48 til 73 milljarðar þurfa að fara til varnarmála okkar á ári

Mynd: Varnarmálaútgjöld Bandaríkja Norður-Ameríku á tuttugustu öld, hlutfall af landsframleiðslu

Í gær birti Hagstofan enn eitt heimsmet Íslands í hagvexti. Landsframleiðslan á fjórða ársfjórðungi í fyrra jókst um 11,3 prósent á milli ára. Og þar með var hægt að gera hagvöxtinn fyrir allt síðasta ár upp og var hann í heild 7,2 prósent, sem einnig er nálægt heimsmeti

Verg landsframleiðsla fyrir árið í heild var 2.421.959.000,00 krónur, sem er einn besti gjaldmiðill veraldar. Í milljörðum eru þetta 2422 stykki af svoleiðis

Til varnarmála hins dýrmæta lands okkar og þjóðar ættum við sem lágmark að eyða 48 milljörðum króna, sem eru aðeins tvö prósent af landsframleiðslunni. En vegna þess hve seint við förum af stað í uppbygginu varna landsins, þá þyrftum við að eyða um það bil 6 prósent af landsframleiðslu í uppstartið, eða eins og Bandaríkjamenn gerðu í enda Kalda stríðsins, þegar varnarmálaútgjöld bandaríska þjóðríkisins voru, í fyrsta lagi, komin niður úr 42 prósent af landsframleiðslu í Síðari heimsstyrjöldinni og, í öðru lagi, niður í 12-10 prósent af landsframleiðslu á fyrri helming Kalda stríðsins, er þeir gættu lífs, lima og eigna íslenskra barna og fjölskyldna þeirra

Í dag nota Bandaríkjamenn 3,61 prósent af landsframleiðslu til varnarmála og þeir borga einnig 74 prósent af varnargetu kostnaði 27 annarra NATO ríkja, sem annars væru varla til. Þessum skollaleik 27 NATO-landa frá og með 1991 -og þar á meðal erum við- er frá og með nú lokið

Við þurfum því einnig að geta lagt okkar að mörkum til varnar Bandaríkjunum því þau hafa svo lengi lagt ofboðslega mikið af mörkum okkur til varnar og aðstoðar. Nú gengur ekki lengur að haga sér eins og aumingi. Við erum ekki aumingjar og ættum því ekki að koma fram sem aumingjar

Þegar Ísraelsríki lýsti yfir sjálfstæði sínu 1948, þá var sú þjóð ekki nema rétt rúmlega tvöfalt fjölmennari en við erum núna, í sínu landi. Sú þjóð varðist þá samstundis-innrásum allra aðliggjandi nágrannaríkja. Hún varðist og hún varðist og hún sigraði. Við, hins vegar, þurfum einungis að sigrast hér á okkur sjálfum

Flugfloti Norðmanna telur meðal annars 60 stykki orrustuþotur, 6 stykki Orion kafbátaleitarvélar og í pöntun eru 5 stykki nýjar P-8 Boeing slíkar vélar. Alls er flugfloti Norðmanna yfir hundrað vélar. Okkar flugfloti er hins vegar enginn á þessu varnarsviði

Þetta gengur ekki lengur. Við ættum sem lágmark að geta sjálf staðið fyrir loftrýmisgæslu okkar með okkar eigin herþotum og með okkar eigin flugmönnum, áhöfnum, viðhaldsliði, vopnum, flugvöllum og að minnsta kosti tveimur birgðavélum. Kafbátaleit ættum við með tímanum líka að geta tekið yfir. En númer eitt er að geta stuggað óvinum út úr lofhelginni og skotið vont niður ef með þarf

Við megum þakka fyrir að vera staðsett á Vesturhveli jarðar því þar mun eina pólitíska stöðugleikann í veröldinni vera að finna næstu 100 árin. Allur hinn pólitíski stöðugleiki Austurhvels jarðar -gamla heimsins- er að brotna upp og þar er Evrópu-Asíu landmassinn að tvístrast upp í pólitískar frumeindir sem enginn veit hvenær og hvernig munu lenda. Evrópa, Asía og Mið-Austurlönd eru komin í upplausnarferli. Enginn veit hver útkoman verður

Svo kæru Íslendingar, það er bara að setja í gang og koma landvörnum Íslands fyrir í öllum landsfjórðungum, þar sem hver flugvarnarstöð muna verða lyftistöng fyrir alla landshluta. Þetta yrði ein flott lyftistöng fyrir allt okkar fullvalda og sjálfstæða þjóðríki. Við getum þetta og verðum að gera þetta, því engin sanngjörn afsökun fyrir að bregðast skyldum okkar dugar lengur

