Gunnar Rögnvaldsson

 VEGNA FRÉTTAR MBL:

Macron leitar að nýjum forsætisráðherra

****

Það þýðir að minnsta kosti ekkert fyrir Macron Frakklandsforseta að leita að nýjum forsætisráðherra í Þýskalandi, því Olaf Scholz kanslari þar í landi varð svo hræddur þegar Donald J. Trump var kjörinn forseti Bandaríkjanna á ný þann 5. nóvember síðastliðinn, að hann kom ríkisstjórn Þýskalands strax fyrir kattarnef daginn eftir. Það gerði hann með því að reka sjálfan fjármálaráðherra Þýskalands úr ríkisstjórninni, en sá maður var úr öðrum samstarfsflokknum af tveimur

Gerði Scholz þetta í þeirri von að breiða mætti stjórnleysisábreiðu yfir Þýskaland svo að Trump gæti ekki gert neinar kröfur til landsins, því það væri nefnilega "ríkisstjórnarlaust með öllu" - og á leið til Weimar á ný. Enginn væri heima

Leikflétta Olafs Scholz kanslara Þýskalands var sú að með því að reka fjármálaráðherrann hélt Scholz að hann gæti frestað kosningum vegna hvellsprunginnar ríkisstjórnar sinnar fram í apríl á næsta ári - og að "stjórnarmyndunarviðræður" tækju síðan að þeim loknum að minnsta kosti þrjá mánuði. Þannig að Þýskaland hefði öngva ríkisstjórn og því yrði enginn til að svara í símann fyrr en í fyrsta lagi eftir sumarfrí 2025

Það myndi því ekkert þýða fyrir Trump að hringja því það yrði enginn heima fyrr en í fyrsta lagi þá. Og að þá væri nýkjörnum Trump vonandi runnið æðið - og allar kröfur hans um að Þýskaland standi við skuldbindingar sínar í NATÓ (plató) yrðu gleymdar og grafnar samkvæmt 30-ára venju Þýskalands síðastliðna áratugi. Því fyrir Þýskalandi er NATÓ félagsmálastofnun

Og síðan er það náttúrlega sjálfur Pétur Navarro sem núna verður aðalefnahagsráðunautur Trumps í nýrri ríkisstjórn, en hann var viðskiptaráðsforstjóri Hvíta hússins í fyrri stjórn Trumps - og var þá á góðri leið með að fá Þýskaland skilgreint sem gengisfalsara

En nú er búið að þvinga Scholz -að minnsta kosti á pappír- til að flýta komandi kosningum um tvo mánuði, þannig að hugsanlegt er að þær verði sei sei haldnar í febrúar! Ný ríkisstjórn í Þýskalandi gæti því einnig heppilega átt á hættu að þurfa að svara í símann í miðju stóriðnaðarsumarfríi, sem gengur auðvitað ekki. Þannig - það verður enginn heima í Þýskalandi fyrr en í ágúst 2025

SPURNINGAR

Jæja, hvað um það. Ingólfur minn ágæti Sigurðsson spurði mig eftirfarandi spurninga í athugasemd við síðustu bloggfærslu:

"Fyrirgefðu að ég skuli vera að trufla þig aftur með athugasemd Gunnar, en ég met þig svo mikils, eins og þú sért gömul völva og mér finnst meira mark á þér takandi en mörgum sem tala um að norræna, evrópska módelið sé eilíft og ódauðlegt.
En nú er franska ríkisstjórnin fallin, í fyrsta sinn í 60 ár sem vantraust er samþykkt á þinginu á sitjandi stjórn.
Það sama er að gerast í flestum löndum, að þessi ESB stefna Angelu Merkel um að allir lifi í friði og sætti sig við aukna glæpatíðni og fátækt, þetta er ekki að njóta vinsælda almennings.
Hvað heldur þú? Kemst Le Pen til valda? Síðan eru þarna öflugir vinstrimenn í Frakklandi. En þetta er á suðupunkti eins og sagt er, og ekki bara í Frakklandi?
Fara ekki að verða breytingar á og þjóðernissinnar komist til valda brátt? Eða komast öfgavinstrimenn til valda?
Mun Evrópusambandið enn herða tökin á þegnum með reglugerðum?
Spennandi tímar sem við lifum.
Það eru átök framundan, sýnist manni. Það eru fáir sem hafa skrifað eins vel um þetta og þú.
Það er svo oft sem menn hunza ýmis atriði af óskhyggju og segja að svona ólga jafni sig, og sama valdaelítan haldi áfram."

