Bandaríkin eru tilbúin að fjárfesta milljörðum dala í Grænlandi. F35A-samningur í hættu

Mynd: Frétt Tass í dag

****

GRÆNLAND

Forseti Bandaríkjanna segir í málgagni sínu í dag að Bandaríkin hafi áhuga á að fjárfesta milljörðum dala í Grænlandi, bæði sem sjálfstæðu ríki og –ef Grænlendingar vilja það– sem hluta af Bandaríkjunum

Við styðjum rétt Grænlendinga til fullveldis og sjálfstæðis og rétt þeirra til að ákveða framtíð sína sjálfir. En ef þeir skyldu kjósa að sameinast Bandaríkjunum þá myndum við bjóða þá velkomna – sagði forsetinn

Við munu halda áfram að gæta þjóðaröryggis Grænlands eins og við höfum gert frá lokum Síðari heimsstyrjaldar. Og við erum tilbúin að fjárfesta milljörðum dala í Grænlandi og gera ykkur rík – sagði Bandaríkjaforseti ennfremur

Danir fóru að mestu frá Grænlandi þegar Danmörk ákvað árið 1979 að gera ekki eins og Bandaríkin gerðu 1959 þegar þau heimiluðu Havaíeyjum að gerast fullgilt fimmtugasta ríki Bandaríkjanna, skrifar Asger Aamund fyrrum forstjóri Rockwool og formaður danska Alzheimer rannsóknarsjóðsins. Bandaríkin ákváðu þá að fylgja ekki síðar komandi eftirdæmi Danmerkur sem gerði Grænland ekki að hluta af Danmörku, af ótta við að þurfa að halda Grænlendingum uppi um alla framtíð. Sá ótti varð einnig til þess að Danir eru að mestu farnir frá Grænlandi. Búa nú ef til vill fleiri Filippseyingar á Grænlandi en Danir. En í Danmörku búa hins vegar um 18 til 20 þúsund Grænlendingar sem fæddir eru á Grænlandi en eru búsettir í Danmörku

"Trumps mareridt er Grønland som et arktisk Cuba"

Í dag er því spurning hvort að fleiri Filippseyingar en Danir búa á Grænlandi. En tæplega þúsund Filippseyingar búa á Grænlandi í dag. Eða hvort að Grænland verði Kúba norðursins – eins og Ásgeir Aamund orðar það. Slíkt yrði auðvitað martröð fyrir Bandaríkin eins og hann bendir réttilega á. Hér þurfa bjálfar Íslands að hlusta vel og hætta andartepptu krataþvaðri

Mynd: Myntvafningur Austurrísk-Ungverska keisaradæmisins raknaði upp 1918

****

KOMANDI TOLLAR Á EVRÓPUSAMBANDIÐ

Mig grunar Bandaríkin muni setja mikla og harða tolla á vörur frá ESB-löndum á næstunni. Viðskiptahagnaður ESB er þess eðlis að hann kerefst harðra aðgerða af hálfu Bandaríkjanna. Plús það að Evrópusambandslöndin eru algjörlega háð Bandaríkjunum þegar kemur að ávöxtun á sparnaði og umframsparnaði bæði íbúa og fyrirtækja í ESB-löndum. Evrópusambandslöndin flytja því ekki bara út vörur til Bandaríkjanna heldur flytja þau líka út nær allan umframsparnað álfunnar – til ávöxtunar á kapítalmörkuðum Bandaríkjanna

Ýmislegt kemur til, en ástæðan er fyrst og fremst sú að íbúar flestra Evrópusambandslanda og smáfyrirtæki þeirra eru ekki metin sem verandi lánshæf vegna láglaunaþróunar í flestum evrulöndum sambandsins, þannig að bankakerfin á evrusvæðinu geta hvorki ávaxtað sparnað almennings innanlands né heldur hagnað fyrirtækja. Allur umframsparnaður er því fluttur úr landi til ávöxtunar á fjármálamörkuðum Bandaríkjanna - og fjárfestingarfé því sömuleiðis. En Bandaríkin eru eina land heimsins sem er með algjörlega frjálsa fjármálamarkaði

Þess utan er gengisáhættan svo mikil í evrulöndum ESB vegna þess að evran er myntvafningur eða prjónuð mynt sem raknað getur upp. Evran er líka næstum eingöngu héraðsmynt því hlutur hennar í gjaldeyrisforðum seðlabanka veraldar hefur ekki orðið neinn að ráði, eða kannski um 20 prósentur á móti 65 prósentum Bandaríkjadals

