Íslendingar í einangruðum útlöndum Evrópusambandsins

Nú er svo furðulega komið að eyjan í norðri sem sumir segja vonda, af því að hún er ekki í Hegelskum frauðheimi Evrópusambandsins, er fyrir suma aftur orðin nógu góð til að sumir innfæddir eyjaskeggjar búsettir erlendis komi hingað upp til eyjunnar vondu, til að vinna sér hér inn raunverulega peninga í upp-gripa-vinnu. Til svo þess, skiljanlega, að geta sent þá til þurfandi heimilis síns erlendis í ESB. Og vegna þess að bankakerfi Evrópusambandslanda eru almenningi lokuð og þar sem atvinnuleysi er að ná þeim stjarfa-stöðugleika er skapaði kjöraðstæður fyrir komu herr Hitlers; eins og Winston heitinn uppnefndi það fyrirbæri hins sundursagaða Hegelska meginlands Evrópu

Fjármálakerfi margra landa Evrópusambandsins eru læst og lokuð almenningi. Enginn borgari fær lán, sama hversu góðar tryggingar þeir bjóða hinum afstumpuðu lánastofnunum Evrópusambandslanda í stórum hluta hins nýja sovéts þess

Flestir ferðamenn sem hingað koma frá Evrópusambandslöndum hafa ekki efni á neinu. Þeir kaupa kannski eitt til tvö póstkort og fara svo aftur heim í fangelsi sitt innan múra sambandsins. Þar sem eymdin krónískt ríkir nú á fjórða tug ára og þar sem heil lönd eru að breytast í eins konar gettó undir balkaniseringu beygluveldisins af Brussel; lokuð og læst af frá umheiminum, alþjóðlegum fjármálamörkuðum, raunverulegu lýðræði og frelsi. Enginn mun þora að snerta á þessum löndum þegar þess raunverulega þarf. Þau eru brennimerkt ESB

Það sem rýfur einangrun búsettra Íslendinga í ESB frá umheiminum, eru helst flugtök og lendingar til dæmis flugfélagsins Flugleiða, sem á 11 mínútna fresti finna sér flugtaks- eða lendingarstað í millilandaflugi félagsins. Höfuðstöðvar þessa alþjóðlega flugfélags eru í Reykjavík á Íslandi í íslenskum krónum. Innanlands eru hér flugtök og lendingar fleiri en í mörgum undirkjálkalöndum Evrópusambandsins, þar sem flest er bannað

Hámenntaðir Íslendingar sem halda áfram að berjast um inni í einangrunarplastbúnker sínum hafa næstum múrað sig þar inni. Vantar nú einungis steypustyrktarjárnið til að halda þeim einmitt þar. Og það mun sjávarútvegur Íslands skaffa okkur, eins og ávallt

Fyrri færsla

IPA-bókin um Evrópusambandið var bara sænskt tré 

IPA-bókin um Evrópusambandið var bara sænskt tré

stærri mynd 

Og ekkert stóð heldur í köflum bókarinnar, annað en það, að allar síður hennar höfðu með einbeittum pólitískum myrkraverkum hins eðlislæga rotna valdastrúktúrs meginlandsins, verið þurrkaðar út, með hörmulegri og endurtilskipaðri tilvist Evrópusambandsins, einni saman, ofan í allt hitt. Evrukommúnismi Evrópusambandsins er að kála Evrópu eins og kommúnisminn drap Rússland og mun drepa Kína 

Þeir sem vilja verða undir þessari bók er hún lokast og fellur niður á borgarana, eru sennilega svo alblindir eða vanvita, að þeir taka ekki eftir því að önnur og mun stærri bók áætlunargerðarmanna kommúnismans í Asíu, er að byrja að lokast með trylltum afleiðingum

Öldugangurinn frá vaxandi og óstöðvandi óförum Kína í heimshafinu, vegna innihaldsleysis og tortímandi kommúnisma, hefur þegar náð ströndum Íslands.

