Óstarfhæfur fjármálamarkaður evrusvæðis

 

Frá og með síðustu viku er ríkisskuldabréfamarkaður evrusvæðisins óvirkur, ónothæfur og óferjandi (e. non functioning sovereign bond market). Ríkissjóður Ítalíu hefur misst aðgang að alþjóðlegu fjármagni á viðráðanlegum kjörum. Bankar heimsins sturta ítölskum ríkisskuldabréfum í sjóinn eins og um geislavirkan úrgang væri að ræða. Portúgal hefur verið fryst úti frá fjármálamörkuðum heimsins í tæp tvö ár. Írland er í sömu aðstöðu. Spánn stendur og andar í hnakka Ítalíu. Slóvenía er að lokast af frá umheiminum með 200 punkta hækkun á lántökukostnaði ríkisins síðan í október. Slóvakía sá sér ekki fært að samþykja nein tilboð á ríkisskuldabréfamarkaði í gær. Tilboðin voru svo léleg í 5 ára bréf ríkisins. Grikkland er eins og þið vitið; þarf að borga 248 prósent vexti til að fá tíkall að láni í eitt ár. Og Kýpur er á leið í þessa messu. 

Hvað eiga öll þessi lönd sameiginlegt? Jú, þau eru öll í Evrópusambandinu og myntbandalagi þess. Þau ösnuðust öll til að taka upp mynt dauðans; evruna. Það á maður ALDREI að gera. Evran er einstefnu Bifröst til helvítis. 

 

Sem sagt, hér eru evrulöndin í stöðugleikanum. Fleiri varnarlaus fórnarlömb evrunnar bætast í hópinn, bráðum. 

1. Írland (atvinnuleysi 14,2%)
2. Ítalía (atvinnuleysi 8,3%)
3. Spánn ((atvinnuleysi 22,6%)
4. Portúgal (atvinnuleysi 12,5%)
5. Grikkland (atvinnuleysi 17,6%)
6. Slóvakía ((atvinnuleysi 13,5%)
7. Slóvenia (atvinnuleysi 8%)
8. Kýpur (atvinnuleysi 7,8%)

"Evrukreppan er bara rétt að byrja", segir danska dagblaðið Børsen. Nú ríður ekki mest á að einangra hin svo kölluðu jaðarlönd evrusvæðis frá kjarnalöndum þess. Það sem skiptir höfuðmáli nú er að setja myntbandalag Evróusambandsins í sóttkví frá umheiminum svo það sprengi ekki efnahag heimsins í loft upp, segir blaðið.

 

Evran er að verða eins konar ebola vírus fyrir þjóðríki evrusvæðisins. Hún leysir löndin upp ellegar gerir kál úr tilveru íbúanna.

 

Bendi hér á ágætis pistil Nouriel Roubini: Down with the Eurozone

Athugasemdir

[Guðmundur Ásgeirsson, 15.11.2011 kl. 02:31]

Hér sést hvernig "ávinningur" af sameiginleigu myntinni er horfinn:

Og svo REUTERS: EFSF denies report that it bought its own bonds

"The EFSF did not buy its own bonds and the book was 3 billion euros," an EFSF spokesman said, referring to the 3 billion euros raised in last Monday's 10-year bond issue.

Viðbrögðin: EFSF Denies It Is An Illegal Pyramid Scheme

Og sjá nánar TV Tropes: Suspiciously Specific Denial

[Helga Kristjánsdóttir, 15.11.2011 kl. 03:00]

    Gott að sjá, þótt tilvera íbúanna sé aumkunarverð, Þakka ykkur.

[Gunnar Rögnvaldsson, 15.11.2011 kl. 17:31]

Kærar þakkir fyrir innlitið Guðmundur og kveðjur þínar Helga.

Það versta við efri myndina Guðmundur er það að evruaðildin gerði þessum ríkjum kleift að stofna til skulda á þeim forsendum að evran væri þeirra eigin mynt sem veitti þeim sömu kosti eins og þau lönd njóta sem skulda alfarið í sinni eigin mynt og geta prentað hana að vild og stýrt vöxtum í hagkerfi sínu.

Þessi evruríki hefðu með réttu átt að fá sömu meðferð á ríkisskuldamarkaði eins og nýmarkaðslönd, sem mega helst ekki skulda meira en 30-50 prósent af landsframleiðslu sinni í mynt sem þau eiga ekki sjálf. Að komast út úr þessum vanda getur kostað þau sjálfstæðið.  

[Gústaf Níelsson, 16.11.2011 kl. 00:06]

Og hvaða ríki og landsvæði eru þetta Gunnar? Jú þau sem hafa hvort sem er verið fátækust í Evrópu frá lokum síðari heimsstyrjaldarinnar og reyndar löngum áður.