Heimskur almenningur Evrópusambandsins sem skilur ekki neitt

Samkvæmt könnun Eurobarometer telja 54 af hverjum 100 Spánverjum að Spánn hefði getað brugðist sterkara við hörmungum efnahags- og fjármálakreppunnar ef landið hefði haft sína eigin gömlu peseta mynt ennþá - og því komið betur út úr kreppunni. Á Spáni ríkir neyðarástand í atvinnumálum. Tæplega 20 prósent Spánverja eru atvinnulausir eða 19,9 prósent. Hjá ungu fólki undir 25 ára aldri ríkir 40,5 prósent atvinnuleysi. Bankakerfi landsins riðar til falls og útlán til fyrirtækja og heimila eru í járnum. Flest er á hausnum á Spáni. 

Ég skil þetta ekki. Spánn er með evrumyntina frægu svo þeir ættu jú flestir að vera hamingjusamir í stanslausum innkaupaferðum erlendis, ásamt Grikkjum, með fulla vasa af evruseðlum. Það er jú það sem Evrópusambandssinnar á Íslandi hafa sagt okkur að muni sjálfkrafa gerast. 

Nýlega hvatti fjármálaráðherra landsins hins vegar (og allra peseta) til að menn hættu áskriftum á erlendum dagblöðum um t.d. fjármál og viðskipti. Að Spánverjar ættu í staðinn frekar að kaupa spænsk viðskiptadagblöð. Það væri hvort sem er flest þvættingur sem stæði þessum erlendu blöðum um efnahag Spánar. Svo myndi þetta líka bæta hið hörmulega atvinnuástand á Spáni. 

Viðbrögð yfirmanna Evrópusambandsins á Spáni við þessari skoðun þjóðarinnar eru þau að þeir sögðu að almenningur á Spáni "skildi ekki" kosti evrunnar. Skildi ekki kostina væni minn.  

Auðvitað skilja Spánverjar ekki kostina við að raunstýrivextir evru á Spáni hafa næstum aldrei verið í neinu samhengi við verðbólgu í landinu frá því að hún var tekin upp. Hver ætti svo sem að skilja svona geðbilaða peningastefnu með neikvæðum raunstýrivöxtum? Ekki ég. En einmitt þessi sjúka peningastefna seðlabanka Evrópusambandsins hefur sprengt efnahag Spánar, Írlands og Grikklands í tætlur.  

Þetta sem yfirmenn ESB á Spáni sögðu um heimsku spænsku þjóðarinnar kemur einnig innilega illa heim og saman við það sem sjálfur hinn ókjörni forseti Evrópusambandsins sagði. Hann sagði að myntin evra hefði virkað eins og svefnpilla á lönd sambandsins. Hann sagði líka að almenningi hefði alls ekki verið gerð grein fyrir neinu í sambandi við myntina. 

Það skyldi þó ekki vera þannig að evrunni hafi verðið logið upp á lönd Evrópusambandsins? En það er nú sem vandræðin hefjast fyrir alvöru. Það er nefnilega engin leið út úr þessum lygavef Brusselmanna aftur. Mynt er órjúfanlegur hluti af sjálfsæði þjóða. Ef eigin mynt landa er kastað fyrir róða þá glatast stór hluti sjálfstæðisins. Spánn getur ekkert annað gert en að stikna áfram í evrum á steikarpönnu Evrópusambandsins. Það er heldur engin leið til að losna við hvorki forseta Evrópusambandsins né neina yfirmenn þess. Þeir eru hafnir yfir öll lög og allan rétt alls staðar í hinu stóra embættismanaheimsveldi Evrópu: La Vanguardia | Open Europe: Peseta dreams and euro nightmares

 

Tengt frá 6. júní 2010: Evrunni var logið inn á almenning í Evrópu.  

 

Mynd: Þá voru 155 hagfræðingar sammála um eitt 

 

Einu sinni var það gæsagangur, en nú er það fíflagangur

Molbúasyrpa Samfylkingarinnar spilar sig vel

Fyrst var það evrópski stofugangurinn í Gúlag og kjallarakerfi Dzerzhinsky við torgið fræga. Svo kom gæsagangurinn í hjarta Evrópu. En nú þrammar höfuðlaust ESB í nýjum fíflagangi sem fær sanna Evrópusinna til að tárast á ný. Alltaf skulu fæðast nýjar vörur á hryllingsverkstæði Evrópu. Ný kerfi væni minn. 

Allt í sambandi við þetta ESB-einkamál Samfylkingarinnar er ein, tví- og allsber fíflagangur. Það gerðist líka í gær að prestur einn á blog.is sagði að Ísland ætti heima í ESB. Þetta er illgjörn fullyrðing. Engin þjóð á skilið að eiga heima í ESB. Og enginn á raunverulega heima í ESB nema Þjóðverjar og Frakkar.

