Tilvistar-vandamál meginlands Evrópu komin í meðferð 7300 km burtu frá Brussel [u]

UPPFÆRT kl. 22:50

Mynd af vef Tass: Fyrsta samtali forsetanna lauk laust fyrir kl. 22:30 að íslenskum tíma, föstudaginn 15. ágúst 2025. Það varaði í meira en þrjár klukkustundir. Þrír og þrír ræddu saman á þessum fyrsta fundi: Pútín-Ushakov-Lavrov ræddu við Trump-Rubio-Witkoff. Endað var með blaðamannafundi sem fólst í yfirlýsingum forsetanna beggja. Horfa má á hann hér á rás Hvítahússins á YouTube og skoða má myndir á vef rússneska forsetaembættisins

****

Gúmmíbátafloti fátæklingaveldis Evrópusambandsins náði ekki að sigla til Alaska í tæka tíð svo að skrifstofuveldi Evrópusambandsins kæmist að borðinu, þar sem tilvistarvandamál tapara meginlands Evrópu eru krufin til mergjar af forsetum Bandaríkjanna og Rússlands, einu sinni enn

Stóra-Bretland er því miður ekki með að þessu sinni, því það er enn að sleikja sárin og safna kröftum eftir þjóðlamandi skaðræðisdvölina í dýflissum Evrópusambandsins frá 1973 til 2016

Kakkalakkahugmyndir Kristrúnar Frostadóttur og Þorgerðar Katrínar Gunnarsdóttur í stjórnmálum hafa nú þegar náð að skríða upp úr sprungum og rifum eins og þær ávallt gera þegar hellt er Samfylkingarvökva ESB á þær, þegar komist er skyndilega til valda í kosningum fyrir einskonar slysni værukærrar þjóðar, og sem átti sér einskis ills von eftir hryllinginn frá síðustu ríkisstjórn Samfylkingar og Vinstri útgrænudauðra. Þjóðin hafði alls ekki beðið um slík kakkalakkastjórnmál aftur

Þessar kakkalakkahugmyndir þeirra kynsystra í stjórnmálum virka þó alltaf eins og hringur Herrans virkaði á aumingja Sméagol. Hringurinn dregur svo máttinn úr þeim að hið óhjákvæmilega fall úr 20,75 prósentum niður í sex prósentin verður næsta eðlilegur dauðdagi ríkisstjórnar þeirra. Fallið verður þó tortímandi hátt að þessu sinni, því aldrei aftur mun íslensk þjóð taka þátt í að koma þjóðsvikaflokkum á borð við þessa tvo til valda á ný

Blekið er varla þornað á stjórnarskrá þjóðfrelsisins sem vannst 1918 og sigldi loks til íslenskrar hafnar með fullfermi fulls sjálfstæðis Íslands árið 1944. Þessu mun þjóðin ekki gleyma

Þjóðfrelsið er frumforsenda einstaklingsfrelsis. Í ESB getur engin þjóð verið frjáls og þarf því bæði eins konar Gestapó og Stasi til að koma í veg fyrir sjálfsbjörg þeirra þjóða sem þar dúsa í húsum ESB-fjötranna. Hið ótakmarkaða yfirvald ESB-yfirríkisins jarðar hið takmarkaða ríkisvald þjóðríkjanna. Undir síkum forsendum er tómt mál að tala um einstaklingsfrelsi, því það getur aðeins þrifist undir hinu takmarkaða ríkisvaldi frjálsra þjóðríkja er halda sér saman sem ein heild fyrir tilstilli eigin þjóðar

Gulan og fölvinn lýsa nú þegar úr andlitum kynsystranna. Lífið í kakkalakkastjórnmálum virkar óhjákvæmilega þannig. Svona er að standast ekki illvirkni hringsins. Svona fer þegar fallið er fyrir freistingum hans. Þær gátu ekki staðist freistinguna. Gátu það bara ekki. Þær urðu að taka hann upp

Fyrri færsla

Kalda stríðið orðið að leit Evrópu eftir alþjóðlegri vernd [u]

Einn mikilvægasti leiðtogafundur síðari tíma

Kalda stríðið orðið að leit Evrópu eftir alþjóðlegri vernd [u]

