ESB Ríkisútvarpið mun fjalla um reynslu Páfagarðs af evruupptöku

Dagskrárstjóri Ríkisútvarps Evrópusambandsins á Íslandi mun næst taka fyrir reynslu Monaco af evruupptöku

"Monaco líkist Íslandi meira en Malta", segir yfirmaður fréttastofu Ríkisútvarpsins, því Malta er heil 0,3% af flatarmáli Íslands en Monaco er ennþá minna. Monaco líkist því Íslandi meira

Það er þó mat yfirgjaldmiðils Ríkisútvarpsins, herra Ímat Úrmat, að Evrópusambandið hefði frekar átt að taka upp maltíska líru því lengi vel var hún hæst metni gjaldmiðill heimsins. Það einkennir nefnilega flesta ESB-vandláta að þeir vilja fá gjaldmiðil sem hækkar og hækkar, no matter what - og endar sem loftbelgur

Útilokað að tala við Finna eins og er, gefur ekki réttvísandi mynd 

Flytja þarf því nauðsynlega inn vitni frá Monaco segir RÚV. Það ætti að geta gerst sem allra fyrst. Passa þarf líka að engir Norðmenn komist inn í landið á meðan til segja frá neinu. Ekki ætti heldur að ræða við Finna núna því það liggur mjög illa á vinum okkar í því horni evrulands. Þeir geta nefnilega ekki skilað þessum nýja gjaldmiðli landsins. Skilafrestur var víst enginn á vörunni. Evran þeirra virkar ekki eins vel og evran í Monaco, segir RÚV. Símalínur til Finnlands eru því lokaðar eins og er. Algerlega útilokað er að við tölum við Svisslendinga sökum reynsluleysis þeirra af evruupptöku 

Svo er annað segir RÚV. "Monaco er með umfangsmeiri útgerð en Malta, mun fleiri báta. Þeir afla líka betur en maltísku bátarnir sem afla aðeins 2.000 tonna af fiski á hverju ári. Sú tala er of lág miðað við 1,3 milljón tonna fisksafla Íslendinga á ári. Því ber okkur fyrst og fremst skylda til að tala við Monaco. Fiskveiðar þeirra eru einfaldlega meiri og bátaflotinn stærri"

Næstu skref Ríkisútvarps á Íslandi munu liggja til Páfagarðs

Þegar ESB-RÚV er búið að fjalla um reynslu Monaco ætlar stofnunin að tala við Vatíkanið til að grennslast fyrir um reynslu þeirra af evrunni. Það er um að gera að fá rétta mynd af hlutunum segir talsmaður Ríkisútvarps Evrópusambandsins á Íslandi. "Þekking Páfagarðs á trúmálum er þessutan óvéfengjanleg"

Fyrri færsla

• Seinkuðum teppa-sprengjum rignir nú yfir þegna Evrópusambandsins

Athugasemdir

[Jón Valur Jensson, 3.11.2009 kl. 16:58]

Góður Gunnar, hæfilega háðskur og kryfjandi.

[Finnur Hrafn Jónsson, 3.11.2009 kl. 17:07]

Ljóst er að ESB andstæðingar eru skelfingu lostnir yfir því að fólk fái upplýsingar um reynslu annarra þjóða af ESB aðild.

[Gunnar Rögnvaldsson, 3.11.2009 kl. 17:56]

Já en Finnur minn, ég bý í ESB

Kveðjur

Dave Allen

[Gunnar Rögnvaldsson, 3.11.2009 kl. 17:56]

Þakka þér kærlega fyrir innlitið Jón Valur

[Finnur Hrafn Jónsson, 3.11.2009 kl. 21:35]

Gunnar: þar sem þú býrð í ESB hefurðu ekki þurft að sæta þeirri áþján að lifa undir stjórn íslenskra stjórnmálamanna.

Allt sem getur orðið til þess að draga úr völdum íslenskra stjórnmálamanna finnst mér til bóta, þar með talið að ganga í ESB.

Af sömu ástæðu og smáþjóð eins og Ísland getur ekki mannað samkeppnishæft fótboltalandslið getur hún ekki heldur mannað samkeppnishæfa ríkisstjórn.

[Haraldur Hansson, 3.11.2009 kl. 23:02]

Finnur Hrafn, þeir sem sæta þeirri áþján að lifa undir stjórn Berlusconis eru á Ítalíu, innan ESB. Berlusconi var nýlega sviptur þinghelgi svo hægt sé að sækja hann til saka fyrir spillingu og glæpi.

Þeir sem sæta þeirri áþján að lifa undir stjórn Sarkozys eru í Frakklandi, innan ESB. Hann varð nýlega uppvís að því að koma syni sínum, 22 ára laganema, í yfirmannsstöðu í fjármálafyrirtæki í París.

Spilling og klíkuskapur er nokkuð sem ekki skortir í ESB.

Ítalía hefur verið í ESB og forverum þess frá upphafi. Það eru engin teikn um að ítök mafíunnar fari minnkandi.

