Icesave eldveggir settir upp í Evrópusambandinu

Þar sem Írland gekk í ESB og þar sem Írland tók upp evrur og þar sem Írland er að kröfu fjármálamarkaða Brussels að skera hagkerfi sitt á háls svo sem mest blóð hætti að streyma til heilans svo hann spari nú súrefnið sem kostar svo mikið í ESB - já - þá hlýtur landið að vaða í klofstígvélum um bústnar myntlendur sínar í erlendu lánsfé. Ekki satt? En nei, það er ekki satt. Írum er ekki treyst fyrir einni evru yfir nóttina á fjármálamörkuðum heimsins. Fjármálakerfi Írlands er lokað af frá umheiminum. Hvað skyldu samtökin Sterkara & Áfram Írland segja nú? Ef þau þar að segja væru til, sem ég efast stórlega um.  

 

“A firewall is what we are hoping for and the price action in the markets appears to support it,” 

 

Þar sem Portúgal gekk í ESB og þar sem Portúgal tók upp evrur og þar sem Portúgal er að verða gjaldþrota vegna þess að það tók upp öllum þessum evrum of mikið - já - þá undirbúa allir þeir fjármálamarkaðir Brussels sem alltaf sögðu Portúgal að svo lífsnauðsynlegt væri að ganga í ESB og taka upp evrur, því annars myndi landið einangrast frá öllu - já - þá undirbýr þetta sama ESB uppsetningu fjármálalegs eldveggs umhverfis landið inni í miðju öryggisbúri þess í myntbandalagi Evrópusambandsins. Evruríkin undirbúa fjármálalegan eldvegg gegn evrulíkinu Portúgal. Er þetta ekki yndislegt? Lengi má myntina þá reyna. Hvað segir Sterkara & Áfram Portúgal nú? 

 

Reyndur maður rak fjármálafyrirtæki í Evrópu. Þegar mikið fjármálahrun skall eins og flóðbylgja á mörkuðum heimsins á níunda áratug síðustu aldar, kom aðstoðarmaður hans hlaupandi inn á skrifstofuna og hrópaði: Allt er að hrynja, markaðurinn er allur að hrynja, hvað ætlarðu að gera? Maðurinn horfði undrandi á aðstoðarmann sinn og sagði: Hvað ætla ég gera? Ég hef verið í Auswitch!

 

Krækja Bloomberg; Spain Is Building Contagion ‘Firewall 

 

Paul Krugman; 

The Euro Straitjacket - Suffering from a single currency. 

The Austerity Delusion - The confidence fairy won’t save us from the consequences of our folly

 

Fyrri færsla

 

Af síðustu salernisferð evru

Athugasemdir

[Ómar Geirsson, 28.3.2011 kl. 14:24]

Flottur Gunnar eins og alltaf.

Já, þetta er stormur í vatnsglasi í dag, en verður fárvirði ef menn ætla sér að skuldaþrælka heilu þjóðirnar.

Illu heilli átti slíkt aldrei að gerast. 

Það þarf að hugsa hlutina upp á nýtt.

Kveðja að austan.