Er Viðskiptablaðið á réttri leið?

Ég rakst á brot úr viðtali Viðskiptablaðsins við mann þar sem bandaríska hagfræðingnum Paul Krugman er lýst sem gerspilltum manni. Fyrst datt mér í hug að ég væri asni. En svo skildi ég hvað hafði gerst. Ég sá ekki allt viðtalið, en það tók mig hins vegar aðeins tíu mínútur að finna þetta hér. Ég vona að prentaða útgáfa Viðskiptablaðsins hafi gert grein fyrir að minnsta kosti einhverju af þessu. Óska ég blaðinu velfarnaðar. 

Einu langar mig til að slá hér föstu. Ég mun líklega aldrei ganga í "frjálshyggjufélag". Til þess er mér of annt um mannorð kapítalismans. Sannir svo kallaðir "frjálshyggjumenn" myndu með gleði dansa ofan á gröf kapítalismans til þess eins að geta fagnað sigri yfir mönnum eins og Paul Krugman, skyldi hann svo ólíklega vinnast. Hver sagði þetta? Jú gamlinginn hann Kenneth Galbraith. Og Winston gamli hefði tekið undir með honum, að minnsta kosti um þessar mundir - og undanfarin ár. 

Allt hefur sinn rétta tíma. Sinn tíma og stað. Oftast væri ég repúblikani byggi ég í landi Krugmans

En ég er íhaldsmaður 

(by trial and error)

Athugasemdir

[Guðmundur Kjartansson, 6.12.2011 kl. 11:44]

Krugman er eins og Stieglitz: Eindreginn ríkisafskiptasinni, sósíalisti í hugsun, með hreintrúa skömm á einkaframtaki hverju nafni sem nefnist.

Og þá vitum við af hverju þeir eiga opið boðskort í hanastél hjá áhangendum sínum sem stjórna á landinu bláa.

[Gunnar Rögnvaldsson, 6.12.2011 kl. 13:32]

Takk fyrir innliitð Guðmundur 

 

Nú bjó ég og stundaði atvinnurekstur í 25 ár í hagkerfi sem engin verkfæri átti eftir í verkfærakistu sinni nema ríkisafskiptin. Þetta var ESB- og myntbandalagslandið Danmörk. Það missti peningapólitíkina, gengið hvarf, peningapólitískum vöxtum þess er stýrt símleiðis frá Frankfurt með 15 sekúndna seinkun og landið situr pikkfast með ríkisfjárlögin í spennitreyju ESB. Ekkert er eftir nema ríkisafskiptin af öllu og niður í minnstu smáatriði lífsins. Landið er komið á gaddinn. Þar er ekki hægt að búa til forsendur fyrir hagvöxt lengur því þær krefjast verkfæra. 

 

Eitt af framlögum Paul Krugmans er að hafa bent mönnum á að missi maður það vald sem er helsta forsenda hagfræðikenninga Keynes, þá eru það einmitt og aðeins ríkisafskiptin af lífi þegnanna ein sem eftir eru í verkfærakistu stjórnvalda.

Krumgan er maður frjálsra markaða. En þeir eru bara ekki eins fullkomnir og margir freistuðust til að halda. Því er ég sammála - og án þess að "gerspillast".

 

Hér er ágætis lesning eftir Krugman. Hún er umhugsunar verð á þessum viðsjárverðu tímum: The Instability of Moderation

 

Kveðjur