Bresk stjórnvöld treysta ekki reglum Evrópusambandsins. En það gerir ríkisstjórn Íslands

Er þetta ekki yndislegt!

Morgunblaðið skrifar i dag; (sjá fréttatengingu hér neðst í færslunni)

 

Breska fjármálaeftirlitið hefur reynt að koma í veg fyrir að allt að 10 evrópskir bankar stofni útibú í Lundúnum.Bresk stjórnvöld hafi miklar efasemdir um reglur Evrópusambandsins. . [  ] . .  Þannig hafi Turner lávarður, stjórnarformaður fjármálaeftirlitsins, hvatt til þess að reglur um starfsemi banka yfir landamæri, verði hertar og fjármálaeftirlit gestaríkisins fái aukið svigrúm til að hafa eftirlit með útibúunum.

 

Trúðarnir í ríkisstjórn Íslands eru á öðru máli, auðvitað 

Hins allra vega hefur forsætisráðherra og fjármálaráðherra Íslands óbilandi trú á þessu regluverki. Trúin er svo mikil að það þarf ekki einu sinni að fá úr því skorið fyrir dómi hver ábyrgð íslenska ríkisins raunverulega er. Ég öfunda Breta af stjórnmálamönnum sínum. Þeir eru ekki lyddur og vesalingar eins og íslensk stjórnvöld eru núna. 

Leiðari mánudags

Það besta sem Samfylkingin hefur að bjóða Íslandi á einum válegustu tímum lýðveldissögunnar, er fullkomlega getulaus forsætisráðherra landsins, fröken Jóhanna Sigurðardóttir. Hvernig skyldi þá restin í Samfylkingunni líta út? Er von að maður spyrji? Allir með sæmilega heyrn geta heyrt hlátrasköllin leka niður allt Downing strætið og alla leið yfir til Brussel, með fastri viðkomu í Amsterdam og fleiri borgum þess evrópska stórhertogadæmis sem Samfylkingin er að reyna að kyssa rassinn á. Þvílík hörmung. Hver gerði Jóhönnu þennan grikk? Hve lengi á íslenska þjóðin að sitja sem smyglvarningur á aftursæti þessarar druslu? Samfylkingin ekur nú um algerlega próflaus, blind og heyrnarlaus með land vort og þjóð sem skiptimynt í pólitískri gíslingu á baksætinu. Hún er að leita að keisaralegum hertoga til að kyssa og þóknast í Brussel. Samfylkingardruslan er því miður sjálfskipt og hefur bara einn gír; Brussel-Drive. Bensínlaus er hún þó vonandi að verða.

Tengt efni

AMX „Íslenski forsætisráðherrann vill ekki hagstætt lán“ 

Fyrri færsla

• Ónýtir gjaldmiðlar, þáttur II. Spænska og Írska evran

Vill ekki erlendir bankar stofni útibú í Bretlandi

Athugasemdir

[S. (IP-tala skráð) 12.10.2009 kl. 17:13]

Mér finnst skemmtilegt hvað þetta er órökrétt hjá þér og sýnir í raun alls ekki það sem þú telur það sýna.

Þú telur að þarna sé komin ,,sönnun" fyrir því að mönnum sé best borgið utan ESB af því Bretar vilja (og sennilega margar aðrar evrópuþjóðir, t.d. hafa bæði Merkel og Sarkozy lýst því opinberlega yfir) skerpa á reglunum, það er hvorki leyndardómur né eitthvað nýtt að þessu reglum var og er ábótavant.  Nákvæmlega sama er uppi á teningnum í USA, þar eru menn líka að beita sér fyrir stórhertum reglum og viðurkenna að fyrri reglur hafi verið gallaðar.

