Evrulöndin hafa engan starfhæfan lánveitanda til þrautavarna

Kæru Íslendingar. Þið hafið mátt þola margt á síðustu tveim árum. Þess vegna ætla ég að bjóða ykkur upp á sorglegt skemmtiatriði. Svo kallaða tragi-kómedíu. 

Þið munið eflaust ennþá smá brot úr trúboði íslenskra Evrópusambandssinna - og erlendra gesta þeirra - sem hófst fyrir alvöru árið 2007 þegar illa reknir bankar þeirra og tengdra römbuðu á barmi gjaldþrots vegna þess að þeir höfðu stundað peningabræðslu. Búnir með peningana. 

* * * Bloggsíða Brad DeLong * * *

Europe Needs a Functional Lender of Last Resort

The Eurozone does not have an effective lender of last resort. The individual Eurozone countries do not have their own central banks. The ECB lacks the political authority to print as many Euros as are needed.

 

Suppose you abolished the US Federal government. So you needed all 50 State governments to agree before the Fed could act as lender of last resort to one of those State governments. And suppose some of those US State governments had as much debt as Greece, or were bailing out their banks like Ireland. Think all 50 State governments would agree on anything? I don't...

Krækja

 

Þá var allt illt en ekkert gott hér á landi Davíð Oddssyni að kenna. Þá spunnu ESB-sinnar lygavefinn um þennan svo kallaða lánveitanda til þrautavarna. Hann, þessi lánveitandi, átti að bjarga einkaspilavítum nokkurra uppáhalds manna Samfylkingarinnar og hirðar hennar í fræðimannasamfélagi duglausra peningamanna & Co. 

Þegar fram á árið 2008 var komið predikuðu þessir menn - og allur ESB-kórinn í kringum þá líka - að krónan okkar væri ónýt og Seðlabanki Íslands gæti ekki verið lánveitandi til þrautavarna. Því fyrir það fyrsta sæti Davíð Oddsson í seðlabankanum, og svo væri krónan ennþá meira ónýt en hún var daginn áður og alla daga síðan. Þetta tal gegn gjaldmiðli lands okkar ómaði einnig hátt um sali alþingis Íslendinga, því þá svifust menn einskis í tilraunum sínum til að hræða skelkaða þjóð inn í fangið á Evrópusambandinu, sem þá átti evru-mynt en sem núna tveim árum síðar er gjaldþrota. 

Spilavítismenn bankanna höfðu séð hvernig peningafossinn hafði dunið á evrulöndum sem þá þóttust vera í skjóli myntbandalags ESB (skjaldborg). Núna eru þessi ríki hálf og heil ríkisgjaldþrota því sá sami markaður sem vildi ekki lána dópsölum Samfylkingarinnar í bönkum og fjármálastofnunum hérlendis, hefur nú skyndilega séð í gegnum þá staðreynd að evran er einmitt ónýtur gjaldmiðill og það sem enn verra er, allt hið undirliggjandi á bak við evru-myntina reyndist vera rusl, gormar, gungur og druslur. 

Svo. Núna eru það ekki bara bankakerfi evrulandanna sem eru á skallanum. Nei, það eru ríkissjóðir þeirra líka. Og þar með skattgreiðendur þeirra einnig. Allt bankakerfi evrulandanna er gjaldþrotið - Þýskalands líka - komið í fangið á skattgreiðendum sem hafa ekki efni á að borga skuldir þær sem evran skaffaði þeim fyrir tilstilli hins ömurlega og gagnslausa seðlabanka sem nefndur er ECB (European Country Buster)

Og hér komum við að rúsínunni í evru-endanum; Evrusvæðið hefur engan lánveitanda til þrautavarna. Þess vegna munu mörg ríki myntsvæðisins fara í ríkisgjaldþrot á næstu árum. Ha ha ha ha. 