 

Kratakomban ESB er geðlyf þessara tveggja krónísku vandræðagemlinga Evrópu. Enginn veit ennþá hvort lyfin muni virka þegar til geðkasta þeirra kemur á ný. Síðasta geðkast var hryllilegt og mun líklega endurtaka sig í nýrri mynd þegar afurðir Evrópusambandsins fara að springa innvortis í hinu nýja himnaríki embættismannaheimsveldis Evrópu. Elítuveldi Evrópusambandsins. Hinni nýju Evrópu væni minn.  

Ísland er svo óskaplega og fágætilega lánsamt að þurfa ekki að þramma stofugang með þýsk/franskar hækjur á fíflagangi doktors Össurar Ötkers Skarphéðinssonar á einkasjúkrahúsi Samfylkingarinnar.

 

Einkasjúkrahús þetta er staðsett í Brussel í Belgíu og er öskuhaugur og endastöð stjórnmálamanna Evrópu. Hin fullkomna lausn. Þar rotna þeir í getuleysi á kostnað skattgreiðenda sem eru að verða brjálaðir á massífu 30 ára atvinnuleysi í ESB og ömurlegum framtíðarhorfum hinnar deyjandi Evrópu.

 

Nú segir þessi ESB-elíta að tíminn fyrir Evrópu sé afar naumur. Alveg bráðnauðsynlega þurfi allt í einu allt að renna saman í eitt nýtt stórríki ef allt á ekki að fara úr takti við fíflaganginn sem er að verða sjálfkeyrandi í Evrópu, en sem er í algerri óþökk þegnana. Einkennin eru að byrja brjótast út. Mikið er búið að vera í gerjun og mjög lengi. 

Íslenska þjóðin neitar að borga lengur fyrir fíflagang Samfylkingarinnar. Nóg er komið. Lokum sérdeild Össurar. 

 

Frétt Morgunblaðsins; Jón vill hætta viðræðum 

Hvað fékk Vinstri græna til að setja land okkar og þjóð í sölumeðferð til útlendinga?

Af hverju? 

 

Hvað olli því að flestir þingmenn og allur formaður Vinstri grænna gengu hver eftir annan upp í ræðustól á Alþingi Íslands til að tilkynna þjóðinni að nú ætti að hefja sölu á Íslandi og íslensku þjóðinni til embættismanna í Brussel, fyrir minna en ekki neitt? Hvað olli þessu? 

Hvað er það sem varð þess valdandi að flestir þingmenn Vinstri grænna og sérstaklega formaður Vinstri grænna gengu svona ruddalega og ósvífnilega á bak allra orða sinna um sjálfstæði og fullveldi Íslands? 

Hvað fékk Vinstri græna til að svíkja flest það sem þeir höfðu lofað kjósendum sínum í Alþingiskosningum?

Svarið við þessu þrennu er þetta:

 

Pólitísk græðgi. Ekkert annað en pólitísk græðgi fékk Vinstri græna til að svíkja á svipstundu allt sem þeir höfðu sagt okkur öllum í mörg mörg ár. Að þeirra mati er pólitísk græðgi göfugari en efnahagsleg græðgi. Þarna sannast vel að hjá veiku fólki er allt til sölu ef um persónulegan ávinning er að ræða og ef verðið er rétt. 

 

En sumir þingmenn VG stóðu þó fast við sannfæringu sína og létu ekki undan eins og allir hinir þingmenn VG hafa látið undan í næstum öllum prinsippmálum flokksins. Þeim, hinum fáu, staðföstu og hugrökku, ber að hrósa og restinni að blóta

 

Fyrri færsla

 

Leiðrétting: hrun evru-landsframleiðslu Finnlands í fyrra varð ekki 7,8% heldur varð hrunið heil 8% 

Leiðrétting: hrun evru-landsframleiðslu Finnlands í fyrra varð ekki 7,8% heldur varð hrunið heil 8%

Hið stóra 2009 hrun hagkerfis Finnlands undir evru og ESB.

Hin svo kallaða "finnska leið", eins og erlendir sem íslenskir blómaskreytingamenn Evrópusambandsins hafa kynnt hana á Íslandi, reyndist Finnum verri en nokkurn hafði órað fyrir. Finnland var um stund - ásamt Írlandi - kynnt á plakötum og skiltum seðlabanka Evrópusambandsins eins og undraverk á borð við Úkraínu var kynnt á póstkotum Intourist ferðaskrifstofu Sovétríkjanna. Einnig þá stóðu Aglir Helgasynir og álíka einfeldningar síðustu aldar og dáðust að skiltum og tímaritum þessum um undaverkin í litum og oft á rándýrum glanspappír. Kökuboðin breyttust því miður oft í trúarsamkomur fyrir tilstilli einfeldninganna. Þessa menn langar aftur í kökuboðin. Þeir hafa það of gott núna.   

