Svínaflói Samfylkingar í ESB-Víetnam styrjöld gegn Íslandi

Allir vita að myntin evra er dauðadæmd sem gagnlegt fyrirbæri. Allir vita nú að myntbandalaginu var logið inn á þjóðir ESB. Allir vita að myntin evra hefur ekki gagnast neinum nema Þýskalandi og hugsanlega Frakklandi. Evran hefur gert önnur lönd evrusvæðis að einka-útflutningsmarkaði Þjóðverja. Þeir einir geta keppt á forsendum myntbandalagsins. Líkja má þessu við nýrri en nú innvortis nýlendustefnu innan Evrópu. 

Allir vita að ESB-aðild hefur ekki fært neinum neitt. Það sjáum við vel á Grikklandi eftir 28 ára veru landsins í ESB og svo á Spáni. Þetta sjáum við líka á Finnlandi, Svíþjóð og Danmörku. ESB aðild hefur ekki gagnast þessum löndun hið minnsta, en hinsvegar stórskaðað Finnland því landið álpaðist til að taka upp myntina ömurlegu í hysterísku hræðslukasti seint á síðustu öld. 

Í Finnlandi var samdráttur landsframleiðslu á síðasta ári enn meiri en á Íslandi og landið þjáist enn af samdrætti í landsframleiðslu. Leita verður aftur til 1918 til að finna álíka slæmar hagtölur og skullu á Finnlandi á síðasta ári. Myntin gagnslausa og aðild Finna að ESB er hér helsti sökudólgur.  

Allir vita að myntin evra hefur eyðilagt mikið fyrir litlum ríkjum evrusvæðis.

 

Allir vita að það að reyna að taka upp evru þegar maður heitir ekki Þýskaland eða Frakkland, þýðir að heyja verður eins konar Evru-Víetnam styrjöld gegn þjóð sinni. 

Það er auðvelt að hefja upptökustyrjöldina, en um leið og hún er hafin er engin leið út úr styrjöldinni aftur. Smáþjóðir há þessa styrjöld jafnvel áratugum saman án þess að nokkuð gangi. Þær fara í stríð við hagkerfi sín og þær berja þjóðfélög sín sundur og saman til þess eins að taka upp mynt sem reynst hefur smáríkjum verri en engin.

Svona fyrirbæri er aðeins hægt að líkja við léleg trúarbrögð. Evru-upptökustyrjöldin minnir á Víetnam styrjöld Bandaríkjamanna á síðustu öld. Hún reyndist löndum sem kirkjugarður ríkisstjórna. Svo mun einnig verða á Íslandi.

Hér er svona áráttu og þráhyggju lýst vel í bíómynd Oliver Stone; stúdentinn ungi færir Richard M. Nixon nýjan sannleik á einfaldan hátt. Sannleik sem hafði tekið hinn vel þjálfaða stjórnmálamann Richard Nixon áratugi að skilja. Svona fattsöm þyrfti Samfylkingin á Íslandi að verða.

 

Úr NIXON: (skrúfið vel upp fyrir hljóðið) 

Um helgina rann þessi sannleikur upp fyrir Sjálfstæðisflokknum (xD). Því ber að hrósa og fagna. Sjálfstæðisflokkurinn ætlar áfram að vera Sjálfstæðisflokkur Íslands.

 

En Samfylkingin er hins allra vega blinduð af ESB-trú sinni. Samfylkingin á sér litla von. Hún mun líklega aldrei fatta neitt. Meðhjálparar hennar, Vinstri grænir, minna okkur svo eftirminnilega á hversu heiðarleiki stjórnmálamanna getur farið fyrir svo óskaplega örlítið og jafnvel ekki neitt. Þeim er mikil vorkunn. 

Þjóðin vill ekki ESB. Alþingi vill ekki ESB. Af hverju heldur þessi ESB-styrjöld gegn þjóðinni þá áfram? Ég spyr. 

