Tvö bankahrun á evrusvæðinu um helgina

Dexia; Stórbankinn í eigu Frakka, Belga og Lúxa

Þessum stórbanka sem að mestu hefur stundað lánveitingar til ríkja og sveitafélaga hafði áður verið veitt neyðaraðstoð árið 2008. Og þessi evrulands stórbanki stóðst með glans álagsprófanir seðlabanka Evrópusambandsins fyrir aðeins þrem mánuðum og fimm sekúndum síðan.

 

Að þessi sinni komu þrjár ríkisstjórnir evrulanda þeysandi að björgun bankans um helgina með því að búta hann í sundur svo hvert ríki fengi útaf fyrir sig eitt munnstykki hvort til að blása fjármunum skattgreiðenda þar inn um. Bankinn var sem sagt þjóðnýttur að hluta til í þrem löndum og er nú kominn hærra í súrheysturn mikillar menntunar. Kominn alla leið í þekkingarsamfélagið. Öll þrjú hafa löndin verið í ESB og evrum frá upphafi.

 

Max Bank í Danmörku 

 

Max banki í Danmörku brá sér í gjaldþrot á laugardagskvöldið. Það síðasta sem hluthafar og fjármálaeftirlitið heyrði frá þessum banka í ágúst var það að allt gegni svo vel og að bankinn væri á réttri leið. En eins og við höfum áður séð; Þeir bankar í Danmörku sem hafa verið viðriðnir fasteignamarkaðinn virðast geta farið á hausinn á nokkrum klukkustundum. Þetta er þá níundi bankinn sem fer í þrot í Danmörku og þá eru 99 eftir. Danmörk hefur verið í ESB síðan 1973 og í tveim af þrem fösum myntbandalags Evrópusambandins síðan 1. janúar 1999 (ERM II).

• Október 2011 Max Bank
• Júní 2011 Fjordbank Mors
• Febrúar 2011 Amagerbanken
• Nóvember 2010 Eik Bank Danmark
• Mars 2010 Capinordic
• Ágúst 2009 Fionia Bank
• Febrúar 2009 Løkken Sparekasse
• September 2008 Ebh Bank 
• Ágúst 2008 Roskilde Bank

Vinsælustu lög þjóðríkjanna á evrusvæðinu hafa nú verið flutt um borð í ESB Titanic; Hér er eitt þeirra í flutningi Max Raabe

 

1929

 

Quick-fix will create a political monster 

 "The eurozone’s experience of rules-based governance has been a disaster." [ - ] "The minimally sufficient regime is subject to an unalterable paradox: it is motivated by a search for a solution that is politically more acceptable than a fiscal union. Yet, in designing such a system you end up with a political monster"

Wolfgang Münchau - 9. október 2011

 

Athugasemdir

[Júlíus Björnsson, 10.10.2011 kl. 20:59]

Bruttoinlandsprodukt á Vesturlöndum, byrjaði að minnka að raunvirði um 1970 , um 2000 byrjaði hún svo að minnka að magn á Vesturlöndum meira í  EU meðaltalinu, en í  UK og meira í í UK en USA. Hinsvegar er meðal vöxtur fyrir allan heiminn á sama tíma um 2,0%, og Þá eru það almennir Kínverskir, Indverskir og Brasilískir neytendur sem er að auka tekjukaupmátt sinn.

Þjóðverjar hafa örugglega verið búnir að sjá minnandi framboð af hráefnum og orku myndi lenda mest á Evrópu fyrir löngu.  Þetta skýrir hversvegna þeir píndu Frakka á sínum tíma til að fallast á útvíkkun þótt inn kæmu ríki alvarlega efnahagslega veik.  

Bankar sem láta sig dreyma um að veðmæti bréfa þeirra geti orðið meira en raunverðmætaframleiðsla í framtíðinni  eru nú að falla hver á fætur öðrum. Hinsvegar þeir sem heimtuðu bestu veðin fyrir 2000 mun rísa upp aftur til að bjarga neytendum á Vesturlöndunum. Þeir mun án efa vera margir þýskir.  Svo fara öll undirmálsríkin og elítur þeirra á 110% leið "forever".     Bankabréf sem vísa á meiri tekjueftirspurn  á sínum mörkuðum í framtíðinni er að sjálfsögðu ekki arðbæri ef samdráttur er staðreynd. Þetta er loftbólu eignarhald: uppsafnaðar ávöxtunar væntingar.   EU er markaðssetning [tilgangur sem helgar meðalið] til að tryggja langtíma hagsmuni höfunda Ríkja og hæfs meirihluta fyrst og fremst.  Störf sem tapast í fjármálgeira mun birtast í störfum tengdum hernaði sem er ódýrara strafsmannahald  í heildina litið. Hér ættum við skera niður fjármálafæturnar sem fyrst og og segja upp ESS, og gera einhliða samning við Brussel um áframhaldandi viðskipti. Dreifa eggjum á fleiri álfur hlutfallslega jafnt.