SVAR MITT VARÐ ÞETTA

Það er ekki auðvelt að svara spurningum þínum svo vel sé Ingólfur, því ekkert eitt svar er til við þeim

En svo við byrjum á Þýskalandi, þá er það á sinni annarri tilraun til lýðræðis og eins konar þjóðríkis. Sú fyrsta mistókst; því Hitler kom og bakkaði Þýskalandi út úr Weimar-þjóðríkislýðveldinu og inn í keisaralegt einræði eða "heimsveldi" aftur (e. imperial-state). Sú getur vel orðið raunin á ný, því eins og við sjáum á valdaránstilrauninni í Suður-Kóreu núna þá er ekkert öruggt í svona "hönnunar"-ríkjum. En bæði ríkisfyrirbærin eru skilgetin afkvæmi Bandaríkjanna

Það er víst óhætt að segja að þarna hafi Wisconsin-steypumótið látið undan hinum erfðafræðilega víbrator og hin útópísku bandarísku steypumót gefið eftir; að minnsta kosti í Suður-Kóreu. Ætli eitthvað svipað verði ekki uppi í Þýskalandi, sem á pappír stendur enn uppi en þá fyrst og fremst sem Wisconsin-freðið lík

Í Austurríki hefur gamla erfðamengið klekkt sér betur út í seiðaeldisstöðvum hábjánanna í ESB. Þar óskar einn þriðji hluti þjóðarinnar sér að nýr "sterkur maður" komist til valda og sem ekkert tillit þarf að taka til þingsins. Meðal yrti-kantamanna á vinstri- og hægrivæng er hlutfallið 90 prósent

Gyðingandúðin grasserar enn í austurhlutum Evrópu-álfunnar, og að minnsta kosti jafn vel og Rússaandúðin grasserar í vestri

Frakkland ætti að grípa til þess ráðs núna að ganga í Evrópusambandið og taka upp evru til að komast hjá ríkisskuldakreppu. Þeir gætu til dæmis tekið upp evruna sem Þýskaland hefur verið með frá byrjun: þ.e. þýsku stálfátæktarevruna, og gefið börnum sínum kúlulegukökur að bíta í

Ef þetta heldur svona áfram, og sem næstum því er víst, þ.e. að verið sé viðstöðulaust að taka löndin af borgrunum með spægipylsuaðferðum og leysa þjóðir þeirra upp í upplausnarkerfi ESB-glóbalistanna, þá verður ekki mjög svo langt í að nýir gasofnar verða teknir í gagnið í Evrópu á ný: til "gagngerra landhreinsanna". Því er nefnilega engin takmörk sett til hvaða örþrifaráða þjóðir grípa þegar rífa á af þeim þjóðríkið í þeirra í eigin landi

Þetta eru hin margumtöluðu friðar-frækorn Evrópusambandsins. Þau spíra og spíra

Það er nú það......

Fyrri færsla

Samfylkingin fékk 3,4 prósentum meira en Vinstri grænir

	Macron leitar að nýjum forsætisráðherra
Ábyrgðarmaður færslu Tilkynna um óviðeigandi tengingu við frétt

STÓRGÖGN OG GERVIGREIND

Hvorki stórgögn (e. big data) né gervigreind (e. Ai) hafa gert neinum kleift að spá með neinu öryggi fyrir um úrslit forsetakosninganna í Bandaríkjunum, sem fram fara á morgun

Bæði þessi fyrirbæri, hvert fyrir sig en oftast samanlögð, hafa sem sagt ekki gert neinum neitt kleift í sambandi við aðeins 48-tíma óráðna framtíð. Hún er því enn algjörlega óráðin