Mynd: Þessi mynd frá mánudeginum 17. febrúar 2025, mun líklega fara inn í sögubækurnar sem fimmfalt Súezafhroð ESB-Evrópu. Frekari skýringar fáum við á næstu árum. Óttinn í andlitunum leynir sér ekki

****

Kalda stríðið snérist um samkeppni milli tveggja hugmyndafræðilegra tilvistarmáta: kommúnisma og kapítalisma

Í dag er öldin önnur. Í dag snúast málin um örvæntingarfulla leit Evrópuskagans eftir vernd gegn því sem skaginn veit að hann getur aldrei ráðið við

Málin hafa snúist á haus: frá því að Evrópa var málsmetandi þátttakandi í samkeppnisstríði milli tveggja hugmyndafræðilegra ofurvelda, Bandaríkjanna og Sovétríkjanna, yfir í númerslausa neyðarsímalínu skrifstofubáknsins ESB út í bláinn

"Getum við ekki notað Ísland sem stuðpúða gegn Bandaríkjunum og Rússlandi í norðri", er því spurt í dag

Hengilmænuríkisstjórn Kristrúnar þrasgerðar kveður svo vera. "Við skulum endilega flytja inn stríð því stríðið hefur áhuga á okkur!"

Er þetta ekki dásamlegt: ESB og þar með Evrópuskaginn er kominn á bráðavakt sleipiefnanefndar Evrópusambandsins í leit að plástrum sem stoppað geta útblæðingu Evrópuskagans - sem óneitanlega gengur út úr meginlandinu Rússlandi

Í Kalda stríðinu snérust málin um hugmyndafræðina, en í dag snúast málin um að skaffa sér vernd því hælisleitandanum ESB hefur verið neitað um alþjóðlega vernd í Bandaríkjunum, sökum skorts á tilvistarfræðilegum ágreiningsefnum

Hefðbundnir styrjaldarbardagar geisa nefnilega í Evrópu, hafa alltaf gert og munu alltaf gera, en ekki í Bandaríkjunum og ekki á yfirráðasvæði íslenska lýðveldisins

En því hyggst hengilmænuríkisstjórn Kristrúnar þrasgerðar breyta með því að panta þetta hælisleitarstríð Evrópusambandsins hingað

Í leit að alþjóðlegri vernd ráfar Evrópuálfan um norðurhvel jarðar. Ég veit hvar hún að lokum mun fá hæli, - og það er ekki hér

Uppfært kl. 16:25

Í millitíðinni hafa Bandaríkin breytt NATO í sölunefnd varnarliðseigna í Evrópu. Kalda stríðinu er jú lokið og innheimta arðs er hafin. Er því NATO í dag vopnasala aðeins, og því fyrst og fremst viðskiptalegs eðlis, því Evrópa mun aldrei geta varið Bandaríkin

Fyrri færsla

Gunnar Bragi hefur rétt fyrir sér

Hafa rætt um mögulegan fund

Gunnar Bragi hefur rétt fyrir sér

****

Það er rétt sem Gunnar Bragi segir um þennan starfsmann ESB. Og reyndar er þar um ekkert einsdæmi að ræða, því nýlega hélt danskur starfsmaður hins opinbera þar í landi því fram að Íslendingur búsettur í Danmörku yrði að gegna herskyldu í Danmörku, því Ísland væri nýlenda Danmerkur

Afdalamennska einkennir flest er viðkemur þessu fyrrum nýlenduvaldi úr Evrópu. En verst af öllu er þó hin þýskumælandi afdalamennska, eins og sést á foringjaleik þessum sem Gunnar Bragi réttilega gerir hér að umtalsefni, daginn eftir foringjaleikana í gær

Fyrri færsla

Eitthvað sem ekki passar hér [u]

Gefur ekkert fyrir orð von der Leyen

Eitthvað sem ekki passar hér [u]

Fyrir þremur dögum var okkur sagt að Íran gæti verið klárt með kjarnorkusprengju á næstu tveimur vikum

En í gær sagði talsmaður Hvítahússins að Trump ætlaði að ákveða á næstu tveimur vikum hvað hann hyggst gera í málinu, ef eitthvað

Ergo: samkvæmt þessu ætlar Trump að bíða þar til bomban er komin

Halló! Er allt í lagi?

