Ríkisstjórn myrkraverka sækir um aðild að stærra vandamáli

Fyrst Evrópa hefur átt og á enn við svona mikil vandamál að stríða, að hún - samkvæmt stjórnmála- og embættismannastétt ESB - þarf heilt Evrópusamband með öllu tilheyrandi, til að reyna að lækna vandamálin, af hverju, já af hverju vill þá Samfylkingin og Vinstri grænir ganga inn í þetta vandamál? Af hverju vilja þeir sækja um aðild að vandamálinu? 

Langar stjórnmála- og embættismannastétt sósíalista og kommúnista Samfylkingar Vinstri grænna svona mikið inn í aðild að þessu eilífðarvandamáli Evrópu vegna þess að vandamálin hér heima eru svo smásmuguleg að ekki tekur sig að leysa þau? Þarf að búa til ný risavaxin vandamál handa þessari stétt? Sérferð handa þessum fáu sem fóru á mis við síðasta stóra misfóstur heimsins? Er það þetta sem þeim vantar. Stærri vandamál?    

Evrópusambandið var stofnað sem eins konar hjálpartæki Þýskalands og Frakklands. Það átti að reyna - og einungis bara reyna - að gera þessum tveim löndum kleift að búa í sömu bygginu. Þetta er eins konar hækja handa fötluðum sem þessir tveir krónískt mölbrotnu sjúklingar Evrópu nota í neyð sinni. En því miður. Þrátt fyrir þessar hækjur er Evrópa á góðri leið með að sprengja sig í loft upp aftur. Eina ferðina enn.

Viðhorf marga nágrannaríkja þeirra hefur verið það að fyrst þessi tvö lönd ganga um á báðum mölbrotnum - og með hækjur - þá hljóta hækjur að vera góðar. Alveg burtséð frá eigin heilsufari. 

En viðhorf Samfylkingarinnar og Vinstri grænna er hins vegar svona; "Mamma mamma, ég fór yfir í næsta hverfi og þar ganga allir, já alveg allir, um með hækjur. Ég vil fá hækjur."   

En ríkisstjórn sem gengur erinda annarra ríkja, hundsar algerlega vilja þjóðarinnar og hagsmuni hennar, er þegar orðin hækja og skækja. Hún er orðin verri en engin ríkisstjórn. Þessi ríkisstjórn hefur nú sýnt sig sem verandi þjóðfjandsamleg og stórhættuleg Íslandi. Þessi Icesave ríkisstjórn er Vinstri grænir og Samfylkingin. Hún er lýðveldi og lýðræði okkar hættuleg. Þessi ríkisstjórn er hættuleg öllu heiðarlegu fólki með jarðsamband við rétt og rangt. Hún er börnum Íslands óholl. Þau munu skammast sín fyrir þetta fólk. 

Þetta minnir allt saman - frekar óneitanlega og óþægilega - á myrkraverk í Moskvu.

 

Fyrri færsla

• Nokkur vel valin orð um land, fjármálaeftirlit og regluverk í Evrópusambandinu

Athugasemdir

[Bjarne Örn Hansen (IP-tala skráð) 13.12.2010 kl. 17:35]

Þegar svíþjóð fékk sitt hrun, 1993, þá má segja að þeir hafi þurft að ganga á hækjum síðan.  Þeir eru enn að éta út peninganna sem þeir fengu fyrir iðnaðinn sinn ... og þær krónur eru að verða búnar.

Ísland varð líka fyrir hruni, og nú er verið að bjóða Íslandi hækjur til að ganga við ... svo Ísland geti verið á hækjum það sem eftir er æfinnar.

Hvaða aðrir valkostir, en hækjur, eru til umræðu?

[Gunnar Rögnvaldsson, 13.12.2010 kl. 18:29]

. 

Nemlig, Bjarne.  

Vel að orði komist.

[Valdimar Samúelsson, 13.12.2010 kl. 21:02]

Gott hjá þér. Skötuhjúin hafa brotið 14 greinar samtals og oft sumar. 3 til 4 í stjórnarskránni, 3 í hegningalaga bálkanum, 7 í lögum um ráðherraábyrgð. Það þarf að koma þeim undir lás og slá.

[Guðmundur Ingi Kristinsson (IP-tala skráð) 14.12.2010 kl. 00:32]

Ertu til í að skrifa texta sem ég og aðrir ómenntaðir skiljum og gefa svo út ljóðabók fyrir jól þar sem þú kemur þínum lóðræna texta til skila fyrir 101. Það  er ljótt að skilja útundan.