Þetta áttu menn að vita. Hugsandi menn áttu að vita það að ef ég færi á morgun og fjarlægði ríkisstjórn Bandaríkjanna úr sjálfum Bandaríkjunum og fjárlög hennar einnig, þá myndu öll 50 dollara fylki Bandaríkjanna samstundis breytast í eitt stórt evrusvað. Þetta gildir um öll ríkjasambönd með sameiginlega mynt. Ef fylkisríkisstjórnir 50 ríkja þyrftu að koma sér saman í hvert einasta skipti sem sameiginlegur seðlabanki þeirra prentaði svo mikið sem einn seðil í viðbót, þá yrðu þau öll 50 samstundis gjaldþrota: þeim myndi þrjóta gjaldið. Immed.

 

Þess vegna verða Samfylkingar-öfgamenn Íslands að hætta að ljúga að íslensku þjóðinni. Forsætisráðherrann, og utanríkisráðherrann verða að hætta að ljúga að Íslendingum. Það er enginn ESB-pakki til sem hægt er að kíkja í. Þetta er heldur ekki spurning um að "skoða kosti og galla" þess að ganga í Evrópusambandið. Þetta, þegar til kastanna kemur, er hins vegar sú hrikalega ógnvekjandi spurning um hvort Íslendingar vilji í raun og veru leggja niður landið sitt Ísland og lýðveldið okkar - og verða hérað í Bandaríkjum Evrópu. 

Ef Bandaríki Evrópu verða ekki til á innan við næstu 10 árum, þá verður ekkert Evrópusamband til að ganga í. Svo einfalt er það. Ráðamenn: Hættið að ljúga að þjóðinni.

 

Kannski er ekki sanngjarnt af mér að halda því fram að þið séuð að ljúga. Líklegra er að þið séuð bara svo heimsk og vanhæf að þið höfðuð aldrei hugmynd um hvernig málin standa og hafa alltaf staðið í myntbandalagi Evrópusambandsins. Grein Nóbelsverðlaunahagfræðingsins Paul's Krugman gæti hjálpað hér og aukið við skilninga ykkar. Greinin birtist í New York Times á dögunum: einum múarsmelli í burtu

 

En þetta er of seint. Fyrir Evrópu skiptir ekkert máli lengur. Það er alveg sama á hvora hliðina skepnan veltur, því ESB verður hvort sem er samfélagsleg, efnahagsleg og demógrafískt armageddon næstu mörg hundruð árin. Eltían í Evrópusambandi Brussels hefur eyðilagt Evrópu eina ferðina enn. Hint: Spyrjið þá sem þekkja útsæðislíkan bænda (farmers seed model). Yfirfærið það svo á homo sapiens. Bændur vita þetta þó svo að ríkisstjórnin viti þetta ekki. Þeir þekkja demógrafíu ræktunar. Restina - efnahags- og myntmálin - getið þið bráðum spurt börnin á götunni um.

 

Vilt þú leggja niður íslenska lýðveldið með því að ganga í Bandaríki Evrópu (áður ESB) og verða hérað í því stórríki? Vilt þú það í raun og veru? Þetta er ekki leikur. It's on!

 

Fyrri færsla

 

Slóvakía ætti að yfirgefa Evrópusambandið 

Slóvakía ætti að yfirgefa Evrópusambandið

 

Ríkisstjórn og þjóðþing Slóvakíu ættu alvarlega að íhuga úrsögn Slóvakíu úr Evrópusambandinu, sagði leiðtogi þjóðarflokks landsins (SNS), Ján Slota, á blaðamannafundi síðastliðinn þriðjudag.

"Ég er sannfærður um að það sem er að gerast með evruna og dollar mun enda illa. Evrópusambandið er að byrja að verða myllusteinn sem gæti dregið okkur djúpt niður, sagði Slota, samkvæmt upplýsingum fréttaveitunnar TASR. Slota segir að lagagerðin í Evrópusambandinu sé að breyta sambandinu í valdstjórn, eða eins konar ofurríki (super-state) sem vill skipa öllum fyrir um allt."

 

the EU’s lawmaking is turning it into an authoritative regime or a kind of a ‘superstate’ that wants to dictate everything to everybody.

 

"SNS-flokkurinn studdi á sínum tíma inngöngu (aðlögun) Slóvakíu að Evrópusambandinu, en við studdum ekki inngöngu í ofurríki," sagði Slota. SNS er minnsti flokkurinn á þingi og er í stjórnarandstöðu; Slovak Spectator

Slóvakía tók upp evru þann 1. janúar 2009. Atvinnuleysi í Slóvakíu er nú fyrir vikið 14,5 prósent og 36,6 prósent meðal ungs fólks.

