Seinkuðum teppa-sprengjum rignir nú yfir þegna Evrópusambandsins

Hann reyndist sannspár hann A.E.P um atvinnuástandið í Evrópusambandinu

Hann hafði ágætlega rétt fyrir sér hann Ambrose Evans-Pritchard þegar hann skrifaði greinina  "Iceland's krona: By then the delayed cluster bomb of Europe's unemployment will have detonated"  í byrjun september mánaðar. Nú eru "teppa-sprengjurnar" að byrja að lenda og þær munu halda áfram að koma í hausinn á okkur hér í Evrópusambandinu næstu árin. Stanslaust. Það heimsmet hefur líka gerst að 40% ungmenna á Spáni eru núna atvinnulaus, já fjörutíu prósent: 10+10+10+10%

Evrópusambands-ástandið á Íslandi varaði aðeins örstutt 

Atvinnuástand á Íslandi er nú að verða einna best í Evrópu, þ.e. séð í Evrópusambandslegu ömurleikasamhengi - og fer batnandi. Þið náðuð aldrei virkilega að að prófa Evrópusambandslegt massíft 30 ára atvinnuleysi fyrir alvöru. Þökk sé íslensku krónunni okkar. Þakkið henni fyrir að Ísland er ríkt land með bjartar og öfundsverðar framtíðarhorfur. Engin lönd geta orðið rík eða haldið áfram að vera rík ef þau henda fólkinu sínu á ruslahaugana, eins og gerst hefur hér í Evrópusambandinu síðastliðin 30 ár. Svoleiðis lönd munu smá saman glata velmegun og velferð. Þau verða ríki örvæntingar og vonleysis.

Mynd (smellið tvisvar til að skoða betur): Atvinnuleysi í Evrópusambandinu í september 2009. Heimild: hagstofa ESB og Vinnumálastofnun. Athugið að tölur hagstofu ESB og Vinnumálastofnunar eru ekki beint samanburðarhæfar

Hvað annað ætti manni að detta í hug, þegar maður skoðar myndina, en að bankakerfi flestra þessara landa hafi oltið um koll og séu alltaf á hausnum endalaust  

Hvað ættu útstillingar-gínur seðlabanka Evrópusambandsins að vera að gera núna? 

Skyldu gínurnar Finnland og Írland ennþá vera til sýnis á plakötum og auglýsingaskiltum frá ECB og Brussel? Finnland er í tvöföldum bankahrunssamdrætti og Írland er harðfryst í plokkfiskblokk. Spánn er horfið af yfirborði jarðar. 

• Hvað ætti seðlabanki Finnlands að vera að gera núna og sem hann er ekki að gera?
• Hvað ætti seðlabanki Spánar að vera að gera núna og sem hann er ekki að gera?
• Hvað ætti seðlabanki Írlands að vera að gera núna og sem hann er ekki að gera?
• Hvað ættu seðlabankar Lettlands, Litháen og Eistlands að vera að gera núna?
• Hvað er seðlabanki Þýskalands að gera núna og sem hann ætti ekki að vera að gera?
• Hvenær yfirgaf Evrópusambandið raunveruleikann og fór inn í hugarheim hagfræðilegra geðsjúkdóma, EMU?

 

Fyrri færsla

• Draumurinn um hið sameinaða stórríki Evrópusambandsins

Athugasemdir

[Ragnhildur Kolka, 1.11.2009 kl. 19:57]

Þú segir nokk, Gunnar. þarna erum við evru- og ESB laus í sama sæti og 77 sardínur lukkuriddararnanna frá Möltu.

Eftir hverju er eiginlega að sækjast þarna í ESB?

[Gunnar Rögnvaldsson, 1.11.2009 kl. 21:03]

Sæl Ragnhildur og takk fyrir innlitið.

Það er ekki eftir neinu að sækjast í ESB fyrir land eins og Ísland. ESB er verkefni þeirra sem hafa engan áhuga á raunverulegum framförum og raunverulegri velmegun. ESB er og verður alltaf hækja og hóstalyf Frakklands og Þýskalands. En það er langtfrá víst að það virki fyrir þessar tvær þjóðir þegar á reynir.