Fyrri færsla

Vandamálahælið Evrópa - fundur í Antalya

Vandamálahælið Evrópa - fundur í Antalya

Eins og þeir sem vilja vita vita, þá gengur lítið sem ekkert með neitt í Evrópusambandinu. Sambandið þolir engin áföll og það sópar til sín vandamálum sem, meðal annarra, en einkum, af tilvist þess hafa skapast. Í stað þess að leysa vandamál, þá safnar sambandið vandamálum. Það er orðið eitt stórt vandamálaveldi. Og löndin sem í sambandinu eru, veslast upp á færibandi. Myntsvæði þess er versta efnahagssvæði veraldar. Myntin á því svæði er gagnslausasta mynt veraldar. Hún hefur ekkert með efnahagsmál að gera, heldur er hún einn pólitískur peningur með gati út i gegn

Í miðju gati peningsins býr þeytivinda. Hún heitir Þýskaland. Og í miðju Þýskalands býr banki. Hann heitir Deutsche Bank. Hann er eldri en Þýskaland. Og hann er á hausnum. Í vikunni gerði bankinn tilraun til að skaffa sér ferska peninga. Hann bauð þeim sem eiga peninga að kaupa hlut í bankanum á 39 prósent afslætti. Bréfin í bankanum hrundu umsvifalaust um 6 prósent. Bankinn á í lausafjárvandræðum. Hann er óformlegur hluti af ríkisstjórn Þýskalands og formlegur hluti af öllum stærstu fyrirtækjum þess. Hann er á hægfara leið í þrot

Enginn hefur trú á bankanum. Hann er á evrusvæðinu og kominn með eyðniberkla Evrópusambandsins. Og þetta evrusvæði er myntsvæði Evrópusambandsins. Bæði eru þau ónýt. Ganglaust ónýt og gagnslaust getulaus skápur þar sem hrúgað er inn vandamálum sem aldrei verða leyst. Bankakerfi evrusvæðis halda því áfram að hristast og skjálfa sem sá geislavirki Royalbúðingur sem þau eru

Evrópa endaði 1991. Þar endaði heimsálfan, því þá féll síðasta veldi hennar í rúst: Sovétríkin. Síðan þá hefur Evrópa ekki haft hin minnstu áhrif á neitt í þessum heimi og hún mun ekki hafa það nokkru sinni á ný. Á þrjátíu árum tókst Evrópu að koma sér úr stöðu heimsveldis með veraldaráhrif og yfir í hernumda rúst. Þetta hefur aldrei áður gerst í sögu mannkyns. Að heil heimsálfa stútaði sér á aðeins 30 árum. Evrópa mun ekki leysa nein vandamál í framtíðinni því hún er vandamálið sjálft. Hana þyrfti helst að hernema á ný áður en hún og fólk þess kemst að því að Evrópusambandið er berklahæli, þar sem eina lyfið sem til er í skápnum heitir Meiri berklar

**

Æðstu yfirmenn herafla Bandaríkjanna, Rússlands og Tyrklands héldu fund í tyrknesku borginni Antalya. Það er athyglisvert. Það er virkilega athyglisvert. Láið er líta út sem svo að þessir æðstu menn þriggja hefafla ræði saman um ýmis dagleg vandamál. En það gera þeir ekki. Það gera þeir ekki. Ekkert hefur lekið út um raunverulegt efni fundarins og ekkert mun leka út um það

Fyrri færsla

Ísland: heimsmethafi í hagvexti

Ísland: heimsmethafi í hagvexti

Mynd: skjáskot af vef Trading Economics. Nánar: Hagstofa Íslands

Maður getur nú ekki annað en brosað út í annað að þessum græna bletti þarna efst til vinstri á myndinni. Já, ég hef oft sagt að Ísland sé að mörgu leyti nýmarkaðsland (e. emerging economy). En að þetta sé svona eins og þarna á myndinni fær mig til að brosa ansi breitt út í bæði. Af 196 löndum sem þeir hjá Trading Economics fylgjast með, þá erum við ansi nýmarkaðsleg þegar að hagvexti á milli þriðju ársfjórðunga 2015 og 2016 kemur, eins og er. Þetta er ein birtingamynd fullveldis Íslands í peningamálum sem og öðrum málum okkar. Þetta er ekki finnska leiðið í fjöldagrafreit evrunnar þar sem ESB-aðild er að gera Finnland að Grikklandi norðursins - þið munið, "Kúba norðursins"