 

Fyrri færsla

 

Andspyrnuhreyfing lýðveldis okkar hafði rétt fyrir sér

Andspyrnuhreyfing lýðveldis okkar hafði rétt fyrir sér

Evrópusambandið þróast hratt í átt að ráðstjórnarríki.

Evrópusambandið er óvinur lýðræðis, sundrar Evrópu og eykur hættuna á innri ófriði.

Myntbandalag Evrópusambandsins er gangslaust og skaðlegt. Til að það virki þarf sameignlegan ríkissjóð og sameiginlega skattheimtu í ríkjum sambandsins. Þetta mál er í skrúfstykki sjálfheldunnar. Ef myntin á að lifa af þarf ESB að verða að Bandaríkjum Evrópu Annars leysist hún upp.

 

Myntbandalalgið hefur eytt hagvexti á evrusvæðinu. Sameiginleg mynt hefur ekki leitt til meiri viðskipta á milli evrulanda.

 

Myntmálin eru miklu dýpra mál en flestir á Íslandi héldu þegar örþrifaumræða hófst um það málefni árið 2008. 

Sjálfstæð mynt og fullveldi í peningamálum er órjúfanlegur hluti fullveldis sjálfstæðra ríkja.

Hinum efnahagslega samruna landa Evrópusambandsins er lokið. Sá lagarammi er kominn. Það sem nú er í gangi í Evrópusambandinu er hinn pólitíski samruni ríkja sambandsins. Hann er þvingaður, miðstýrður og ráðstjórnarlegur.

 

Evrópusambandið er gagnslaust. Eftir 28 ár í því er Grikkland gjaldþrota þrátt fyrir að landið hafi veið á bænum í ESB í öll 28 árin. 

"Finnska leiðin" reyndist vera lygar. 2009 var versta ár samdráttar í Finnlandi síðan 1918. Landsframleiðsla landsins dróst meira saman en á Íslandi, eða um heil 9 prósent, sem er sleggjuhöggið vegna þátttöku landsins í myntbandalaginu. 

Írland (ECB poster boy) sem notað var á plakötum seðlabanka Evrópusambandsins er nú á barmi ríkisgjaldþrots og sést hvergi í útstillingargluggum þess rammpólitíska seðlabanka. 

Fimm af 27 ríkjum Evrópusambandsins eru í meðferð hjá Alþjóða Gjaldeyrissjóðnum.

 

Eina óendurnýjanlega náttúruauðlind Evrópusambandsins er fólkið sjálft. Það hvorki fjölgar né viðheldur sér. BIS segir í rannsókn að þessi ömurlega demógrafíska þróun í ESB muni þýða 70-90 prósent lækkun fasteignaverðs í helstu löndum sambandsins á næstu 40 árum. ESB er orðið að meginlandi tapara og hnignunar í höndunum á Brussel. Þar er framtíðin kolsvört. ESB er orðið stærsta elliheimili heimsins. Ungu fólki verður þar ekki vært í framtíðinni. 

 

Lissabon 2000 markmið Evrópusambandsins eru ennþá aðhlátursefni. Árangur þeirra er verri en árangur 5 ára áætlana Sovétríkjanna var. Nú er komin ný 10 ár áætlun blómaskreytingamannanna frá Brussel. Hún heitir 20 20.

 

Atvinnuleysi hefur verið massíft þungt í ESB síðustu 30 árin. En nú er svo komið að aldrei hafa jafn margir verið atvinnulausir og á barmi fátæktar í Evrópu frá lokum seinni heimsstyrjaldar. 

Af öllu þessu má sjá að Evrópusambandið er fullkomlega gangslaust fyrirbæri og í besta falli skaðlegt fyrir Evrópu. Fyrir Ísland yrði það banvænt. 