En það er einnig nýtt atriði sem fær mig til að álykta sem svo að komandi tollar Bandaríkjanna á vörur frá Evrópusambandslöndum verði harðir. Í fyrradag greindi Tass frá því að Þýskaland hyggist ef til vill hætta við kaup á F-35A orrustuþotum frá Bandaríkjunum af ótta við að Bandaríkin muni geta "slökkt á þeim" með fjarstýringu (e. kill-switch) þegar þeim þykir þess þurfa. Um er að ræða margra milljarða dala samninga. Tass og enginn annar var auðvitað með þessa frétt í gær

Fyrri færsla

Já, Pólverjar verða að vakta landamærin upp að Þýskalandi. Það er gefið

Bandaríkin munu fjárfesta fyrir milljarða dollara á Grænlandi

Já, Pólverjar verða að vakta landamærin upp að Þýskalandi. Það er gefið

Ég skil vel hugrenningar pólsku ríkisstjórnarinnar. Það er nefnilega aldrei of seint í rassinn gripið með að koma á fót alvarlegum fælingarmætti á landamærum Póllands upp að Þýskalandi. Og til að vakta þau þarf mikinn herafla, einkum þegar enn er ekki vitað hvaða lönd Evrópusambandsins Þýskaland ætlar að ræna að innan til handa hinum nýja og "ótakmarkaða" vopnaiðnaði sem landið ætlar að koma á fót samkvæmt fjárfestingarmanninum Friedrich Merz, - nú þegar honum hefur tekist að endurlífga það sambandsríkisþing Þýskalands sem kosið var burt í kosningunum um daginn, til að afnema einmitt "skuldabremsuna". Þá andaglasalist hefur Merz örugglega lært þegar hann sat í stjórn fjárfestingarfyrirtækisins BlackRock í Þýskalandi

En Pólverjar verða samt að athuga eitt áður en þeir hefjast handa: loka verður Schengen fyrst, þ.e. áður en allir sem enn eru eftir í landinu taka til fóta frá Póllandi

Skyldi það nokkuð vera Pólland sem Friedrich Merz ætlar að hráefna-ræna náttúruauðlindunum frá? Því varla getur Þýskaland rænt Grikkland tvisvar að innan, að minnsta kosti varla enn sem komið er. Hvaða önnur ESB-lönd koma til greina sem hráefnafóðurstöð Þýskalans núna? Handjárnuð við Þýskaland í gegnum evruna

Svona er að gera sig að samlokufyllingu með aðstoð vestursins einu sinni enn. Intermarium er miklu betri hugmynd fyrir Pólland og þar að auki vel framkvæmanleg hvað úr hverju.

En þetta er kannski eins og Mette Frederiksen sagði um daginn þegar hún var spurð að því hvort að allt þetta græna og lofslagsmálin væri þá bara komið út á öskuhaugana núna; já já, það er þannig sagði hún, "vi må gvie afkald på vælfærd fordi nu er det kampkraften men ikke købekraften der gælder"

Maður hlær sig máttlausan, því svo stutt er síðan að til greina kom að reka Danmörku úr NATO fyrir að heimila ekki bandarískum herskipum að koma þar í höfn, nema að því tilskyldu að Bandaríkin gæfu upp hvort að þau væru vopnuð kjarnorkuvopnum eða ekki. Og það gerðist einmitt á ríkisstjórnarvakt danska sósíaldemókrataflokksins, sem Mette Frederiksen stendur fyrir í dag. Sturlun flokksforystunnar hefur því greinilega ekki minnkað neitt að ráði síðan þá

Tralla la la, hefst nú fjörið... því þýsku rassaköstin koma á 80-100 ára fresti... tralla la la

Fyrri færsla

Á Ísraelsríki þá líka að leggja kosningar af?

Undirbúa herþjálfun allra pólskra karlmanna

Á Ísraelsríki þá líka að leggja kosningar af?

