Þorgerður mín

Þegar Varsjárbandalagið var leyst upp og Rússland fór heim árið 1991, þá var Rússum af hálfu NATO-ríkjanna lofað að Úkraína myndi ALDREI ganga í NATÓ. Rússlandi var líka lofað að lönd Austur-Evrópu myndu aldrei ganga í NATÓ. Því var nefnilega lofað að NATÓ myndi ekki fara "eina tommu" austar en það náði árið 1991

Þorgerður mín:

Ekkert ríki getur aukið þjóðaröryggi sitt á kostnað þjóðaröryggis annars ríkis. Og er þá alveg sérstaklega átt við nágrannaríki. Það má þó hins vegar reyna slíkt, en þó varla nema með því að stofna til styrjaldar. Og það er einmitt það sem Úkraína með aðstoð ESB og NATÓ hefur gert

Krónískir Rússahatarar ESB og NATÓ-ríkjanna ætluðu sér að nota Úkraínu til að berja á Rússlandi og búta það niður - eins og Kæja Kallas ESB-blaðra orðaði það í fyrra. Ári síðar er hún hins vegar sigin saman í ekki neitt. Loftið alveg farið úr henni. Hvernig skyldi standa á því?

Þú fékkst með öðrum orðum stríðið sem þú baðst um Þorgerður mín. Taktu því. Svona er að standa ekki við gefin loforð

Kanada getur t.d. ekki gengið í Kínverskt "varnarbandalag" og veitt kínverska kommúnistaflokknum hernaðaraðstöðu í Kanada. Mexíkó ei heldur. Gerðu þau ríki slík, myndu Bandaríkin ráðast inn í þau og hernema þau eins lengi og þeim sýndist. Slíkt kallast raunstjórnmál. Já, stríð eru stjórnmál Þorgerður

Hvað með að prófa raunveruleikann svona inn á milli, Þorgerður, áður en þú springur alveg í kratatætlur

Fyrri færsla

Kína komið til "ósubbulegs" sálfræðings

Eigi „alls ekki“ að slá NATO-aðild Úkraínu af borðinu

Kína komið til "ósubbulegs" sálfræðings

EKKERT "DISORDERLY" HÉR, TAKK

Mynd: Línurit og texti, Trading Economics

****

Þarna er nú munur á Gylfi minn. Þarna er sko engin subbuleg kapítalistísk "óreiða" á ferðinni væni minn. Þarna er sko stjórn á hlutunum

Í nótt fór mig að undra af hverju stærsta hlutabréfavísitala Kína væri ekki kominn á afturendann eftir rússíbanareiðina í Bandaríkjunum í gær. En þar vestra öslaði Nasdaq hlutabréfavísitalan svo mikinn að hún sýndi mestu uppsveiflu á einum degi síðan 2001

En ekki nóg með það, þá óð Dow Jones vísitalan upp um 2963 stig, sem er stærsta eins dags hækkun í sögu hennar, sem nær aftur til 1885. Hefur þó gengið á ýmsu þar vestra á síðustu 140 árum

Mynd: RSS-straumur Financial Times í nótt. Wall Street Journal sem hatar Trump þagði hins vegar þungri þögn

****

Já það er nú munur að þurfa ekki að subbast svona til og frá, Gylfi minn. Kína er með stjórn á þessu öllu. Svo mikla stjórn að ríkisvaldið þar kom í veg fyrir subbulegan vestrænan kapítalisma og byggði steypt gólf undir froðumiðstöðvar pólitískra hlutabréfamarkaða og henti seðlabankanum svo á bálið líka. Enga subbu félagar! Og gott ef við stöðvum ekki bara viðskiptin til að fá út þessa ósubbulegu glansmynd af ástandinu; frá kl. 03:30 til kl. 05 í nótt að íslenskum staðartíma

En þá var ég lagstur subbulega til hvílu og svaf subbulegum óreiðusvefni hinna óttalausu, því ég veit að Trump er við stjórnvölinn þar vestra og fer mikinn

Mig dreymdi innleiðingu Evrópusambandsins á kínverskum kapítalisma því það þolir heldur ekki svona subbulegheit - og bannar þau með því að þjóðnýta sjálf stjórnmálin í 27 löndum sambandsins, svo að þau megi ekki snúist um neitt nema það sama og þau snúast um í Kína kommúnistaflokksins; samrunastefnu ESB, sem enginn kaus. Upp SKAL sovét-ESB rísa, niður með þjóðfánana!