Mynt Finnlands heitir evra og hefur engin önnur mynt reynst landinu svona hörmulega illa. Á síðasta ári hrundi því landsframleiðsla Finnlands um heil 8 prósent, samkvæmt endurskoðuðum tölum finnsku hagstofunnar. Þetta er enn verra en flestir gerðu ráð fyrir og mun verra en hrunið sem varð í landsframleiðslu Íslands sökum bankahrunsins í vanræksluvörslu Fjármálaeftirlits Íslands undir stjórn Samfylkingarinnar. Það ríkir ennþá samdráttur í landsframleiðslu Finnlands. Bæði ef mælt er á milli ársfjórðunga og miðað við sama fjórðung í fyrra.   

Uppá brúsapallinn sprettur því finnska evruhagkerfið sem efnahagsleg undanrenna ESB. Rjómanum í samfélaginu hefur verið þeytt frá. Finnska hagkerfið er rekið áfram með svo gott sem gagnslausum myntvafningi sem heldur hagkerfi Finnlands í járngreipum sem Finnar hafa alls enga stjórn á. Myntinni og peningamálum Finna er stjórnað af Þjóðverjum og Frökkum í Frankfurt og Brussel án nokkurs tillits til þarfa finnska hagkerfisins. Enda er það yfirlýstur vilji ókjörinna yfirmanna Evrópusambandsins að eyða sjálfstæðum hagkerfum og efnahagstjórn í öllum löndum Evrópusambandsins. Útflutningur Finnlands fór í klessu, innflutningur sömu leið og tekjur ríkisins stórféllu. Atvinnuleysi er að nálgast 9 prósent og hefur það verið krónískt hátt allan tímann sem landið hefur verið í ESB. Þetta er næstum algild regla fyrir öll lönd sem ganga í ESB. Eftir 29 ár í ESB verður Finnland líklega Grikkland norðursins.  

Þegar síðasta bankakreppa skall á Finnlandi árið 1991, féll landsframleiðsla Finnlands um 6 prósent það árið. Þetta varð svona slæmt því samtímis féll fyrsta kynslóð evrópskra áætlunarhagkerfa saman og ofan á alla þegnana í Sovétríkjunum nema elítuna, allar nýlendur þeirra og svo einnig ofan á Finnland, því Finnar áttu mikil viðskipti við Sovétríkin sem þeir stóðu í skugganum af. 

Árið 2009 endurtekur sagan sig. En nú bara sem enn verri, svæsnari en áður og svo að segja án íhlutunar Finna sjálfra. Það sem gerðist var að nýjasta kynslóð evrópskra áætlunarhagkerfa, Evrópusambandið sjálft, banka og myntkerfi þess, sýndi sig verandi verra og gagnslausara en ekki neitt. Evrópusambandið reyndist Finnum ennþá verra en vanræksluvarsla Fjármálaeftirlits Íslands varð undir stjórn Samfylkingarinnar á Íslandi. 

Hér ber að nefna að eini kosturinn við Samfylkinguna á meðan við erum ekki í ESB, er sá, að hægt er að losna alveg við hana á í mesta lagi fjórum árum í Alþingiskosningum sem haldnar eru á Íslandi fjórða hvert árið. Finnar geta hins vegar aldrei losnað úr Evrópusambandinu. Enginn getur losnað úr Evrópusambandinu ef einu sinni er gengið inn í það. Að ganga í Evrópusambandið er eins og að ganga í Samfylkinguna að eilífu. Aldrei er hægt að strjúka um frjálst höfuð aftur. Það er þetta sem er í "boðinu". Það er þetta sem er í "pakkanum". Samfylkingin er því að flýta sér mjög hratt núna og Vinstri grænir eru notaðir sem prímus, mótor og grænir rómenn af bæði fávisku og ógleði. 

En það sem verra varð, er það að Finnland gat ekki aðhafst neitt sér til sjálfshjálpar eins og áður. Þeir eru jú fastir í myntinni ógurlegu og fastir í Evrópusambandinu ömurlega. Þess vegna reyndist árið 2009 það langsamlega versta í hagsögu Finnlands frá árinu 1918. Myntin gagnslausa og Evrópusambandsaðildin sáu fyrir því. 

Svona mun velmegun og sjálfsbjargarviðleitni Finnlands fara því Finnland er fast í kökuboðinu. Eyðni fullveldis og lýðræðis mun smá saman gera útaf við Finnska samfélagið. Það mun því verða fátækt í framtíðinni og bíða sömu örlaga eins og hinna jaðarríkjanna sem álpuðust í hræðslukasti inn í nýjan evrópskan áætlunarbúskap sem nú heitir Evrópusambandið. Og sem er fullkomlega andlýðræðislegt fyrirbæri eins og Sovétríkin voru alltaf og alveg eins og Evrópusambandið hefur verið og verður alltaf. Því ber að farga og eyða áður en það sjálft eyðir gömlu Evrópu á ný.

 

Alltaf er best að halda sig frá svona evrópskum ömurleikakerfum. Best er að halda fast við fullveldið og sjálfstæðið. Það kostar oft líf þjóða að glata þessum tveim dýrgripum.