A chronically depressed economy, rising unemployment and an aversion to free-market reforms. Sound like a familiar European tale? But it’s not Greece, Spain or Portugal. It’s Finland,- Lars Christensen

Þetta er hvorki meira né minna en heimsmeti í hagvexti hjá Íslandi. Mín spá fyrir síðasta ár í heild er 7 prósent hagvöxtur. Og samt er verðbólgan ekki nema eins og svona um það bil tvö prósent. Margt spilar þar inn, innlent og erlent, en samt grenja hagsmunasamtök. Og samt grenja menn á lækkun stýrivaxta! Flestir með tvö prósent af heilafrumu verðbólguþekkingar vita hvað það myndi þýða. En samt er grenjað. Og samt grenjar stjórnarandstaðan (hún er andstæð stjórn) og hagar sér eins og apaflokkur í furðutré

Það er heldur ekkert við því að segja að vegamál á Íslandi séu eins og þau eru. Það er bara ofur eðlilegt. Við erum með eitt stærsta vegakerfi í heimi á hvern skattgreiðanda, og vegakerfið okkar er, þrátt fyrir allt, fallegt og snoturt kraftaverk fullvalda þjóðar. Það þarf að nálgast vegamálin á annan hátt en með heimtufrekju og sífellt nýrri og meiri skattlagningu. Þetta er mál sem öll þjóðin og digrir sjóðir hennar eiga að líta á með þeim augum sem gert var þegar þjóðin lokaði hringnum. Ég myndi kaupa skuldabréf í þannig fjárfestingu. Hafa ber í huga að þjóðvegakerfi Bandaríkjanna milli fylkja er stærsta einstaka opinbera framkvæmd mannkynssögunnar

Við erum ennþá nýmarkaðsland og það á eftir að gera margt og mikið hér heima hjá okkur. Þetta er svona vegna þess að við urðum svo seint frjáls þjóð í eigin landi. Við fengum sjálfstæði fyrir aðeins 73 árum síðan. En þessu vilja þeir sem hæst öskra sem apar í trjám, henda í ruslið og gerast aumingjar í Húsi fjötra Evrópusambandsins. Gerast þrælar á ný. Og samt kom hin brosandi bóla á rassi Þýskalans hingað í heimsókn í formi Uffe Ellemans-Jensen og sagði örvita íslenskum ESB-sinnum að eina leiðin út úr sambandinu, án kjarnorkuvopna, væri ekki til, nema sem liðið lík. Hann veit þetta, en þorir ekki að segja það. Hann er búinn að selja sambandinu sál sína og getur ekki bakkað nema með harakiri

Eins og margir vita þá hef ég lengi sagt að við eigum að taka upp alvöru byggðastefnu á Íslandi, þar sem launatengd gjöld lækka því fjær sem dregur höfuðborgarsvæðinu. En nú er ég kominn í efa um þetta mál, því varla getur Ísland fengið sterkari byggðastefnu en hina vinstrisinnuðu borgarstjórn Reykjavíkur. Borgríki vinstrimanna er svo öflugt að ég er kominn í efa

Svo þarf að reka yfirstjórn Landsvirkjunar og Orkuveitu Reykjavíkur (sjá hér, takk Styrmir!) og halda áfram að borga niður skuldir ríkissjóðs og þá lækka skatta, og svo útvega fleiri tré fyrir apabörn vinstisins til að brjálast í vegna framfara. Og já, lyga- og blekkingaherferðar- þingmaður Viðreisnar í formi formanns utanríkismálanefndar Alþingis Íslendinga, þarf líka að reka úr þeirri stöðu. Hún er undir eið og er ekki almennur borgari. Hún á að vita það. Þetta má hún ekki gera í þeirri trúnaðarstöðu sem henni er trúað fyrir. Svona moldvörpustarf má ekki líða

Áfram Bjarni Benediktsson! Rektu hana ásamt yfirstjórn Landsvirkjunar!