Það er líka fullkomlega eðlileg krafa að fjármálaeftirlit landanna fái auknar heimildir, um þetta er ekki deilt innan ESB.  Enda fjallar þessi frétt ekki um neitt annað en ítrekun Breta á því, sem reyndar aðrir hafa líka áður komið með.  Þú telur þetta hins vegar vera sönnun á því að best sé að standa utan ESB.  Blaðrar svo einhverja þvælu og hrósar breskum stjórnmálamönnum í hástert fyrir að tala um þetta, sem er ekkert nýtt og almennt viðurkennt innan ESB.  Þú lætur eins og þeir hafi verið að setja ESB einhvern stól fyrir dyrnar en hinir séu ,,lyddur".  Gersamlega fáránlegur málflutningur hjá þér.

Hitt sem er ekki minna fáránlegt er að þú virðist halda, skv. þessum skrifum, að það sé bara Samfylkingin sem vill fara í ESB og ÞÁ FYRST þurfum við að beygja okkur undir þessar skelfilegu reglur sem þú telur.  Sú alkunna staðreynd virðist hins vegar hafa farið algerlega framhjá þér, að þessar reglur ESB, sem snúa að þessum hluta fjórfrels., hafa verið hér í gildi frá 1993.  Á þeim tíma hefur Sjálfst.flokkurinn verið við stjórn og var í stjórn þegar við gengum í EES samstarfið (og þessar reglur fóru að gilda hér).  Allir hafa verið ánægðir með að við skyldum gera það, þ.m.t. Sjálfst.flokkur og Framsókn, og sennilega finnst varla sú manneskja sem telur það hafa verið óheillaskref fyrir okkur, að gera EES samninginn.

Þessar reglur voru því innleiddar í tíð Sjálfstæðisflokksins og Bretar eru bara að segja að þessar reglur þurfi að laga.  Það er þekktur sannleikur.

Þannig að allt blaðrið sem þú skrifar hérna í sambandi við þetta, fellur um sjálft sig, er bara eitthvað bull sem sýnir hvorki eitt né neitt, og allra síst að það sé Samfylkingunni að kenna að þessar reglur gilda hér, og að sama skapi virðist þú halda að það sé ekki fyrr en við inngöngu í ESB sem þessar hræðilegu reglur(þitt mat) taka gildi hér.  Þú minnist ekkert á að við verðum að fara úr EES strax (enda ekkert fylgi við það hjá NEINUM flokki).

En til þess að eitthvað samhengi fáist í það sem þú ert að skrifa hér, þyrftir þú að segja í leiðinni að lausnin sé fólgin í því að segja upp EES samningnum, því þá gilda þessar útibúsreglur ekki hér.  Hins vegar skiptir engu máli hvort við förum í ESB eða ekki, þessar reglur gilda hér fullum fetum sem og þær hafa gert frá 1993.

Svo er ekki trúverðug heimild að vísa í Morgunblaðið, bara það eitt og sér fellir allan trúverðugleika og er ekkert annað en vísun í málflutning yfirlýstra andstæðinga ESB, sem beita öllum ráðum eins og dæmin sanna, til að sannfæra einfalt fólk sem ekki skilur upplýsingar á eigin spýtur, svona fólk eins og þig, um að best sé að standa fyrir utan það.

[Gunnar Rögnvaldsson, 12.10.2009 kl. 19:17]

Sæl og blessuð S.

Gott að þér finnst þetta skemmtilegt

Takk fyrir innlitið

Kveðjur

[Axel (IP-tala skráð) 12.10.2009 kl. 23:18]

Ég er ekki frá því að þú ættir að lesa meira og skrifa minna S.

[Loftur Altice Þorsteinsson, 13.10.2009 kl. 00:43]

Nýlenduveldið Bretland vill auðvitað ekki verða fórnarlamb nýlendustefnu annara ríkja. Þess vegna finna þeir uppá leiðum til að hindra innrás erlendra banka.

