Spurt er: Hvaða sögubækur lest þú eiginlega?

Í athugasemd við bloggfærslu mína í gær;

Dresden 1945: frekar hráslagaleg söguskoðun, þykir mér

- sem fjallar um loftárásirnar á Dresden í febrúar 1945, er ég af eftirfarandi tilefni spurður eftirfarandi spurningar

"...héldu Rússar sér fast í kristin gildi Kirkjunnar"

Virkilega? Hvaða sögubækur lest þú eiginlega?

Svar

Í fyrsta lagi myndi ég aldrei lesa sögubækur sovéskra yfirvalda og áhangenda þeirra sem þýða myndi að allar sögubækur í skólakerfi sovéskra yfirvalda væru á andlegum bannlista hjá mér

Hefði ég nauðbeygður verið skólaður í svoleiðis skólakerfi þá hefði ég sem vöggugjöf frá foreldrum og ættmennum mínum haft til varnar innbyrðis í heilabúi mínu það sem kom þar inn með móðurmjólkinni. Og myndi ég ávallt ráðfæra mig við þá þekkingu, lífsskoðun og lífssiði yrði ég bombarderaður af andkristnum áróðri yfirvalda undir terror-ríkisstjórn glæpamanna á borð við Jósef Stalín, heilaskaðaðan mafíuforingjann Lenín og önnur glæpaverkfæri Kommúnistaflokks sósíalista

Frá því ári er 1917 nefnist voru meðlimir Rússnesku kirkjunnar um það bil 100 milljón manns (af ca. 160 milljóna heildarmannfjölda Tzar-Rússlands) sem deildu sér niður á 67 biskupsdæmi, með 55 þúsund kirkjum, með 57 þúsundum presta og 1500 klaustra með 95 þúsund munkum og nunnum

Komst svo Glæpaflokkur Kommúnistagengis Sovétríkjanna til valda og brenndi á árunum frá 1917 til 1929 um það bil 16 þúsund kirkjur niður á því tímabili. Á tímabilinu frá 1929 til 1939 (hinn Stóri terror Stalíns) stóð glæpagengi Kommúnistaflokksins enn fremur fyrir eyðileggingu á 24 þúsund kirkjum til viðbótar, þannig að á því herrans ári 1939, voru aðeins rúmlega 15 þúsund kirkjur eftir í Sovétríkjunum öllum. Þúsundir af prestum voru teknir af lífi á þessu tímabili og annað eins var sent í Gúlag Kommúnistaflokksins til niðurrifs og mannlegrar sem andlegrar tortímingar sósíalismans

Staðan í kringum 1940 var sú, að aðeins voru þá eftir 20 prósent af þeim 55 þúsund kirkjum sem voru í ríkinu áður en Kommúnistaflokkur glæpagengis Leníns og Stalíns rændu völdum. Hefðu yfirvöld þá framkvæmt skoðanakönnun, hefðu líklega núll prósent fólksins gefið til kynna að það aðhylltist Kristni og kristin gildi, því skoðanafrelsi var ekki leyft undir oki kommúnisma nómenklattúrískra yfirvalda og terror þeirra. Sama saga gildir að mestu leyti í öðrum kommúnistaríkjum sósíalista

Fólki var refsað og það tekið af lífi fyrir skoðanir sínar. Stjórnarskrá Sovétríkjanna og dómstólar þeirra leyfðu aðeins kommúnisma sem lífsskoðun og lífsmáta innan landamæra þeirra (að því leyti líkist hún heimspekilegum grunnstólpum stjórnarskrár, lagabálka, stofnana- og dómskerfis Evrópusambandsins, sem leyfir aðeins samrunahugmyndina í hinum heimspekilega grundvelli er stofnanir sambandsins hvíla á). En kommúnisminn og marxisminn var fluttur inn til Rússlands frá aðalstöðvum Helgels í Þýskalandi, sem er á meginlandi Evrópu. Ekki er því skrítið að Rússar hræðist Evrópusambandið í dag

En annað gilti hins vegar um þann kristna fjársjóð sem Kirkjan hafði plantað í hugum fólksins. Þau fræ hjálpuðu Rússum í gegnum terror kommúnistagengis Sovétríkjanna þar til hugarfarslega gereyðandi lífsskoðun þeirrar samkundu hundi til grunna ofan á fólkið með ömurlegum afleiðingum, eins og allt sem ekki er manninum samkvæmt og ekta á endanum gerir

Í dag eru 150 milljón manns í Rússnesku kirkjunni á veraldarvísu og yfir 70 prósent af lögráða fólki í Rússlandi aðhyllist Kirkjuna þó svo að kirkjusókn sé þar í sömu vandamálum og hér heima í ríki DDRÚV og sósíalista Íslands. En uppi í höfðinu vísaði landakort Kristninnar fólkinu veginn undir terror kommúnismans. Án þess vegvísis hefði lítið verið eftir til að snúa til baka til; nema maurabúskapar í maurabúi, þ.e. mannlegs svartnættis

Langi menn að fræðast frekar um kommúnismann, þá bendi ég til að byrja með á eftirfarandi fjórar bækur sem þrjár eru listaðar hér í dálknum til hægri:

1) Bent Larsen: Gulag og glemsel - Um sorgleik Rússlands og minnistap vesturlanda.

2) Niels Erik Rosenfeldt: Stalin - Diktaturets anatomi.

3) Þór Whitehead: Sovét-Ísland, óskalandið. Kommúnistaflokkur Íslands var deild í heims-byltingarsambandinu Komintern, sem stjórnað var frá Moskvu. Yfirlýst markmið flokksins var: Bylting og stofnun Sovét-Íslands. Hér lýsir Þór Whitehead í fyrsta sinn í samfelldu máli undirbúningi flokksins að byltingu í landinu og viðbrögðum íslenska ríkisins. Bókafélagið Ugla gefur út.

4) Hannes Hólmsteinn Gissurarson: Íslenskir kommúnistar (ISBN: ISBN 978-9935-426-19-2). Almenna bókafélagið gefur út og segir réttilega: "Í þessari sérlega fróðlegu og vel skrifuðu bók er rakin saga íslenskra kommúnista í máli og myndum frá því að Brynjólfur Bjarnason tók þátt í götuóeirðum í Kaupmannahöfn haustið 1918 og fram til þess að þau Margrét Frímannsdóttir og Svavar Gestsson þáðu boðsferð til kommúnistaflokks Kúbu haustið 1998. Óslitinn þráður var frá fyrstu aðdáendum kommúnismans til hinna síðustu. Nú hafa allar myndir af Stalín verið teknar niður í betri stofum á Íslandi en eftir stendur, að hreyfing íslenskra kommúnista náði hér meiri áhrifum en víðast annars staðar í lýðræðisríkjum, ekki aðeins í stjórnmálum heldur einnig í verkalýðshreyfingu og menningarlífi".