Þetta er svona svipað og röksemdafærslan um að Rússland geti ekkert, sé ekkert og verði áfram ekkert. En svo er Pentagón-skrúfjárninu í heilabúi vestrænna fjölmiðla snúið 180 gráður og Rússland er allt í einu alveg við það að hertaka alla Evrópu. Hvort skyldi það nú vera?

Hver nennir að hlusta masið í þessum fjölmiðla-ruslakistum vesturlanda lengur? Ekki ég

Staðreyndin er sú, að allt frá árinu 1985 hefur okkur með reglulegu millibili verið sagt að Íran sé alveg við það að koma sér upp kjarnorkuvopnum

Af öllu því sem er að gerast eða ekki gerast núna er greinilegt að það eina sem dugar í málinu er það að Íran komi sér einmitt upp kjarnorkuvopnum til að fá að lifa í þeim friði eða ófriði sem einkennir heimshlutann. Það er alveg greinilegt. Annar kostur er varla til

Íran er ein og hálf milljón ferkílómetrar að stærð og þjóðin er tæpar hundrað milljónir manna. Ísrael getur engan veginn haft þá strategísku dýpt sem til þarf til að gala svona hátt í þessu máli. Ekki einu sinni Bandaríkin geta bjargað Ísrael frá óvitahætti þeim sem nú gengur því miður þar á. Ég vona Ísraels vegna að menn hugsi sig betur um

Það eru bara þrjú lönd í miðausturlöndum: Íran, Ísrael og Tyrkland. Restin er óstjórnhæfur massi gervilanda

Bandaríkin geta ekki reddað neinu þarna lengur. Sá tími er liðinn. Þau verða fyrst og fremst að passa sig og sitt nágrenni - heimavöllinn! Eins póls heimurinn er liðin tíð.

Uppfært kl. 21:40: Nokkur málsatriði:

Tvö kínversk njósna- og ratsjárstöðvarskip eru komin og sest að á Persaflóa í alþjóðlegri siglingarleið. Þeim má líkja við fljúgandi AWACS-augu NATÓ yfir vesturhlutum Svartahafs, vegna hinnar sérstöku hernaðaraðgerðar Rússlands í Úkraínu

Ný járnbraut beint frá Kína til Írans gæti verið komin í gagnið. Um hana geta streymt hergögn frá Kína til Írans - eins frá Rússlandi - endalaust

Aðeins ein orrustuþota Ísraels hefur sannarlega verið greind innan lofthelgi Írans, og fór hún ekki nema rétt um 100 km inn fyrir vesturhluta hennar. Restin er dróna- og skotaflaugaárásir sem virka jafn áhrifaríkt og tannstönglar virka í þessu samhengi: fjölmiðlaaðgerð

Allt að hundrað neðanjarðarstöðvar Írans til úraníumvinnslu geta verið starfandi - eða ekki starfandi

Skotfæri Ísraels eru að verða uppurinn og ekkert gengur með að ná markmiðum þess

Skotfæri Bandaríkjanna eru einnig af skornum skammti

Súez-skurðurinn gæti lokast og þá yrði flotaveldisafl Bandaríkjanna stórskert

Líklegt er að loftvarnarkerfi Írans séu ósködduð og bíði átekta

Ólíklegt er að þjóðarleiðtogi Írans og hans menn mæti á fundi með fólki sem mafíósalega hefur lýst því yfir að hann og hans menn séu réttdræpir. Hvað varð upp diplómatahefð vesturlanda?

