Algerlega lokað á öll erlend lán til Landsvirkjana og bankakerfis Portúgals

"According to the central bank, Portuguese banks have not succeeded in making any international debt issues since April 2010."

  

Mynd: Orsök ófara Portúgals: m.a. röng peningastefna seðlabanka Evrópusambandsins í Portúgal 

 

Financial Times skrifar að Standard & Poor’s hafi lækkað lánshæfnismat fjögurra portúgalskra ríkisfyrirbæra niður í ruslflokk. Um er að ræða samgöngu- og orkufyrirtæki eignarhaldsfélaga portúgalska lýðveldisins. 

• Rede Ferroviária Nacional - landsnet járnbrautarkerfi
• Comboios de Portugal -  rekstur járnbrauta landsnets
• Metropolitano de Lisboa - samgöngur höfuðborgar
• Parpública - eignarhaldsfélag í m.a. orku

Segir S&P að herra eigandi fyrirtækjanna, portúgalska ríkið, sé ófært um að styðja við rekstur þeirra því hvorki ríkið sjálft né bankakerfi landsins hafi aðgang að erlendum lánum til svona rekstrar. Peningar portúgalska ríkisins fara í að reyna halda ríkisjóði landsins frá gjaldþroti. Vaxtagreiðslur vegna eldri lána, með útgáfu nýrra ríkisskuldabréfa, ganga því fyrir í samkeppninni um peningana í hálsbrjótandi tilveru landsins í Evrópusambandinu.

 

Mynd: Trading Economics: Vaxtakostnaður Portúgalska ríkisins frá janúar 1997 til mars 2011: 10 ára ríkisskuldabréf.

Samkvæmt upplýsingum frá seðlabanka Portúgals hefur allt portúgalska bankakerfið ekki haft neinn aðgang að erlendum lánum síðan í apríl á síðasta ári. Portúgalska evrubankakerfið hefur því verið fryst úti frá erlendu fjármangi í næstum heilt ár. Þetta gerist þrátt fyrir - en í sannleika sagt vegna þess - að landið er í Evrópusambandinu, hefur tekið upp myntina evru, og er þar með sjálfviljugt gengið í peningalegt pyntingafélag ESB-landa. Það hefur afsalað sér öllu fullveldi landsins í mynt, vaxta og peningamálum um alla framtíð. Landið er sem sagt gengið í Evrópusambandið sem sumir halda ennþá að sé tollabandalag. 

 

Enginn þegni Portúgals hefur nokkurn tíma verið spurður að neinu í sambandið við neitt sem viðkemur Evrópusambandinu. Þegar stjórnarskrá Evrópusambandsins var þvingað yfir höfuð 500 milljón íbúa landa Evrópusambandsins, þá ætluðu stjórnvöld að spyrja portúgölsku þjóðina. En þá kom í ljós að stjórnarskrá Portúgals var samin af Steingrími J. Sigfússyni. Þar með var ekki heimild fyrir því að spyrja þjóðina um mál er varðar alþjóðlega sáttmála. Þjóðaratkvæðagreiðslunni var því frestað en í millitíðinni samþykkt af ESB-elítunni samkvæmt hefðum lýðræðisins í Evrópusambandinu. Hún, stjórnarskrá ESB, er því samþykkt í Portúgal.

Allt Evrópusambandið er byggt upp svona, meira heldur en minna, eða álíka og Frakkland var undir Adolf Hitler; þ.e. tvískipt landslag hugarfars. Lækningunni á djúpum sárum Frakklands síðan þá, er ennþá ólokið.

Kínverjar Evrópu, þ.e.a.s. Þýskaland, sem enn heldur sér marrandi ofansjávar með falsaðri gengisskráningu þýska hagkerfisins, geta hér bráðum komið í gegnum frægt beinagrindasafn gjaldþrota Landesbanka-kerfis Þýskalands, og keypt sér innviði portúgalska lýðveldisins fyrir heiðarlega fengnar evrur.

 

Þetta mun gerast algerlega óvænt eða eins álíka ófyrirsjáanlega og þegar forysta Vinstri grænna, sem er helsti kosningasvikari íslenska lýðveldisins, mun fá skyndilegar fréttir um breytt eignarhald á innviðum lýðveldis okkar. Þetta gerist þó varla fyrr en eftir að Vinstri grænum hefur tekist að ljúga Íslandi inn í Evrópusambandið af ófyrirleitinni valdaklíku flokksins. 

Formaður Vinstri grænna - sem kennir sig við góða stjórnarhætti þegar af honum bráir á kosningadögum fyrir framan kjós endur sem hann þá gefur brauðið sem hann fékk að láni hjá börum -  hefur nýlega myndað bandalag með forystusmjörlíkisklessu Sjálfstæðisflokksins, Bjarna Benedikssyni Jr. Saman ganga þeir út frá því að ávalt eigi að stjórna gegn vilja fólksins sem kaus þá. Hið nýja verktakafyrirtæki Steingríms J. og Bjarna B. Jr. heitir Bolverk Eignarhaldsfélag Icesave V/S. Ríkisstjórnarfyrirtækið DDRÚV sér um ímyndar kynningu á verkefnum félagsins. Gratís og við hvert tækifæri sem gefst. Þá mun Portúgal rætast. 

 

Tegnt

 

Portúgal: Myntbandalagið: Kirkjugarður ríkisstjórna Evrópu

WSJ: One-Size Monetary Policy Rarely Fits All 

 

Krækja

Financial Times: Ratings on Portuguese utilities cut to junk

 

Athugasemdir

[Júlíus Björnsson, 7.3.2011 kl. 08:39]

Ég tel þetta vera afleiðingar regluverks Þjóðverja og Frakka. Þar sem öll fyrirverandi non profitt ríkisfyrirtæki eru færð úr ríkis efnahagsreikningi [skuldirnar hverfa til að byrja með] á séreignarform, einnig verða allar einingar stjórnsýslunnar sjálfsábyrgir [fjárráða] rekstrar aðilar að nafninu til.  Skýring að efli ábyrgð nýrra yfirstjórnenda. Síðan geta þeir út á samning við ríkið m.a. gert ráð fyrir föstum tekjum næstum næstu árin.  Þá geta eingarnar leitað í gervi-einkabanka með fjármögnunar bréf til sölu og banki kemur þessum bréfum í umferð í EU kauphallarnetinu, hlutverk þjóðar Seðlabanks undir Brussel er m.a. að selja meðmæli með þessum lántökum.   Síðan geta allir stórir bankar í EU boðið í bréfin á netinu. Þetta er frelsi sem sterk hollust ríki standast betur en hin þar sem síu kerfi eru ekki lengur í gildi mótunar uppeldi þegnanna. Veikir Ríkið sem eina stóra einingu og spilar á meðalgreinda heila nútímastjórnmála manna. Allir vita það stóru kauphallar kreppurnar koma á 25 -45 ára fresti, nema illa grunnmenntaðir eða ekki fæddir í réttu fjölskyldunum. Fyrstu einkenni djúprar kreppu eru að vextir á langtíma Prim lánum [ raunvextir < 2,0%] fara að hækka. Hagnaður fyrirtækjum sem snúa að millistéttinni fer minnkandi. Þetta var nú allt í farveginum um 1983 utan Íslands. Ég las ekki lög og reglur EU fyrir en eftir hrun, en samt vissi ég alltaf að eitthvað skrýtið var við góðærið sem einskorðast við Ísland. Hér voru allir geirar á innlandsmarkaði að bull græða öfugt þá erlendis.  Svona efnahagstríð hefðu kostað vopnuð átök fyrir dag kjarnorku og ættsmárra ráðamanna.