Fyrri færsla

Evrópa þolir ekki Þýskaland

Evrópa þolir ekki Þýskaland

Mynd: Alþjóða gjaldeyrissjóðurinn, febrúar 2017. Hörmungar Grikklands settar í samhengi

Grikkland: Skýrsla AGS, febrúar 2017. Tæplega 1/3 hluti gríska hagkerfisins er horfinn. Heimsmet Evrópusambandsins í misþyrmingu sést vel. Þessu tók AGS þátt í, en Þýskaland ræður för. En samt neitar Þýskaland að ræða sín eigin efnahagsmál við aðra á meðan það er á kafi með alla sína fingur í málum annarra. Þýskaland segir að þau komi þeim bara ekkert við. En í þetta skiptið mun Þýskaland ekki sleppa. Donald J. Trump mun sjá um það

Sálufélagar Þýskalands á Íslandi eru ótrúlega margir og virðast stundum vera misráðnir einfeldningar og fórnarlömb dellu. Samt hefur Þýskaland lítið nema hörmungar fært mannkyninu frá stofnun þess 1871. Innanborðs í Þýskalandi eru sterk þeytivinduöfl að verki og afar líklegt er að landið geti aldrei verið til friðs á meginlandinu í þeim strúktúr sem Bismarck laug héraðsöflum landsins saman í. Það mun aldrei verða þjóðareining í Þýskalandi og skorturinn á henni mun færa Evrópu endalausar hörmungar. Eins og þær sem sjást að verki með misþyrmingu Þýskalands á meginlandinu undir imperíal fána Evrópusambandsins

Þýskaland eins og Rússland hefur lítil sem engin náttúruleg landamæri. Óttinn vegna þessa, ræður að stórum hluta til um hegðun Þýskalands. Hingað til hefur landið leyst þennan vanda með því að ráðast stanslaust í útrás á önnur lönd. Nýjasta útrás Þýskalands, sem er innrás, hefur farið fram undir fána Evrópusambandsins. Þetta var frá upphafi ekki ásetningur Þýskalands, en þegar landinu er veittur útrásar/innrásar-kosturinn, með vilja eða ekki, þá endar það umsvifafrelsi alltaf með ósköpum, eða sem allsherjar misnotkun. Þetta þarf að koma í veg fyrir með því að splitta Austur- og Vestur Þýskalandi upp á ný

Evrópa getur ekki lifað með sameinað Þýskaland. Og það getur heimurinn ekki heldur. Staðreyndin er sú að hinn svo kallaði "innri markaður" ESB er kominn í sama hlutverk og Úkraína og Hvíta Rússland eru sett í fyrir Rússland. Evrópusambandið og evrusvæðið eru orðin stuðari og sérstakt verndarsvæði fyrir Þýskaland (e. buffer zones). Þessum stuðara reynir Þýskaland að halda saman með her af ókjörnum embættismönnum sem herja á næstum öll löndin umhverfis Þýskaland. Pólland sem glímir við Rússland, þarf á sama tíma að glíma við Brussel. Sótt er að Póllandi úr bæði austri og vestri. Missi Þýskaland þennan stuðara þá lyppast landið saman. Þetta er staða sem átti ekki að geta orðið. En sem samt er orðin að veruleika, eins og frú Margaret Thatcher varaði svo ítrekað við

Það er þó einn afgerandi munur á Rússlandi og Þýskalandi: Rússland sendir peninga út til stuðara sinna. Kerml sendir peninga út í stuðarana og jaðrana og fjármagnar innviði þeirra. Það gerir Þýskalandi ekki. Það nærist á stuðurunum og jöðrunum, sem senda peningana heim til Þýskalands. Án þeirra væri Þýskaland ekkert. En rétt núna á Rússland frekar bágt því olíu- og hráefnaverð er svo lágt. Það er illa aflögufært og það mun þýða óstöðugleika úti í jöðrum og stuðurum þess. Í Evrópusambandi Þýskalands virkar þessi óstöðugleika-þrýstingur þveröfugt. Þar er það miðjan sem er að sprengja allt í tætlur. Þar er það miðjan, Þýskaland, sem er veiki hlekkurinn: miðflóttaaflið

Eina ástæðan fyrir því að Fyrsta ríkið lifði svona lengi, var sú að keisari þess hafi lítil sem engin áhrif á þýsk lönd þess. Þessar einingar voru óstjórnanlegt (e. ungovernable) drit af þýskum svæðum sem réðu sér að mestu sjálf. Aðeins þannig tókst Fyrsta ríkinu að hökta í þúsund ár. Og það var undir þeim strúktúr (þ. Heimat) að góð framlög þýskra landa til mannkynsins urðu til. Það sem við sjáum hins vegar í dag er því miður orðið þýskt Hús fjötra og ofsókna. Þetta átti ekki að enda svona, en gerði það samt. Evrópusambandið er nýtt farartæki alræðis og það hlaut ávallt að enda þannig. Það sjá allir þegar sambandið er skoðað nánar, þ.e. grunnstólpar þess