 

Fyrri færsla

• Leikreglur lýðræðis mölbrotnar af valdaklíku Evrópusambandsins

Leikreglur lýðræðis mölbrotnar af valdaklíku Evrópusambandsins

Þar með er sannað svart á hvítu að þær leikreglur sem lýðræðisríki margra landa Evrópusambandsins áður fyrr voru byggð á, hafa verið brotnar, útþynntar eða sniðgegnar í stórum stíl í nær öllum löndum Evrópusambandsins. Þetta er gert með fullum vilja svo þvinga mætti yfir höfuð þegnanna yfirríkislega útlenda löggjöf og jafnvel heila nýja yfirríkislega stjórnarskrá, algerlega án samþykkis og yfirleitt án vitundar þegnanna. Þetta er sú ályktun sem hægt er að draga af úrskurði hæstaréttar Danmerkur. En rétturinn staðfesti í gær að full ástæða er til að ætla að ríkisstjórn Danmerkur hafi framkvæmt og aðhafst gegn betri vitund og brotið stjórnarskrá landsins með því að innleiða Lissabon sáttmálann svo kallaða í Danmörku. Sáttmálinn er ný stjórnarskrá Evrópusambandsins í dulargerfi lagalegrar föðrunardeilar elítu- og stjórnmálaklíku Brusselveldsins. Reynt er á leynilegan hátt að færa valdið og sjálfsákvörðunarréttinn frá fólkinu í þjóðríkjunum yfir til fámennrar valdaklíku að fyrirmynd Sovétríkja 20. aldar og Evrópu 19. aldar: Lissabonsagen

Þetta þarf að gera á Íslandi varðandi þá aðila sem tókst að afvegaleiða og villa um fyrir sumum auðtrúa þingmönnum á Alþingi Íslendinga og sem svo í framhaldi af því hafa innleitt mafíulegar starfsaðferðir innan ríkisstjórnar Íslands, síendurtekið logið að þjóðinni um hvað umsókn inn í Evrópusambandið þýðir í raun og veru, og síðan á hinn mafíulegasta hátt logið því að þjóðinni að verið sé að kíkja í einhvern pakka sem er ekki til, stendur ekki til boða og er fullkomlega upploginn. Þetta fólk þarf að lögsækja og draga til ábyrgðar. Þessar mafíuaðgerðir valdaklíkunnar hafa kostað lýðveldið stórfé á válegum og erfiðum tímum og skaðað hagsmuni almennings verulega.

 

Lögsóknin ætti einnig að ná til ríkisútvarpsins, RÚV, sem virðist vera á mála hjá valdaklíkunni og hefur stofnunin brugðist hagsmunum almennings á hinn grófasta máta. Hægt er að líkja RÚV við fréttastofuna Tass á tímum miðstjórnar kommúnistaflokks Sovétríkjanna, eða sem málpípu valdaklíku. Íslenskir skattgreiðendur eru á lögboðinn hátt þvingaðir til að fjármagna fréttastofu þessa áróðursmiðils. Hún svífst einskis.   

 

Fyrri færsla

 

Vilja að fjármálaráðuneyti og/eða ríkissjóður Evrópusambandsins verði settur á laggirnar 

Fá að lögsækja Lars Løkke

Vilja að fjármálaráðuneyti og/eða ríkissjóður Evrópusambandsins verði settur á laggirnar

El Pais skrifar að í skjölum frönsku ríkisstjórnarinnar sé lagt til að sett verði á laggirnar fjármálaráðuneyti og/eða ríkissjóður landa Evrópusambandsins. Að þetta sé rökrænt framhald á myntbandalagi Evrópusambandsins og að þetta hafi alltaf vantað frá stofnun þess. Hert eftirlit vanti með fjármálum ESB-landanna og þar af leiðandi þegna þeirra; El Pais

Stutt yrði þá í skattheimtu erlends klíkuvalds í löndum ESB og samkeyrslu tölvuupplýsinga um alla ríkisborgara sambandsins. Eins og of fáir vita er öllum löndum ESB, nema Bretlandi og Danmörku, skylt að leggja niður sína eigin mynt og taka upp evru Evrópusambandsins. Mörg lönd Evrópusambandsins ramba nú á barmi ríkisgjaldþrots og geta ekki fjármagnað sig í þessari mynt sem þeim er skylt að innleiða og nota eingöngu. Ekki er vitað um afgerandi mikilvæga afstöðu Möltu-77 í þessu máli sambandsins. 