Þetta er mest óskaverk elítunnar í ESB. Fólkið í ESB hefur engan áhuga á þessu fyrirbæri. Það  er búið að fá nóg af munnvanti Brussel og tómum loforðum. Sjá: Lissabon 2000 markmið Evrópusambandsins. Hvernig gengur með þessi marmið. Ekki neitt, ekki neitt, ekki neitt. Það eru 63 dagar til stefnu. 

[Helgi Jóhann Hauksson, 2.11.2009 kl. 10:54]

Gunnar, varst þú ekki á leiðinni „heim“. Eða hefurðu það svona miklu betra í ESB-Danmörku en þú gætir hér?

En hvernig er það ætlar þú enn ekki að ómaka þig við að kynna þér EES samninginn og þá staðreynd að allt sem gæti orðið til að draga úr atvinnu með samstarfi eða inngöngu í ESB var innleitt með EES-samningnum. Og ertu enn ekki búinn að kyngja því að ESB fer ekki með  nema 1% af þjóðarframleiðslu ríkjanna og af því fer helmingur í niðurgreiðslu landbúnaðarvar í ríkjunum og svo meirihluti þess sem þá er eftir í byggða og þróunarstyrki hverskonar, en hið opinbera í ríkjunum sjálfum fer beint með 40-60% af þjóðarframleiðslu sinni (eða 40-60 sinnum meira en far í gegnum ESB) og þar með og þess vegna er atvinnuástand æði misjafnt milli ríkjanna því það eru ríkin sjálf sem ráða mestu um allt sem skapar eða dregur úr atvinnu og uppbyggingu.

Átti þetta ekki allt löngu að vera hrunið ef brot af staðhæfingum þínum væru sannar Gunnar?

[Gunnar Rögnvaldsson, 2.11.2009 kl. 11:41]

Helgi minn.

Ég ráðlegg þér að sýna styrk til andlegrar endurreisnar og hætta að hugsa og mjálma um styrki og ölmusu. Það fer þér ekki vel að tísta svona um styrki og ölmusu.

Hvorki Finnland né Svíþjóð hafa nokkurn tíma fengið eina krónu í nettó greiðslu frá ESB. Jú Finnland fékk smávegis í eitt ár, en það var árið 2000. Svíþjóð hefur aldrei, never, mix, zero, fengið neitt frá ESB. Meira að segja fátækasta lén Svíþjóðar, Norrbottenm er núna nettógreiðandi til þrotabúsins í Brussel.

Finnland, sem núna er illa statt í næstum tvöföldum samdrætti miðað við samdrátt á Íslandi á fyrstu 6 mánuðum ársins, hefur borgað - JÁ BORGAÐ - yfir 3000 milljón evrur síðan 1994 í húsaleigu fyrir ónýtt hús til þrotabús Brussel.

3000 milljón evrur í nettógreiðslur frá 1994.

Á meðan eru 1.000.000 fátæklingar í Finnlandi. 250.0000 manna aukning frá árinu 2000, var nefnt í fréttum í síðustu viku

Hættu nú þessu styrkjavæli og sýndu mannlega reisn maður minn.

[Gunnar Rögnvaldsson, 2.11.2009 kl. 11:45]

Megi dagurinn verða þér ábatasamur Helgi, og að þér græðist peningar í dag. Ef þú vilt kaupa húsið af mér þá kemst ég fyrr heim til Íslands. En hér er fasteignamarkaðurinn kominn í dauðadá frá losti velgengni, eða hitt þó heldur. 

[Þór (IP-tala skráð) 2.11.2009 kl. 11:54]

sæll.

 Vildi ómögulega að þú misstir af þessum gullkornum átrúnaðargoðsins.

 kv.

h

[Helgi Jóhann Hauksson, 2.11.2009 kl. 12:44]

Hverskonar bull er þetta alltaf í þér Gunnar. Hvort ertu viljandi að skrökva eða veist svona lítið? - Ég er reyndar ekkert að tala um styrki í mínu illeggi ofar heldur að ríkin fari sjálf án aðkomu ESB með 40-60% af landsframleiðslu en ESB aðeins 1%, - en af þessu eina prósenti fer helmingur í niðurgreiðslu landbúnaðarvara og helmingur af því sem þá er eftir í byggða og þróunarstyrki, - OG það hreinlega getur ekki verið að þú vitir það ekki að niðurgreiðslur landbúnaðarvara hafa jafnt gegnið til Svía og sænskra neytenda og FInna finnskra neytenda sem allra annarra innan ESB.