Fyrst að þetta er svona þarna í Evrópu, já þá hlýtur Ísraelsríki að geta lagt kosningar alfarið af, bannað alla stjórnarandstöðu, lokað öllum þeim fjölmiðlum sem malda í móinn, eða gert þá útlæga. Og fengið lófaklapp frá vinstrimönnum ESB-Evrópu fyrir

Síðan mega náttúrlega allir forsætisráðherrar Ísraelsríkis arka inn í hið Hvíta hús hins bandaríska forsetaembættis í hvaða drullugalla sem er, eða jafnvel í stríðsbúningi, og heimta hvað sem er og þrætt við forsetann og varaforsetann og heimtað og heimtað næstum hvað sem er, hvenær sem er

Sem betur fer hafa vinstrimenn misst völdin vestanhafs þannig að æmt þeirra og skræmt í Evrópu hlustar enginn á

ESB-vinstrimenn Evrópu eru reiðir Rússum fyrir að hafa varpað af sér oki alræðisins sem nú er að setjast yfir meginland ESB-Evrópu. Engar kosningar takk. Enga fjölmiðla. Enga stjórnarandstöðu, það er sko bara það sem við viljum í ESB - plús það að ógilda kosningar

Það er eins gott að forseti Frakklands geti hvorki breytt notkunartilgangi né notkunarsviði kjarnorkuvopna Frakkalands á meðan landið er enn í eins konar silly-billy ég-borga-ekki "varnarbanalagi" með Bandaríkjunum, því allar breytingar þar að lútandi krefjast einmitt samþykkis Bandaríkjanna. Frakkland ræður því ekki sjálft yfir kjarnorkuvopnum sínum svo lengi sem það er í varnarbandalagi með Bandaríkjunum

En samkvæmt þjóðarávarpi Frakklandsforseta í gær eiga þau vopnin ef til vill frá og með bráðum að notast í þágu alls ESB - og sussum sei jafnvel kannski Úkraínu líka? Þessi ummæli Macrons forseta vekja því upp spurningar um hvort að Frakkland sé á leið út úr varnarbandalagi með Bandaríkjunum

Rússar bara stara á í vantrú, en þekkja samt þarna vissa gamla takta meginlands Evrópu frá fyrri tíð

Þetta er bilað fólk

PS: Hvað eru íslensk tollayfirvöld að hugsa. Ef einar nærbuxur framleiddar í Ísrael eru í sendingunni þá stoppar allt. Af hverju flæðir þá allt inn frá Úkraínu fyrst að þetta er svona eins og það er þar

Fyrri færsla

Njótið: Evrópa loksins home alone

Hafna baktjaldamakki Trumps og kosningum á stríðstíma

Njótið: Evrópa loksins home alone

Mynd: Hnignun

****

Þessi mynd frá mánudeginum 17. febrúar 2025, mun líklega fara inn í sögubækurnar sem fimmfalt Súez Evrópu. Frekari skýringar fáum við á næstu árum. Óttinn í andlitunum leynir sér ekki

 

Mynd: Vestan Atlantsála er hins vegar þetta hér helst að gerast

Fyrri færsla

Á landmassa Gamla heimsins gilda ekki úthafslögmál 

Þorgerður Katrín styður Pútín

Tekið er eftir því á alþjóðavísu að Þorgerður Katrín Gunnarsdóttir, núverandi utanríkisráðherra Íslands, notaði bókstafinn P á lyklaborðinu er hún vatt sér að því að fremja þjóðarhagsmuni Íslands með tísti á félagsmiðlum á föstudaginn

Mikil hætta er því á, samkvæmt sérfræðingum Vestrænna ríkja í varnarmálum, að með þessu hafi hún gengið erinda forseta Rússlands. En eftirnafn hans hefst á bókstafnum P

Einnig er ljóst að Þorgerður Katrín notaði líka bókstafinn V en hann kemur fyrir í fornafni Rússlandsforseta

Vestrænir sérfræðingar í varnarmálum telja nokkuð öruggt að þarna sannist hversu hliðhollur íslenski utanríkisráðherrann er málstað Rússlands. Vísbendingar þessar liggja svo gott sem ljósar fyrir, einkum eftir að sannleiksfræðingar vestrænna fréttastofa kembdu málið til mergjar síðastliðin þrjú ár

Ljóst er því að Þorgerður Katrín Gunnarsdóttir hefur veitt Íslandi fyrirsát. Mun nýr forsætisráðherra, sem er sérfræðingur úr bréfaskóla Kviku, því hafa frumkvæði að því að láta Varnarmálastofnun fjarlægja umrædda lykla úr lyklaborði utanríkisráðherrans, forseta Rússlands til óbærilegs skaða