Íran gæti lokað Persaflóa og hækkað alþjóðlegt olíuverð og þar með kollvarpað innanríkispólitík Bandaríkjaforseta

Persónulega held ég að um Saddam-2 þvælu sé hér að ræða. Hún endaði ekki vel fyrir Bandaríkin

Fyrri færsla

Kristrún stígur ekki í vitið, svo mikið er nú víst

Gætu framleitt kjarnorkuvopn innan nokkurra vikna

Kristrún stígur ekki í vitið, svo mikið er nú víst

Fullveldi og sjálfstæði íslensku þjóðarinnar eru bæði hápólitískir sigrar. Fullveldi er hápólitískt vald. Sjálfstæði er hápólitískt vald líka

Bæði þessi valdapólitísku fyrirbæri eru pólitískir sigrar íslenskrar þjóðar og sem fært hafa íslenskri þjóð allt það sem hún á og hefur á Íslandi í dag

Samt er núverandi forsætisráðherra Íslands, Kristrún Frostadóttir, svo mikill heigull, eða þá einfeldningur, að hún treysti sér ekki sem æðsta pólitíska höfuð landsins til að verja hvorki fullveldi né sjálfstæði Íslands á hátíðisdegi þess lýðveldis sem þessir tveir hápólitísku sigrar þjóðarinnar færðu okkur

Hún þorir ekki að verja hvorki Ísland né það embætti sem hún situr tímabundið í. Nema þá að hún sé of heimsk til að skilja hvað það var sem skilaði henni í þann stól sem hún nú situr í

Þessum sigrum þorði hún ekki að ljá rödd sína á þjóðhátíðardeginum. Hún þorði því ekki, - og lét því pólitískt valdalausan eftir-að-allt-var-um-garð-gengið-forseta landsins gera það fyrir sig. Forsetinn er afleiða en ekki orsök. Hann er puntið. Hann átti engan þátt í pólitískum sigrum þjóðarinnar

Hvað segir þetta okkur um ríkisstjórn Kristrúnar Frostadóttur? Jú þið þekkið svarið. Hún er uppgjöfin. Hún er vesalingurinn. Hún er eitt af því slæma sem íslensk þjóð vildi losa sig við þann 17. júní 1944

Fyrri færsla

Þorgerður mín

Þorgerður mín

Þegar Varsjárbandalagið var leyst upp og Rússland fór heim árið 1991, þá var Rússum af hálfu NATO-ríkjanna lofað að Úkraína myndi ALDREI ganga í NATÓ. Rússlandi var líka lofað að lönd Austur-Evrópu myndu aldrei ganga í NATÓ. Því var nefnilega lofað að NATÓ myndi ekki fara "eina tommu" austar en það náði árið 1991

Þorgerður mín:

Ekkert ríki getur aukið þjóðaröryggi sitt á kostnað þjóðaröryggis annars ríkis. Og er þá alveg sérstaklega átt við nágrannaríki. Það má þó hins vegar reyna slíkt, en þó varla nema með því að stofna til styrjaldar. Og það er einmitt það sem Úkraína með aðstoð ESB og NATÓ hefur gert

Krónískir Rússahatarar ESB og NATÓ-ríkjanna ætluðu sér að nota Úkraínu til að berja á Rússlandi og búta það niður - eins og Kæja Kallas ESB-blaðra orðaði það í fyrra. Ári síðar er hún hins vegar sigin saman í ekki neitt. Loftið alveg farið úr henni. Hvernig skyldi standa á því?

Þú fékkst með öðrum orðum stríðið sem þú baðst um Þorgerður mín. Taktu því. Svona er að standa ekki við gefin loforð

Kanada getur t.d. ekki gengið í Kínverskt "varnarbandalag" og veitt kínverska kommúnistaflokknum hernaðaraðstöðu í Kanada. Mexíkó ei heldur. Gerðu þau ríki slík, myndu Bandaríkin ráðast inn í þau og hernema þau eins lengi og þeim sýndist. Slíkt kallast raunstjórnmál. Já, stríð eru stjórnmál Þorgerður

Hvað með að prófa raunveruleikann svona inn á milli, Þorgerður, áður en þú springur alveg í kratatætlur

Fyrri færsla

Kína komið til "ósubbulegs" sálfræðings

Eigi „alls ekki“ að slá NATO-aðild Úkraínu af borðinu

Kína komið til "ósubbulegs" sálfræðings

EKKERT "DISORDERLY" HÉR, TAKK

Mynd: Línurit og texti, Trading Economics

****

Þarna er nú munur á Gylfi minn. Þarna er sko engin subbuleg kapítalistísk "óreiða" á ferðinni væni minn. Þarna er sko stjórn á hlutunum