- Finnar hafa reyndar extra svigrúm að taka við öllum niðurgreiðslum ESB en mega að auki bæta við þær eigin niðurgreiðslum fyrir svæði þar sem skilgreindur er „heimsskautalandbúnaður“. - Svo veit ég fyrir víst að bæði Svíar og Finnar hafa notið úreldingar- og markaðsstyrkja fyrir sjávarútveginn auk þess sem þar gildir eins og í öllum ESB-höfnum að ESB greiðir til sjómanna lágmarksverð á fisk sem lendir undir mörkum við löndun og sölu eða lendir í gúanói.

- Þetta er svona bara það sem alkunna er - en ég hef ekki kafað í hvers annars þeir hafa notið af styrkjum, þar eru þó auðvitað vísinda, mennta og starfsskipta prógröm ESB og EES - og víst er allar jaðarbyggðir njóta frá ESB byggðastyrkja og sveitafélög fá jafnan bæði aukin völd og fé með aðild að ESB vegna nálægðarreglunnar - að alltaf eigi að útkljá mál sem næst vettvangi og að fé og styrkir eigi að ganga stystu leið á vettvang. - Styrkir eru þó ekki það sem ég leita að hjá ESB en þetta er hluti af reiknisdæminu um hver stýrir atvinnuuppbyggingu og atvinnuástandi landanna - það eru nær eingöngu ríkin sjálf. Þessvegan er líka atvinnuástandið svona misjanft.

- EN hvernig væri nú að þú kynntir þér EES og þá staðreynd að allt sem sagt er að geti skaðað atvinnuástand hér við ESB aðild var tekið upp 1993 með EES samningnum.

[Jón Logi (IP-tala skráð) 2.11.2009 kl. 13:18]

Tja, síðast þegar ég vissi, þá voru styrkir til Landbúnaðar frá ESB háðir jöfnu mótframlagi frá viðkomandi ríki. Og muni ég rétt, þá tóku hinir nýbökuðu ESB Svíar þann pól í hæðina að sleppa þessu í byrjun.

Enda kannski ekki tilbúnir, þar sem skorti kunnáttu í pappírsmennskuna. Árið 2000 var ESB áfangi orðinn að skyldufagi í Sænskum bændaskólum. Sumir Finnskir bændur hafa sleppt skýrslufarganinu og þar með þeim styrkjum sem því fylgja (refsingin) til að spara sér pening.

Annars held ég að hann Gunnar eigi við jafnvægi á greiðslum til og frá, það er jú lítið gagn af styrk ef þú þarft að borga hann tvöfaldan til baka....alveg eins hægt að sleppa svona móverki og styrkja bara sjálfan sig tvöfalt

[Gunnar Rögnvaldsson, 2.11.2009 kl. 13:29]

Helgi minn.

Ef ég tek af þér 100 kall og gef þér svo 20 kr til baka til að laga skaðann sem ég olli þér þá ertu ekki betur settur en áður. Þú ert að flækja þig í innanhússbókhaldi ESB.

Það sem skiptir okkur máli eru þjóðhagsreikningar okkar sjálfra og hið endanlega uppgjör á samskiptum okkar við utanaðkomandi aðila. Það eru nettó-tekjur/útgjöld okkar sem skipta máli.

Íslendingar vita alltaf best hvernig á að hátta málum innandyra á Íslandi. Að hleypa öðrum ríkjum í að hanna innviði þjóðfélags okkar er ekki gott. Það er það sem ESB er að reyna að gera í 27 löndum sambandsins með styrkja og deilikerfum. Afleiðingarnar eru slæmar.   

