Ríkisbanki eins evru-ríkis þjóðnýttur af evru-ríkinu í öðru evru-ríki

 

Mynd; Fjármálaráðherra Austurríkis, Josef Pröll og embættismaður Andreas Schieder kynna glæsilegan nýjan ríkisrekstur í Vín í gær (Stúfur)

Halda mætti að ég væri með óráði

En nei, þetta er rétt. Austurríki þjóðnýtti í gær þýska bankann Hypo Group Alpe Adria. Þetta var gert til að reyna að forða fjármálakerfi evrulandsins Austurríki frá því að brasa saman inn á stofugólf skattgreiðenda. En skattgreiðendur þarna eru orðnir frekar aldraðir sökum mikillar rúmmálslegrar hógværðar í marga áratugi og þola því illa svona niðursparnað. Austurríki gékk - enda stutt að fara - í ESB árið 1995 og tók niður mynt Evrópusambandsins frá Brusselhimnum árið 1999. En það er árið sem myntbandalagið hófst á loft. Nú er það svo hátt á lofti að enginn nær til þess. Aðeins tvö evrulönd af sextán eru svo hátt sett að þau uppfylli uppgönguskilyrðin upp í myntbandalagið núna.

En hvað er svona merkilegt við þetta? Ekkert annað en það að þessi nú þjóðnýtti banki í Austur Ríki var í eigu ríkisstjórnar Bæjaralands í fyrrverandi vestur ríki Þýskalands. Eins og þið vitið er flest fyrrverandi í Evrópu. Fólkið líka.

Já. Vegna þess að Austurríki er í myntbandalaginu þá þurfti Fransmaðurinn og seðlabankastjórinn Jean-Claude Vigilant Trichet að eyða helginni í Austurríki. Þar fæst hvergi ætur biti matar fyrir sannan Fransmann. Hann hírðist því úti í bifreið og borðaði nesti á meðan hann beið eftir að bankinn færi nógu mikið á hausinn svo hann gæti stigið upp í hann. Svo hátt var flugið á þessum banka, enda var hann í eigu ríkisstjórnar Bæjaralands Þýskalands.

Þetta var björgunaraðgerð segja fréttamiðlar. Bankanum var bjargað til og frá ríkinu. Evrusvæðinu var líka bjargað frá hruni. Móðurríkið sem stýrir Bayern Landesbank skaut (af byssu?) 825 milljónum evrum inn í nýja bankann eftir hafa látið bæverska ríkið selja 67% hlut sinn í bankanum fyrir eina bæ bæ evru til ríkiskassa Austurríkis. Forstjóri Bayern Landesbank sagði svo af sér, enda létt verk, því allt er ein rjúkandi rúst í öllu ríkisrekna Landesbankakerfi Þýskalands. Stjórnmálamenn sitja þó þægilega áfram í bankaráði Bayern Landesbank.

Þetta er sem sagt annar bankinn í evrulandinu Austurríki sem er þjóðnýttur á einu ári. Hinn fyrri hét Kommunalkredit Austria AG, sem þýðir eiginlega Bæjaraútgerð Austurrísku Sveitafélaganna. Mikið af útlánum bankakerfis Austurríkis hefur farið til Austur-Evrópu og landa á Balkanskaga. Útlánin hafa þó vonandi ekki öll farið í bæjarútgerðir eða SAS, sem væri þá eins konar SÍS í útrás frá Austurríki. Þið munið eftir SÍS? En markaðirnir óttast samt mjög að svo sé tilfellið. Þá eru tveir af sex kerfislega mikilvægum bönkum evrulandsins Austurríkis komnir niður í skjól skjaldborgara Austurríkis. Fjórir eru eftir. 

• BayernLB Chief Kemmer Quits
• Nationalisation of Austria's HGAA costs Bavaria EUR 3.75 billion 

Fleiri stuttar fréttir í glugganum 

Fyrri færsla

Evrópusambandið ein rjúkandi rúst. Sósíalistar ESB endurskilgreina óskir sínar.

Athugasemdir

[Gunnar Rögnvaldsson, 15.12.2009 kl. 12:31]

DOW JONES NEWSWIRES --Stress in the Austrian banking sector is dragging down the euro Tuesday and putting currencies from Central and Eastern Europe under pressure too.

News Monday that Austria had nationalized its sixth-largest bank, and concern Tuesday that other Austrian banks could be struggling, have further shaken confidence in the euro-zone banking sector after Greece's sovereign debt rating was downgraded last week by Fitch Ratings.

Investors are now starting seriously to wonder how the currency bloc's banks will finance an economic recovery, and whether they will be forced to scale back activity or even withdraw funds from Eastern Europe.

http://online.wsj.com/article/BT-CO-20091215-703889.html

[Gunnar Rögnvaldsson, 15.12.2009 kl. 16:18]

Tveir ágætis upplýsandi póstar á Credit Writedowns:

Um bankakreppuna í Austurríki 

• Bank collapse in Austria brings debt in Eastern Europe center stage

Og svo hér, holl áminning:

• Creditanstalt’s 1931 bankruptcy 

[Haraldur Baldursson, 16.12.2009 kl. 01:10]

Lifandi grein um dauðans alvöru. Í þessu tilfelli líf eins annars dauði... eða er þetta frestaður dauði eins annars dauði.. eða er þetta fórnum ekki einum svo hinir megi deyja saman... eða skjótum allt sem hreyfist því þá er það of ungt til að teljast marktækt í almennilega háum meðalaldri góðra ES borgara... spurningar vakna, en ég fer nú að sofa....vona að ég vakni ekki í ESB

[Gunnar Rögnvaldsson, 16.12.2009 kl. 18:35]

Takk fyrir innlitið kæri Haraldur

Ég er alvarlega farinn að óttast að Austurríki verði næsta Ísland.