Fyrri færsla

ESB og Kína þekkja ekki bandaríska miðvestrið

„Ótrúlegt að fylgjast með þessari óreiðu“

ESB og Kína þekkja ekki bandaríska miðvestrið

Mynd frá fyrsta kjörtímabili Donalds J. Trump, forseta Bandaríkjanna 2017-2021 

****

En í gær rann hins vegar upp flottur 7. apríl 2025

"Therefore, if China does not withdraw its 34% increase above their already long term trading abuses by tomorrow, April 8th, 2025, the United States will impose ADDITIONAL Tariffs on China of 50%, effective April 9th. Additionally, all talks with China concerning their requested meetings with us will be terminated! Negotiations with other countries, which have also requested meetings, will begin taking place immediately. Thank you for your attention to this matter!"

****

Hanga nú kínverku kollarnir ding-dong-steyptir í duftið á morgunverðarborðum kommúnistaflokksins þar í landi; tollflokknum þeim eina

Trump segir að Kína og Þýskaland séu einn og sami tollflokkurinn. Fróðlegt verður nú að fylgjast með samhæfðri sjálfstortímingu beggja, saman í tollflokki

Fara nú Bandaríkin í skammvinna skyldu-kreppu sem endar með öskrandi uppsveiflu á næsta ári

Kína og Evrópusambandið munu hins vegar seint eða aldrei komast út úr því sem nú tekur við þar í tollflokki

****

Fyrri færsla

Bóndinn og prófessorinn í Selma um tolla Trumps. Grænland

Bóndinn og prófessorinn í Selma um tolla Trumps. Grænland

VICTOR DAVIS HANSON

Victor Davis Hanson bóndi og prófessor í hernaðarsögu við Stanfordháskólann í Kaliforníu segir að tollar hljóti að vera mjög svo rosalega góðir og eftirsóttir fyrst að öll ríki heimsins séu með þá og hafi meira að segja byggt lönd sín upp með þeim

Victor Davis Hanson man þá tíma þegar rúsínuverð hrundi í Kaliforníu er tollabandalag Evrópusambandsins hóf niðurgreiðslur á rúsínuframleiðslu í tollatruntuháborg Evrópusambandsins. Hefðu mótvægisaðgerðir á borð við þær sem Trump innleiðir núna verið innleiddar þá, hefðu sumir bændur í Kaliforníu ekki þurft að fyrirfara sér og fjölskyldu-landbúnaður í stað stóriðnaðar-landbúnaðar væri meiri en hann er í dag

Danskir neytendur hugðust um daginn sniðganga bandaískar vörur í Danmörku þegar Grænlandsmálið hófst. En þeir gátu bara ekki fundið neinar bandarískar vörur að ráði í verslunum í einokunarveldi ESB í Danmörku. Þær sem fundust voru flestar framleiddar í Danmörku

En einhverra hluta vegna þá reiðast tollalöndin Trump fyrir að svara þeim loksins í sömu mynt. Öll lönd heimsins mega hafa tolla, nema Bandaríkin segja þau

En þá hringdi formaður Kommúnistaflokks Víetnam og sagði við Trump á föstudaginn að flokkurinn myndi fella niður alla tolla á Bandaríkin ef þau gerðu hið sama. En það var einmitt það sem Trump forseti sagði frá byrjun að Bandaríkin myndu gera, þ.e. ef mótaðilinn gerði það líka

****

Með því að fylgja krækjunni hér fyrir neðan má horfa á Donald J. Trump forseta kynna hið nýja tollafyrirkomulag Bandaríkjanna í síðustu viku. Þeir sem áhuga hafa ættu að hlusta gaumgæfilega á hvert orð forsetans: Taka vel eftir

Horfa: Trump kynnir nýja tollastefnu Bandaríkjanna þann 3. apríl 2025

GRÆNLAND

Já á meðan ég man; þá segir nýr ráðherra í ríkisstjórn Grænlands að Grænland muni halla sér að Kína, því þangað fari rækjur og skelfiskur landsins, og að hún eigi góðar minningar frá síðustu ferð hennar til Kína. Henni finnst einnig að heimsókn Mette Frederiksen forsætisráherra Danmerkur í síðustu viku til Grænlands hafi verið mjög "óviðeigandi"