ESB fær miklu meira en 1% af LVF. Það fær hugsanlega ca. þrefalda þessa upphæð af ríkum löndum, þegar upp er staðið.

Nettó greiðsla Svíþjóðar til Evrópusambandsins á síðasta ári var EUR 1,848.37 mil. Einn komma átta miljarðar evrur

En svo er hið  óuppgerða reikningsdæmi yfir þann skaða sem Evrópusambandið hefur valdið á þjóðfélögum landanna. Evrópusambandið er búið að drepa hagvöxt landanna. Skaða mynt og peningamála þeirra. Auka á fátækt, skemma lýðræði í löndunum og eyðileggja framtíðina fyrir ungt fólk í mjög mörgum löndum sambandsins.

Þetta reikningsdæmi er afar stórt Helgi.     

[Gunnar Rögnvaldsson, 2.11.2009 kl. 13:45]

það er jú lítið gagn af styrk ef þú þarft að borga hann tvöfaldan til baka....alveg eins hægt að sleppa svona móverki og styrkja bara sjálfan sig tvöfalt

Akkúrat Logi! Móaverk svoleiðis er. Móaverk :Þ

Takk fyrir innlitið

[Þorgeir Ragnarsson (IP-tala skráð) 2.11.2009 kl. 15:11]

Helgi sagði m.a. þetta:

"EN hvernig væri nú að þú kynntir þér EES og þá staðreynd að allt sem sagt er að geti skaðað atvinnuástand hér við ESB aðild var tekið upp 1993 með EES samningnum."

Í umræðum varðandi áhrif ESB aðildar á atvinnustig hefur það verið einna fyrirferðarmest að evran sjálf skaði atvinnustigið vegna þess að hún útilokar gengisaðlögun krónunnar. Ef evran var tekin hér upp árið 1993 þá fór það alveg framhjá mér .

En, fyrst EES samningurinn var svona fínn þurfum við þá nokkuð restina af pakkanum?

[Hermundur Sigurdsson (IP-tala skráð) 2.11.2009 kl. 15:20]

Bara 2 aulaspurningar. Afhverju býrðu og hefur búið árum saman í ESB-landi? Afhverju býrðu ekki á Íslandi, ef að ömurleiki í ESB er svona mikill?
Skil ekki að þú skulir leggja það á þig að búa við svona aðstæður.

Veistu hvað atvinnuleysið á Spáni var fyrir inngöngu landsins í ESB og á árunum 1980-1990?

[Gunnar Rögnvaldsson, 2.11.2009 kl. 16:45]

Veistu hvað atvinnuleysið á Spáni var fyrir inngöngu landsins í ESB og á árunum 1980-1990? 

Já Hermann, það veit ég; það var það sama eða lægra en það er í dag.

1980 = 11.0%

1981 = 13,7%

1982 = 15,7%

1983 = 17,2%

1984 = 19,9%

1985 = 21,3%

1986 = 20,9%

1987 = 20,2%

1988 = 19,2%

1989 = 17,2%

1990 = 16,2%

En hvað ætti ESB að hafa með lækkun atvinnuleysis á Spáni að gera, á árunum frá t.d. 1994? Það hefur ekkert með það að gera.

Aðild að ESB hjálpaði ekki Spáni fyrr á tímum og hjálpar landinu ekki enn.  

En ESB ber hinsvegar mikla ábyrgð á því atvinnuleysi sem er á Spáni núna því peningapólitík á Spáni á árunum 2001-2008 var akkúrat þveröfug við þarfir landsins. Það var þessi peningapólitík ECB sem bjó til bóluna á Spáni.

Spánn var einræðisherraríki fram til 1975. Frá 1975-1890 þ.e. í olíukreppunni voru ríkisstjórnir Spánar ónothæfar og höfðu ekki sameinað þing á bak við sig. Viðbrögð og mótvægisaðgerðir gegn áhrifum olíukreppunnar komu ekki og Spánn flutti inn um 70% af allri orku sem landið notaði. Þessvegna fór atvinnuleysi á Spáni í tæp 22% árið 1985.

En svo kom ríkisstjórn Felipe González með sameinað þing á bak við sig og tókst með miklum harmkvælum að koma ríkisfjármálum í sæmilegt lag.