Kveðjur

Nafni þinn Gunnar (meðlimur Íslensku þjóðkirkjunnar sem sósíalistískur forsætisráðherra Íslands 2009-2013 e.Kr., Jóhanna Sigurðardóttir, kvaðst íhuga að segja sig úr)

**** DANMÖRK og DDRÚV 14. febrúar 2015 **** 

PS: Í gær varð Danmörk, að sögn þarlendra yfirvalda, fyrir "verstu hryðjuverkaárás í nýrri tíma sögu landsins". Hvorki meira né minna! Hvað gerir þá sósíalistastofnunin DDRÚV í aðalfréttatíma þess dags hér á Íslandi, sem er eitt Norðurlandanna?

Jú, hryllingsatburðurinn í Danmörku er alls ekki fyrsta frétt í aðalfréttatíma stofnunarinnar! Þó svo að Ísland sé eitt af Norðurlöndunum! Sem fyrsta frétt var hins vegar af sporbraut kominn gervihnöttur hins pólitíska spuna sem stofnunin hefur undanfarna daga spunnið gegn fjármálaráðherranum og bagatelliseringu þess á orsakasamhengi eins atburða í Frakklandi um daginn. Sú aðgerð DDRÚV undanfarna daga og vikur neyddi því stofnunina til að forgagnsraða fréttum í aðal"fréttatíma" þess í gær, en ekki raunveruleikinn eins og hann valt fram. Skömmin neyddist því til að bíta í sjálfa sig og éta sig inn í höfuð sitt í gær og er það alls ekki í almannaþágu. Fjármunum og tíma stofnunarinnar er varið í að halda gervihnöttum þess á sporbraut við DDRÚV-snyrtistofu raunveruleikans. Smá meiki er klaskað framan í áhorfendur á hverjum degi þannig að úr verði helst á endanum; klessa

Þetta sýnir að DDRÚV flytur okkur ekki fréttir úr raunveruleikanum eins og hann er og veltur fram, heldur flytur það okkur boðskapsdagskrá (prédikun) sem er ekki raðað saman samkvæmt raunveruleikanum eins og hann gerist og veltur fram. Honum er raðað saman samkvæmt boðskapsdagskrá stofnunarinnar, sem er viðvarandi hápólitískur fréttaflutningur er nálgast áróður

RÚV starfrækir forgangs pólitíska dagskrá á kostnað skattgreiðenda (e. political priority agenda) og því ber öllum að taka fréttaflutningi þess með stórum fyrirvara, eins og var í Sovétríkjunum undir Sannleikanum - Pravda

Fyrri færsla

Dresden 1945: frekar hráslagaleg söguskoðun, þykir mér

Dresden 1945: frekar hráslagaleg söguskoðun, þykir mér

Frekar undarleg þykir mér þessi bloggfærsla hins ágæta höfundar um loftárásirnar á Dresden þessa dagana árið 1945, þ.e. þann 13. til 15. febrúar það ár. Færslan er í sjálfu sér ekki slæm, en ýmislegt vantar. Því get ég ekki látið eftirfarandi skrif mín vera. Athugasemdirnar eru —sumar, því miður— athyglisverðar í ljósi töluverðs gamaldags og undarlegs Þýskalandsáhuga hérlendis. Þar á ég bæði við Vestur- og Austur-Þýskalönd þá og nú

Þann 5. febrúar 1945, á Möltu-ráðstefnu Bandamanna, héldu herforingjar fund. Sovéski herinn sagði að herdeildir Nasista-Þýskalands væru að flytja sig í gegnum Nasista-hernumda Evrópu Þjóðverja og handlangara þeirra til Austur-vígstöðvanna, og notuðu þeir til þeirra flutninga samgönguvegamót og samskiptamiðstöðvar borganna; Berlínar og Leipzig og Dresden. Sovéski herinn krafðist að Bretar og Bandaríkjamenn hæfu massífar loftárásir á þessi vegamót flutninga og samskipta. Mannfall Rauða hersins í styrjöldinni var þá orðið algerlega skelfilega óásættanlegt. Einnig hefur ef til vill og vonandi skipt máli að þurrka sem mest út af járnbrautaneti Þýskalands, því að á aðeins átta vikum höfðu Þjóðverjar flutt 425.000 Gyðinga á þessu járnbrautaneti til slátrunar í útrýmingarbúðum Þjóðverja, sem lágu út um gjörvallt yfirráðasvæði þeirra. Þær milljónir og aftur milljónir Gyðinga sem slátrað var af Þjóðverjum, voru fluttir í gripavögnum Deutsche Bahn (DB) ríkisjárnbrauta þessara í gegnum oft prúðbúnar og ný-fánum klæddar borgir Þýskalands

Deutsche Bahn þjónar í dag Þýskalandi dyggilega og er ennþá í eigu ríkisins. Án þeirra hefðu stóriðnaðarmorð þýska ríkisins á milljónum og aftur milljónum Gyðinga ekki getað gengið eins hratt og snurðulaust fyrir sig og þau gerðu. Enginn vann við Deutsche Bahn, að sögn þýsku þjóðarinnar eftir stríðið. En í dag vinna þar allt í einu um 300 þúsund manns

Þýskaland má líklega ennþá þakka fyrir að hafa ekki að hluta til verið þurrkað út af landakortinu. Berlín má sennilega enn þann dag í dag þakka fyrir að hafa ekki verið jöfnuð algerlega við jörðu

Adolf Hitler var kosinn til valda af Þjóðverjum. Einn versti aðskilnaður ríkis frá hinu æðra umboði varð þegar Hitler fékk umboð sitt frá þinginu —e. the Enabling Act of 1933— til að troða universal boðskap Ritninganna niður í sömu ruslatunnur og Stalín hafði þá þegar yfirfyllt í gervöllum Sovétríkjunum, með þeim endalokum sem svo urðu. Það voru Ritningarnar sem gáfu manninum hið takmarkaða ríkisvald, en ekki öfugt. Enda var nasisminn svo dæmdur til dauða í Nuremberg, fyrst og fremst samkvæmt brotum gegn Ritningunum þ.e.a.s hinu æðra og universala umboði

Loftárásirnar á Dresden voru gerðar á síðustu mánuðum styrjaldarinnar, sem enginn vissi þá hvenær myndi enda. Tækninni og getu hennar, miðað við upphafsár styrjaldarinnar, hafði þá fleygt verulega fram, enda var þörfin á þeim framförum algerlega lífsnauðsynlega knýjandi. Nasista-Þýskaland var þekkt fyrir að notafæra sér út í ystu æsar hina allra nýjustu tækni á hverjum tímapunkti styrjaldarinnar. Hefði Nasista-Þýskaland ráðið yfir þeirri tækni sem beitt var á Dresedn, þá hefðu þeir notað hana á almenna borgara Bretlands og hernumdu ríkjanna frá 1939 og jafnvel fyrr. Hefði Nasista-Þýskaland ráðið yfir kjarnorkusprengjum, þá hefðu þeir notað þær á almenna borgara Bretlands, Bandaríkjanna, Sovétríkjanna og hin hernumdu lönd um leið og sú tækni hefði verið af þeim tilbúin til notkunar. Enginn minnsti vafi er á því. Þeir hefðu alltaf notað alla fáanlega tækni á hverjum tímapunkti til slátrunar á óbreyttum borgurum hvar sem þeir hefðu náð að koma henni við. Og Bandamenn vissu aldrei á neinum tímapunkti styrjaldarinnar um hvaða horror-tækni þeir áttu von á að standa augliti til auglitis við frá hendi Nasista-Þýskalands. Það er óumdeilanlegt