 

Tengt

 

Árið 1986 sagði forsætisráðherra Danmerkur við dönsku þjóðina að ekkert væri að óttast, Evrópusambandið yrði aldrei til. Hugmyndin væri andvana fædd. Danir gengu á sínum tíma í EF en ekki í ESB. Þarna árið 1986 var fyrirbærið einungis tollabandalag og hét EF: 1986, Evrópusambandið er steindautt

 

Fyrri færsla

 

Aflátsbæn sænsks evrusinnna 

Aflátsbæn sænsks evrusinnna

"Þá var ég ráðinn hjá Liberala ungdomsförbundet og sem heilsdags evrusinni. Samt minnist ég þess ekki að við ræddum stjórnmál nokkru sinni. Þess í stað þeystum við um landið og deildum út ókeypis baðboltum, kaskettum, lyklahringum og Guð veit hverju fleira með "Já við evru" boðskapnum á. Allar auglýsingatöflur í landinu voru þaktar með boðskapnum frá okkur. Við eyddum meiri fjármunum í evru-lógó-auglýsingar í tímaritum en nei-sinnar eyddu í alla baráttu sína. 

Nei-sinnar höfðu á hinn bóginn dálítið annað; þeir höfðu rökin. Á meðan við píptum um evru sem friðarverkefni þá kynntu nei-sinnar alvöru og þekkta hagfræðinga fyrir þjóðinni og sem vöruðu við evrunni. Við romsuðum upp tilbúin og gegnum tuggin rök, en vantaði í flestum tilfellum þekkingu á málefninu. Þess utan réðum við yfir ótakmörkuðu fjármagni. Við réðum til og með fólk til starfa til að spjalla í netheimum á meðan ólaunaðir nei-sinnar festu með teiknibólum upp A4 blöð á tilkynningatöflur bæjarfélaga. Þar sem peningarnir streymdu inn fossaði gáfnafarið út. Á þessum mánuðum komst Svíþjóð mjög nálægt pólitískri geðsýki. 

Ég skammast mín fyrir þátttöku mína í þessari herferð og ég vona að þeir sem fjármögnuðu hana skammist sín líka."

Gösta Torstensson     .

 

Mikið verður það ó-geðslegt þegar paymeter Egill Helgason, fréttastofa DDRÚV, samtök Akrypplinga, ASÍ, Auður Klapptal, Evrópusampökkin og önnur slík samtök upplýstra fábjána, svo og forsætisráðherraínan, utanríkisráðherra Munchausen og fjármálaráðherrann svikuli, koma vælandi að biðja þjóðina um að fyrirgefa sér aðframkominn aumingjaskap á háum launum frá hverjum sem borgar. Skrölt ormanna verður þá átakanlegt. Þá verður ekki gaman að hafa verið svikull bankastjóri, landsölumaður og útrápari í ÚTRÁS II, version ESB.

 

ÚTRÁS II © skrásett ESB-vörumerki RÚV 

 

Fyrri færsla

 

Neurozone: VISA-vextir í ESB ef maður heitir Grikkland en ekki Þýskaland. Evran er "hræðileg tilraunastarfssemi".

Neurozone: VISA-vextir í ESB ef maður heitir Grikkland en ekki Þýskaland. Evran er "hræðileg tilraunastarfssemi".

DE NEUROZONE

Bloomberg; GGGB4YR:IND 

Enn er læðst um á enn stærri snjóþrúgum á eggjaskurn myntbandalags Evrópusambandsins 

• Ekkert gagnast evran Grikklandi
• Ekkert gagnast Evrópusambandið Grikklandi
• Ekkert gagnast björgunaraðgerðir Evrópusambandsins Grikklandi
• Ekkert gagnast seðlabanki ESB Grikklandi

Landið er einmitt dauðadæmt af því að það er í myntbandalagi Evrópusambandsins.