Sumir fávísir Íslendingar hafa haldið að hnattvæðingin væri fyrir alla og að EES væri til að gefa öllum jafna möguleika. Vaknið nú upp frá fánýtum draumum. Evrópska efnahagssvæðið er ekki gert fyrir hina smáu, heldur hina stóru. Það er ekki gert fyrir Íslendinga, heldur Breta og Hollendinga.

Það er þessi einstefna hagsmunanna sem Icesave-deilan snýst um. Tilskipun 94/19/EB segir skýrt og greinilega, að aðildarríkin mega ekki taka neina ábyrgð á innláns-trygginga-kerfunum, en nýlenduveldin hafa aldreigi farið að settum reglum, nema það þjóni þeirra hagsmunum.

Þegar reglurnar þjóna ekki hagsmunum nýlenduveldanna, þá eru þær einfaldlega brotnar. Við sjáum það í Icesave-deilunni og við sjáum það í útilokun erlendra banka í Bretlandi.

Svo koma aumingja Sossarnir, með bugti og beygingum og vonast eftir að fá mjúkar sessur að launum, en þeir munu ekki hljóta annað en skít og skömm hjá herrunum í Brussel. Það eru að vísu betri örlög en þeir eiga skilið hjá Íslendskri þjóð.

[Jón Steinar Ragnarsson, 13.10.2009 kl. 00:58]

Hmmm? Er Jón Frímann farinn að kommentera undir dulnefninu S?

[Jón Valur Jensson, 13.10.2009 kl. 01:28]

Ef það ætti að vera svo, að ríkissjóður sérhvers Evrópubandalags- og EES-lands, sem sett hefði á fót tryggingasjóð innistæðueigenda, ætti að veita fulla tryggingu á bankainnistæðum (eða baktryggingu á tryggingasjóði síns lands), þá væri það vitaskuld stórkostleg áhætta fyrir hvert þessara landa að fá inn erlenda banka, sem setja myndu upp dótturfyrirtæki, sem ættu þar aðild að tryggingasjóði þess lands, en færu síðan að bjóða yfirburðagóð kjör, hávexti o.s.frv. En Bretar halda því fram um okkar Icesave-reikninga (ranglega), að þeir séu ekki aðeins á ábyrgð okkar Tryggingasjóðs innstæðueigenda og fjárfesta, heldur líka ríkisins. Þegar aftur á móti litið er á þeirra heimagarð, myndu þeir aldrei viðurkenna ábyrgð síns ríkissjóðs á dótturfyrirtækjum erlendra banka þar. En bara það eitt, að ábyrgðirnar gætu fallið á þeirra eigin tryggingasjóð, þykir þeim nógu afleit framtíðarsýn til þess að þeir reyna allt hvað þeir geta til að stýra slíkum bönkum burt frá sínu eylandi.

Kær kveðja.

[Halldór Jónsson, 13.10.2009 kl. 07:56]

Er þetta ekki punktum saliensis hjá Jóni Val ?

[Halldór Jónsson, 13.10.2009 kl. 07:57]

Ekki furða þó þessi S(Axel ?) vilji fela sig fyrir okkue.

[Gunnar Rögnvaldsson, 13.10.2009 kl. 11:57]

Jú Halldór, Jón Valur hefur rétt fyrir sér. Ríkisbankakerfi ESB er ekki ennþá alveg fullbyggt. En þetta kemur. Þjóðnýting tapsins og einkavæðing gróðans. Virkar mjög vel. European Single Common Banking Loss System Inside EMU.

Loftur, já þau eiga svolítið erfitt þessi lönd gamla heimsins.  Þau væru mest núll og nix án fjarvistarsönnungargagns númer eitt: Evrópusambandsins. Hver vill vera bara Þýskaland eða Frakkland?, fyrrverandi, fyrrverandi, fyrrverandi. Því klæðumst við nýju fötum gamla keisarans, við erum nebbnilega ESB!