 

Hagstofa Finnlands: Gross domestic product decreased by 8 per cent last year

 

Hvernig líkar ykkur pólitísk græðgi Vinstri grænna og pólitískt vændi Samfylkingar?

Skyldi einhver efast lengur um að pólitísk græðgi spilli stjórnmálamönnum? Horfið bara smá stund á Vinstri græna sem strax urðu pólitískri græðgi að bráð í versta Kremlar og Brussel anda. Allt þeirra borðsilfur fór á brunaútsölu samstundis og formaður flokksins settist að réttunum. Hann hefur nú selt allar sálir. 

Horfið svo á Samfylkinguna. Ef pólitískt vændi væri bannað þá sætu þeir ævilangt í steininum fyrir að reka hóruhús samkvæmt stóriðjuuppskrift.

Gott var að Sjálfstæðisflokkurinn sá loksins að sér í mikilvægasta og heilagasta máli lands okkar; fullveldi og sjálfstæði Íslands verður ekki selt til Evrópusambandsins fyrir einn sjúss í stólnum ef þeir fá að ráða. Loksins kom fram flokkur sem ætlar að reyna að koma í veg fyrir að Ísland verði pólitískri græðgi Vinstri grænna og Samfylkingarinnar algerlega að bráð.

Nú þurfa VG og S að sjá að sér líka. Tíminn er kominn til þess. Þolinmæði okkar er ekki lengri. Nóg er komið. Drífið ykkur.  

Þetta myndskeið segir og minnir okkur á margt.

Svínaflói Samfylkingar í ESB-Víetnam styrjöld gegn Íslandi

Allir vita að myntin evra er dauðadæmd sem gagnlegt fyrirbæri. Allir vita nú að myntbandalaginu var logið inn á þjóðir ESB. Allir vita að myntin evra hefur ekki gagnast neinum nema Þýskalandi og hugsanlega Frakklandi. Evran hefur gert önnur lönd evrusvæðis að einka-útflutningsmarkaði Þjóðverja. Þeir einir geta keppt á forsendum myntbandalagsins. Líkja má þessu við nýrri en nú innvortis nýlendustefnu innan Evrópu. 

Allir vita að ESB-aðild hefur ekki fært neinum neitt. Það sjáum við vel á Grikklandi eftir 28 ára veru landsins í ESB og svo á Spáni. Þetta sjáum við líka á Finnlandi, Svíþjóð og Danmörku. ESB aðild hefur ekki gagnast þessum löndun hið minnsta, en hinsvegar stórskaðað Finnland því landið álpaðist til að taka upp myntina ömurlegu í hysterísku hræðslukasti seint á síðustu öld. 

Í Finnlandi var samdráttur landsframleiðslu á síðasta ári enn meiri en á Íslandi og landið þjáist enn af samdrætti í landsframleiðslu. Leita verður aftur til 1918 til að finna álíka slæmar hagtölur og skullu á Finnlandi á síðasta ári. Myntin gagnslausa og aðild Finna að ESB er hér helsti sökudólgur.  

Allir vita að myntin evra hefur eyðilagt mikið fyrir litlum ríkjum evrusvæðis.

 

Allir vita að það að reyna að taka upp evru þegar maður heitir ekki Þýskaland eða Frakkland, þýðir að heyja verður eins konar Evru-Víetnam styrjöld gegn þjóð sinni. 

Það er auðvelt að hefja upptökustyrjöldina, en um leið og hún er hafin er engin leið út úr styrjöldinni aftur. Smáþjóðir há þessa styrjöld jafnvel áratugum saman án þess að nokkuð gangi. Þær fara í stríð við hagkerfi sín og þær berja þjóðfélög sín sundur og saman til þess eins að taka upp mynt sem reynst hefur smáríkjum verri en engin.

Svona fyrirbæri er aðeins hægt að líkja við léleg trúarbrögð. Evru-upptökustyrjöldin minnir á Víetnam styrjöld Bandaríkjamanna á síðustu öld. Hún reyndist löndum sem kirkjugarður ríkisstjórna. Svo mun einnig verða á Íslandi.

Hér er svona áráttu og þráhyggju lýst vel í bíómynd Oliver Stone; stúdentinn ungi færir Richard M. Nixon nýjan sannleik á einfaldan hátt. Sannleik sem hafði tekið hinn vel þjálfaða stjórnmálamann Richard Nixon áratugi að skilja. Svona fattsöm þyrfti Samfylkingin á Íslandi að verða.

 

Úr NIXON: (skrúfið vel upp fyrir hljóðið) 

Um helgina rann þessi sannleikur upp fyrir Sjálfstæðisflokknum (xD). Því ber að hrósa og fagna. Sjálfstæðisflokkurinn ætlar áfram að vera Sjálfstæðisflokkur Íslands.

 

En Samfylkingin er hins allra vega blinduð af ESB-trú sinni. Samfylkingin á sér litla von. Hún mun líklega aldrei fatta neitt. Meðhjálparar hennar, Vinstri grænir, minna okkur svo eftirminnilega á hversu heiðarleiki stjórnmálamanna getur farið fyrir svo óskaplega örlítið og jafnvel ekki neitt. Þeim er mikil vorkunn. 