Eftir-stríðs söngurinn um Dresden er aðeins sorgleg tilraun til hráslagalegrar söguendurskoðunar á því sem var óumdeilanlega eitt það ömurlegasta sem Bandamenn neyddust til að gera til að binda enda á horror sósíalismans. Bæði nasismi og kommúnismi eru sósíalismi

Þýskaland dagsins í dag hefur lítið sem ekkert með þessa atburði að gera, að minnsta kosti enn sem komið er. Það fólk sem byggir Þýskaland í dag er ekki það fólk sem stóð undir sprengjuregninu yfir Dresden og það fólk er heldur ekki það fólk sem stóð fyrir þörfinni á að þetta var gert. Það er ekki við það að sakast. Hugtakið "þjóðareign" er hvorki eins sterkt né endingardrjúgt og sumir nytsamir sakleysingjar halda bláeygðir fram í dag. Þær kröfur sem heyrst hafa frá Grikklandi í dag um stríðsskaðabætur frá því þá, eru óréttmætur fáránleiki. Þýskaland þá, er ekki Þýskaland dagsins í dag. Að minnsta kosti ekki enn sem komið er, eins og stendur. En það vekur þó óneitanlega skuggalega athygli að ný-fánum klætt Evrópusamband dagsins í dag, hefur ekki hið tvöfalda umboð. Reyndar hefur það ekkert umboð frá neinum. Það er umboðslaust

Evrópskir sagnfræðingar eru sumir hverjir nú komnir á þá skoðun að Evrópusambandið muni enda sem borgarastyrjöld í Evrópu. Hvers vegna skyldu þeir vera komnir á þá skoðun? Því má vel halda fram að seinni heimsstyrjöldin hafi verið borgarastyrjöld Evrópu númer tvö

Fyrri færsla

Furðulegt með sósíalista og hin svo kölluðu "mannréttindi"

Furðulegt með sósíalista og hin svo kölluðu "mannréttindi"

Það kemur úr hörðustu átt að sósíalistar séu skyndilega farnir að grufla yfir mannréttindamálum og að þykjast láta sér annt um þau. Vita þeir ekki að það var réttarríkið sem ól af sér mannréttindin?

Fáir hafa barist eins ötullega gegn réttarríkinu eins og sósíalistar hafa gert. Þeir börðust gegn réttarríkinu með ofbeldi og undirróðri og allt fram undir síðustu aldamót voru þeir jafnvel algerlega andsnúnir þingræði. Þeir höfðu vopnaða byltingu á dagskrá sinni fram undir það síðasta. Undir ríkisstjórn þeirra var boðað til leshringa í Marx-Lenínisma í höfuðborg Íslands, Reykjavík, svo seint sem árið 2012

Sósíalistar höfðu á dagskrá sinni að kollvarpa réttarríkinu sem ól af sér réttindi manna með lögum í anda Krists, sem predikaði að einstaklingurinn væri einstakur og fæddur frjáls

Hinn frjálsa einstakling hafa sósíalistar hins vegar oftast reynt að hneppa í ánauð og haft mikið á móti kristninni sem þeir sjálfir njóta forréttindanna af að búa saman með nágrönnunum sínum undir

Sósíalistinn Jóhanna Sigurðardóttir sem með sósíalistunum Steingrími J. Sigfússyni og Össuri Skarphéðinssyni sátu hér við ömurlega fengin völd, hótaði meira að segja á tímabili að segja sig úr Íslensku þjóðkirkjunni

Í praxís hefur stjórnarfar sósíalista alltaf leitt af sér aðför að réttarríkinu => sem leiðir af sér engin mannréttindi => sem leiðir af sér ófrið og stjórnleysi og þann jarðveg sem ill öfl þrífast best í. Evrópusambandið er til dæmis orðið slíkur jarðvegur. Þar hefur meira að segja risið upp furðufyrirbæri sem komið hefur sér upp sínum eigin lögum undir yfirríkislegum dómstóli; Evrópudómstólnum (e. "European Court of Justice”, ECJ) sem byggður er á alræðislegi lagaheimsspeki (e. totalitarian concept)

Það er að segja fyrirbæri þar sem sem lög, dómar og túlkanir dómstóls sem byggir lagaheimspeki sína á f. "Une certaine idée de l’Europe" eða "hinni sérstöku hugmynd um Evrópu(sambandið)" ræður ríkjum og sem í grundvallaratriðum er ekki ósvipuð alræðisleg heimspeki sem lög og dómstólar Sovétríkjanna byggðu tilvist þess terror-ríkis gegn einstaklingnum upp á

Þess vegna hóf Vinstrihreyfingin-grænt framboð leshring um Marx-Lenínisma í höfuðborg Íslands, Reykjavík, á stjórnarfarsári sósíalista númer þrjú, 2012 e.Kr.

Eftir aðeins 10 ár undir ríkisstjórn sósíalista hefði réttarríkið Ísland orðið óþekkjanlegt, slíkur er ofstopi þeirra. Í ljósi þessa ber að skoða hina illa tilkomnu aðildarumsókn þeirra að Evrópusambandinu

Fyrri færsla

ESB er sama stefna og leiddi til heimsstyrjaldarinnar fyrri

ESB er sama stefna og leiddi til heimsstyrjaldarinnar fyrri

[Úr orðabók ESB: Populist = ekki sammála okkur í Brussel: a person who holds, or who is concerned with, the views of ordinary people]

Og hver var sú stefna. Jú sú sama stefna er frá fæðingu liggur að baki Evrópusambandinu; heimsvaldastefna (Imperialism) útþenslustefna, miðstýring, myndun nýs sovétríkis, elítustefna, ófriðarstefna. Evrópusambandið er að eðlisfari elíta, ófriðarverkefni

Aðeins ein lífsbjargandi lækning er til við heimsvaldastefnu Evrópusambandsins. Að kalla verndandi þjóðríkið Bandaríki Norður-Ameríku á vettvang til að leysa það upp

Bandaríkjamenn eru sérfræðingar í brottförum. Þegar þeir eru kallaðir á vettvang til að bjarga veröldinni frá skrímslum eins og Evrópusambandinu, þá eru þeir að verki loknu snöggir að pakka saman og fara heim

Þeir eru sérfræðingar í exit, því heima í hinu frjálsa ríki sínu vilja þeir helst vera. En rétt eins og er —því miður— þá eru þeir uppteknir við að stinga hausnum í sandinn. En það mun lagast