Ég þori ekki að svara þér Jón Steinar, en já . . fliss    

Kveðjur 

[runar (IP-tala skráð) 14.10.2009 kl. 13:22]

Að venju mælir þú heilastur. Hinn venjulegi Íslendingur hefði gott að fá pistla þína beint í æð.

Hinn venjulegi Íslendingur hefur ekki hugmynd um það hve dýrt, slæmt, óréttlátt umhverfi býr handan hafsins, í austurátt.

Ég gerðist svo djarfur (heimskur) að kaupa mér hús í danmörku 2007. Ég er að læra verkfræði og taldi danmörku vera fyrirheitna landið fyrir námsmann með haug af börnum.

Til að gera langan texta stuttan þá hafði ég rangt fyrir mér...SVO RANGT !!!

Fasteignagjöld+skyldutrygging af húsnæði er um 700 þúsund. ég keypti bíl, bílasalinn trúði mér fyrir því að  ég fengi 3 sambærilega á sama verði aðeins sunnar, í Þýskalandi.

Ég borga 75 þúsund á mánuði í orku (samt er slökkt á ofnunum í 7 mánuði á ári + 50 þúsund sem ég nota til kaupa á eldivið).

40 þúsund borga ég í "græn gjöld, vistvæn" af bílnum mínum.

Skylduáskrift af DR er um 28 þúsund.

Ég fæ engar vaxtabætur, því ég er námsmaður.

Á Íslandi borgar maður ekki fasteignargjöld ef innkoma er enginn, ég fæ fullar vaxtabætur á sama tíma. 

Ég var einn af hinum "upplýsinga fötluðu" áður en ég flutti út, en það hefur harkalega breyst, nánast í 180 gráður !!

Janteloven í danmörku eru sögð byggð á jafnrétti allra... en ef grannt er skoðað þá er hið svokallaða "jafnrétti" aðeins leikur að orðum. Vissulega er hægt að kalla það jafnrétti, en jafnréttið hér er EKKI gert til að allir séu jafn sterkir, NEI, það vinnur þannig að allir eru jafn AUMIR !!!

Aumara land hef ég aldrei séð og hræsnin er ekki aðeins lýsingarorð hér.. nei hún er  innbyggð í umhverfið og fólkið.

Öll þessi háu gjöld sem lögð eru á farartæki hér eru útskýrð sem "græn" gjöld(bensín líterinn er t.d 250 kr). Gott og vel, ef verk stjórnarinnar væru jöfn í orði sem á borði þá væri ókeypis ( eða MJÖG ódýrt) í almenningsfarartæki, ekki rétt??

Nei hér kostar um 600-800 krónur í strætó örstutta vegalengd og þurfti ég að standa í stappi við að fá ókeypis strætókort fyrir 11 ára dóttur mína.

danmörk er land hræsninnar og byggist innviði þjóðarinnar á því að vinda ALLA mögulega fjármuni út úr þeim sem eru það heiladauðir að kaupa nokkurn skapaðan hlut, t.d fasteign !!!

En hér er aftur á móti paradís að finna fyrir framkvæmdalausa, heiladofna meðalmennsku... fólk sem er sátt við að afsala sér frumkvæði, afsala sér metnaði og afsala sér sjálfstrausti !!

Leigja af kerfinu, lifa af kerfinu, fylgja kerfinu, tilbiðja kerfið...aumari þegnar finnast varla !!!!

[runar (IP-tala skráð) 14.10.2009 kl. 13:26]

Afsakaðu Gunnar, svar mitt tengdist ekki beint pistli þínum, en ég þurfti bara að blása aðeins út.

[Loftur Altice Þorsteinsson, 14.10.2009 kl. 13:52]

Rúnar, þótt Gunnar hafi nefnt margt miður skemmtilegt um Gosenland Sossanna, þá hef ég ekki talið Danmörku mjög slæmt land til búsetu. Frásögn þín er hins vegar svo svakaleg lýsing, að nú hljóta allir að leggja við hlustirnar.