Í nótt fór mig að undra af hverju stærsta hlutabréfavísitala Kína væri ekki kominn á afturendann eftir rússíbanareiðina í Bandaríkjunum í gær. En þar vestra öslaði Nasdaq hlutabréfavísitalan svo mikinn að hún sýndi mestu uppsveiflu á einum degi síðan 2001

En ekki nóg með það, þá óð Dow Jones vísitalan upp um 2963 stig, sem er stærsta eins dags hækkun í sögu hennar, sem nær aftur til 1885. Hefur þó gengið á ýmsu þar vestra á síðustu 140 árum

Mynd: RSS-straumur Financial Times í nótt. Wall Street Journal sem hatar Trump þagði hins vegar þungri þögn

****

Já það er nú munur að þurfa ekki að subbast svona til og frá, Gylfi minn. Kína er með stjórn á þessu öllu. Svo mikla stjórn að ríkisvaldið þar kom í veg fyrir subbulegan vestrænan kapítalisma og byggði steypt gólf undir froðumiðstöðvar pólitískra hlutabréfamarkaða og henti seðlabankanum svo á bálið líka. Enga subbu félagar! Og gott ef við stöðvum ekki bara viðskiptin til að fá út þessa ósubbulegu glansmynd af ástandinu; frá kl. 03:30 til kl. 05 í nótt að íslenskum staðartíma

En þá var ég lagstur subbulega til hvílu og svaf subbulegum óreiðusvefni hinna óttalausu, því ég veit að Trump er við stjórnvölinn þar vestra og fer mikinn

Mig dreymdi innleiðingu Evrópusambandsins á kínverskum kapítalisma því það þolir heldur ekki svona subbulegheit - og bannar þau með því að þjóðnýta sjálf stjórnmálin í 27 löndum sambandsins, svo að þau megi ekki snúist um neitt nema það sama og þau snúast um í Kína kommúnistaflokksins; samrunastefnu ESB, sem enginn kaus. Upp SKAL sovét-ESB rísa, niður með þjóðfánana!

Fyrri færsla

ESB og Kína þekkja ekki bandaríska miðvestrið

„Ótrúlegt að fylgjast með þessari óreiðu“

ESB og Kína þekkja ekki bandaríska miðvestrið

Mynd frá fyrsta kjörtímabili Donalds J. Trump, forseta Bandaríkjanna 2017-2021 

****

En í gær rann hins vegar upp flottur 7. apríl 2025

"Therefore, if China does not withdraw its 34% increase above their already long term trading abuses by tomorrow, April 8th, 2025, the United States will impose ADDITIONAL Tariffs on China of 50%, effective April 9th. Additionally, all talks with China concerning their requested meetings with us will be terminated! Negotiations with other countries, which have also requested meetings, will begin taking place immediately. Thank you for your attention to this matter!"

****

Hanga nú kínverku kollarnir ding-dong-steyptir í duftið á morgunverðarborðum kommúnistaflokksins þar í landi; tollflokknum þeim eina

Trump segir að Kína og Þýskaland séu einn og sami tollflokkurinn. Fróðlegt verður nú að fylgjast með samhæfðri sjálfstortímingu beggja, saman í tollflokki

Fara nú Bandaríkin í skammvinna skyldu-kreppu sem endar með öskrandi uppsveiflu á næsta ári

Kína og Evrópusambandið munu hins vegar seint eða aldrei komast út úr því sem nú tekur við þar í tollflokki

****

Fyrri færsla

Bóndinn og prófessorinn í Selma um tolla Trumps. Grænland

Bóndinn og prófessorinn í Selma um tolla Trumps. Grænland

VICTOR DAVIS HANSON

Victor Davis Hanson bóndi og prófessor í hernaðarsögu við Stanfordháskólann í Kaliforníu segir að tollar hljóti að vera mjög svo rosalega góðir og eftirsóttir fyrst að öll ríki heimsins séu með þá og hafi meira að segja byggt lönd sín upp með þeim

Victor Davis Hanson man þá tíma þegar rúsínuverð hrundi í Kaliforníu er tollabandalag Evrópusambandsins hóf niðurgreiðslur á rúsínuframleiðslu í tollatruntuháborg Evrópusambandsins. Hefðu mótvægisaðgerðir á borð við þær sem Trump innleiðir núna verið innleiddar þá, hefðu sumir bændur í Kaliforníu ekki þurft að fyrirfara sér og fjölskyldu-landbúnaður í stað stóriðnaðar-landbúnaðar væri meiri en hann er í dag