Og nú er fölsk fortíð Bismarcks mætt í heimsókn á meginlandinu einu sinni enn. Kaffiboðið er rétt að byrja, og það mun ekki enda vel. Það er ekki hægt að byggja sólkerfi í kringum svarthol. Þýskaland er svarthol. Uppbygging Evrópusambandsins á Evrópu er niðurbygging. Og síðasta sameining Þýskalands eru stærstu geópólitísku mistök sem gerst hafa í álfunnu síðan 1871

Ef ég væri frú franska Le Pen í kosningabaráttu núna, þá myndi ég segja -til dæmis með tilliti til Grikklands, og ef til vill allrar Suður-Evrópu líka- að Evrópusambandið sé sá "glæpur gegn mannkyninu" sem Macron leitar að í fortíð Frakklands í kosningabaráttu hans. Glæpurinn, ef hann þá er til, er orðinn sú framtíð sem Emmanuel Macron sjálfur boðar

Sjálfur er ég hins vegar Íhaldsmaður með stórum staf og þjóðernissinni, og það er ég vegna þess að í gamla daga voru hinir raunverulega frjálslyndu alltaf þjóðernissinnar (e. nationalists). Það þótti merki um góðan og göfugan málstað að vera þjóðernissinni: þ.e. að aðhyllast þjóðfrelsið og sjálfsákvörðunarrétt þjóða og að fyrirlíta heimsveldi og þrælaríki. Ég fyrirlít Evrópusambandið. Það er orðið þrælabúðir þjóðanna og Hús fjötranna

Fyrri færsla

Velheppnaður kvöldverður

Velheppnaður kvöldverður

Mynd: Mamma vaknar

Ísilagt stöðuvatnið ýlfraði í kyrrðinni í mínus tíu, Júpíter og tunglin hans mörgu stirndu bjart, en tunglið okkar var tæplega hálft. Norðurljósin geisuðu og maður beið bara eftir því að USCSS Nostromo lenti hvað úr hverju. Já á Íslandi

Í kvöldmatinn var steiktur Fillon með grilluðum Trump. Þessu var skolað niður með Le Pen, en kokkurinn hafði líka gert Wilders. Fórum við svo inn í setustofuna og tókum Pútín dæsandi í nefið, bruddum Brexit og spiluðum Bannon fram á nótt

Allir skemmtu sér konunglega og allt var yndislega pólitískt kolrangt. Við hlógum að þeim sem heimta stýrivaxtalækkun! í 7 prósent hagvexti og sögðum Amen við bréfi úr bæjarfélagi Reykjavíkur, þar sem borgarstjórinn sjálfur er nagladekk

Í alla staði vel heppnað kvöld

Fyrri færsla

CNN gerir í buxurnar - og pilsin

CNN gerir í buxurnar - og pilsin

Mattis, - okkar hlutverk er að halda vígstöðunni, með símtólið frá fólkinu í hendinni. Hlusta og hlýða

James Mattis varnarmálamálaráðherra Bandaríkjanna sat fyrir svörum. Frá CNN kom nátúrlega sjálfselskuleg sjálfsupptekningar spurning um eigið ágæti frá blaðamanni CNN. Hún spurði varnarmálaráðherrann að því hvort hann væri samþykkur því sem þjóðkjörinn Trump sagði um fjölmiðla; að þeir væru óvinur fólksins

Mattis svarar eins og hans er von og vísa; þ.e. á fullkominn hátt. Hann sagðist hafa átt í vandamálum með fjölmiða, en að fjölmiðlarnir væru hópur með sameiginlega hagsmuni (e. constituency) sem hann kljáðist við (eins og annað. GR)

Svo kom önnur sjálfselskuleg sjálfsupptekningar spurning CNN um áhrif "óreiðu" í Hvíta húsinu á herinn. Því svaraði Mattis svona: velkomin í lýðræðið. Það er subbulegt og allir myndu óska að allt keyrði smurt. En svona er það. Það er hið besta stjórnarfyrirkomulag sem við höfum. "Hlutverk hersins er að halda vígstöðunni, að halda vígstöðunni og að halda vígstöðunni, þar til ríkisstjórn fólksins hefur merkt leiðina áfram og fólkið talað" - sagði hann

