Landris Steingríms kaffærir Írland á ný

Landsframleiðsla Írlands féll um 1,2% á milli fyrsta og annars fjórðungs á þessu ári. Þessu sagði írska hagstofan frá í dag (1). Þá hefur landsframleiðsla Írska evruhagkerfisins dregist saman á 10 af síðustu 12 ársfjórðungum. Landsframleiðsla þessa fræga evrulands hefur því dregist saman um 11,3% frá því á öðrum fjórðungi ársins 2007.

Atvinnuleysi á Írlandi er á bilinu 13,6 til 14%. Landsflótti er 65.000 manns á milli ára. Írum hefur fækkað um 34.500 manns nettó á milli ára. Þetta er mesti landsflótti síðan 1989, sagði írska hagstofan í fréttatilkynningu á þriðjudaginn (2).

Hvað skyldi hafa komið fyrir Írland? Fækkar Írum svona vegna þess að allir eru þar í stanslausum innkaupaferðum til útlanda - með alla vasa fulla af evruseðlum? Hvað er að? Getur það nokkuð verið að evrubankakerfi landsins sé hægfara að hrynja ofan á írsku þjóðina?

Eða eru það Steingrímur og Jóhanna sem eru að kaffæra Írland í brotsjó frá landrisi skattahækkana á Íslandi? Eins konar nýju Surtseyjargosi kolsvartra peninga sem sprautast út um og yfir hafið? Er Skjaldborgargos nokkuð hafið? Eða er þetta bara evruskjól Jóhönnu í praxís? 

Tengt efni

 

Sannleikurinn um efnahagsmál Írlands

 

Fyrri færsla

 

Fyrrv. fjármálaráðherra Þýskalands: Grikkland fer í ríkisgjaldþrot, sama hvað ESB segir. 

Athugasemdir

[Haraldur Hansson, 24.9.2010 kl. 00:19]

Það verður ekki fyrr en ástandið á Írlandi verður orðið enn alvarlegra sem hörðustu aðildarsinnar munu hugsanlega sjá að evruskjólið er ekki ekta.

Það sem er alvarlegra er að Brusselvaldið notar öll tækifæri sem kreppan gefur til að auka pólitíska samrunann. Nú á að skipa varðhunda (watchdogs) til að líta eftir fjárlögum ríkjanna. Hvað næst?

[Gunnar Waage, 24.9.2010 kl. 00:20]

Alltaf góður Gunnar minn. Hér er upprifjunn Kúkum á kerfið

[Einar Björn Bjarnason, 24.9.2010 kl. 03:29]

Ég bendi á mína síðustu færslu - en Þorvaldur Gylfason er endanlega búinn að kaffæra sínum orðstýr.

Kv.

[Haraldur Baldursson, 24.9.2010 kl. 12:32]

Merkilegt hversu ESB gengur illa að halda leiktjöldunum hreinum. Vonandi ná ekki áróðursmilljarðarnir, sem eru byrjaðir að leka inn á íslenskan umræðuvettvang ekki að blekkja fólk.
Markmið xF og ESB, er vitanlega mjög dempuð...þau þurfa bara 51% til að landa aðildarsamningnum.
Veljum frelsið, veljum sjálfstæðið.

[Gunnar Rögnvaldsson, 24.9.2010 kl. 12:59]

Þakka ykkur fyrir innlit og innlegg.  

Þessi mynd segir ákaflega vel það sem segja þarf:

Brusseldagar 1996 

Þá voru 155 hagfræðingar sammála um eitt

Kveðjur