Leiðin til ánauðar

 

Það var ekki að ástæðulausu að Friedrich von Hayek gaf út bókina Leiðin til ánauðar árið 1944. Mér hefur oft verið hugsað til þessarar bókar hin síðastliðnu 25 ár, búandi og starfandi í Evrópusambandinu. Síðastliðið ár hefur hin myndskreytta útgáfa bókarinnar staðið mér sérstaklega ljóslifandi fyrir hugskotssjónum, - svo að segja á hverjum degi. Sérstaklega þessi mynd hér fyrir ofan. Hún lýsir vel því sem er að gerast í Evrópusambandinu í dag. Áætlunin um að bjarga myntinni sem enginn bað um nema elíta ESB, verður tárum saltari fyrir þegna myntbandalagsins. 

 

Þær myndir sem koma á eftir þessari mynd erum við nú þegar að komast að. Þetta smá kemur. Sannið til. Evrópa mun sprengja sig í loft upp einu sinni enn. Þökk sé aðför elítu Evrópusambandsins að lýðræði í Evrópu.   

Leiðin til ánauðar fyrir þjóðir Evrópu felst í því að ganga í Evrópusambandið og taka upp myntvafning þess. Ég er ekki einn um þessa hugsun. Í vikunni birtu Simon Johnson fyrrverandi yfirhagfræðingur AGS og Peter Boone harðorða grein um sum myrkraverk evrópsku elítunnar undir titlinum: Leiðin til efnahagslegrar ánauðar: The Road To Economic Serfdom

Samfylkingin og Vinstri grænir vilja moka Íslendingum á mykjuhauga Evrópusambandsins. Þar eiga klaufhalar með evrumerki að aftan að hneppa íslensku þjóðina í ánauð. Einungis upplýst skítapakk gerir svona. 

 

Fyrri færsla

 

Jaðarlönd evrusvæðis: Laun þurfa að falla um 20-30 prósent 

Athugasemdir

[SeeingRed, 29.5.2010 kl. 13:06]

Þakkir fyrir góðan pistil.

[Magnús Jónsson, 30.5.2010 kl. 01:44]

Gunnar: Grátlegt hvernig vanhæfir stjórnendur geta eyðilagt annars ágæta hugmynd?.

[Sigríður Laufey Einarsdóttir, 31.5.2010 kl. 08:33]

Takk fyrir frábært