Fyrri færsla

Evrópa er á leiðinni á nauðungaruppboð: Kaninn unir ekki að Grænland fylgi með

Evrópa er á leiðinni á nauðungaruppboð: Kaninn unir ekki að Grænland fylgi með

Lönd eiga ekki vini, þau eiga hagsmuni 
– Charles de Gaulle

Ég efast ekki um að grænlenska hagkerfið myndi leysast úr nýlendulæðingi ef Bandaríkin koma að málum þar. Líklega yrði framkvæmdur uppskurður á því, sem skera myndi á nýlendukýlinu, þ.e. hinum vonlausa opinbera geira

En frumástæðan fyrir geopólitískum áhuga Bandaríkjanna á Grænlandi er sá að ESB-Evrópa er á leiðinni á nauðungaruppboð. ESB-Evrópa getur ekki varið sig sjálf, eins og sést svo vel í dag. Vonlaust er að halda svona ósjálfbjarga fyrirbæri eins og Evrópu uppi og þess vegna eru Bandaríkin endanlega að gefast upp á því. Kaninn hefur önnur glóandi járn í eldinum og sem eru honum mikilvægari

Þessi staða kallar á að Evrópa leiti ásjár hjá Rússum og Kínverjum. Danmörk mun því selja Grænland til hæstbjóðanda í þeim félagsskap eins og gefur að skilja. Og við þá geopólitísku stöðu geta Bandaríkin ekki unað. Þess vegna verða þau að koma Grænlandi í skjól, burtu út þrotabúi Evrópu, þar sem nauðungaruppboðin nálgast

Í dag er 10-ára ríkisskulda lántökukostnaður Frakklands orðin meiri en Grikklands og Spánar. Landið er að verða óstjórntækt rekald og Þýskaland er að verða það líka. Nauðungaruppboðin nálgast

Evrópa hefur ekki sameiginlega hagsmuni. Hún er norður-suður og austur-vestur. Ekkert skrifstofuveldi getur breytt því

Fyrri færsla

Svo lengi sem Grænland er viðriðið Danmörku mun heimurinn ekki líta á það sem frátekið land. Svo einfalt er það

Bandaríkjamenn segja útilokun Le Pen áhyggjuefni

Svo lengi sem Grænland er viðriðið Danmörku mun heimurinn ekki líta á það sem frátekið land. Svo einfalt er það

Þetta skilur Helle Thorning-Schmidt fyrrverandi en misheppnaður forsætisráðherra Danmerkur ekki, enda oftast kölluð Gucci-Helle í daglegu dönsku tali

****

GRÆNLENDINGAR EKKI SPURÐIR

Þetta skilur hún sem fyrrum danskur forsætisráðherra úr danska sósíaldemókrataflokknum auðvitað ekki þegar hún í CNN sunnudaginn 30. mars 2025 sagði að ekkert hindri Bandaríkin í að opna enn fleiri herstöðvar á Grænlandi. Þar með er hún að segja að Grænland á höndum Dana geti þess vegna orðið hernaðarnýlenda annarra landa, og þá fyrst og fremst sökum þess að Danir eru Grænlendingum algjörlega getulausir í varnarmálum – eins og í flestum öðrum málum: þó einkum í tilvistarlegum, efnahagslegum, félagslegum, og þjóðaröryggislegum efnum

Og ekki er hún að spyrja Grænlendinga um leyfi fyrir neinu þegar hún opnaði fyrir snilli sína í bandarískum fjölmiðlum í gær. Þar úthlutaði hún í beinni útsendingu herstöðvaaðstöðu til Bandaríkjanna án þess að spyrja neinn Grænlending að neinu, frekar en nokkru sinni hefur verið gert af hálfu hins gamla nýlenduveldis Dana. Þarna sést einmitt danski nýlendupraxísinn í praxís á Grænlandi. Og þarna sannast orð JD Vance varaforseta Bandaríkjanna, Þorgerði Katrínu til mikillar gremju

Síðastliðin 50 ár hefur Danski herinn verið látinn koðna niður í ekki neitt og Danmörk nær aldrei staðið við NATO-skuldbindingar sínar, fyrst og fremst vegna þess að Danmörk er bóla á rassi Þýskalands og fylgir ávallt fordæmi þess (við borgum ekki), enda gervihnöttur á sporbraut um fyrst og fremst þýska ríkið, en ekki um Bandaríkin

Það sást sérlega vel í Síðari heimsstyrjöldinni þegar flokkur Sósíaldemókrata við völd píndi danskt efnahagslíf til að snúa sér burt frá Engilsöxum og að Þýskalandi til að hámarka afköstin í þágu nasista, þannig að Danmörk varð næst stærsta viðskiptaland þýska Nasistaflokksins á eftir Ítalíu, hernámsárin öll

