðurlag þitt um verri daga sjálfstæðis okkar.  Það þarf að brýna sjálfstæðismenn og framsóknarmenn um að leggja fram vantraust  á ríkisstjórnina.  Ef hún er felld þá þarf að endurtaka það í næsta máli sem hún leggur fram o.s.fr,

Án þessa aðgerða mun vinstristjórn kollvarpa öllu í þessu samfélagi okkar. 

Stjórnaraðstaða á að hamra á lögbrotum (viðurkenndum)  ráðherra, og leggja fram tillögur til rannsoknar  á gjörðum framkvæmdavalds gagnvart sölu bankanna, sölu Sjóva, yfirtöku Byr og SpK.

Leggja fram tillögur UM AÐ endurkalla AÐLÖGUNARFERLI að ESB, á meðan skoðun fari fram á lögmæti hennar á grundvelli Stjórnarskrár.

Ef stjórnaraðstaðan gerir ekkert þá á hún ekkert erindi við okkur íslendinga.

[Helga Kristjánsdóttir, 2.5.2012 kl. 01:47]

Tek undir með þér Eggert,við verðum að brýna forystu stjórnarandstöðu,fara niður á þing,þetta fer að verða of seint,þess vegna gera gangskör strax.