Margt bendir nú þegar til þess að stuðningur þessi við fyrrum landsvæði Rússlands í Úkraínu geti ráðið úrslitum um fastaathvarf kvenna í stjórnmálum á Facebook og X. En bæði eru bandarísk einkahlutafélög

Evrópu hefur á síðustu 30 árum ekki tekist að skapa neitt slíkt stafrænt stjórnmálaathvarf fyrir konur í 27 löndum Evrópusambandsins. Ráða því Bandaríkin alfarið yfir stafrænum samskiptum evrópskra kvenna í lyklaborðsstjórnmálum

Víðtækari áhrif varnaraðgerða Varnarmálastofnunar verða um leið einnig þau að utanríkisráðherranum er ekki lengur heimilt að leggja ökutæki í stæði sem merkt eru með bókstafnum P

Þeir sem hyggjast eiga viðskipti við utanríkisráðherrann þurfa að sama skapi að lúta þessu nýja regluverki á sviði varnarmála. Bæjarins bestu mega, svo dæmi sé tekið, ekki selja utanríkisráðherranum pylsu, því viðskipti með þær falla undir sömu skilgreiningar Varnarmálastofnunar á innri ógnum og óbeinum stuðningi við fjandsamleg ríki. Utanríkisráðherranum sjálfum er einnig alls óheimilt að neyta pylsa frá Bæjarins bestu

Landganga í Vestmannaeyjum er ráðherranum einnig óheimil. Takið vinsamlegast eftir fyrsta bókstafnum nafni eyjaklasans

Gert 3. mars 2025
Allsherjarvernd

 

Fyrri færsla

Á landmassa Gamla heimsins gilda ekki úthafslögmál

Á landmassa Gamla heimsins gilda ekki úthafslögmál

Því miður virðist gilda það sama um skoðanir manna í geopólitískum efnum og gildir oft í heimi vísinda. Andstaðan við nýjar staðreyndir minnkar aðeins í takt við líkamlegan dauða (jafnvel útdauða) þeirra sem neita að horfast í augu við þær

Að mæta Rússneska hernum á landmassa Gamla heimsins var og er enn eins og að vera á skellinöðru þegar þú mætir jarðgangaborvél í jarðgöngum, þ.e.a.s. ef þú ert flotaveldi. Slíkar staðreyndir eru afar þrjóskar. Allt önnur lögmál gilda á úthöfum veraldar. En jafnvel þar er forskot Bandaríkjanna að gufa upp fyrir nýrri kafbáta- og eldflaugatækni Rússa

Vladímír Pútín og Valery Gerasimov stilltu borvélina á þann hraða og það afl að hin Sérstaka hernaðaraðgerð Rússlands í Úkraínu virkaði eins og suðupottur sem sýður frosk við svo lágan hita að hann tekur ekki eftir því fyrr en um seinan - og þá er hann orðinn lamaður: vöðvaaflið er farið

Um tvo froska var að ræða; einn í Kænugarði og svo Joe Biden-gengið í Washington. Þessi í Washington var þess utan geðbilaður og urðu Rússar því að umgangast hann eins og barn sem er að leika sér með kjarnorkusprengjur foreldranna. Hann urðu Rússar að umgangast með sérstökum suðupotti og með því að þykjast ekki kunna á hann og með því að þykjast ekki geta neitt - nema í smásjá

Bakgrunns-súgþurrkun Gerasimov á NATO-ríkjunum er einnig aðdáunarverð strategía sem jaðrar við snilld. Þrýstiaflið (intensitetið) var alltaf haft þannig og það lágt að það kæmi aldrei til greina að kalla neitt þjóðþing Natóríkjanna saman til að forgangsraða þjóðarframleiðslunni á ný með nýrri stríðsfótarlöggjöf, eða hálf-stríðsfótarlöggjöf

Pútín og Gerasimov pössuðu sig á að hafa intensitet hinnar Sérstöku hernaðaraðgerðar aldrei meira en sem svaraði til fyrirfram tryggðu aðgerðaleysi á öllum þjóðþingum hinna ofdekruðu vesalinga NATO-ríkjanna. Aldrei mátti aflið vera það mikið að til greina kæmi að hinn vestræni þingheimur þyrfti að gangast í það ofurmannlega pólitíska stórvirki að lækka til dæmis örorkubætur flokksformanna - til að geta framleitt meira af vopnum og skotfærum