Eftir stríðið þvinguðu danskir sósíaldemókratar svo danskt atvinnulíf til að taka þátt í "refsiaðgerðum" gegn til dæmis Suður-Afríku, Síle, Írak og Burma, en aldrei gegn Sovétríkjunum né Kína, Íran eða Sádi-Arabíu. En nú þola danskir sósíaldemókratar ekki Rússland lengur, því Rússland sveik sósíalisma Evrópusambandsins, sem sækir fyrirmynd sína til pólitísks skipulagsveldis Sovétríkjanna

EINFALT

En ef Grænland væri hins vegar Bandarískt, þá þyrfti enga aukalega herstöð þar, því allir vissu að landið væri Bandarískt – og þar með algjörlega frátekið. Svipað gildir einnig ef sjálfstætt Grænland gerði varnarsamning við Bandaríkin, eða færi í svipað ríkjasamband við þau og t.d. Puerto Rico

RÖKIN

Rök Bandaríkjanna í þessi máli eru þau; að losni Grænland undan Dönum og verði sjálfstætt og fullvalda ríki; að þá geti Grænland sjálft gert þá samninga við Bandaríkin sem þau kunna að vilja og þurfa. Í dag mega Grænlendingar varla sjálfir tala við erindreka annarra ríkja. Hringja verður niður í danska utanríkisráðuneytið í Kaupmannahöfn þegar sauðnautin á staðnum komast að því að þau eru á leið til Kína frá kínverskum flugvöllum á Grænlandi

NOKKRAR STAÐREYNDIR MÁLSINS

Ratsjárstöð á Grænlandi er fínt fyrir þarfir Bandaríkjanna þar. En öll alvöru hernaðaruppbygging á norðurslóðum yrði hins vegar að vera á Íslandi. Og einungis frá Íslandi geta Bandaríkin sinnt Grænlandi eins og þarf

Engin djúpsjávarhöfn getur orðið til á Grænlandi, hvorki vestan-, sunnan-, né austanmegin. Erlend heimahöfn bandarísks flugmóðurskips gæti því aldrei orðið á Grænlandi. Fordæmi fyrir slíku fyrirkomulagi er Yokosuka, Japan. En hún gæti orðið á Íslandi

Rúmir 1500 km eru frá bandarísku Pituffik herstöðinni til Nuuk. Flugleiðin frá Nuuk til Keflavíkur er þó 100 km. styttri.

Og ekki batnar staðan þar nyrðra við það að Kanada hefur vanrækt NATO-skuldbindingar sínar að sama marki og Danmörk. Hefur Danmörk því engan vegin verið sá "góði bandamaður" sem hún allt í einu segist vera núna. Því fer fjarri

AÐ LOKUM

Annars er það harkan sex, eins og Ísland lenti í 1940 og 1941. Og þá vorum við glöð að Bretar og Bandaríkjamenn urðu fyrstir, en ekki meginland tapara ESB-Evrópu

Fyrri færsla

Landsölupakkhús Þorgerðar fúlt út í JD Vance

Landsölupakkhús Þorgerðar fúlt út í JD Vance

Þorgerður ESB-kommi er fúl út í JD Vance varaforseta Bendaríkjanna fyrir að sýna heiminum fram á hversu glatað fyrirbæri Evrópusambandið er. En það gerði varaforsetinn á öryggisráðstefnu sem haldin var suður af Þusluþorpi við Munkaþverá syðri. Hér má lesa ræðuna - og hér má horfa á JD Vance flytja hana

Þorgerður veit sem er að þorri Íslendinga samsamar sér um það bil þúsund sinnum meira með Bandaríkjunum en sovétríki Evrópusambandsins í smíðum. Við þekkjum kanann og vitum að hann mun aldrei verða eins og ESB, sem betur fer, enda hefur hann reynst okkur bjargvættur og gerir enn

Tíðarandanum í Þorgerði finnst "óviðeigandi" að JD Vance sé hvorki upptekinn við að sleikja skósólana á Grétu2 Úkraínuforseta né hangandi um fótlegginn á einfóta hopp-hananum Emmanuel Macron forseta Frakklands. Á morgun finnst henni jafnvel eitthvað annað. Þannig virkar innihald tíðarandaglasa oft á menn