Evrópusovétríki fara á hinn bóginn aldrei heim fyrr en þau eru neydd til þess eða þegar þau rekast á óhagganlegar stærðir. Rússland er til dæmis frekar óhagganleg stærð

Evrópusambandið er slæmt. Því til sönnunar þarf ekki að horfa lengra en til sósíalistanna á Íslandi sem eru helstu aðdáendur þess; Sem alltaf hafa dáð ófrelsið, kúgunina og fátæktina; Sovétríki, Kúbur, Rúmeníur, Albaníur, Austur-Þýskalönd, samyrkjubú, hungursneyðar og neyð almennings

Sósíalistar sjá sér nýja möguleika í Evrópusambandinu; það er orðið að þeirra skjaldborg. Það varð það frá og með 1. nóvember 1993. Í því sjá þeir nýtt samyrkjubú, musteri fátæktar. Gamla Sovétið horfið, en nýtt yfirríkislegt er hér komið

Fyrri færsla

Áhlaup danska seðlabankans á dönsku krónuna; Úthýst dönsk króna

Úthýst dönsk króna

Efnahagsleg djúpfrysting Danmerkur í ESB

Mynd: Vísitala hagvaxtar á Norðurlöndum - Hagtölur Norðurlanda 2014

Hvað hefur danska krónan nú gert af sér? Af hverju hefur danski seðlabankinn neyðst til þriggja refsi-stýrivaxtabreytinga á innan við hálfum mánuði? Þann 19. janúar, svo þann 22. janúar og síðan 29. janúar. Þetta er eitt stykki stýrivaxtabreyting þriðja hvern virkan dag. Nú er svo komið að hinir neikvæðu refsistýrivextir danska seðlabankans eru komnir niður í mínus hálft prósentustig og bankar landsins brenna af reiði og segja að gengisbindingar refsing myntsnillinga landsins verði látin bitna á hinum almenna borgara með refsivöxtum á bankainnistæðum. Hvað hefur danska krónan gert af sér? Af hverju er þetta ERM2 mas Danmerkur að verða eins og súrkálið í myntbandalagsgúlagi Evrópusambandsins?

Jú, það er þannig, að danskt atvinnulíf hefur ekki trú á evrunni og tekur heim þá peninga sem það á í evrum og skiptir þeim yfir í danskar krónur, því atvinnulífið (þ.e. dönsk fyrirtæki, því danskur almúgi má ekki eiga gjaldeyrisreikninga í brothættu bankakerfinu) er svo hrætt við að danska krónan hækki í verði við einmitt það sem dönsk fyrirtæki eru hér með að gera. Í hinum endanum á ERM-geðsjúkrahúsi Evrópusambandsins stendur svo danski seðlabankinn með sveittan skallann við að prenta krónur og kaupa fyrir þær evrur atvinnulífsins —sem bankinn vill þó helst ekki eiga, því hann hefur sömu ótrú á henni og danskt atvinnulíf— til þess að reyna að halda einmitt dönsku krónunni niðri gagnvart evru svo að allt atvinnulíf landsins leiti ekki enn frekar úr landi og ofan í niðurfall myntbandalagsins, því þar væri hægt að staðsetja og kaupa inn vinnuafl af launþegum á lúsarlaunum og framleiðslugetu fyrir brot af því sem svoleiðis kostar heima í Danmörku, sérstaklega þegar og ef danska krónan hækkar í verði gagnvart ESB-niðurfallinu. Hin samfellda 15 ára innvortis sníkjudýra gengisfelling Þýskalands gagnvart ERM og evrulöndum virkar (e. "Germany’s beggar-they-neighbor relative wage deflation") eins og Krugman orðar það réttilega hér

Danir halda áfram, þessa dagana sem alla aðra daga, að tönglast á því að þeir séu jú í ERM2 með "gagnkvæma gengisbindingu" við evru og að ECB-seðlabanki Evrópusambandsins muni þar af leiðandi koma þeim til aðstoðar við að verja krónuna. Hvernig getur svo þessi falska eftirvæntingarhjálp gegn dönsku atvinnulífi farið fram? Hvernig getur ECB aðstoðað Dani í þessu máli? Jú, það getur hann alls ekki, því ECB getur ekki prentað danskar krónur til að halda gengi hennar gagnvart evru niðri. Það sem ECB-seðlabankalingurinn getur hins vegar gert —og er að gera— er að halda áfram að eyðileggja löndin sem búa við myntina evru á sama hátt og allt sem Danir hafa bundið myntina sína við síðastliðin 80 ár, hefur eyðilagst og reynst landinu verra en gagnslaust peningalegt þvaðurblaður í endalausum bunum hinna talandi stétta landsins

• Silfurmyntfóturinn frá 1838 hundi
• Gullmyntfóturinn frá 1873 hrundi
• Alþjóðlegi gullfóturinn hrundi í kreppunni 1930
• Fastgengi við Pundið hrundi
• Bretton Woods hrundi í byrjun 1970
• ERM/EMS hrundi 1992
• Og myntbandalag ESB og ERM er að hrynja núna

Hrannast nú logandi evrueignir upp í forðabúri danska seðlabankans og það er ekki skemmtileg staða fyrir neinn seðlabanka að vera í. Evrupeningurinn er orðinn svo eitraður að enginn vill hafa það skemmda epli í miklum mæli sinni tunnu, sem breytist þá í púðurtunnu. Að kvöldi föstudags 30. janúar; Og ekki nóg með það, heldur hefur danski seðlabankinn nú mælst til þess að ríkisstjórn landsins gefi ekki út frekari ríkisskuldabréf af ótta við þá peninga sem þá myndu leita til landsins og auka þar með enn frekar eftirspurn eftir krónum og hugsanlega þrýsta gengi hennar gagnvart evru enn frekar upp. Slæmt, því það hindrar danska ríkið í að endurnýja ríkisskuldir á lægri vöxtum á meðan þeir fást. Svo hér eru frjáls markaðsöflin ekki velkomin frekar en fyrri daginn, því Danmörk er fyrir löngu orðið DDR-Light, innan sem utan að hætti ESB

Borðliggjandi er að hið sjálfskipaða sadó-masókistíska peningalega þrönga plús/mínus 2,25 prósent fráviksband dönsku krónunnar gagnvart evru, falli ofan í hið víðara plús/mínus 15 prósent band ERM2. Það hrun myndi í núverandi aðstæðum þýða minnst 15 prósent gengishækkun dönsku krónunnar gagnvart evru og það veit danskt atvinnulíf að er algerlega raunhæfur möguleiki. Þess vegna hendir það evrum sínum í seðlabankann og fær í staðinn krónur

Ekki þarf að fara lengra aftur í tímann en til ársins 2000 er þetta sama danska atvinnulíf þóttist hrynja til grunna nema að því tilskyldu að landið tæki upp einmitt þær sömu evrur sem hið sama danska atvinnulíf er nú að henda frá sér af ótta við þriðja gráðu brunasár á fingrum og fótum þess. Svo mikið er að marka hin stefnumótandi snillimenni er standa við stjórnvöl þess