Þjóðin vill ekki ESB. Alþingi vill ekki ESB. Af hverju heldur þessi ESB-styrjöld gegn þjóðinni þá áfram? Ég spyr. 

Á skammbyssa Samfylkingar og hugleysi Vinstri grænna að ráða lýðveldinu Íslandi áfram? Á að leyfa þessu fólki að halda áfram að selja lýðveldi og þjóðríki okkar til kratamiðstöðvar Evrópu fyrir aðeins nokkur ár í ráðherrastólum? Selja landið okkar?

 

Fyrri færsla

 

ESB: Spánn, þjóð meðal ESB-þjóða í örvæntingu

ESB: Spánn, þjóð meðal ESB-þjóða í örvæntingu

Spánn sem gekk í Evrópusambandið árið 1986 er nú á barmi örvæntingar og hugsanlegs þjóðargjaldþrots. Aldarfjórðungur í Evrópusambandinu hefur skilað Spáni á endastöð þjóðanna; á kaf í evrusvaðið.

Á árunum frá 2002-2008 eyðilagði seðlabanki Evrópusambandsins efnahag Spánar með því að stilla raunstýrivexti landsins á neikvætt gildi. Slík efnahags- og peningastefna leggur þjóðarhag ríkja í rústir. Börn vita það. 

Á Spáni var atvinnuleysi 19,7 prósent í apríl. Atvinnuleysi hjá ungu fólki undir 25 ára aldri var á sama tímabili heil 40,3 prósent. Ungt fólk á því afar svarta framtíð fyrir sér í þessu Evrópusambandslandi. Flest þessara ungmenna myndu eflaust kjósa að flytja til Íslands ef þau mættu það og ættu peninga fyrir farmiðanum.   

Konur á Spáni vilja ekki fæða börn inn í það sem eftir er af þjóðríki Spánar í Evrópusambandinu. Frjósemishlutfall innfæddra kvenna er aðeins 1,33 fætt barn á æfi hverrar konu. Þetta er stórslys fyrir Spán og mun leggja landið að velli á næstu 50-150 árum. Svona hefur þetta verið allar götur frá því að landið gekk í Evrópusambandið árið 1986.

Eftir 24 ár í Evrópusambandinu vill enginn fæða börn á Spáni. En það vill heldur enginn lána Spánverjum peninga. Fjármálakerfi landsins hefur nú verið sparkað út úr samfélagi alþjóðabanka og útaf millibankamarkaði þeirra. Mynt Spánar er evra og er hún líklega um 50-70% of hátt metin fyrir spænskt atvinnulíf. Þess vegna eru allir atvinnulausir á Spáni. Of fáir vilja kaupa af þeim of dýrar vörur í of dýrum evrum. Spánn er full stopp. Börn vita að svona fer þegar gjaldmiðillinn er þjóðinni ónytjungur. 

Spánn getur ekki losnað úr þessu fangelsi þjóðarinnar. Engin leið er til önnur fyrir Spán en sú að drepast sem þjóð meðal þjóða í kirkjugarði ríkisstjórna í Evrópu þ.e. í evrukirkjugarðinum. 

Spánn var einu sinni land og þjóð. Nú er landið bara hluti af evrusvaðinu. 

 

Fyrri færsla

 

Megin markmið Evrópusambandsins eru varanleg vanræksla og niðurníðsla þjóðarhagsmuna 

Megin markmið Evrópusambandsins eru varanleg vanræksla og niðurníðsla þjóðarhagsmuna

Staðfast markmið Samfylkingar og Vinstri lyga-svartra um varanlega vanrækslu þjóðarhagsmuna Íslendinga er skráð með blóðrauðu bleki í skammbyssu einkaumsókn Samfylkingarinnar og vesalinga Vinstri grænna inn í ESB. Gersamlega í trássi við vilja Íslendinga.

Viðhafa þarf Kremlar-getgátuaðferðir anno 1950 í öllum tilraunum lýðsins til að afla sér frétta og vísbendinga um þessa einkasöluherferð ríkisstjórnar Íslands á bæði landi, verðmætum og sálum Íslendinga. Þarna fer allt svo leynt að hverjum manni með sæmilega samvisku verður óglatt. En einmitt svona er allt sem tengist Evrópusambandinu, sem er aðal óvinur lýðræðis í Evrópu og víðar. Ný en nútímavædd Sovétríki eru að fæðast eina ferðina enn í myrkrasmiðju Evrópu.   

Ekki var við öðru að búast frá djúpfrystum kommúnistum Íslands sem skyndilega þiðnuðu upp og geifluðu Melónu Brosinu framan í þjóðina í síðustu kosningum. Grænir að utan en Kremlarrauðir að innan. Þá létu margir blekkjast en eru nú rjúkandi reiðir. 