Það eina sem hægt er að segja með öryggi er það, að þeir sem trúa á stórgögn og gervigreind eru og verða alltaf með meðfæddu óráði. Verða alltaf sönn fyrsta flokks fífl, grasasnar og plebbar

Fyrri færsla

Ísrael er búið að vinna stríðið í Líbanon

	Mjótt á munum degi fyrir kosningar
Ábyrgðarmaður færslu Tilkynna um óviðeigandi tengingu við frétt

ÓFRIÐARVEITUR

Heilög vandlæting svo kallaðra fjölmiðla vesturlanda er því sem næst áþreifanleg þessi árin, en þó einkum frá og með í gær. Tilefnið akkúrat í dag er heimsókn Vladímírs Vladímírovich Pútíns forseta Rússlands til nágrannaríkisins Norður-Kóreu. En ríkin eru með sameiginleg landamæri við Japanshaf og hlýtur því "samgangur og samþætting" að vera af því algóða - samkvæmt hugsjónum Natópóleons beinaparts í því sem áður var Evrópa. Rússar eru meira að segja enn að grafa upp og skila til baka líkamsleifum þannig hugsjóna til Frakklands: beinapörtunum

Og nú þegar beinamáttur innréttinga Natópóleons í því sem áður var Evrópa notar frá og með árinu 2008 Úkraínu og Úkraínumenn til að pota í Rússland, þá er kannski ekki úr vegi að ég, og þar með við Rússar, komum okkur upp potprikum til að pota inn í beinaparta- og krossferðamiðstöðina Bandaríkin á vesturhveli jarðar. Við getum það, því við erum bæði á austur- og vesturhveli jarðar. Sitthvað á þeim nótum myndi ég að minnsta kosti hugsa væri ég Pútín í dag. Þess vegna er hann í Norður-Kóreu. Hissa er ég þó á því að hann skuli ekki hafa farið þangað löngu fyrr

Hefjast því sameignlegar heræfingar Rússa og Norðurkóreumanna örlítið seinna en annars, því flytja verður fyrst út viss vopn yfir til Norðurkóreumanna og sem Bandaríkin neyðast til að endurspegla á sömu slóðum og mun sú endurspeglun einnig taka tíma og umfram allt mikla orku, svo ekki sé talað um getu. Svona virka lárétt stigmögnunarprik og þeim á Rússland nóg af, enda varla byrjaðir potið enn. Bandaríkin hafa hins vegar verið að frá því að Berlínarmúrinn féll. Öllu þessu hefði auðveldlega verið hægt að komast hjá

Næsta stopp Pútíns er í Víetnam

Við höfðum nú upphaflega ekki hugsað okkur neitt sérstak í þessum efnum. En fyrst að krossferðir Natópóleons í Evrópu -og jafnvel víðar- eru fyrir löngu hafnar á ný í formi nýrra innréttinga, þá getum við svo sem alveg tekið hið lárétta stigmögnunarprik okkar í notkun því það nær til allra horna veraldar, og sem öll eru hætt að vera við pollinn Miðjarðarhaf. Við erum líka með lóðrétt prik, mörg. En þau eru hins vegar síðari tíma saga, vonandi

Norður-Kórea gæti reynst okkur gagnleg í bæði láréttum og lóðréttum potefnum því ekki vantar einlægan áhuga þar. Sá áhugi er enn til staðar vegna loftárása Bandaríkjanna á Norður-Kóreu frá 1950 til 1953

En þar drápu Bandaríkjamenn 10-20 prósentur íbúanna og "jusu napalm yfir alla óbreytta þjóðina" eins og Winston Churchill orðaði það. Þeir sem dóu ekki í bandaríska sprengjuregninu á Norður-Kóreu dóu síðar úr hungri og vosbúð, þannig að Curtis LeMay sagði að: "á þremur árum drápum við 20 prósentur þjóðarinnar". Eyðileggingin á landinu varð svo algjör að sprengjuflugvélar Bandaríkjanna neyddust til að varpa sprengjuförmum sínum í sjóinn því engin skotmörk á jörðu niðri var að finna lengur. Allt hafði þegar verið jafnað við jörðu