En bæði Donald J. Trump og J.D. Vance eru andbyltingarsinnar eins og nú heyrist og sést á gargandi ískrinu og neistafluginu er þeir flytja Bandaríkin aftur að miðjunni, burt úr hinu gargandi villta vinstri Klikkton-Obamaklíkunnar

Fyrir Donald J. Trump forseta og JD Vance varaforseta Bandaríkjanna er Evrópusambandið nýtt sovétlíki í smíðum. Og þeir, eins og ég, vita vel hvað kemur næst úr Evrópufabrikkunni, sem Bandaríkjamenn flúðu burt frá á sínum tíma. Ekkert gott er í vændum þaðan, - eins og Vance benti svo réttilega á í ræðu sinni í München

"I was struck that a former European commissioner went on television recently and sounded delighted that the Romanian government had just annulled an entire election. He warned that if things don’t go to plan, the very same thing could happen in Germany too." – JD Vance varaforseti Bandaríkjanna

Nú þegar er byrjað kjósa aftur, komi ekki "rétt" út úr kosningum í ESB. Ógilding kosninga er einnig hafin í ESB. Og byrjað er að banna vissa frambjóðendur með "rangar" skoðanir í ESB. Og til umræðu á þýsku þingi núna er að banna næst stærsta stjórnmálaflokk landsins í ESB

Hvað nú Þorgerður mín vonsvikna

Fyrri færsla

Kannski hægt að byrja á farsímavef Veðurstofunnar - strax í dag? [u]

„Allt við þessa heimsókn var óviðeigandi“

Kannski hægt að byrja á farsímavef Veðurstofunnar - strax í dag? [u]

Skjáskot: Óvirkur farsímavefur Veðurstofu Íslands, fimmtudagur, 27. mars 2025 kl. 21:39:35. Vefurinn er búinn að vera í þessu ásigkomulagi í rúman sólarhring. Hann er oft það eina sem hægt er að notast við þegar merkjasamband til gagnasendinga er lélegt eða þegar rafmagnið fer og einungis 2G eða EDGE hanga uppi

****

Já. Farsímavefur Veðurstofu Íslands hefur verið niðri, óaðgengilegur og óvirkur í rúman sólarhring. Og enga tilkynningu um eitt né neitt er að finna á aðalvef Veðurstofunnar - þar sem slóðina inn á farsímavefinn er að finna efst á forsíðu vefsetursins. Ég og mínir nota farsímavefinn mög mikið, bæði fyrir landsveðurspár, staðarspár, veðurathuganir og jarðskjálfta, því hann er einfaldur, léttur og handhægur: þ.e. góður vefur, skilvirkur og laus við glingur og þvætting

Skjáskot: Og skilríkin að renna út. Ég ákvað að treysta þeim samt (þess vegna "custom")

Og engar tilkynningar til notenda eru birtar um hvenær Veðurstofunni þóknist nú að koma sér út úr stofuveðrinu sem greinilega ríkir þar um allan aldur og stafræna eilífð

Það er mjög slæmt þegar farsímavefur Veðurstofunnar er óvikur. Og það er mjög slæmt að stofnunin skuli ekki fylgjast betur með þeim lágmarks grunnöryggiskerfum landsins sem á hennar ábyrgð eru

Hvernig væri nú að kippa þessu í lag?

=====

Uppfært föstudagur, 28. mars 2025 kl. 22:07:16

Veðurstofan hefur um miðjan dag í dag fjarlægt krækjuna inn á farsímavefinn, sem höfð var efst á forsíðu hennar, vedur.is. Enga skýringu eða tilkynningu til notenda er finna neins staðar um þetta mál. Stofuæði ræður ríkjum. Þetta mál mun sennilega seinka verulega mánaðaruppgjöri Veðurstofunnar yfir áhuga- og getuleysi hennar í stafrænum efnum

RIDDARAR VEGANNA

Hjá Vegagerð ríkisins horfa veftæknimál hins opinbera hins vegar öðruvísi við, því þar minnka menn bara allar myndir af vegakerfinu úr vefmyndavélum Vegagerðarinnar um helming, svo að holurnar í vegakerfinu, færðin og ástand veganna sjáist helst ekki á hinum nýja vef fyrirtækisins, þ.e. ef "fyrirtæki" skyldi kalla. Þar á bæ kallast slíkt framfarir. Grautarhausar á opinberri framfærslu ráða för