En þar á eftir kom svo hið fræga hagfræðilega geðveilufyrirbæri sem heitir EMS/ERM (fast gengi) og því tókst m.a. að þeyta atvinnuleysi á Spáni og í allri Evrópu upp í allra hæstu hæðir. Atvinnuleysi á Spáni minnkaði svo eftir að EMS'inn var sprengdur í loft upp af markaðnum. 

Við tók svo ágætis tímabil en svo erum við sem sagt aftur föst undir trúarreglum ECB á Spáni núna. Enn ein peningalega geðveilan frá Brussel tröllríður Evrópu enn einu sinni. 

Það er margt sem þarf að laga á Spáni og það eru einungis Spánverjar sem geta lagað það sem þarf að laga.

Kveðjur  

Þakka ykkur fyrir innlitið öll.  

[Haraldur Baldursson, 2.11.2009 kl. 22:43]

Viðmiðin eru að vísu röng með því að birta atvinnuleysistölur. Það eina vitræna er að birta tölu þeirra sem eru í vinnu. Í gjörvallri Evrópu (á Íslandi líka) eru atvinnuleysistölur hreinlega rangar.... atvinnuþáttaka er mun meira upplýsandi.
Hversu margir ræðarar eru á bátnum og hversu margir farþegar... það er mælikvarðinn.

Reyndar er ég viss um að ESB kemur ekki vel út þeim samanburði heldur.

[Gunnar Rögnvaldsson, 3.11.2009 kl. 10:30]

Þakka þér Haraldur. Já það er alveg rétt að tölur um atvinnuleysi segja ekki allt.

Sem dæmi má nefna Holland.

Þar segja opinberar tölur okkur að atvinnuástand sé frekar gott. En í engu landi Evrópusambandsins var eins mikið af fólki í hlutastarfi eins og í Hollandi, samkvæmt seinustu tölum hagstofu ESB. Af öllum sem höfðu vinnu í Hollandi voru 46,8% í hlutastörfum árið 2004. Samkvæmt tölum OECD frá 2006 voru 66% kvenna í Hollandi í hlutastörfum sem gerir að verkum að fjöldi vinnustunda á hvern vinnandi þegn í Hollandi var sá lægsti meðal allra landa OECD.

Árið 2006 vann hver lifandi Íslendingur að meðaltali um 1530 tíma árinu en hver Hollendingar vann aðeins 1007 tíma á því ári. Á sama ári voru hæstu jaðartekjuskattar láglaunafólks í Hollandi 55%, eða þeir fimmtu hæstu í 30 löndum OECD.

Þessi háa tíðni hlutastarfa gæti hugsanlega útskýrt þessar frekar lágu uppgefnar opinberar atvinnuleysistölur frá Hollandi undanfarin mörg ár.

Stærsti niðurskurður ríkisútgjalda í sögu Hollands mun verða að raunveruleika ef ríkisstjórn Jan Peter Balkenende fær að ráða. Forsætisráðherrann hefur boðað hvorki meira né minna en 20% niðurskurð á útgjöldum hollenska ríkisins, hækkun ellilífeyrisaldurs upp í 67 ár, niðurskurð á stuðningi ríkisins til fjölskyldna og heimila, takmörkun á fjölda innflytjenda og ættingjum þeirra til Hollands.

Þjóðarframleiðslu Hollands er spáð 5% samdrætti á þessu ári, 8% atvinnuleysi mun renna upp, skuldir ríkisins munu vaxa um 50% og verða 66% af þjóðarframleiðslu landsins.  

Eitthvað meiriháttar hlýtur að vera að fyrst skera á niður útgjöld hollenska ríkisins um heil 20%. Þar að auki þarf Holland af gæta þess að brjóta ekki í bága við reglur myntbandalags Evrópusambandsins um að halli á rekstri ríkissjóðs megi ekki fara yfir 3%

En Holland er stundum notað sem dæm um hversu vel gengur fyrir litlum löndum í Evrópusambandinu - þ.e. á pappírnum 

[Haraldur Baldursson, 3.11.2009 kl. 10:58]

Gunnar, góður punktur þetta með vinnustundafjöldann. Er þetta ekki eini raunhæfi mælikvarðinn ? 1530 á Íslandi á móti 1007 ! Sláandi.