Það er hráslagalega hlálegt að allar þessar bindingar-aðgerðir danskra peningayfirvalda hin síðastliðnu 80 ár, til að verja landið fyrir frelsi á peningamörkuðum, hafa skilað Danmörku mölbrotnu inn í klúbb hagvaxtarlausra landa með örmagnaðri- og þverrandi velferð að launum

Já, hún danska krónan sjálf, hefur ekkert af sér gert. Það eru hins vegar massaframleiddir stjórnmálalegir myntfábjánar landsins, fæddir með genetískan þrælsótta stjórnmálastéttar Danmerkur, sem hafa gert í buxur almennra borgara landsins allar götur frá 1982, er stéttin tjóðraði dönsku krónuna við staur niðri í Þýskalandi. Tjóðraði hana við þess lands rass sem Danmörk hefur gert sig að bólu á

Það verður spennandi að fylgjast með hinni úthýstu peningapólitísku martröð er dönsk króna nefnist. Hún er þræls peningastefna er síðustu 30 árin hefur skilað Danmörku af sér sem efnahagslegum hagvaxtarkrypplingi. Og alið af sér DDR-þjóð sem gerir of mikið ekki neitt og sem ekkert getur lengur að gert í landi sínu, því búið er að ESB-eyðileggja landið innanfrá. Danmörk er næstum því heimsmeistari í lélegum hagvexti og í fjarvistum efnahagslegra framfara. Aðeins ESB-Finnland og ESB-Ítalía eru að slá landinu við í efnahagslegu niðurbroti. Og allt saman út af nokkrum óætum svínum

Fyrri færsla

Umræðan um umræðuna eftir að "ÉG" flutti úr landi

Umræðan um umræðuna eftir að "ÉG" flutti úr landi

Athyglisvert er að fylgjast með umræðunni um umræðuna. Í umræðunni um umræðuna er því oft haldið fram að hér heima á Íslandi sé umræðan "óvægin" og þar fram eftir götum. Þessa dagana eru t.d. Íslendingar búsettir erlendis notaðir sem nytsamir sakleysingjar og hitamælar á það sem hér heima, í þjóðríki okkar Íslendinga, er að gerast

Það fyrsta sem gerist er Íslendingar flytja búferlum til annarra þjóða landa er þetta:

Þeir verða að no-name zero-sum einstaklingum (aliens) sem ekkert eiga í því ríki sem þeir búa í. Öðruvísi getur það ekki verið. Hafa þar ekki kosningarétt og eru algerlega áhrifalausir á allt í gistilandinu nema svæðið sitt í kringum eigin nafla. Þeir hringja "heim" til Íslands til að öðlast einhver áhrif á eitthvað í lífi þeirra fyrir utan naflabauginn á maga sínum

Það sljákkar í og slaknar á kröfunum til samfélagsins og til aðstöðu þeirra í hinu nýja landi. Í nýju landi er allt í einu hægt að sætta sig við miklu minna en þeir kröfðust af ættjörðinni sinni; Íslandi. Enda hafa þeir erlendis ekkert um neitt að segja

Þetta er svona því annars verður hreinlega óbúandi á hinum nýja stað í nýju lífi þeirra nema að hann sé fyrirfram og stanslaust fergraður og kröfunum stillt í miklu meira hóf en þegar búið er á Íslandi. Allt verður auðvitað að vera fallegra, en umfram allt betra, á þeim stað sem flutt er til. Annars myndi fólk ekki flytja og annars væri dvölin óbærileg í þessari fjarlægð frá fósturjörðinni Íslandi, móðurmálinu íslenskunni, fjölskyldum, ættingjum og vinum með sömu sameiginlegu markmið, siðferði og tilgang í lífinu (ethos, telos, demos)

En svo koma þeir á endanum aftur heim. Engin þjóð skilar sé eins vel til baka til fósturjarðarinnar og við Íslendingar gerum

Það er tómt mál að tala um að hægt sé að hafa það efnahagslega betra á öðrum Norðurlöndum. Það er tóm tjara. Og það vita allir innst inni. Kröfurnar sem gerðar eru til gistilandsins eru einfaldlega gengisfelldar við brottförina frá Íslandi og við lendingu í gistilandinu. Þegar þangað er komið er lífið svona:

- "Ég á ekkert í þessu landi og mér er andskotans sama um það og þjóð þess, þetta er ekki mitt heimili, ég er bara gestur hér, enda hef ég ekki kosningarétt nema í bæjarstjórnarkosningum og þá kýs ég ekki, því ég veit ekkert um hvað bæjar- og sveitarstjórnarmálin hér ganga út á. Ég hef ekki hugmynd um hvaða fulltrúar þjóðarinnar, sem mér er sama um, situr á þingi. Ef til vill þekki ég nöfnin á nokkrum mönnum í einverri ríkisstjórn sem hér er, en ég veit ekkert um þá, eins og ég vissi heima"

- "Ég get ekki einu sinni keppt í lífsgæðakapphlaupi við nágranna mína því ég veit ekkert um þá og þekki ekki til bakgrunns og hugsanaferlis þeirra. Byrjunarreitur okkar er ekki sameiginlegur. Því keppi ég einfaldlega ekki, heldur bara er (to be, or not to be what?). Ég keppi því einungis við aðra Íslendinga hér"

- "Ég veit yfirhöfuð lítið sem ekkert um þetta land og þjóð þess fyrr en ég hef búið hér samfellt í 15-30 ár og greitt skatta. Ég ætla mér sko ekki að senda hvorki syni mína né dætur í herinn sem á að verja þetta land sem ég á ekkert í. Ekki ætlum við að berjast fyrir neinu í þessu landi, nema þá kannksi bakdyramegin fyrir tekjum frá öðrum skattgreiðendum í landinu. Ekki getum við kosið um þær. Við ætlum sko ekki að berjast undir erlendum fána. Og við ætlum allra síst að drepast hérna. Það getum við ekki hugsað okkur"

- "Mér er nokkuð sama um flest í þessu landi nema mig og fjölskyldu mína. Ég er ekki hluthafi í þessu ríki, enda er ég ekki ríkisborgari hér. Þess vegna hringi ég heim til að rödd mín fái eitthvert vægi, eða læt Íslendinga á Íslandi hringja í mig til að segja þeim hversu gott ég hef það. Ég verð að sannfæra mig um gistitilveru mína hér á þennan hátt"

- "Ef ég get engum sagt frá hinni gengisfelldu og sviðsett "betri tilveru" minni hérna, þá er ég í vondum málum og á á hættu að verða fyrir verulegum vonbrigðum, því það ER erfitt að búa ekki í sínu eigin landi"