Á skammbyssa Samfylkingar og hugleysi Vinstri grænna að ráða lýðveldinu Íslandi áfram? Á að leyfa þessu fólki að halda áfram að selja lýðveldi og þjóðríki okkar til kratamiðstöðvar Evrópu fyrir aðeins nokkur ár í ráðherrastólum? Selja landið okkar?

 

Fyrri færsla

 

ESB: Spánn, þjóð meðal ESB-þjóða í örvæntingu

Athugasemdir

[Ragnhildur Kolka, 29.6.2010 kl. 11:26]

Það er litlu við þetta að bæta öðru en því að það getur verið þrautinni þyngra að losna við Svarta Pétur þegar hann er kominn á hendina. En það merkir ekki að við eigum að gefast upp. Við höldum enn uppá Sumardaginn fyrsta og um það yrkir Þórarinn Eldjárn:

Að fagna sumri í fjúki og hríð/fyrr en lýkur vetrartíð/það er íslensk óskhyggja/ og ekkert nema þrjóskhyggja.

Sumardagurinn fyrsti hefur haldið uppi baráttuand þessarar þjóðar í þúsund ár. Látum hann vera okkar leiðarljós áfram.

[Haraldur Hansson, 29.6.2010 kl. 13:00]

Derek Jan Eppinkheitir maður sem hefur verið viðloðandi ESB síðan fyrir tíma Maastricht. Fyrst sem blaðamaður Handelsblad, síðan sem starfsmaður tveggja kommissara ESB (cabinet secretary) og nú sem þingmaður á Evrópuþinginu.

Á dögunum gaf hann út bók sem á ensku heitir Bonfire of Bureaucracy in Europe. Með bók sinni vill hann vara við þeim pólitíska samruna sem ESB gegnur útá áður en það verður um seinann, eins og hann orðar það.

Ég hef aðeins séð umsagnir um bókina en ekki lesið hana. Efnistök Eppinks eru umhugsunarverð. Hægt er að sjá smá umsögn hér, frásögn European Business Review hér og lesa ræðu sem hann flutti á útgáfudegi hér.

Þegar maður með yfir 20 ára innanbúðarreynslu lýsir slíkum áhyggjum tel ég fulla ástæðu til að gjalda varhug við skrifræðinu, hvað sem einhver íslenskur Össur reynir að telja okkur trú um.

[Júlíus Björnsson, 29.6.2010 kl. 14:18]

Hverjir eiga stærsta hlutann í Seðlabanka Evrópu [ESB]? Hversvegna er Bretar ekki hluthafar?

Hverjir eiga Stærsta hlutann í Fjárfestingarbanka Evrópsku Sameiningarinnar [ES]? Hversvegna eiga Bretar ekki hlut?

Hvaða stofnanir innan ES eiga mest að langtíma veðskuldum vegna útþennslu og endurskipulagningar nýrra ríkja landssvæða innan ES?

Hvað á ES stóanhlut í AGS?

Allir nema sauðir vita að pengingar eru val, frelsi og völd.

Sá heldur sem veldur. Fulltrúa má kaupa. Bæði þing og nefndarfulltrúa.   

Hvar enda Kínverskir US Dollarar? 

[Júlíus Björnsson, 29.6.2010 kl. 14:19]

Hvaða stofnanir innan ES eiga mest af langtíma veðskuldum vegna útþennslu og endurskipulagningar nýrra ríkja landssvæða innan ES?

Hverjir eiga þjóðartekjur Luxemborgar að mestum hluta?

[Haraldur Baldursson, 29.6.2010 kl. 18:13]

ESB-Áróðurinn er rétt að byrja þó við upplifum þetta sem mikið. Fyrst kom fréttin í dag um að ESB ætlaði að rétta feita þjóninum 4 milljarða í ferðapeninga við samningaferlið síðan þessi frétt : http://www.amx.is/fuglahvisl/15167/
Lokaorustan gegn inngönu er að hefjast og við erum að klöngrast upp bratta brekku sem er fljúgandi hál af vegna fljótandi í bleks frá leigupennunum....og þetta er rétt að byrja....