Samstakkar og Grænstakkar vilja auðvitað selja landið og fá frið til að vinna að því einkamáli samkvæmt meðfæddum erfðafræðilegum skoðanaeiginleikum forfeðra og afkomenda kommakynstofns Íslands. Þessi stofn sem þiðnaði upp úr frystikistum í síðustu kosningum. Nú höfum við frystikistu-ríkisstjórn sem hefur fryst sig inni í Stjórnarráðinu og reynir að frysta allt sem hún kemur nálægt - og þar á meðal er sjálft lýðræðið.   

Margir afkomendur þessa kynstofns hafa ekki enn ýtt steingeldum skoðunum forfeðra sinna fyrir björg. Nei lifandi verum var í staðinn varpað fyrir björgin. Og á morgun er þjóðhátíðardagurinn þar sem fagnað er sjálfstæði Íslands, en sem ríkisstjórnin gerir allt til að afnema á ný.  

Það undarlega er að stjórnmálaflokkar eru yfirleitt stofnaðir til að vinna að hagsmunum kjósenda. En það má ekki í Evrópusambandinu. Þar eiga öll ríki að vinna stanslaust að því að kúga þjóð sína og grafa undan ríki sínu, landi og lýð.  

Vinstri grænir lofuðu kjósendum sínum því að þeir myndu vinna að því að Ísland gengi ekki í Evrópusambandið. Þessi loforð, sem og flest önnur, hafa þeir svikið á hinn grófasta máta. Kosningasvikarar.

 

Í Evrópusambandinu eru ríkisstjórnir dæmdar eftir því hversu vel þeim tekst að vinna gegn þjóð sinni. Því meira sem þær grafa undan þjóðríkinu því betri meðlimir teljast þær vera í klúbbnum. Vinstri grænir og Samfylkingin myndu verða mikils metnir flokkar í Evrópusambandinu. Það hafa þessir tveir flokkar þegar sýnt.

 

Verða bankastjórar seðlabanka Evrópusambandsins ekki örugglega reknir?

Innskot um frétt af mbl.is: "Vandinn rakinn til fyrri styrks evrunnar"

 

Birtist fyrst þann 21. janúar 2010 á amx

 

Evrulöndin eru að endurtaka mistökin frá 1930 með næstum óaðfinnanlegri nákvæmni. Hagfræðingurinn Paul De Grauwe sagði í grein í Financial Times að peningayfirvöld evrusvæðis hafi og séu ennþá að endurtaka þau mistök sem hin svo kölluðu gullblokkarlönd Evrópu gerðu í stóru kreppunni 1930 (Frakkland, Ítalía, Belgía, Holland og Sviss). Þessi lönd héldu þá fast í það að binda gengi gjaldmiðla sinna við verðið á gulli. Á sama tíma hættu bæði Bretland og Bandaríkin bindingu punds og dals við gull og létu gengi mynta sinna falla. Myntir landanna í gullblokkinni urðu þá mjög of hátt metnar og framlengdu þessi lönd þannig kreppunni með eigin aðgerðum, eða réttara sagt, með aðgerðaleysi sínu. Það sama er að gerast í dag.

 

Gengi breska pundsins gagnvart evru er nú fallið hátt í 30%. Frá því í október 2008 hefur gengi Bandaríkjadals einnig fallið hátt í 20% gangvart evru, eftir að það styrktist skömmu fyrir upphaf kreppunnar. Þau 16 lönd sem binda sig saman í einni mynt sem nefnist evra, hafa verið og eru enn að endurtaka nákvæmlega þessi sömu mistök gömlu gullblokkarlandanna núna. Gengi evru er nú 20-30% of hátt fyrir meðaltal evrulanda.

Seinustu daga hefur þó gengi Bandaríkjadals gagnvart evru styrkst aðeins aftur. Að mestu vegna vandamála fjármála þess ríkis myntbandalags Evrópusambandsins sem nefnist Grikkland. Markaðurinn heldur nú um stundir að myntbandalagið sé að byrja að tvístrast. Enginn veit ennþá hvernig erfið málefni ríkisfjármála Grikklands munu fara. Bandaríkjadalur en enn álitinn vera örugg höfn á viðsjárverðum tímum.

Af hverju endurtaka peningayfirvöld á evrusvæði þessi mistök forfeðra sinna? Af hverju endurtekur seðlabanki Evrópusambandsins þessi mistök? Jú, segir Paul, þetta er rétttrúarlegs eðlis. Orsökin er peningastefnulegur rétttrúnaður seðlabanka Evrópusambandsins. Evrópski seðlabankinn (ECB) trúir því að aðilar á gjaldeyrismörkuðum séu þeir einu réttu sem stjórna eigi verðmyndun evru gagnvart öðrum gjaldmiðlum. Alveg eins og verðið á gulli í gamla daga stjórnaði gengi mynta þessara landa. Seðlabanki Evrópusambandsins trúir ekki á að gengi gjaldmiðilsins eigi að þjóna hagkerfinu með því að fylgja peningastefnu sem er hagstæð grundvallar þörfum myntsvæðisins, þ.e. atvinnu, atvinnusköpun og hagvexti. Hann trúir einungis því að eina hlutverk seðlabankans sé að stuðla að stöðugu verðlagi í löndunum myntbandalagsins. Enda er það hið eina opinbera og skjalfesta markmið seðlabanka Evrópusambandsins.