Þannig eru nú þessir hitamælar

Ef allir í landinu þarna væru svona, þá væri þar ekkert ríki, engin þjóð og algerlega óbúandi fyrir erlenda gesti í því. Þá myndi ríkja stjórnleysi (anarkí) og allir vera í stríði við alla alltaf. Það sama gildir um þá sem flytjast búferlum til Íslands

Þjóðríkið er ekki sjálfgefinn hlutur. Það er eitt af því dýrmætasta sem við eigum. Og VIÐ eigum það! Það er málið

Fyrri færsla

Evran er voldugt ógnarvopn ráðstjórnarfars

Evran er voldugt ógnarvopn ráðstjórnarfars

ECB-seðlabanki Evrópusambandsins hefur undanfarið hótað að neita að samþykkja frekara peningaflæði í gegnum gríska seðlabankann til gríska fjármálakerfisins, nema að því tilskyldu að núverandi og komandi ríkisstjórnir Grikklands fari í einu og öllu eftir því sem þríeykið -

1. ECB-seðlabanki Evrópusambandsins
2. Framkvæmdastjórn Evrópusambandsins
3. og innheimtustofnun Evrópulanda, Alþjóða Gjaldeyrissjóðurinn

- segir og fyrirskipar undir sjálfum aðdraganda þingkosninga og þegar að niðurstöðum úr væntanlegum kosningum í landinu kemur - þ.e. að kosningum loknum sem háðar voru undir ráðstjórnarlegum hótunum þríeykisins. Heyja þarf því kosningabaráttu í landinu eins og að landið væri USSR-Ungverjaland og USSR-Tékkóslóvakía undir ráðstjórn sovétríkis. Enda er Evrópusambandið og myntbandalag þess ráðstjórn

Þetta hreðjatak Evrópusambandsins á lýðræði, sjálfsákvörðunarrétti og frelsi í löndum þess, er tilkomið með því innleiða ERM-1til3 ráðstjórnarmynt, gengisfyrirkomulag og ráðstjórnarpeningakerfi í löndum sambandsins, sem lagt hefur efnahag Evrópu í þrúgandi rústir á aðeins nokkrum árum. Í Grikklands tilfelli með því að ECB-seðlabanki sambandsins hefur náðarsamlegast veitt umsetnu landinu smáskammtaða undanþágu frá því að það skili inn ráðstjórnarákveðnum veðhæfum tryggingum fyrir aðgengi þess að hinu eina löglega og ráðstjórnarlega skammtaða peningakerfi sem Grikklandi er leyfilegt að nota

Í tilfelli Danmerkur, þar sem hin hálfþýska danska mynt landsins er nú undir áhlaupi, þar var þeirri peningalegu hræðsluhækju af ríkisstjórn Poul Schlüters og Uffe Ellemann-Jensen laumað að Dönum í formi fastgengis við þýska markið árið 1982 —með afleiddum og því sem næst fastfrosnum og súrrealistískt gerræðislega háum 7 til 11 prósent stýrivöxtum í 2 til 5 prósent verðbólgu, næstu tíu árin— sem svo flaut inn í ERM-2 Evrópusambandsins með svo kallaðri gagnkvæmri bindingu árið 1993

Hin svo kallaða gagnkvæmni felst í því að ráðstjórnarseðlabanki Evrópusambandsins lofar að koma dönsku krónunni til einhverrar kenningarlegrar aðstoðar, ef að Danir geri með gúrkuaðferðinni ávallt eins og þeim er fyrirskipað, sbr. því þegar gjaldþota Roskilde Bank var alfarið varpað yfir á herðar danskra skattgreiðenda til að komast hjá því að ónáða þyrfti hina lofuðu ráðstjórnargagnvæmni seðlabankalings Evrópusambandsins. Aðgerð sem eingöngu var gerð til að ónáða þyrfti ekki landeigandann í BerlínBrusselParís, sem stjórnar Danmörku á bak við tjöldin. Það gæti jú þýtt að hinn ráðstjórnarlega sólmyrkvandi vísifingur þrennunnar yrði hafinn himinhátt á loft upp, þ.e. hótanir um að teppadreglinum yrði nú loksins kippt undan Danmörku og að hinn við staur bundni og impótent myntbastarður landsins myndi í praxís gufa upp og breytast alfarið í ráðstjórnarevru undir brusselsku áhlaupi á allar komandi kosningar í Danmörku, þar til að dönsku krónunni yrði undir hótunum fyrir fullt og endanlega allt, hent fyrir róða

ESB-elíta Danmerkur, til dæmis Uffe Ellemann-Jensen & Co, mun nú nota þær röksemdir í kjölfar núverandi Eurosclerosis áhlaups fjármálamarkaða á dönsku krónuna (sem út af nokkrum svínum þrælsóttandi elítan árið 1982 vísvitandi, örkumlandi og krypplandi tók heilbrigða hryggsúluna úr) að já sú af elítunni sjálfri krypplaða mynt Danmerkur sé nú loksins svo kryppluð að kostnaðarsamt sé að viðhalda eyðileggjandi fastgengi hennar og að landið þar af leiðandi verði sem allra fyrst að leggja niður fyrirvara Danmerkur á þátttöku í þriðja fasa ERM Evrópusambandsins (evran) og verði því loksins að taka upp ráðstjórnarmynt Evrópusambandsins að fullu og eilífu. Ráðstjórnarbyltingin í gegnum bakdyrnar lengi lifi!

Gjaldmiðill Grikklands og peningakerfi þess fá því ekki lífsnauðsynlega að endurspegla þá staðreynd 33 ára björgunaraðild Grikklands að Evrópusambandinu hefur sprengt landið í loft upp. Landið er ónýtt eftir 33 ára aðild þess að Evrópusambandinu. Svo mikill er máttur sambandsins

Þetta eru sömu ömurlegu rökin og látin voru gilda er Nýfundnaland var leyst upp sem ríki árið 1949, því þá mátti vegna imperial-snobbs ekkert land í breska heimsveldinu fá að fara í lífnauðsynlegt ríkisgjaldþrot, svo unnt væri að bjarga því. Mont-ríkisstjórnun imperial elítuveldis var tekin fram yfir lýðræðislega stjórn borgaranna og þjóðríkið Nýfundnaland dregið undan þeim, brennt á staðnum til ösku, ásamt sjálfsákvörðunarrétti þeirra. Þetta er varanlegt einræði í praxís og til eilífðar

Nú er spurningin hvort að evru-bakgrunnur þeirra sem þóknanlegir eru ofangreindu þríeyki sem mögulegir sigurvegarar í þingkosningum í evrulöndum, hafi nokkuð og undir ótrúlegum einræðisofsa verið rannsakaður af hinu móralska rannsóknarráði sem áhangendur evrutrúarinnar standa að og staðið hafa fyrir í Evrópu síðastliðin 40 ömurleg ár Evrópusambandsins. Þar er bannað að segja að evran sé það sem hún er; voldugt pólitískt kúgandi vopn og drápsvél velmegunar í Evrópu. Þeir stjórnmálamenn sem geta vænst þess að verða fyrir kjöri í ESB-löndum, verða að hafa skilyrðislaust játað trú sína á evrunni áður en þeir fá skammtaða velþóknun hinnar peningapólitísku rétttrúnaðarhreyfingar er Evrópusambandið og myntbandalag nefnast