Nú er allt svo tómt í vopnabúrum Vestursins að það glymur í NATO eins og í tómri tunnu. Það mun taka sum ríkjanna minnst 30 ár að byrgja sig upp á ný

NATO er búið að vera: það er komið á örorkubætur

En Rússar munu ekki linna fyrr en nýr þjóðaröryggis-arkitektúr hefur verið saminn fyrir meginland Evrópu. Rússar munu diktera þá samninga og jafnvel tyggja þá ofan í hin nú fyrrverandi og druslugangandi Vesturveldi

Svona fer þegar óvitar pota prikum nógu lengi í sofandi björn

Fyrri færsla

Trump kom til dyra þegar sjálfstæður og fullvalda Starmer kom í heimsókn. Þokulúðrasveitin

Bretar og Frakkar munu vinna að friði með Úkraínu

Trump kom til dyra þegar sjálfstæður og fullvalda Starmer kom í heimsókn. Þokulúðrasveitin

C-span: Donald J. Trump tók á móti Keir Starmer í gær - bein krækja 

****

Já það skiptir greinilega máli hvort að þú ert kjörinn fulltrúi sjálfstæðs- og fullvalda ríkis þegar þú heimsækir Hvíta húsið

Bretland er ekki í Evrópusambandinu þannig að Trump kom til dyra og tók á móti réttkjörnum Keir Starmer forsætisráðherra Stóra-Bretlands. En það hafði hann ekki gert þegar forseti Frakklands kom í heimsókn fyrr í vikunni. Þá kom hann ekki til dyra

Donald Tusk sérstakur skíthæll Póllands sagði að það væri sérstakur staður frátekinn í Helvíti fyrir land eins og Stóra-Bretland sem dirfðist að yfirgefa Evrópusambandið. En þar var Tusk uppalinn á sérstökum skítahaug sambandsins, eins og sést

Ef þetta er helvítið fyrir Stóra-Bretland þá segi ég bara húrra fyrir því

****

ÞOKULÚÐRASVEITIN 

Mynd: Franska Maastrichtsáttmálaherferðin 1992

****

Blaðamaður Morgunblaðsins kann greinilega ekki skil á EBE (Efnahagsbandalag Evrópu) og ESB (Evrópusambandið) í besserwësser-grein hans um Donald J. Trump í blaðinu í dag. Trump er að tala um ESB en ekki endilega EBE (EU en ekki EEC)

Allir vita að ESB (Evrópusambandið) var stofnað til höfuðs Bandaríkjunum, enda var kosningabaráttan í þeim löndum sem leyfðu þjóðaratkvæðagreiðslur um það mál háð undir þeim formerkjum. Maður þarf að vera AFP- og Reuters-étandi Reykjavíkursveitamaður til að vita þetta ekki

Þegar Efnahagsbandalag Evrópu, sem var ístruklúbbur stóriðnaðarins með vindil, breyttist í Evrópusambandið þá hoppuðu vinstrimenn fyrst um borð því þar sáu þeir hinn sovéska og yfirríkislega möguleika á að taka ríki álfunnar í nefið, gera þau upptæk og ganga í skrokk á Bandaríkjunum Norður-Ameríku

"Burt með snarbilaða Bandaríkjamenn og japanskar glímukappahlussur sitjandi á öllum heiminum" var til dæmis slagorð Mitterands í Frakklandi, en sem áður fyrr hafði staðið fyrir herferðinni "sósíalismi í einu landi"

Í Danmörku var herferiðin háð undir slagorðinu "valkostur við Bandaríkin" - og stuttu síðar kom svo elítuhannaður "forseti" Evrópusambandsins út úr kú og sagði 2010 að tími þjóðríkja Evrópu væri liðinn, og gætti þess vandlega að minnast ekki á Bandaríkin og aðalhlutverk þeirra þegar hann fagnaði 21 árs falli Berlínarmúrsins - sem greinilega féll vestur yfir allt meginland Evrópu, eins og sést núna - og sem JD Vance varaforseti Bandaríkjanna sagði frá á einskisnýtri Münchenráðstefnu um daginn

Takið vinsamlegast ykkur á - ekki verða þokulúðrasveit vesalinga þarna á Mogganum

Fyrri færslur

.... og Marco Rubio vill ekki hitta Kæju Kallas úr miðstjórn ESB

Trump kom ekki til dyra

Er Frakkland ekki með síma?