Þessu hefur Norður-Kóreu þjóðin ekki gleymt og mun ekki gleyma. Slíkar minningar gleymast ekki. Enginn í Bandaríkjunum myndi heldur gleyma því ef 60 milljónum Bandaríkjamanna væri slátrað með sprengjuregni, brenndar lifandi með napalm og síðan sveltar í hel

Og nú þegar krossferðir Natópóleons beinaparts í Evrópu eru hafnar á ný þá neyðumst við sennilega til að pota til baka. Og mörg lönd munu reynast okkur gagnleg í þeim efnum. Við höfum Norður-Kóreu, og síðan eru það viss (reyndar mörg) lönd í Mið- og Suðurameríku og einnig í Evrópu og Miðausturlöndum, - er líklega rökrétt ályktun Rússa

Mér sjálfum er alls ekki ljúft að álykta sem svo að hin innri fyrirlitning Bandaríkjamanna á sjálfum sér og ríki sínu gæti farið að rista svo djúpt að ekki verði til baka snúið. Við skulum vona að ég hafi algjörlega rangt fyrir mér. En von er því miður ekki stefna. Hún er bara von. En efinn er kominn - og það er ekki gott

Kæru lesendur. Fjölmiðlar ykkar hafa sagt ykkur að Úkraína hafi verið að vinna stríð við Rússland síðastliðin tvö ár. Ekkert hefur þó verið fjarri sannleikanum en einmitt slíkar fréttir þeirra

Og einmitt það áttu NATÓ-ríkin að vita strax árið 2008. Þau áttu að vita að slíkt kæmi aldrei til greina. En sökum yfirþrymandi innri valdamannheimsku og múgsefjunar stjórnvalda NATÓ-ríkjanna er staðan því eins og hún er í dag. Það var NATÓ sem með pot-stefnu sinni bað um stríð í Evrópu á ný. Þessi þróun er alfarið NATO að kenna. Engin ástæða var til útþenslu NATÓ í austur

Ekkert ríki getur aukið þjóðaröryggi sitt á kostnað þjóðaröryggis annars ríkis. Þetta á sérstaklega við um nágrannaríki. Þessi einfalda regla alþjóðlegra samskipta ríkja, og einfaldi sannleikur í daglegu lífi hvers manns, átti að liggja sem vel varið djásn inni í innstu stefnumarkandi hugsunum allra þeirra landa sem eru í NATÓ

Að öðrum kosti breytist fyrirbæri á borð við NATÓ í ófriðarveitu. Því miður er það einmitt slíkt sem hefur gerst

Fyrri færsla

Rússland nú fjórða stærsta hagkerfi veraldar. Lánshæfnismat Frakklands lækkað

	Pútín og Kim undirrita samkomulag
Ábyrgðarmaður færslu Tilkynna um óviðeigandi tengingu við frétt

Það er mikið gott að fá loksins Bjarna á stól forsætisráðherra

Sjálfstæðisflokkurinn er stærsti flokkur landsins og því undir flestum kringumstæðum eðlilegt að hann leiði þá ríkisstjórn sem hann er í

Ég vona að það sem eftir er kjörtímabilsins komi vel út fyrir þjóðríki okkar Íslendinga og auki þar með á þá festu í stjórnmálum sem landið okkar þarf svo á að halda

Það er allt of snemmt að spá í næstu kosningar og næstu ríkisstjórn. Og vert er að benda fast og kröftuglega á það að landinu er og verður aldrei stjórnað samkvæmt skoðanakönnunum

Ég óska ríkisstjórninni undir handleiðslu Bjarna Benediktssonar velfarnaðar

Fyrri færsla

Víkingar unnu ekki. Þeir "þáðu ekki störf"

	Ósáttur við undirskriftalistann
Ábyrgðarmaður færslu Tilkynna um óviðeigandi tengingu við frétt