Danskir neytendur hugðust um daginn sniðganga bandaískar vörur í Danmörku þegar Grænlandsmálið hófst. En þeir gátu bara ekki fundið neinar bandarískar vörur að ráði í verslunum í einokunarveldi ESB í Danmörku. Þær sem fundust voru flestar framleiddar í Danmörku

En einhverra hluta vegna þá reiðast tollalöndin Trump fyrir að svara þeim loksins í sömu mynt. Öll lönd heimsins mega hafa tolla, nema Bandaríkin segja þau

En þá hringdi formaður Kommúnistaflokks Víetnam og sagði við Trump á föstudaginn að flokkurinn myndi fella niður alla tolla á Bandaríkin ef þau gerðu hið sama. En það var einmitt það sem Trump forseti sagði frá byrjun að Bandaríkin myndu gera, þ.e. ef mótaðilinn gerði það líka

****

Með því að fylgja krækjunni hér fyrir neðan má horfa á Donald J. Trump forseta kynna hið nýja tollafyrirkomulag Bandaríkjanna í síðustu viku. Þeir sem áhuga hafa ættu að hlusta gaumgæfilega á hvert orð forsetans: Taka vel eftir

Horfa: Trump kynnir nýja tollastefnu Bandaríkjanna þann 3. apríl 2025

GRÆNLAND

Já á meðan ég man; þá segir nýr ráðherra í ríkisstjórn Grænlands að Grænland muni halla sér að Kína, því þangað fari rækjur og skelfiskur landsins, og að hún eigi góðar minningar frá síðustu ferð hennar til Kína. Henni finnst einnig að heimsókn Mette Frederiksen forsætisráherra Danmerkur í síðustu viku til Grænlands hafi verið mjög "óviðeigandi"

Fyrri færsla

Evrópa er á leiðinni á nauðungaruppboð: Kaninn unir ekki að Grænland fylgi með

Evrópa er á leiðinni á nauðungaruppboð: Kaninn unir ekki að Grænland fylgi með

Lönd eiga ekki vini, þau eiga hagsmuni 
– Charles de Gaulle

Ég efast ekki um að grænlenska hagkerfið myndi leysast úr nýlendulæðingi ef Bandaríkin koma að málum þar. Líklega yrði framkvæmdur uppskurður á því, sem skera myndi á nýlendukýlinu, þ.e. hinum vonlausa opinbera geira

En frumástæðan fyrir geopólitískum áhuga Bandaríkjanna á Grænlandi er sá að ESB-Evrópa er á leiðinni á nauðungaruppboð. ESB-Evrópa getur ekki varið sig sjálf, eins og sést svo vel í dag. Vonlaust er að halda svona ósjálfbjarga fyrirbæri eins og Evrópu uppi og þess vegna eru Bandaríkin endanlega að gefast upp á því. Kaninn hefur önnur glóandi járn í eldinum og sem eru honum mikilvægari

Þessi staða kallar á að Evrópa leiti ásjár hjá Rússum og Kínverjum. Danmörk mun því selja Grænland til hæstbjóðanda í þeim félagsskap eins og gefur að skilja. Og við þá geopólitísku stöðu geta Bandaríkin ekki unað. Þess vegna verða þau að koma Grænlandi í skjól, burtu út þrotabúi Evrópu, þar sem nauðungaruppboðin nálgast

Í dag er 10-ára ríkisskulda lántökukostnaður Frakklands orðin meiri en Grikklands og Spánar. Landið er að verða óstjórntækt rekald og Þýskaland er að verða það líka. Nauðungaruppboðin nálgast

Evrópa hefur ekki sameiginlega hagsmuni. Hún er norður-suður og austur-vestur. Ekkert skrifstofuveldi getur breytt því

Fyrri færsla

Svo lengi sem Grænland er viðriðið Danmörku mun heimurinn ekki líta á það sem frátekið land. Svo einfalt er það

Bandaríkjamenn segja útilokun Le Pen áhyggjuefni