Trump forseti: "Ef þeir vilja það þá er það bara frábært"

.... og Marco Rubio vill ekki hitta Kæju Kallas úr miðstjórn ESB

Er þetta ekki dásamlegt

Hver nýr dagur býður upp á nýja ESB-önd til að standa á. Í fyrradag kom Trump forseti Bandaríkjanna ekki til dyra þegar forseti ESB-Frakklands bankaði á dyr Hvítahússins. Til dyra kom bara fröken Hudson herbergisþerna Trumps

Í gær voru það hins vegar dyr bandaríska utanríkisráðuneytisins sem nenntu ekki einu sinni að ljúka sér upp til að taka á móti Kæju Kallas öryggis- og utanríkismálastjóra Evrópusambandsins

Marco Rubio er utanríkisráðherra Bandaríkjanna og ræður þeim húsum þar núna

Altsaa... það er alls ekki þannig að Bandaríkin hafi fyrir því að senda herbergisþernu til dyra í utanríkisráðuneyti þeirra þegar toppurinn í ESB bankar á dyrnar

Nei nei, heldur er það þannig að sjálfur utanríkisráðherra Bandaríkjanna nennir bara alls ekki að taka á móti Kæju Kallas frá ESB

Það er því bara lok lok og læs á ESB – Tass

Fyrri færsla

Trump kom ekki til dyra

Trump kom ekki til dyra

C-span: Móttaka við Hvíta húsið 24. febrúar 2025. Bein krækja

****

Evrópa er ekki lengur þátttakandi í heimsmálum. Hún er komin í áhorfendastúkuna, þökk sé tilvist Evrópusambandsins, sem smættað hefur lönd álfunnar niður í það sem þau eru í dag: Tannlausar kerlingar

Bað því Emmanuel Macron forseti Frakklands Donald J. Trump um að koma út með sér til myndatöku, því þessu hafði hann varla átt von á. Gerði forseti Bandaríkjanna það

Þetta væri ekki svona ef Frakkland væri enn fullvalda, ósmættað og sjálfstætt ríki. Þá hefði forseti Bandaríkjanna beðið á tröppunum eftir þjóðkjörnum leiðtoga landsins

Svona er að vera í ESB. Þá breytast lönd í ekkert. Bæði útvortis og innvortis

Fyrri færsla

Er Frakkland ekki með síma?

„Enginn leiðtogi heimsins höndlar Trump eins vel og Macron“

Er Frakkland ekki með síma?

Já en minn kæri Emmanuel Macron forseti Frakklands:

Af hverju hringdir þú ekki bara sjálfur beint í Vladímír Vladímírovich Pútin forseta Rússlands?

Eða ertu nokkuð að bíða eftir því að Pútín lengi langa borðið sem þú varst settur fyrir endann á 2022, svo það nái alla leið til Parísar? Svo að þú getir setið við borðendann þar?

Hin raunverulega ástæða fyrir valda- og áhrifaleysi þínu er sú að þú ert í Evrópusambandinu, þar sem allir horfa á hvorn annan og bíða eftir að eitthvað gerist

Til dæmis sagði Kaja Kallas (ó)öryggismálastjóri Evrópusambandsins –þar sem þú ert einn af tuttugu og sjö– að búta ætti Rússland niður í parta á stærð við fiseindir. Þetta sagði hún á vegum Evrópusambandsins fyrir aðeins 12 mánuðum síðan. Í dag heimtar hún hins vegar að fá sæti við Trump-Pútín-"borðið". Hvað gerðist eiginlega á þessum síðustu 12 mánuðum?

Ykkur er ekki viðbjargandi þarna í Evrópusambandinu. Sambandið gerir greinilega þjóðkjörinn mann eins og þig, Macron minn, mjög lítinn, en ókjörna klikkhausa á borð við Kaju Kallas mjög stóra

Er þetta ekki yndislegt...

Slíkt ófyrirkomulag getur auðvitað ekki endað vel

Þú hefur alla mína samúð, Macron forseti, því þið í Evrópusambandinu gerið ykkur greinilega öngva grein fyrir hvað í vændum er

Fyrri færsla

Trump forseti: "Ef þeir vilja það þá er það bara frábært"

Ætlar að nýta sér einstakt samband við Trump