James Mattis er ekki þjóðkjörinn og það gerir hann sér fullkomlega grein fyrir. En hann er hins vegar skipaður beint af hinum þjóðkjörna, svo lengi sem sá óskar eftir þjónustu hans. Hann er þjónn

Enginn hefur kosið hinn sjálfselskulega sjálfsupptekningar blaðamann CNN til neins. Og enginn hefði kosið hana hefði hún boðið sig fram. Fólkið kaus Donald J. Trump. En þarna býður hún sig fram sem sjálfselskulegan sjálfsupptekningar blaðamann CNN, sem engan áhuga hefur neinu nema sjálfri sér, kompaní sínu og stöðu hennar innan þess. Hún hefur engan áhuga á lýðræði, því í hennar kokkabókum virðist það þýða lýðbræði

Mattis er með sitt hlutverk á tandurhreinu. En hvert skyldi hlutverk CNN vera; jú að koma ríkisstjórninni frá með lýðbræði ókjörins CNN, greinilega

Fyrri færsla

Fjölmiðlar ógn við lýðræðið?

Fjölmiðlar ógn við lýðræðið?

Já það eru þeir, svo sannarlega, eins og sést á viðbrögðum flestra þeirra við niðurstöðum bæði Brexit-kosninganna og kjöri Donalds J. Trump. Og í aðdraganda kosninganna voru þessir fjölmiðlar svo svæsnir að sovéska Pravda hefði ekki komist með tærnar þar sem þeir höfðu hælana

Yfirmaður bandarísku alríkislögreglunnar kom við á skrifstofu ríkisstjórnarstjóra Bandaríkjanna í Hvíta húsinu og upplýsti Reince Priebus um að frétt New York Times um "Rússamálið" væri það sem á amerísku er kallað "bullshit". Að FBI vissi að fréttir blaðsins um málið væru "bullshit". Aðför blaðsins, í skjóli ónafngreindra heimilda sem blaðið getur hafa skáldað eða blaðrað upp, að forsetanum og ríkisstjórn hans vegna þessa, væri algjör þvæla frá upphafi til enda. Það sagði FBI

Ríkisstjórnarstjórinn Priebus spurði þá yfirmann FBI að því hvort að FBI gæti ekki sent frá sér fréttatilkynningu um málið. Það sagði FBI að væri ekki hlutverk sitt

Priebus og blaðafulltrúi Hvíta hússins snéru sér þá beint til fjölmiðla með málið. Að bjóða ekki New York Bad Times í það blaðamannaboð er skiljanlegt. Það er varla hægt að snúa sér til þess sem er að reyna að drepa mann

Embætti Barak Ombama var víst þekkt fyrir að bjóða ekki nema útvöldum vinstrifjölmiðlum í sum þau blaðamannaboð sem haldin voru. Bæði formleg og óformelg

Í Bretlandi sturtuðu flestir fjölmiðlar sjálfum sér í það salerni sem þeir höfðu sturtað lýðræðinu í og er nú svo komið að óbragðið í munni manns er svo svæsið og krónískt að ég fæ mig varla til að opna þá sem ég er áskrifandi að. Mest langar mig til að segja áskriftum mínum upp

Eftir forsetakjörið í Bandaríkjunum hafa blöð eins og New York Times og Time beðið áskrifendur á flótta frá blaðinu afsökunar á kamri sínum í þeirri von að halda mætti í þá. En aðeins nokkrum vikum síðar er blaðið fallið ofan hina í krónísku rússnesku tunnu á kamri þess og eygir þar smá áhrifa-, athyglis,- og hagnaðarvon frá skríl hinna vinstri afla sem já, það er leiðinlegt að segja það, hafa bara engan áhuga á lýðræði og virðast ekki einu sinni vera lýðræðissinnar. Sjálft blaðið hefur ekki áhuga á lýðræði, þvert á móti. Það hefur áhuga á lygum og fölskum fréttum, en ekki á niðurstöðum kjósenda

Ég vona að hernaðaráætlun Trumps og Steve Bannon um að tæta í sundur skriffinnskuríkið í Bandaríkjunum takist vel. Hér heima þyrfti að rífa og tæta það apparat í tætlur og koma Íslandi út úr EES, sem er banvæn snerting Íslands við Evrópusambandið, sem þróast hefur í krabbamein

Í Frakklandi hafa dómsdagsspár Sameinaða Seðlabankaveldisins nú hafið göngur sínar í torfum. Af hverju? Jú þar er í forsetaframboði kona sem villa rústa 100 þúsund starfsmannaveldi þess