Alþjóðlegir fjármálamarkaðir eru að missa þolinmæðina. Evrulandið Grikkland nýtur nú evrunnar svo ríkissjóður landsins fái náðarsamlegast lán á sömu vöxtum og konur sem shoppa á VISA-yfirdrætti í Hennez Martröð. Hægt er að fá sömu vaxtakjör á kontó-korti í Magasin Du Nord.

Þetta er framtíðin sem Jóhanna Sigurðardóttir og Steingrímur J. kosningasvikari  Vinstri grænna ætla Íslandi. Völdin hafa eyðilagt það litla sem eftir var.

Yfirmaður útibús fréttastofu þýska ARD-ríkissjónvarpsins í Brussel, Rolf Krause, sagði í sjónvarpsþættinum Panorama að myntbandalagið og evran sé "hræðileg tilraunastarfsemi" og lýsir yfir stuðningi við upplausn myntbandalagsins í sinni núverandi mynd/t. Fleira þekkt fólk, m.a. hagfræðingurinn Paul De Grauwe, koma við sögu í þættinum. En Jóhanna og Steingrímur eru því miður upptekin við áætlanagerð. Horfa á þáttinn hér: DE NEUROZONE 

 

Krækjan; Ny frygt for græsk kollaps

Fyrri færsla

• Hugbúnaðurinn í höfði forsætisráðherra aflúsaður 

Hugbúnaðurinn í höfði forsætisráðherra aflúsaður

Hún situr þarna límd, jafn steingerð og Steingrímur, en getur ekki að því gert, því hún getur ekki staðið. Hið stafræna óvit forsætisráðherrans hefur tekið völdin af henni og nú leikur það Ísland grátt. Í ljós er kominn alvarlegur umhverfisgalli í hugbúnaði forsætisráðherraínunnar. 

Gallinn er þessi: Henni er orðið um megn að skilja það að allir Íslendingar eru ekki - og vilja ekki - verða bístands klíentar um alla framtíð. Eftir hennar samtals 500 ár í betliráðuneytum sem aðeins eyða og eyða fólki og fé, og sem stanslaust er með haugsuguna ofaní vösum vinnandi fólks á Íslandi, þá lætur hugbúnaðargallinn ekki að sér hæða. Nú heldur hún að Evrópusambandið sé félagsmálastofnun og evran sé félagsmálamynt sem hún getur sogað upp með hálmstrái, jafnvel þó svo bæði væru útdauð fyrir ljósárum síðan. Svo líða nokkrar vikur og slær þá aftur út og stofnuð er nefnd eða ráð. Bara sí svona. Stofna. Svo tekur við smá pása þar til hugbúnaðurinn slær yfir í næsta þrep slaufunnar. Þá er farið í gerð nýrrar áætlunar sem á að skila árangri eftir 50.000 ár. Svona gengur þetta og ferlið byrjar upp á nýtt á cirka 6 vikna fresti. 

** PROGRAM **

(begin) vantar peninga, soga og hækka skatta

(do) ganga í ESB og taka upp evru (Ha, útdauð?)

(while) skipa ráð og nefndir, margar 

(sitting) gera áætlun, strax

loop

(begin) vantar peninga, soga og hækka skatta

(do) ganga í ESB og taka upp evru (Ha, útdauð?)

(while) skipa ráð og nefndir, margar 

(sitting) gera áætlun, strax

loop

(begin) vantar peninga, soga og hækka skatta

(do) ganga í ESB og taka upp evru (Ha, útdauð?)

(while) skipa ráð og nefndir, margar 

(sitting) gera áætlun, strax

Raunveruleikinn er hins vegar þessi

• Evrulandið Írland, komið í meðferð hjá AGS
• Evrulandið Grikkland, komið í meðferð hjá AGS
• Evrulandið Belgía án ríkisstjórnar í meira en sex mánuði
• ESB-landið Rúmenía, komið í meðferð hjá AGS
• ESB-landið Lettland, komið í meðferð hjá AGS
• ESB-landið Ungverjaland, komið í meðferð hjá AGS
• Portúgal; yfirvofandi hætta á hjálparbeiðni
• Spánn; yfirvofandi hætta á hjálparbeiðni
• Ítalía; stóra hættan
• Nú áhættusamara að vera frönsk ríkisskuld en indónesísk ríkisskuld
• Þýskaland; hve lengi sætta Þjóðverjar sig við ástandið innan myntbandalagsins

