Einangraðir í fögrum dal - fyrir utan ESB

Skagfirðingar eiga voðalega bágt. Þeir eiga jú við þennan einangrunar kór að stríða, sem nú er stjórnað af einangrunarsinnanum Helgu Rós Indriðadóttur sem lærði einangrunarfræði afdalamennskunnar við Tónlistarháskólann í Stuttgart (all the way from Stuttgart, ja?). Kórinn nýtur einnig einangrunar Tómasar Randal Higgersonar við undirleik sem og aðra einangrun Skagfirðinga. Myndasafn kórsins vitnar einnig um hina djúpu einangrun Skagfirðinga. Og svo eru það Fljótin.

 

Í fögrum dal hjá fjalla bláum straumi

ég fríða meyju leit í sætum draumi;

það blöktu lausir lokkar um ljósan meyjar háls;

með blíðubros á munni hún byrjun tók svo máls:

"Sæludal sólar geislar hlúa,

sæludal sælt er í að búa."

 

Um brattan tind þótt blási köldum anda,

ei byljir storma dalnum fagra granda,

því honum helgar vættir með hlífðar skýla arm,

og hér er hlýtt í hlíðum og heitt við meyjar barm;

hjarta trútt hafa snótir dala,

hjarta trútt, hreint sem lindin svala.

 

Piltur og Stúlka; Emil Thoroddsen (1898-1944) - Sönglög úr sjónleiknum Piltur og Stúlka - Jón Thoroddsen (1819-1868)

Ljúft og yndislegt, Heimir. Hattur ofan . .  

Tengt efni:

Felutryggingaálagið á Sjálfstæðisflokkinn hækkar

Athugasemdir

[Jón Steinar Ragnarsson, 9.6.2011 kl. 01:57]

Takk fyrir þetta Gunnar.

Að launum er ræða Nigel Farage á þingi Evrópuandstæðinga í Þýskalandi. Jamm...Þýskalandi.

[Jón Steinar Ragnarsson, 9.6.2011 kl. 02:15]

Er ekki komið tæm á að fá karlinn hingað?  Kannski í næstu þingbyrjun.

[Halldór Jónsson, 9.6.2011 kl. 08:00]

Takk fyrir myndbandið með Heimi Gunnar. Rosalega fallegt.

Hvor er höfundurinn að ljóðinu, Jón eða Emil?

[Valdimar Samúelsson, 9.6.2011 kl. 10:05]

Ég hefði vilja fá Niger Farage hingað. Hann lýgur ekki. 

[Hólmsteinn Jónasson (IP-tala skráð) 9.6.2011 kl. 10:08]

Did not our establishment laugh at the Icelanders and warn that Iceland was a “basket case”? We were told that we were going to be “protected” by the euro in the crisis. Nothing could be further from the truth. The fact is that the euro is now a straitjacket and, without room to manoeuvre, our economy will not recover. Meanwhile Iceland has its own currency, gave two fingers to the bondholders and is moving ahead “impressively”.  http://www.davidmcwilliams.ie/2011/06/08/too-much-regulation-will-stifle-our-banking-sector

[Þorkell Guðbrandsson (IP-tala skráð) 9.6.2011 kl. 13:10]

Þykist vita að Halldór Jónsson verkfræðingur viti betur þótt hann spyrji, en auðvitað hefði síðueigandi átt að geta um að ljóðið er eftir Jón Thoroddsen en snillingurinn Emil Thoroddssen höfundur lagsins. Hann hefði mátt lifa lengur. En það er hinsvegar annað, sem veldur því að ég set hér inn "komment" sem er yfirleitt ekki siður minn heldur hitt, að það væri í lagi að geta þess að höfundur ljósmyndanna er Hjalti Árnason, sem nú starfar sem yfirlögfræðingur Byggðastofnunar. Hann er afkastamikill ljósmyndari og einkum hafa landslagsmyndir hans vakið athygli.

[Gunnar Rögnvaldsson, 9.6.2011 kl. 13:45]

Þakka ykkur fyrir innlitið og þér Þorkell. Nú er bókhaldið komið í lag.

Lagið er hreint ótrúlegt, hlýtur að vera erfitt að syngja það, en ljóðið er "hreint sem lindin svala".

Í fyrstu fannst mér ljóðið vera lengra, miklu lengra. En þegar maður svo heyrir kórinn syngja það þá rennur upp fyrir manni hve erfitt það hlýtur að vera að syngja aðeins 12 línur á tæpum þrem mínútum, með svo að segja engum endurtekningum. Lagið er eiginlega Wagner class, finnst mér.

Kveðjur

[Gunnar Rögnvaldsson, 9.6.2011 kl. 14:06]

Ein smá kredit-færsla; upptakan er líklega gerð á kórstjórnartíð Stefáns Gíslasonar, ég giska á það en alveg án þess að vita það nákvæmlega. Hef það mér til afsökunar að hafa verið svo einangraður í úttlöndum lengi.

[Árni Gunnarsson, 9.6.2011 kl. 15:07]

Lagið er ekki skagfirskum tenórum erfitt. Skagfirðingar eiga óvenju marga háa og mjúka tenóra. Það viljum við áhugamenn um erfðir og ættfræði að nokkru tengja við kynsælan bónda sem Borgar -Bjarni var nefndur vegna búsetu um nokkur ár á Sjávarborg.

Síðan er spurning hvort erfðir eru sóttar lengra aftur? Jón Ögmundsson Hólabiskup kvað "betur en páfinn" og var líklega upphafsmaður að fyrsta söng-og tónskóla Íslands.

[Gunnar Rögnvaldsson, 9.6.2011 kl. 15:22]

Takk Árni. Áfram bætist við hjá mér.