Með inngöngu Íslands yrðu Berlusconi og Sarkozy meðal fimm áhrifamestu manna í pólitískri stefnumörkun fyrir Ísland. Það er ekki betri kostur en heimaræktuð kaupfélagsklíka. Að vilja draga úr völdum til að ráða eigin velferð er hættulegasti hugsunarháttur í heimi.

[Finnur Hrafn Jónsson, 4.11.2009 kl. 02:15]

Ekki hvarflar að mér að efast um að mikið er af spillingu í ESB. Því miður verður að segja að í ljósi atburða síðustu ára, eigum við meiri samleið með Suður-Evrópuþjóðum frekar en Norður-Evrópuþjóðum hvað spillingu varðar.

Íslensk valdaklíka óttast að með því að missa krónuna tapi hún verkfæri sínu til lækka laun launþega á einu bretti þegar henni hentar. Einnig verður erfiðara fyrir hana að halda uppi okurvöxtum þegar kominn er gjaldmiðill sem hún getur ekki fiktað í.

Íslenskir stjórnmálamenn hafa í meira en 60 ár valdið okkur stórskaða með getuleysi sínu til að halda úti nothæfum gjaldmiðli. Það er einfaldlega fullreynt að þeir geta þetta ekki og nú er kominn tími til að leita annarra leiða. Að einhver skuli halda að þeir muni nú taka sig á og fara að gera þetta rétt finnst mér vera fáránleg bjartsýni.

Ástæða fyrir því að við Íslendingar erum nú að upplifa margfalt verri kreppu en flest nágrannalönd er sú að uppistaðan af okkar kreppu er gjaldeyriskreppa sem er íslensku krónunni að kenna.

Mér er alveg ljóst að stjórn verður aldrei alveg lýðræðisleg. Valdaklíkur koma alltaf við sögu. Valdaklíkur eru hins vegar mishæfar. Sú íslenska er alveg ömurleg.

PS
Það er annars pínulítið fyndið að maður sem hefur kosið að búa í ESB landi frekar en á Íslandi í meira en 20 ár skuli vera andvígur því að Ísland gangi í ESB.

[Gunnar Rögnvaldsson, 4.11.2009 kl. 04:14]

Finnur, ert þú einn maður á Íslandi sem hefur ekkert tekið eftir því að allt bankakerfi Íslands fór á hausinn sökum glæframennsku bankastjóra þess og fjármálaeftirlits sem stóð ekki vaktina? Ökumenn bankana og vegalögregla bankakerfisins, báðir ofurölvi, komu því í þrot.  

Ef þú vilt frekar missa vinnuna en að gengið hafi lækkað svo sem flestir geti haldið atvinnu sinni áfram, þá skaltu endilega prófa ESB. Það mætti kannski líka bjóða þér launalækkanir margra Evrópusambandslanda undanfarins árs, ástamt núll prósent kaupmáttaraukningu Þjóðverja frá 1994 á meðan þú hefur notið 70% kaupmáttaraukningu frá 1994 og Danir 20%.  

Það er annars pínulítið fyndið að maður sem hefur kosið að búa í ESB landi frekar en á Íslandi í meira en 20 ár skuli vera andvígur því að Ísland gangi í ESB. 

25 ár í ESB Finnur. Ekki 20. Þetta er því mikil reynsla sem ég miðla þér af Finnur. Fáir Íslendingar hafa búið svo lengi í ESB og fáir Íslendingar hafa stundað atvinnurekstur í ESB í samfleytt 20 ár. Munurinn á því að hafa prófað ESB í 25 ár innanfrá  og ekki prófað það, er sá, að auðvelt er að þekkja þá af lygunum, engum hagvexti, stöðnun - og svo af atvinnuleysinu! En það er aðalsmerki ESB ásamt spillingunni. Brussel er háborg spillingar í Evrópu.

Kveðjur

[Gunnar Rögnvaldsson, 4.11.2009 kl. 04:25]

En svo ég upplýsi þig nánar Finnur.

Danmörk er hluti af NORÐURLÖNDUNUM. Það er Ísland líka. Þökk sé Norðurlandasamstarfinu þá flutti ég hingað. Þetta er nefnilega eina samstarfið í Evrópu sem virkar.

Þegar ég flutti til Danmerkur var Evrópusambandið ekki til. Okkur var líka sagt það hér í þjóðaratkvæðagreiðslunni um EF pakkann árið 1986 að Evrópusambandið væri steindautt og að gamla EF myndi aldrei þróast í neitt Evrópusamband, aldrei. Þetta reyndist vera lygi forsætisráðherra lítils lands sem ofmat stöðu þessa litla lands síns innan saumakubbs fyrirmanna og elítu Evrópu. 

Evrópusambandið er steindautt

[I Skulason (IP-tala skráð) 4.11.2009 kl. 11:28]

Fékk Páfagarður einhverjar undanþágur í Sjávarútvegsmálum frá ESB