Þessar þrjár klesstu-kiljur kommúnismans á næstu 100 árum ættu að vekja íslensk stjórnvöld til vakningar um hvað í lífi íslensku þjóðarinnar er mikilvægara en allt annað. Til vakningar um hvað sé bráðnauðsynlegra að gera en allt annað

Fyrri færsla

"Skjól" fundið í faðmi brunarústa Þriðja ríkisins

Ég mæli með 

EV, SG: Það er hægt að leggja undir sig lönd með ýmsum hætti

Bj.Bj.: gjörbreyttar aðstæður í okkar heimshluta

 

"Skjól" fundið í faðmi brunarústa Þriðja ríkisins

Furðulegt er að það sem fyrir aðeins nokkrum áratugum síðan átti að heita friðar-kontór Brusselveldisins í miðjum brunarústum Þriðja ríkisins, skuli nú þenja sig á Norður-Atlantshafi, þar sem NATO á heima

Í já-herferð frönsku ríkisstjórnarinnar vegna Maastrichtsáttmálans í Frakklandi á sínum tíma, var máluð sú mynd af heiminum á áróðursplaköt ríkisstjórnarinnar, að bandarískur kúreki og japanskur glímukappi sátu einbeittir klofvega ofan á veröldinni; og þar sem textinn við skrímslamynd frönsku ríkisstjórnarinnar var sá, að aðeins “Evrópa” (franskra sósíalista og teknókrata) gæti forðað sál Frakka og heiminum öllum úr klóm þessara barbara; þ.e. úr klóm Bandaríkja Norður-Ameríku og heimsviðskipta Japana

Þessi birtingarmynd veruleikans í Frakklandi krafðist rökrétt þess, að sálum Frakka yrði þá og þar með loksins fundið skjól í faðmi brunarústa Þriðja ríkisins. Að þar væru þær betur komnar en í faðmi fremsta frelsisbera veraldar, Bandaríkjum Norður-Ameríku; sem frá lokum ragnaraka meginlands Evrópu yfir heiminum, hafa varðað götu Japana til heimsviðskipta með staðfastri viðurvist og varðstöðu Kyrrahafsflota þjóðríkis Bandaríkjamanna í samfellt 68 ár

Þeir hægri-sinnuðu stjórnmálaflokkar á Íslandi sem í og með eru að fikta með eldspýtnaverk friðar-kontórs Brusselveldisins í miðjum brunarústum Þriðja ríkisins, þurfa virkilega á skrúbb-þjónustu að halda og alvarlegri aflúsun. Takið ykkur á og komið ykkur að verkinu. Notið heilafrumurnar á meðan þær eru sæmilega virkar. Annars tökum við merkimiðann af ykkur og þá kostið þið ekkert, því þið standið þá fyrir ekki neitt

 

Fyrri færsla

 

Eternal Recession Mechanism - evran

Eternal Recession Mechanism - evran

Falsrök þeirra sjoppuhagfræðinga Evrópu sem lápu fræðin úr Hegelskum súpueldhúsum Evrópusambandsins frá og með undirskrift Rómarsáttmálans árið 1957, voru einnig þau, að binda ætti gengisskráningu gjaldmiðla Evrópusambandslanda saman í því fyrirbæri er ERM eða Exchange Rate Mechanism nefnist. Sem var og er forhert Evrópuforstoppunarstofa evrunnar. Það fyrirbæri, ERM, sprakk í loft upp árið 1992, og skar undan Danmörku alveg til frambúðar, meðal annarra og nú geldra Evrópusambandslanda sem inn í mekanismann var ýtt, áður en ERM lak síðan örkumla löndum sínum niður í evruna, á árunum frá 1993 til enda ársins 1998.

Er ERM varð öllum sjáandi ónýtt, þá komu til skjalanna nýju rökin um að myntbandalag Evrópusambandsríkja —ein mynt yfir allra línuna— myndi útrýma gengisáhættu og vaxtamismun í hagkerfunum. Þetta gekk heldur ekki eftir. Allt hefur bara orðið enn verra en það var, er það var sem verst. 

Tebbit lávarður hafði áður réttnefnt ERM sem hið eilífa kreppufyrirkomulag e. Eternal Recession Mechanism. Og það var réttnefni hjá honum.

Bernard Connolly hefur síðan gefið myntbandalagi Evrópusambandsins réttnefnið EMMA; eða European Monetary Madness Area, þ.e. peningastefnulegt myntsvæði fávitahælis. Og það er rétt hjá honum. 

Í EMMA búa purveyors of piffle ignorance, sem er líka rétt hjá honum. Þetta er sjálf gyrðing sköpunarverksins upp um allan Össur, yfir allan Steingrím J. og —hef ekki heyrt annað en— niður alla fjallkonuna Jóhönnu

Eru hér fleiri sem langar að gyrða EMMU upp yfir sig? Gyrða sig með evrufanatík og ESB-fanatisma. Ég vona ekki, en veit þó betur.

Fyrri færsla

Hanna Birna - í flaggveifu hræðslukasti?