Fyrri færsla

Fjármálaráðherra Trumps hjólar í Alþjóða gjaldeyrissjóðinn

„Ógn við lýðræðið“

Fjármálaráðherra Trumps hjólar í Alþjóða gjaldeyrissjóðinn

B52-Stratofortressa Bandaríkjamanna á flugi yfir Berlínarborg - teppasprengingar Þýskalands á evrusvæðinu eru nú til athugunar hjá Donald J. Trump

Steven Mnuchin nýskipaður fjármálaráðherra Bandaríkjanna hefur krafist þess að Alþjóða gjaldeyrissjóðurinn rannsaki gengisstefnur aðildarlanda sjóðsins og skili af sér niðurstöðum um það mál. Þetta gerði hann á fundi með Christine Lagarde forstjóra sjóðsins í dag

Fjármálaráðherrann skírskotar með þessu til kengriðins viðskiptajöfnuðar Þýskalands og einnig Kína og Japans. Líta ber á teppakall hans sem fyrsta aðvörunarskotið frá Donald J. Trump í þessum málum

Þýskalandi og Kína er hér með gert að leggja raunsætt mat á hvort löndin meti meira; a) tengsl sín við Bandaríkin, eða b) sín eign efnahagslíkön

Í stuttu máli má segja að efnahagslíkan Þýskalands sé banvænt fyrir evrusvæðið og heimsbyggðina alla, og að efnahagslíkan Kína sé banvænt fyrir heiminn og Kína sjálft

Í tilfelli Þýskalans má líklega tala um efnahagslega nauðgun sem fór fram með því að setja í stjórnarskrá bann við hallarekstri á sama tíma og landið misþyrmdi og kveikti í Húsi fjötranna (evrusvæðinu) til að koma gengi þess neðar og til að fylla þannig á tanka eigin hagkerfis á kostnað annarra

Í austri hefur Bandaríkjaher undir stjórn James Mattis nú lokað Þýskaland af með því að brynverja Austur-Evrópulönd Intermarium svæðisins gegn Rússlandi. Þjónar sú brynvörn einnig sem útgöngubann á Þýskaland til Rússlands

Franski forsetaframbjóðandinn Marine Le Pen fór í gær í heimsókn til kristinna manna í Líbanon. Á dagskrá hennar í dag var svo fundur með æðsta yfirvaldi múslíma í landinu. En ekki gat orðið af þeim fundi, því við komuna til fundarstaðarins var Marine Le Pen gert að hylja sig með slæðu. Því neitaði franski forsetaframbjóðandinn, snéri við í anddyrinu og ók á brott í svörtum átta strokka bandarískum Chevrolet Suburban

Sænska vefblaðið Fria Tider hefur skyndilega tekið upp á því að birta á ensku fréttir um gang mála Svíþjóð. Þar má horfa á myndskeið og lesa grein blaðsins: English: Riots and looting in Stockholm - sést þar sænska lögreglan berjast á götum úti í borgarhluta þar sem 75 prósent íbúanna eru af erlendu bergi brotnir. Kannski er það fjölmenningar-þakklæti sem lýsir borgarhlutann svona upp. Svíþjóð gekk í efnahagslegu hræðslukasti í Evrópusambandið árið 1995

Fyrri færsla

Horfið á það, í gærkvöldi, sem er að gerast í Svíþjóð, sagði Donald Trump

Horfið á það, í gærkvöldi, sem er að gerast í Svíþjóð, sagði Donald Trump

Á ritmáli hefði þetta verið skrifað svona. "Sáuð þið í gærkvöldi það sem er að gerast í Svíþjóð. Þeir tóku á móti stórum fjölda fólks og eru að upplifa vandamál sem enginn hélt að gætu orðið svona slæm. Hver hefði trúað því að þetta væri að gerast þar. Í Svíþjóð, af öllum löndum."

"you look at what is happening, last night, in Sweden. Sweden, who would believe this? Sweden. They took in large numbers. They are having problems like they never thought possible," Trump said.