 

Þetta getur varla verið öðruvísi á meðan lönd evrusvæði eru ekki runnin saman í eitt stórríki með sameiginlegum sköttum og ríkisfjárlögum. Svo hér er auðvitað um peningastefnulega málamiðlun að ræða sökum meðfædds ófullkomleika myntbandalagsins. Annars hefði ESB aldrei tekist að selja evruhugmyndina til svona margra landa Evrópusambandsins. Núverandi kreppa, sem muna vara mörg næstu árin á evrusvæði, mun svo verða notuð til að þvinga lönd evrusvæðis út í enn meiri samruna með þeim rökum að ekki sé um annað að ræða. Að öðrum kosti eigi myntbandalagið á hættu að leysast upp eða tvístrast. Þau rök verða líka notuð að ekki verði hægt að tryggja þann lífsnauðsynlega hagvöxt sem er það eina sem getur forðað evrusvæðinu frá því að enda sem ríki fullkominnar stöðnunar með æ meiri fátækt og örbyrgð þegar fram sækir.

Evrópski seðlabankinn, segir Paul De Grauwe, er aðeins hálfdrættingur á við seðlabanka Bandaríkjanna og Bretlands þegar að efnahaglegri umhyggju fyrir afkomu íbúa hagkerfanna kemur. Þetta sést á því peningamangi sem seðlabankarnir hafa dælt út í hagkerfin í kreppunni með ýmsum hætti. Seðlabankar Bandaríkjanna og Bretlands hafa tvöfaldað efnahagsreikninga sína á meðan seðlabanki Evrópusambandsins hefur aðeins bætt 50% meira fjármangi við bækur bankans. Paul De Grauwe hefur áður harðlega gagnrýnt seðlabanka Evrópusambandsins fyrir að hafa leyft myntinni evru að hækka um 100% gagnvart Bandaríkjadal á aðeins nokkrum árum.

Í venjulegu árferði er óskemmtilegt að eiga svona mikið undir peningastefnulegum rétttrúarbrögðum komið. En ennþá meira óskemmtilegt er þetta þó fyrir þau evrulönd sem standa mjög illa í kreppunni núna. Hvort sem þeim líkar betur eða verr, standa þau núna öll með sömu þýsk/frönsku evruna sem sennilega er 50-70% of hátt metin miðað við þeirra eigin efnahag. Þessi lönd eru til dæmis Írland, Spánn, Ítalía, Grikkland, Portúgal, Lettland og Litháen.

 

Malbikaðir skrúðgarðar evrusvæðis

 

Er von til þess að út úr þessu myntsamstarfi geti komið eitthvað annað en malbikaður skrúðgarður fyrir hrörlegt fjölbýlishús sem þolir ekki að gengið sé á grasinu í garði þess? Samstarf þar sem allir íbúar verða að samþykkja málamiðlun drossíueigenda inn í hið óendanlega. Væntingar þeirra sem boða til húsfélagsfundar á evrusvæði eru þær að hægt sé að prýða sameiginlega garðinn með grænu grasi og blómum. En þegar fundi er slitið er niðurstaðan nær alltaf sú að einungis er hægt að velja á milli svarts malbiks eða grænnar málningar - og aldrei hvoru tveggja.

 

Við skulum ekkert minnast á stýrivaxtahækkun seðlabanka Evrópusambandsins tíu mínútur í algert hrun haustið 2008. Já, stýrivaxtahækkun þann 9. júlí 2008 þegar kjarnaverðbólga evrusvæðis sagði bankanum að engin hætta væri á ferðum. En þá hækkaði bankinn auðvitað stýrivexti í 15 löndum á einum og sama deginum og alveg án tillits til efnahaglegra þarfa flestra landanna. Sú ákvörðun var líka byggð á peningalegum rétttrúnaði og mun fara inn í sögubækurnar sem ein heimskulegasta stýrivaxtaákvörðun efnahagssögunnar. Við skulum heldur ekkert minnast á þau lönd sem bankinn fóðraði á endalausu lausafé á neikvæðum raunstýrivöxtum árum saman. Efnahagur þessara landa er nú sprunginn í tætlur. Aðallega sökum innbyggðrar kerfislægrar bólumyndunarviðleitni stjórnenda seðlabanka Evrópusambandsins, samkvæmt tilskipun.