 

Stríðsfréttir frá Evru-Víetnam, á meðan Jóhanna og Steingrímur berja Ísland af

 

Svissneski seðlabankinn neitar frá og með nú að taka á móti skuldabréfum írska evru-ríkisins sem veðhæfri tryggingu fyrir lausafé í mynt Sviss sem nota þarf í viðskiptum í bankakerfi Írlands. Bannið nær til allra pappíra írska ríkisins og einnig til pappíra stærstu banka og tryggingafélaga landsins. Gæði þeirra standast ekki kröfur seðlabankans: Bloomberg

 

Yfirmaður útibús fréttastofu þýska ARD-ríkissjónvarpsins í Brussel, Rolf Krause, á að hafa sagt að myntbandalagið og evran sé "hræðileg tilraunastarfsemi" og lýsir yfir stuðningi við upplausn myntbandalagsins í sinni núverandi mynd/t. En Jóhanna og Steingrímur eru því miður upptekin við áætlanagerð.

 

Þetta er svo erfitt, svo erfitt. 

 

Fyrri færsla

• Danskir lífeyrissjóðir vilja ekki snerta ríkisskuldir gjaldþrotinna evruríkja 

Danskir lífeyrissjóðir vilja ekki snerta ríkisskuldir gjaldþrotinna evruríkja

 

"Þegar við fjárfestum í skuldabréfum þá gerum við þá kröfu til fjárfestinganna að enginn vafi sé á að við fáum peninga okkar greidda til baka. Við snertum ekki ríkisskuldabréf evruríkja á borð við Grikkland, Írland, Spán, Portúgal og svo framvegis. Við kaupum eingöngu ríkisskuldir af Þýskalandi og - en samt í minna mæli - af franska ríkinu."

 

Skuldatryggingaálag: 5 ára ríkisskuldabréf. Vika 1 2011

Evruríkið Grikkland---1031 punktar

Evruríkið Írland ------610 punktar

Evruríkið Portúgal-----496 punktar

Evruríkið Spánn--------346 punktar

Fullvalda Ísland-------259 punktar 

Danskir lífeyrissjóðir hafa sem sagt ekki komið auga á Evrópuvexti Össurar Skarphéðinssonar (því miður ráðherra) sem af þjóðkunnri fávisku, og þar að auki að eigin sögn, hefur ekki hundsvit á banka- og fjármálum samfélags þess sem hann utangátta er fulltrúi fyrir. Evrópuvexti þessa auglýsti maðurinn í hálfsíðu auglýsingu fyrir heimsku sinni í Morgunblaðinu, fyrir all nokkrum vikum og gjaldþrotnum evruríkjum síðan. 

 

Horfa á

 

Þegar fyrrverandi forsætisráðherra Danmerkur, Andesb Fogh Rasmussen hélt því blákalt fram í Evrópunefnd danska þingsins að allir sæju að það kostaði að standa utan við evruna, þá sagðist bankastjóri Jyske Bank, Anders Christian Dam, ekki heita Allir. Hann benti þessum þáverandi forsætisráðherra á að þau ríki sem hafa sinn eigin gjaldmiðil eru alltaf álitin vera betri skuldarar en þau ríki sem eiga engan eigin gjaldmiðil, hafa ekkert peningavald lengur og ekkert vaxtavopn í verkfæratösku samfélagsins. Hvers vegna er þetta svona? Jú, vegna þess, sagð Anders Dam, að markaðurinn veit mjög vel hvað það er sem býr til greiðslugetu og þar með lánstraust ríkisjóða; það er atvinnustigið og atvinnan í landinu. Hún sér ríkissjóði fyrir öllum tekjum sínum. Ef þessi atvinna þornar upp vegna þess að myntin útilokar samkeppnishæfni hagkerfisins, þá verða of margir atvinnulausir og tekjur ríkissjóðs gufa hraðar upp en hagstofan nær að slá þurrafúa innviða samfélagsins inn í stóru töflurnar fyrir glataða landsframleiðslu hagkerfisins.

