Flogaveiki ECB: Vaxtaákvörðun um vaxtaákvörðun

Greinilegt er að stjórnendur ECB seðlabanka Evrópusambandsins vita ekki hvað þeir eru að gera. Þeir sjá ekki fortíðina, þeir sjá ekki nútíðina og þeir sjá ekki fimm mínútur inn í framtíðina. Þeir sjá heldur ekki sólina fyrir sjálfum sér. Því er bara ýtt á takka sem hækka stýrivextina í 17 löndum í hvert skipti sem þeir ættu ekki að gera það. Þetta er þeirra framlag til stofnunar Bandaríkja Evrópu. Að valda eins miklum skaða og hægt er sem síðan kyndir bálið undir hinum svo kölluðu "leiðtogum" Evrópusambandsins sem æða þá um 17 lönd evrusvæðisins eins og hundar í bandi þeirra fjármálamarkaða ESB sem seðlabanki Evrópusambandsins hefur lagt í rústir með verri en engri mynt, vanhæfni og spellvirkjum frá fyrsta degi þegar evran hrundi 30 prósent í gengi. Þar á eftir var myntvafningunum evru leyft að hækka um 100 prósent gagnvart Bandaríkjadal. Og hér er árangurinn; ný Sovétríki Evrópu í fæðingu. Þetta er Lenín aðferðin.

Þetta er í annað skiptið á örfáum árum sem seðlabankinn þarf að stroka út síðustu vaxtaákvarðanir sínar því þær voru svo heimskulegar. Fyrra skiptið átti sér stað stundarfjórðungi í hrun sumarið 2008 þegar vextir voru hækkaðir beint framan í ginningargap kreppunnar - og nú í seinna skiptið þarf bankinn að stroka út heilar tvær vaxtaákvarðanir; þ.e.a.s  hina veruleikafirrtu hækkun bankans þann 7. júlí 2011 og of litlu yfirbótar-lækkunina þann 3. nóvember 2011, fyrir fimm mínútum síðan.

 

Svo heldur ECB-bankinn áfram að gorta sig af "stöðugleikanum" og kraftaverkinu á Írlandi sem bankinn lagði í rúst, ásamt brunarústunum á Spáni, Portúgal og gangandi ríkisgjaldþrotinu í Grikklandi.

 

Firran er alger

 

Franco-British Fear of 1990 Reunification Coming True 

 

 

Stýrivextir á evrusvæði lækkaðir

Athugasemdir

[Ragnhildur Kolka, 8.12.2011 kl. 15:30]

Firnafínn stöðugleiki hjá þeim, sem gefur stöðugleika Hafta-Steingríms ekkert eftir.

[Jón Steinar Ragnarsson, 8.12.2011 kl. 17:24]

Athyglisverð grein. Þeir eig að leiða en samt ekki vera mestir. Þeir vildu gefa allri evrópu markið sitt af einskærri hjartagæsku en kölluðu það Evru til að forðast óþægilegar tengingar.

Boltinn er hjá þeim óhjákvæmilega, en það verður engin eining um úrræði þeirra. Það kemur loðin yfirlýsing eftir fundinn og allir verða rólegir. Allt verður gott á ný, eða hvað?

Ég ætla að hætta að pæla í þessu fram á manudag.

[Jón Steinar Ragnarsson, 8.12.2011 kl. 17:32]

Eru þeir ekki að taka þessa síðustu vaxtahækkun til baka svona til spari fyrir æleiðtogafundinn til að minnka spennuna. Kannski eru þeir bara í panikki að ýta á allskona hnappa til að sjá hvort eitthvað skeður eins og flugmenn í hrapandi vél.