[Gunnar Rögnvaldsson, 3.11.2009 kl. 11:26]

Já það er um að gera að kíkja á sem flestar hliðar Haraldur. En þetta með fjölda vinnustundirna á hvern þegn er heldur ekki einhlýtt. Ef allir vinna hjá riki & bæ þá verða allir fátækir alltaf (USSR).

Ef allir vinna margar vinnustundir í Brussel verðum við öll gjaldþrota. Ef það eru búni til mörg léleg störf og léleg afleidd störf þá verðum við líka fátæk.

Dæmi um lélegt afleitt starf: skattasérfræðingar

Ég bý ég í landi með svo flókna skattalöggjöf. Sem dæmi getur enginn lengur reiknað út sinn eigin skatt sjálfur. Fari málið fyrir dómstól skattaréttar þá er úrskurður og dómsniðurstaða háð því í hvaða landshluta-rétti málið er sótt. Skattalöggjöfin er orðin svo flókin og óskiljanleg að hún er orðin háð túlkun dómstóla í hverju skattamáli fyrir sig og í hvaða rétti fyrir sig => háð stað og stund. Réttraröryggið því er að hverfa og óvissan ræður.

Skattasérfræðingar stækka sem starfsgein.  Afleiðing => ríkið vinnur við að brjóta rúður með því að framleiða léleg lög á færibandi - og skattasérfræðingar vinna við að gera við þær. Árangur: þú borgar => kostnaður þinn eykst => stærri og stærri hluti vinnuafls þjóðarinnar vinnur við að laga þær rúður sem ríkið brýtur => þjóðartekjur minnka =>samkeppnishæfni minnkar.

Þetta eru léleg störf og léleg afleidd störf og þau verða alltaf mest og flest í þeim þjóðfélögum sem alltaf vilja löggefa sig út úr öllum vandamálum => þjóðfélög sósíaldemókrata í ESB ! Skjaldborgir!

Svona lönd verða fátækari.

Það er t.d. ekki gott ef 3 persónur vinna við að hafa eftirlit með 2 persónum. Það er ekki gott að þjóðir séu orðnar það miklir aumingjar að það þurfi 4 sinnum fleir opinbera starfsmenn til að hugsa um sama fjölda fólks eins og þurfti árið 1960.  Það getur bara varla verið rétt.  

[Haraldur Baldursson, 3.11.2009 kl. 13:51]

Shit... voðaleg flækja er þetta !
Þá er spurningin hvort til eru mælikvarðar á fjölda vinnustunda í framleiðslugreinum ? En þar sem það er ekki heldur útslagsgefandi, þá þarf að vega þetta með vöruskiptajöfnuði,...en það segir þá ekki endilega allt í tilfelli landa eins og USA, sem eru sjálfum sér býsna næg...
Opinber störf segja ekki allt heldur, því sum staðar eru þeim sinnt hjá ríkinu og annars staðar hjá einkageiranum. Auk þess sem sum störf sem einkageirinn þjónar eru greidd af opinberum aðilum..
Þetta eru svo margir vektorara, að stjórnmálamenn geta hæglega falið sig bak við hvern þeirra háð því hvað þjónar þeim best hverju sinni....

Er það bara ég eða finnst ekki einhverjum vanta mikið upp á gegnsæi í þessu samfélagi ? Er ekki orðið býsna einfalt að fela kostnað í nafnlausum afkimum kerfisins ? Ég get ekki ímyndað mér að ESB minnki þá flækju...þvert á móti óttast ég að það verði ómögulegt fyrir dauðlega menn að greiða þá flækju í sundur...eins og dæmin sýna, þegar ekki er hægt að skila endurskoðuðum gögnum fyrir ESB.

[Gullvagninn (IP-tala skráð) 4.11.2009 kl. 09:33]

Lisbon stjórnarskráin í lélegri sáttmálagæru samþykkt, megi allar vættir forða okkur frá þessu hel-sambandi.