Sagan talar ekki máli seðlabanka Evrópusambandsins. Þessi seðlabanki Evrópusambandsins er líklega verri en enginn. Auðveldlega væri hægt að komast af með nokkra starfsmenn myntslátturáðs og símsvara í stað hins mannlega herafla þessa seðlabanka. Útkoman yrði að minnsta kosti ekki verri hagvaxtarlega séð. Nógu slæm er hún nú þegar því hinum lélega hagvexti á evrusvæði síðastliðin 10-20 ár getur ekkert myntsvæði innan landa OECD slegið út, nema hið eina og fullkomlega staðnaða öldrunarhagkerfi Japans á barmi gjaldþrots. Ef seðlabanki Evrópusambandsins væri nútíma seðlabanki sjálfstæðs ríkis, væru stjórnendur hans allir komnir frekar illa haldnir út á gangstétt - og auðvitað miklu lengra ef um Ísland væri að ræða. 

 

Tengt efni:

 

Grein Paul De Grauwe í Financial Times þann 4. september 2008 - um 100% hækkun evru gegn dollar: The Bank must act to end the euro’s wild rise

 

ECB: Heimskulegasti seðlabanki mannkynssögunnar?

 

Samfylkingin og Jóhanna Sigurðardóttir krefst brottreksturs bankastjórnar seðlabanka Evrópusambandsins 

 

Fyrri færsla

Er til evra án handjárna og ánauðar þjóða? Nú fallin um 21% 

Vandinn rakinn til fyrri styrks evrunnar

Er til evra án handjárna og ánauðar þjóða? Nú fallin um 21%

Evrunni var logið inn á almenning í Evrópu.

Fallin um 35% gagnvart japanska yen frá júlí 2008 og um 21% gagnvart Bandaríkjadal frá nóvember 2009 

Forseti Evrópusambandsins, Herman Van Rompuy, viðurkenndi fyrir framan valdan áheyrendaskara embættis- og kaupsýslumanna að logið hafi verið að hinum almenna Evrópubúa þegar myntbandalagi Evrópusambandsins var þröngvað upp á Evrópu. En evran er "uppfinning Frakka og Þjóðverja", eins og José Manuel Barroso orðar það, - "spyrjið þá".

Hinum almenna borgara var aldrei sagt frá þeim félags- og efnahaglegu áhrifum sem evruaðild myndi hafa á þjóðfélag þeirra. "Enginn sagði fólki nokkru sinni frá því að þróun atburða í öðrum löndum myntbandalagsins myndi hafa áhrif heima í þeirra eigin landi. Það að taka upp evru þýðir í bókstaflegum og peningalegum skilningi að löndin verða hluti af Evrulandi." 

 

Reiði almennings í Þýskalandi eykst dag frá degi vegna óheyrilegra fjárútláta og skuldbindinga sem eiga að forða því að myntin sem þýska þjóðin deilir með Grikkjum, Spánverjum, Portúgölum, Írum og fleiri löndum, veslist upp og valdi efnahagslegu öngþveiti. Þessi reiði mun valda pólitískum óstöðugleika í Þýskalandi og jafnvel í fleiri evrulöndum.

 

Niðurstöður könnunar sem Stern blaðið þýska birti, segja að þremur af hverjum fjórum Þjóðverjum finnst að stjórnleysi ríki í skuldamálum þýska ríkisins. Ríkisskuldir Þýskalands hafa vaxið um 63 prósent frá því að björgunaraðgerðir evru hófust með tilkomu gríska bráða-vandamálsins. 

 

Herman Van Rompuy hinn ókjörni - eins og allir sem starfa hjá ESB - en útnefndi forseti Evrópusambandsins viðurkennir að hinn nýlega uppgötvaði skilningur almennings á vandamálum evruaðildar þeirra sé meiri háttar pólitískur atburður. "Fólk er núna að uppgötva hvað það þýðir í raun og veru að deila mynt með öðrum þjóðum. Fólk er að uppgötva að aðild þeirra að myntbandalaginu hefur áhrif á daglegt líf þess, sparnað, lífeyri og atvinnu. Þetta er sársaukafullt."

 

Van Rompuy viðurkenndi einnig að evran og myntbandalagið hefðu verið "gölluð" fyrirbæri frá fyrsta degi sköpunar árið 1992. Að búa til sameiginlega mynt án sameiginlegra ríkisfjármála var galli frá byrjun. Fólki var ekki sagt frá þessum göllum.

 

Breska hugveitan Open Europe benti í síðustu viku á misræmið á milli þess sem sagt var og þess sem gert var í ESB á undanförnum vikum: Kanslari Þýskalands sagði fyrir aðeins tveimur mánuðum að "aldrei kæmi til greina að bjarga ríkissjóðum annarra evrulanda frá gjaldþroti".

 

Vincenzo Scarpetta greinandi hjá Open Europe sagði: evrusvæðis-krísan fjallar ekki bara um efnahaglegt árangursleysi og mistök. Krísan hefur líka sýnt fram á skipbrot trausts almennings á hinni pólitísku yfirstétt Evrópusambandsins. Evran var og er mistök hinnar pólitísku yfirstéttar ESB; Telegraph

 

Fyrri færsla

 

Evran er fallin um tæp 20 prósent. Bæði kaupmáttur og vinsældir hennar fjara út