Ef Sossarnir væru færir um rökræður, gætum við spurt þá hvort það sé Danmörk sem þeir sjá í hyllingum. Ef það er ekki Danmörku, hvaða land í Evrópu telja þeir eftirsóknarvert að líkja eftir ?

Auðvitað þarf ekki ESB-aðild til að líkja eftir ákveðnu landi, en varla getur verið að Sossarnir séu að sækjast eftir meðaltali ESB. Eina landið í Evrópu sem mér finnst aðlaðandi er Þýðskaland og þá vegna smáu bæjanna. Stórborgir eru allsstaðar eins, að mínu mati og óaðlaðandi til búsetu. Að öðru leyti hef ég ekki sterkar meiningar um Þýðskaland.

Hvers vegna skilgreina Sossarnir ekki hvað það er sem þeir eru að sækjast eftir í Evrópu ? Þeir kljúfa Íslendskt samfélag í herðar niður, vegna draumóra sem þeim er um megn að skilgreina. Ástandið er orðið mun verra en það var á Kaldastríðsárunum, þegar tekist var á um herstöðvar og NATO-aðild. Eru Sossarnir af öðru mannkyni en við hin ?

[runar (IP-tala skráð) 14.10.2009 kl. 17:30]

Sammála þér í öllu, Loftur.

En þótt frásögn mín sé lyginni líkust þá legg ég æru mína undir í því að hvert og eitt orð er sannleikanum samkvæmt !!

Danmörk hefur vissulega margt ágætt í sínu horni, en til að njóta ávaxtanna hér, þá þarftu í raun að afsala vissu magni af metnaði og stolti.

Ég lendi reyndar frekar illa í ástandinu sökum húsnæðiskaupa meðan á námi stendur (og meðfæddum eiginleika í að vera of stoltur til að grenja út allar þær mögulegu aumingjabætur sem ég kann að krækja í).

Margir samnemendur mínir upplifa eflaust allt annan veruleika því þeir, flestir hverjir, fluttu ekkert út nema sjálfa sig og uppskera því ríkulega úr vösum hokinna skattgreiðenda hér í Danmörku.

En ástandið er staðreynd og hef ég talað við nokkra efnilega samnemendur mína, Dani, sem ætla/íhuga að yfirgefa land eftir að námi lýkur sökum þessarar aumingja/meðalmennsku sem hér er talin dyggð.

[Gunnar Rögnvaldsson, 14.10.2009 kl. 19:39]

Takk fyrir innlitið Rúnar. 

Já það er ekki allt grænna hinumegin við hafið. Ég hef oft rekið mig á að það sem Íslendingar halda um þjóðfélög Evrópu er mjög oft byggt á draumórum og óskhyggju. Það er mín skoðun að íslenska samfélagið sé um margt hinum evrópsku langtum betra og örlátara. Það verður mörgum Íslendingum því oft mikið áfall að þurfa að falla niður á evrópskt level.

En eins og ég hef alltaf sagt. Það besta við Danmörku eru Danir sjálfir því þeir eru gott fólk og frændur okkar. En þeir eru bara ekki eins heppnir og Íslendingar eru með landfræðilega legu lands síns. Að hafa þurft og að þurfa að búa við 80 milljón Þjóðverja og 60 milljón Frakka í túnfæti Danmerkur er ekki alltaf auðvelt. Valkostunum fækkar svo mikið miðað við legu Íslands þegar menn hugsa út í þessa hlið málsins. Ef Danir væru í sporum Íslendinga þá hefðu þeir aldrei gengið í ESB.

En eins og þú hefur greinilega upplifað þá kostar 32 ára stanslaust massíft atvinnuleysi samfélagið mikið.  Atvinnuleysi í Danmörku hefur aðeins farið niður fyrir 6% í 4 ár frá 1977. Það gerðist á síðustu 4 árum. Þetta kostar. Þetta kostar mikið í velmegun. 

Kveðjur