Fyrri færsla

Hamast við moksturinn í Reykjavík

Almannavarnir bregðist við hernaðarástandi

Hamast við moksturinn í Reykjavík

Flott. Ný forysta Sjálfstæðisflokksins með Guðrúnu Hafsteinsdóttur í fararbroddi fer hringferð um landið og hefur það huggulegt, - á meðan ríkisstjórn Kristrúnar Frostadóttur skóflar eigin skít fram og til baka í Reykjavík

Eins og Napóleon sagði: aldrei að trufla andstæðinginn á meðan hann er að gera í buxurnar

Til hamingju Guðrún, Jens Garðar og Vilhjálmur

Fyrri færsla

Grunnvextir hækka á evrusvæðinu - varanlega

Ásthildur á fund forseta

Grunnvextir hækka á evrusvæðinu - varanlega

Mynd: Grunnvextir eru að snarhækka í Þýskalandi og þar með á öllu evrusvæðinu

****

Skuldaþakið eða "skuldabremsan" sem innleidd var í Þýskalandi sem vörn gegn því að Þýskaland er eitt stærsta óðaöldrunarhagkerfi veraldar, því svo fá fæðast þar börnin sökum geldingar þýsku þjóðarinnar og sem því er reyna að spara sig í hel, já það er hún sem haldið hefur niðri ávöxtunarkröfum þeirra sem hafa keypt skuldir af þýska ríkinu og öðrum evrulöndum. En nú á að slaka á þessari skuldabremsu svo hægt sé að verja elliheimilið, ekki gegn sjálfu sér, heldur gegn Rússunum sem Þýskaland reyndi að þurrka út en varð hins vegar sjálft þurrkað út eins og bæði sést og heyrist núna

Þessi svo kallaða skuldabremsa er að gefa sig vegna álags og þýska elliheimilið mun því verða skuldum vafið við andlátið, og þar með gera út af við þau fáu börn sem þrátt fyrir allt fæðast þar enn, þó svo að einu varnir Þjóðverja gegn öllu og öllum sé sparnaður. Þýski herinn notast því við kústsköft við æfingar

Bíddu aðeins: var ég búinn að nefna það að Úkraína skilaði víst til baka skriðdrekunum sem Danir "gáfu" henni – sökum úreldingar

Jæja, en hvað um það. Vextir eru því að hækka á öllu evrusvæðinu til frambúðar því skuldabréfakaupendur segja að ríkisfjármálaakkeri evrusvæðisins sé þar með farið. Ríkisskuldasúpa verður því framtíð evrulanda, sem nær öll eru skuldsett upp fyrir skorsteinana nú þegar, eða sem svarar til um og yfir 90 prósentum af landsframleiðslu þeirra – yfir alla línuna

Nú ber hins vegar svo við að á sama tíma og Bandaríki Norður-Ameríku hyggjast hætta vanþróunaraðstoðinni við svokölluð "varnarmál ESB-landa", að þá eru ríkisskuldir evrulanda í hæstu hæðum vegna einmitt evrunnar og þar af leiddri innvortis geldingu alls hagvaxtar; sem aftur bitnar á heilbrigðskerfunum sem eru að kafna vegna óðaöldurnar íbúanna; og afleiddra hárra skatta; og svo vegna svokallaðra "velferðarkerfa" sem eru að kikna undan óðaöldrun skattgreiðenda; og massífum innflutningi á ósjálfbjarga og þurftafrekum geimverum frá öðrum sólkerfum

Það er allt þetta sem er svo eftirsóknarvert fyrir það setulið sem nú mannar ríkisstjórn Íslands: að komast alla leið til helvítis á sem skemmstum tíma

Sem sagt: Akkerisfestingarnar á skuldabréfamörkuðum evrulanda hafa slitnað, því Þýskaland er byrjað að reka. Vextir hækka yfir alla línuna því áhættan fer hratt vaxandi, en ekki minnkandi. Horfunar fyrir lánshæfnismat evrulanda versna og lánshæfnismatið mun lækka - og svo koll af kolli, aftur og aftur

ESB og Evran
Hefur drepið hagvöxt evrulanda
Ríkisskuldasúpa evrulanda sýður því og kraumar
Afleiðingin er hækkandi vextir evrulanda
Útdauði skattgreiðenda evrulanda
Komandi innri borgarastyrjöld evrulanda
Rigor mortis þ.e. dauðastirðnun evrulanda
Allt þetta kallar á enn hærri vexti því áhættan bara vex og vex

Fyrri færsla

Fallbyssur Trumps í tollamálum

Ræðir við Pútín á morgun