Sagt er að á sínum tíma hafi Alþjóða Gjaldeyrissjóðurinn verið stofnaður til að komast mætti hjá því að lönd sendu herafla sinn inn í önnur lönd til að innheimta skuldir. Nú er AGS hins vegar sendur inn í evrulönd til að heimta að staðið verði við skuldbindingar með því að hóta því að eina mynt landanna verði frá þeim tekin, nema að því tilskildu að þeir haldi áfram að nota þessa skammbyssumynt elítudópsala í Brussel og að fórnarlambið viðhaldi þannig kúgunarvaldi Evrópusambandsins gegn því. Haltu áfram að sprauta þig, annars tek ég sprautuna af þér

Hér hljóta allir að sjá að frjálsar þingkosningar eru að hverfa úr sögunni í löndum Evrópusambandsins og jafnframt það, að varnir okkar Íslendinga undir bankahruni hefðu verið non-existing hefðum við verið undir ráðstjórn hins hörmulega Evrópusambands

Fyrri færsla

Ríkisstjórn Noregs á neyðarfund í seðlabanka - og frankinn maður!

Ríkisstjórn Noregs á neyðarfund í seðlabanka - og frankinn maður!

Í dag, föstudaginn 16. janúar árið 2015, munu skelkaðar forsætis- og fjármálaráðherraínur Noregs halda neyðarfund með seðlabanka Noregs, því kviknað er í olíufjármálum landsins vegna þess að hrávörubólan frá 2002-2008 er loks endanlega púnkteruð. Olía landsins mun líklega aldrei aftur stíga í verði yfir 100 Bandaríkjadali tunnan, sem er horror fyrir massífar fjárfestingar norska ríkisins í bólunni

Á meðan heldur álverið í Straumsvík áfram —tryggt og öruggt— að mala peninga og gróða inn í ríkissjóð og hagkerfi Íslendinga. Álverið hóf gullframleiðslu á fullum afköstum fimm árum áður en Norðmenn gátu að ráði farið að selja olíu sína og heilum 18 árum áður en Mikhail Gorbachev hringdi undir áhrifum perestroika úr nýjum Nokia-síma kommakeisarans í félaga Boris Nikolayevich Yeltsin og pantaði hrun Sovétríkjanna. Sovétríkin og Nokia, eins og við þekktum það, eru nú dauð og arðbærni olíuiðnaðar Noregs er sökum bólumyndunar og verðfalls hrokkin í baklás. Laun og kostnaður í honum verða að lækka ferlega mikið því eins og áður segir, standa litlar vonir til að olíuverð fari nokkru sinni aftur upp fyrir 100 Bandaríkjadali tunnan

Fennt hefur nú í kaf yfir svo kallaðar "norðurslóðir" á innan við tólf mánuðum. Standa því nú —við brostnar landfestar— hin fljúgandi hollensku draugaskip martraðarmanna operating out of Zürich í Sviss, botnfrosin við teiknaða djúpsjárvarhöfn Finnafjarðar, sem betur fer er ekki finnskur. Raunveruleikinn skolaði skynseminni skyndilega í land

Svo gerðist einnig það í gær að svissneski seðlabankinn tók niður það þak sem hann hafði byggt yfir gengi svissneska frankans gagnvart evru. Hækkaði frankinn á sekúndubroti allt að 30 prósent gagnvart sumum gjaldmiðlum. Það þak var byggt til að stöðva útflutnings-eyðileggjandi hækkun frankans gagnvart evru sem rekja átti (og á enn) rætur til hrikalegs fjármagnsflótta úr evru og yfir í franka Svisslendinga. Þetta þýddi að svissneski seðlabankinn þurfti að selja og selja franka og kaupa og kaupa fyrir þá að hluta til evrur og evrusvæðis-eignir sem hann vill ekki eiga, því það að eiga evrur í miklu magni er gríðarlega áhættusamt. Þær eiga á hættu að hverfa undir Ponzileik Evrópusambandsins, sem nú rífur kjaft og hefur í hótunum við stjórnlaga- og stjórnarskrárdómstól Þýskalands í gegnum gervidómstól sambandsins, European Court of Justice (ECJ) þ.e. Evrópudómstólinn, sem grundvallaður er á lagalegri uppskrift ESB til einræðis

En lengi getur vont versnað. Í næstu viku er líklegt að ECB-sogrörsseðlabanki troika-klíku Þýskalands muni innleiða kerfisbundin uppkaup á pappírum svo kallaðra ríkisstjórna evrusvæðis, sem allar eru í óleysanlegum ógöngum vegna einmitt óafturkræfrar upptöku evru. Þannig að þar mun opnast ný glufa fyrir seðlabanka Svisslendinga til að henda í ECB-seðlabankaling Evrópusambandsins þeim evru-eignum sem svissneski seðlabankinn hefur verið neyddur til að kaupa fyrir franka sína. Svissneska seðlabankanum er því líklega mikið létt yfir að geta sótthreinsað evrur burt úr bókum bankans. Evran féll strax um rúmlega 1,5 prósent gagnvart Bandaríkjadal, sem er vinsælasta lífeyrisfjárfesting Þjóðverja, ja. Fossa því verðmætin burt úr evrulandi, sem smám saman mun kalla á byggingu nýs Berlínarmúrs til að stöðva flóttann. Um leið innleiddi svissneski seðlabankinn 0,75 prósent neikvæða stýrivexti. Það kostar því mínus 0,75 prósent fyrir banka að parkera verðmætum í frönkum. Eins konar stöðumælasekt fyrir flýjandi fjármagn frá hinu rotnandi evrusvæði, sem orðið er hið efnahagslega niðurfall veraldar, samkvæmt nýrri skýrslu World Bank;

Mynd: full stærð

Fyrri færsla

Aðstöðumunur Ríkisútvarpsins (RÚV)

Aðstöðumunur Ríkisútvarpsins (RÚV)

Mér finnst að þeir peningar sem Ríkisútvarpið fær til reksturs þess, ætti að deilast niður á alla fjölmiðla í landinu svo að þeir í friði og jafnri aðstöðu geti háð innvortis styrjöld sín á milli og þjarmað þannig ríkisfjármagnaðir hvor að öðrum með hinum pólitíska boðskap sem ríkisstarfsmönnum í fjölmiðlastétt einum er lagið og sem ekkert á skylt við fjölmiðlun né hvað þá Upplýsinguna

Þannig að við fáum loksins að vera í friði fyrir þessu ríkisfjármagnaða pólitíska afli með því að láta það sjálft um að drekka sig í hel með sínu perestroika úr vínkjallara sósíalismans. Þegar slagurinn er búinn ætti að loka fyrir peningana og aka brunarústunum á öskuhaugana. Þá væri komið hreint borð og fjármunum skattgreiðenda hefði loksins verið vel varið. Láta þá sjálfa um sína byltingu. Annað er varla sanngjarnt.