Þess vegna, mínar dömur og herrar, er betra en vera sænsk, norsk, íslensk og svissnesk ríkisskuld í dag en að vera ríkisskuld sem enginn vill og ekkert getur í gjaldþrotnum ríkjum gangslausustu myntar veraldar; evrunni og myntbandalagi Evrópusambandsins.

 

Uppskrift: Fyrst lýgur maður einu myntbandalagi að 16 löndum með aftansöng níundu rúgbrauðssymfóníu Evrópusambandsins. Svo sprengir seðlabanki Evrópusambandsins hagkerfi nokkurra landa myntsvæðisins í loft upp, með neikvæðum raunstýrivöxtum í heilan áratug. Svo neitar markaðurinn að fjármagna vandræði þessara ríkja. Þau eru því orðin reköld og verr sett en flest ríki veraldar. Svona er að missa fullveldið.

 

Lönd ársins 2011 í Evrópu verða Noregur og Sviss. Þau eru ekki í Evrópusambandinu - og verða það aldrei.

 

Krækjan: Denmark's Biggest Pension Fund ATP Says It Won't Touch Peripheral EU Bonds

 

Tengt efni

• Seðlabankinn og þjóðfélagið

Fyrri fræsla

• Síðasti farmiðinn með ESB-Titanic var neyddur upp á Eistland

Síðasti farmiðinn með ESB-Titanic var neyddur upp á Eistland

 

Mynd; plakat fullveldissinna í Eistlandi 

Það var ekki um neitt annað að velja fyrir Eistland þegar landið tók niður fána fullveldis landsins í peningamálum, og hysjaði upp úr pólitísku svaði Evrópusambandsins eina pólitíska mynt sem heitir evra, þann fyrsta janúar, sem var í fyrradag. Komu evru til Eistlands er líkt við snjókomu, ekkert annað hægt að gera en að sitja og horfa á.

Sú mynt, evran, er að reynast Evrópu jafn illa og sovéskur áætlunarbúskapur reyndist þegnum Sovétríkjanna. Um það bil 80 af 500 milljón manns Evrópusambandsins lifa nú í skugga og á barmi fátæktar og hefur bæði fátækt og atvinnuleysi aldrei verið meiri og algengari í Evrópu frá lokum seinni heimsstyrjaldar. Hér spilar evran stórt hlutverk því hún hefur fjarlægt hagvöxt og velmegun úr hagkerfum evrulanda og sett þar inn í staðinn stöðnun, hnignun, visnun og eytt trú þegnanna á efnahagslegar framfarir og einnig eytt lýðræði, sjálfsákvörðunarrétti og gjörvileika þeirra þjóða sem búa undir oki þessarar pólitísku myntar embættismanna Brusselveldis Evrópu.

Hér með sendi ég Eistlendingnum öllum mínar innilegustu samúðarkveðjur vegna fullveldismissisins. Það sama gerir Nóbelshagfræðingurinn Paul Krugman. Svona fer þegar lönd ganga í Evrópusambandið. Tönn fyrir tönn er fullveldi þeirra eytt.

Sorry sagði forsætisráðherra Eistlands, við urðum að gera þetta þó svo að meirihluti þjóðarinnar sé þessu andvígur. Öllum þjóðum sem ganga í Evrópusambandið frá og með 1994 er skylt að eyða sinni eigin mynt, afsala sér öllum rétti til peningaútgáfu um alla framtíð og þar með öllu sjálfsforræði í mynt, vaxta og peningamálum. 

Sumum þykir þetta fínt. En einu sinni voru falskar tennur í tísku. Þegar flugbeittar tennur fullveldisins eru einu sinni farnar, þá koma þær aldrei aftur. Þegar fullveldið hverfur, þá deyja þjóðfélög. Fullveldi þjóða vex ekki á trjám. Frelsi og fullveldi eru vöðvabúnt velmegunar og farsældar. 

Krækjurnar; Congratulations to Estonia - or Maybe Condolences? | 1. januar 2011: Estland får sidste billet til Titanic

Fyrri fræsla

Brakandi ESB-þurrkur. Gefið okkur tífalt bankahrun.