Þarna er forsetinn að vísa í það sem sýnt var kvöldið áður í Fox sjónvarpsfréttum um þau hörmulegu vandamál sem geisa í Svíþjóð, vegna þess fólks sem Angela Merkel, keisari Evrópusambandsins, hefur skolað af sér upp á skattakerfi Svíþjóðar. Drekkja átti sænsku þjóðinni með fullum vilja, að því er virðist. Sjá Fox-útsendinguna hér hjá Gústafi

Takk Jón Valur fyrir að útskýra það sem fjölmiðlarar létu hjá líða að útskýra, og að segja þar með rétt og satt frá um þetta mál. Héðan í frá mun ég varla nenna að lesa né hlusta á það sem þeir hafa að segja um flest, og sérstaklega ekki um Donald Trump. Ég mun jafnvel taka veðurfréttum þeirra með auknum fyrirvara. En þetta er ég náttúrlega fyrir löngu byrjaður að gera. En maður fellur stundum fyrir freistingunni að trúa þeim - vegna eigin leti. Og sjaldan trúi ég neinu sem kemur í DDRÚV, en samt er ég látinn borga fyrir það

Ég er orðinn þreyttur á að þurfa að láta mér bregða að óþörfu. Barnablaðsmaður Morgunblaðsins á barnavaktinni hefði betur látið ógert að trúa því sem hann les í öðrum fjölmiðlum en sínum eigin. Þeim er ekki treystandi. Hann hefði átt að lesa sjálfan sig fyrst, þ.e. að rannsaka málið. Það er hlutverk blaðamanna: að vera "trúir blaðamennskunni" en ekki pólitískum málstað - og sem þar fyrir utan, í þessu tilfelli, er gersamlega vonlaus - því allir sjá hvað er að gerast

Stormi dagsins í tómu vatnsglasi er hér með lokið. Sumir vita kannski enn að stormur á dönsku er stormende kuling og strong gale á ensku. Miklu miklu minna en rok, sem er storm á ensku og dönsku

Fyrri færsla

A mess, a mess

A mess, a mess

Hver annar getur sagt þetta eins og það er. Enginn nema Donald J. Trump, greinilega. Fund hans með stjórnarandstöðuhreyfingu ókjörinna fjölmiðla má sjá hér

Fjölmiðlar hafa eyðilagt sig sjálfir. Fólk er hætt að trúa því sem kemur fram í flestum fjölmiðlum. Þetta er slæm staða. En hún er ekki fólkinu að kenna og hún er ekki Donald Trump að kenna

Trump sagði frá því í gær að Lincoln, Jackson og Jefferson hefðu haft horn í síðu fjölmiðla. Og á Jefferson að hafa sagt að loksins þegar sannleikurinn kemur réttur fram í fjölmiðlum, þá er honum ekki trúað vegna þess hversu illa þefjandi sendiboðinn er, þ.e. fjölmiðlarnir sem loksins flytja hann

Um það bil átta af hverjum tíu blaðamönnum eru vinstrisinnaðir. Á DDRÚV er hlutallið sennilega fullkomið vinstrisinnað skoðanaalræði og einhliða heilaþvottur.

Írinn David McWilliams segir að Donald Trump sé að taka Uber á "Washington Insider" veldið og sé það liður hans í efna kosningaloforðið um að ræsta þar út (e. drain the swamp). Hann snýr sér beint til fólksins og fer framhjá veldi þeirra sem ef til vill má kalla "vér einir vitum"

Styrmir Gunnarsson sagði frá því í vikunni að framkoma Evrópusambandsins við Bretland sé farin að minna á nýlendukúgun, eða jafnvel fjárkúgun. Þetta er alveg rétt hjá honum og það er einnig hárrétt hjá honum að sérhver snerting við veldi Evrópusambandsmanna er skaðleg

Þetta minnir mig á að Emmanuel Macron er að lenda í vandræðum í Frakklandi vegna einmitt þess sem Styrmir minnist á, þ.e. nýlendustefnu (e. colonialism). Í kosningabaráttunni hefur Macron tekið upp á því að reyna að fjölga atkvæðum sínum með því að segja, "nýlendustefna er glæpur gegn mannkyninu". Frakkar taka því eðlilega illa að svo einhliða sé fjallað um fortíð landsins

Þetta fékk mig til að hugsa sem svo að frú Marine Le Pen, sem er ekki heimsk og sem kann líka að lesa, muni því koma með það að "Evrópusambandið er glæpur gegn mannkyninu". En Macron styður sambandið. Lítið annað er hægt að lesa út úr nýjustu skýrslu Alþjóða gjaldeyrissjóðsins um Grikkland. Þar er Evrópusambandið að setja heimsmet í efnahagslegri misþyrmingu á nokkurri þjóð í manns minnum og fer Þýskaland þar fremst í aðfararbroddi

Þetta voru mínir fimm aurar

Fyrri færsla

Sukkbergið Facebook og múrinn