Einn lítir af perestroika sósíalismans myndi þar eftir verða mark to market og kosta meira en ekki neitt á kostnað annarra

Ég er ekki humar

Fyrri færsla

Pumpað upp fyrir lögin? [u]

Pumpað upp fyrir lögin? [u]

Franskir sósíalistar ætla að efna til “samstöðu” í Frakklandi. Það hyggjast þeir gera með því að útiloka stjórnmálaflokk er nefnist Front-national frá því að vera með í samstöðu þeirra um Frakkland. Þessi stjórnmálaflokkur, Front-national, mælist á tíðum sem stærsti stjórnmálaflokkur landsins. Þetta er hreint frábært, ekki satt? Samstaða sósíalista um sundrað sósíalistískt samfélag þeirra. Þetta getur varla endað nema á einn veg. Er það?

L'Union sacrée fait pschhhht

"It is inconsistent, to put it mildly, to confront the FN at the ballot box as a legitimate political party while at the same time declaring it outside the national community for the purpose of national mourning. And especially when that mourning is ostensibly in the name of freedom of speech."

Uppfært: heimildir í París segja að sósíalistar og Front-national hafi nú talað saman og að F-n sé heimil þátttaka í "samstöðunni" um landið sitt Frakkland, sunnudaginn 11. janúar 2015

Athyglisvert er að forseti hins fimmta Franska samstöðulýðveldis sósíalista, François Gérard Georges Nicolas Hollande, þorir ekki að nefna morðingja óbreyttra borgara landsins sínum réttum nöfnum. Hann kallar þá einungis “andstæðinga frelsisins” og “huldumenn” eða “afbökunarista” (e. obscurantism). Hvernig skyldu þá róttækir hryðjuverkandi harðlínu Múhameðstrúarmenn í Frakklandi líta út? Varla eins og róttækir ritöfundar á skoðunarferð um sviðsett sovéskt samyrkjubú? Ekki voru þeir beint fögur sjón

The Unspeakable Enemy Attacking France

So when Mr. Hollande addressed the nation Wednesday night after an Islamist fundamentalist attack on Charlie Hebdo, a newspaper that often satirized Islam, leaving 12 dead and shaking the country, the president steered clear of confronting basic reality. Instead, he described the newspaper as having been for years in the sights of “obscurantism.” | WSJ

En hann kallar þó morðin á Gyðingum sínum réttu nöfnum, því hann veit að Gyðingar eru aðeins 0,2 prósent af mannkyninu á meðan Múslímar eru 23 prósent af af því; þ.e. samtals 1750 milljón manns

Ekki yrði ég hissa á því ef sérsveitir frá þjóðríki Gyðinga, Ísrael, myndu lífsnauðsynlega þurfa að koma Gyðingum í Frakklandi til bjargar, áður en um langt líður, eða áður en það verður of algengt að Gyðingar séu myrtir í matvörubúðum í landinu. Sumir búa við það að þurfa að kaupa í matinn. Eiga þeir að þurfa að dulbúast - og þá sem hver?

En þetta myndi örugglega lagast ef Frakkland gengi í Evrópusambandið og tæki sér til varnar upp evru. Hún dugar á móti þessu, er það ekki? Hún sem á að svæla Putín burt frá ríkjum við Eystrasalt og sekkur kafbátum í sænska skerjagarðinum, hindrar kosningar í mörgum ríkjum og sem fær herra lygara Juncker forseta framkvæmdastjórnar Evrópusambandsins til að þykjast ætla að lána þær út til Úkraínu

En þetta er kannski allt saman ofur eðlilegt, því þegar franska lögreglan, með aðstoð sjálfs herafla landsins, hefur ekki burði til að gæta helsta yfirlýsta skotmarks innan landamæra Frakklands! sökum álags og vanefna, þá er kannski ekki nema von að forsetinn vilji ekki stinga nefi sínu inn í hinn lokaða heim 5-7 milljón Múslima í landinu. Sú nefstunga ein og sér gæti átt á hættu að yfirbuga lögreglulið landsins á innan við sekúndu. Þau eru svona svakalega skemmtileg þessi svo kölluðu fjölþjóðasamfélög. Þau eru í reynd fjölþjóða-púðurtunnufélög. Svo spennandi, svo spennandi þessi “fjölmenningarsamfélög” sem eru meðal annars grundvallarkenningin úr þrotabúi Kants um Evrópusambandið og hinn meinta tilvistargrundvöll þess, sem einnig er gjald- og ráðþrota

Hugsa ég að frá og með nú munu skopmyndir af vissum spámanni er Múhameð nefnist, birtast æ sjaldnar í hinum vestræna heimi, sem sumir segja að búi við það sem kallast tjáningar- og málfrelsi, en sem samt í Evrópu er fryst fast undir þagnarbindindi ESB-fundamentalisma, sem elíta Evrópusambandsins stendur Stalínistískt fyrir. Og sem á fimmta áratug hangir sem ógnvekjandi en ósnertanleg ókjörin abstraktion yfir hausamótum borgaranna. Það er sennilega þannig sem hryðjuverk af því tagi sem fundu sér stað í Parísarborg, virka smám saman með honum tímanum blessuðum, sem heima á í tíma-rúmi sínu hjá þögguninni. Þar eru þau vinir og sofa saman

Hverjir halda menn svo að verði viðsemjendur sósíalista í bæjarstjórnar- og landspólitík í Frakklandi í framtíðinni? Front-national? eða Voldemort hans Hollande?

Þökk sé hryðjuverkum —smám saman, skref fyrir skref— mun spámaðurinn sem forsetinn þorir ekki að nefna á nafn, verða tjakkaður upp og yfir Lögin, ekki bara í fimmta umbylta Franska lýðveldinu, heldur einnig annarsstaðar. Ekki tjakk-pumpaður upp og yfir sjálf markmið og anda lagatexta löggjafarvaldsins. Nei, heldur í praxís tjakk-pumpaður upp yfir Lögin með hinum óskrifuðu þegi-þú-af-okkur-geltur-kjósandi lögunum. Til þessa nota menn pumpur. Þöggunin mun ráða ríkjum. Hún ræður í ESB-ríkjum. Það gerir hún. Kjósir þú ekki rétt væni minn, þá hegg ég til dæmis myntina og lýðræði af þér, eða neita þér um það sem þú svo einfeldningslega trúðir okkur fyrir. Við munum ekki spyrja þig að neinu sem máli skiptir, nema að þú segir já. Þá og aðeins þá, spyrjum við þig. Og vertu ekki að bögga okkur kjósandi, því við erum önnum kafin við að reisa sjáfum okkur pólitíska minnisvarða á þinn kostnað. Við erum elítan!

Krækja

Overburdened French Dropped Surveillance of Brothers (WSJ)

Fyrri færsla

France will leave in 2017 if . .