Já Logi. Hættum að flytja inn ESB-fátækt

Þessu er ég sammála. Að hætta eigi að flytja inn ESB-fátækt sem Íslendingar eru síðan settir í að reyna að útrýma. Nú er svo komið að ESB-fátæklingar hanga hér í nær endalausum röðum um háls íslenskrar þjóðar. Bæði sem atvinnulausir, og sem hælisleitendur flýjandi lönd og nánasta nágrenni Evrópusambandsins

Sennilega hanga um 15-25 þúsund manns þannig um háls ríkissjóðs Íslendinga núna. Þetta er allt saman ESB-framleidd fátækt - og ánauð. Heil erlend hersveit af ESB-sviðnum útlendingum á stærð við Akureyri hangir því um háls þjóðarinnar núna

Enginn bjargar neinum með því drekkja björgunarsveitinni fyrst, og hella síðan vatni á bensíntanka hennar

Og ekki nóg með það að vextir á bankainnistæðum í evrulendum Evrópusambandsins séu neikvæðir, og að þýskir fjölmiðlar segi því að verðbólgan sem þeir gera ráð fyrir að verði komin í þrjú prósent í því landi á næstunni, muni því ásamt neikvæðum vöxtum á sparnaði verða ein stærsta eignaupptaka sem sést hefur í Þýskalandi um langan tíma. Það segja þeir og skrifa. Þrjú prósent verðbólga í næstfremsta óðaöldrunarhagkerfi veraldar er ofsapólitísk verðbólga. Hún er óðaverðbólga á elliheimili

Um 16.000 manns voru atvinnulausir í janúar og þar af voru 41 prósent frá ESB eða 6560 manns. Og ofan í það dæmi koma síðan 10-15 milljarða útgjöld á ári í peningahælisleitendur, sem flýja en taka því miður með sér fátæktina í ESB, til að láta Íslendinga um að glíma við hana hér heima. Síðan rotnar vinnumarkaður okkar eigin launþega vegna þessa innflutnings á ESB-þrælum. Þessu dæmi þarf að loka. Loka verður á þessa innfluttu ESB-fátækt

Sendum því Loga út í Wuhan-veiruleiðangur til Þýskalands, Frakklands, Ítalíu, Spánar, Portúgals og Danmerkur. Sendum hann í leit af bóluefni og ríkidæmi, þar sem hvorugt er að finna. En það er einmitt í þannig leiðangur sem Logi og ESB-kórfélagar hafa sent kjósendur Samfylkingarinnar í samfellt 20 ár

Ég er næstum því viss um að Logi og félagar eru að rugla ríkidæmi saman við ríkisdæmi - og réttlæti saman við ólæti og tortímingu, þar til ekkert er eftir handa neinum, nema honum sjálfum og ríkisdæmi hans,... eins og í ESB

Fyrri færsla

Dauðsföll Angelu Merkels kanslara

Misrétti, ójöfnuður og því miður fátækt