Búrhænsni Evrópusambandsins sögðu já á Írlandi núna

Guði sé lof fyrir efnahagshrunið á Írlandi 

Það kom já út úr búrhænsnunum á Írlandi núna. Þetta er því endanleg niðurstaða. Endanlega endanleg. Ef það hefði komið nei hefðu Írar þurft að fara inn í búrin á ný og kjósa aftur. Þökk sé hrundum efnahag og ónýtri mynt Írlands kreistist út eitt blátt egg vegna mikils súrefnisskorts í hænsnabúrunum undanfarið. Eggið verður svo spælt í grísafitu á pönnu í Brussel 

Þegar að Evrópusambandinu kemur, þá eru öll kosningaúrslit sem auka völd Brussel álitin sem verandi endanleg úrslit kosninga. En öll kosningaúrslit sem eru andstæð því að aukin völd séu flutt til Brussel eru alltaf álitin sem einungis tímabundin kosningaúrslitúrslit 

Valdataka Brussel - Sannleikurinn um efnahagsmál Írlands 

 

Leiðari fyrir búrhænsni

Næsta skref forsprakka Evrópusambandsins sem vinna skattfrjálst á of háum launum í eina heilaga heimalandi sambandsins í Brussel, hlýtur að verða það að bráðnauðsynlegt sé að takamarka enn frekar völd og áhrif ríkisstjórna og stjórnmálamanna í aðildarlöndum sambandsins - og það sem allra allra fyrst. Takmarka völd heimilanna. Þeim rökum mun verða beitt að ekki gangi að ríkisstjórn eins lands steli atvinnutækifærum frá hinum löndunum með því að múta fyrirtækjum í heimalandi sínu til flytja störfin heim aftur þegar efnahagurinn brennur. Það sé náttúrlega ekki samþykkjanlegt að gera fyrirtækin háð svona lyfjagjöf eða hvatningu. Og svo er það náttúrlega ömurlegt að gera löndin háð fyrirtækjum sínum, það væri nú aldeilis voðalegt.

En bíddu aðeins. Var það ekki einmitt þetta sem Neelie Kroes samkeppniskommisar ESB sagði við Financial Times á föstudaginn? Jú reyndar. En það er einmitt þetta sem ESB gengur útá. Það gengur út á að leggja niður þjóðríki Evrópu í smá skömmtum. Í stað þeirra á að koma eitt stykki nýtt Sambandsríki Evrópu, United States of Europe. Þar mun sjálf sambandsríkisstjórn USE ráðskast enn meira með líf og limi þegnana, fyrirtækja þeirra og svo skammata áburði á milli héraða sem áður voru sjálfstæð ríki. En hvað með innflytjendastefnu ESB? Af hverju er í lagi að múta fólki til að flytja á milli landa og þá sérstaklega frá þeim löndum sem þurfa mest á sínu eigni fólki að halda við að byggja upp lönd sín eftir gereyðingu kommúnismans í Austur Evrópu? Eftir gjaldþrot áætlunarbúsakpar Moskvu í 45 ár. Er það í lagi? Er það bara í lagi vegna þess að það fæðast svo fáir nýjir skattgreiðendur í þeim löndum sem ráða öllu í ESB? Á sama tíma vill Brussel stoppa skattasamkeppni á milli landanna. Á hverju meiga löndin þá keppa sín á milli? Burtflognum hænum?

En hvað með Kína? Af hverju hættir ESB þá ekki að versla við kommúnistana í ríkisreknu Kína? Og hvað þá með fylkisríkisstjórnir Bandaríkjanna, sem lokka fyrirtæki til sín með skattaafslætti. Þarf ekki að stoppa þetta?

Verpið

Eiga þegnar Evrópusambandsins, sem bráðum fá hina nýju stjórnarskrá Brussel dregna yfir hausinn á sér eins og múldýr án kosningaréttar, að verða einu heimilislausu þegnar þessa heims? Bara svo þeir í Brussel geti haldið áfram að fá há laun og komist hjá því að greiða skatt í samtökum sem væri búið að loka ef þau væru lögleg? Og hvað með hinn risastóra hagnað á viðskiptajöfnuði Þýskalands við umheiminn? Eigum við að fjármagna þetta hrikalega ójafnvægi Þýskalands við umheiminn inn í rauðan dauðann? Hvernig væri að kaupa eitthvað af okkur hinum?

Hver bað um Evrópusambandið? Enginn. Enginn nema Brussel. Þetta er ennþá allt upp á gamla mátann hér í Evrópu. Eina byltingin hér sem kom neðanfrá, frá fókinu sjálfu, var hrun kommúnismans. Allt hitt kom að ofan, beint í hausinn á okkur. Það er því ekki undalegt að búið sé að banna gömlu ljósaperurnar í ESB. Það gæti nefnilega kviknað á einni þeirra aftur. FT; Kroes warns EU over ‘stealing’ car jobs

Fyrri færsla

• Vaxandi áhugi á gjaldþroti spænska, ítalska og þýska ríksins 

ESB fært um að hlusta á fólkið

Athugasemdir

[Hjörtur J. Guðmundsson, 3.10.2009 kl. 14:56]

Vinnubrögðin innan Evrópusambandsins eru á þá leið að í þau fáu skipti sem almenningur í ríkjum sambandsins eru spurðir álits á einhverjum samrunaskrefum innan þess (nokkuð sem allt er reynt til þess að komast hjá að gera) er búið að ákveða niðurstöðuna fyrirfram. Hún skal vera já.

Ef fólk segir nei er kosið aftur og aftur þar til niðurstaðan er eins og ráðamenn Evrópusambandsins vilja og þá er aldrei kosið aftur. Nei þýðir ekki nei að í orðabók sambandsins heldur í bezta falli kannski seinna.  Já þýðir hins vegar óumbreytanlegt og endanlegt já.

Eins og Wall Street Journal skrifaði fyrr á þessu ári er niðurstöðum kosninga hagrætt víða í heiminum til þess að fá "rétta" útkomu en hjá Evrópusambandinu er bara kosið aftur og aftur þar til "rétt" útkoma fæst og þá er aldrei kosið aftur. Í báðum tilfellum er um að ræða fullkomna fyrirlitningu á lýðræðinu.

Þessi vinnubrögð Evrópusambandsins eru hliðstæð og ef kosið yrði árlega á Íslandi til Alþingis þar til Sjálfstæðisflokkurinn fengi hreinan meirihluta á þinginu og þá yrði aldrei kosið aftur.

Og nú hafa Írar fengið að kenna á þessum vinnubrögðum. Reyndar ekki í fyrsta skiptið.

[Ómar Bjarki Kristjánsson, 3.10.2009 kl. 15:08]

Frábær niðurstaða.  Yfir 60% samkv. síðustu tölum.

Nú bara verða tékka forseti að undirrita sáttmálann strax. 

Allt hið besta mál.

[Júlíus Björnsson, 3.10.2009 kl. 18:36]

Einmeitt frábært fyrir hæfan meirihluta innan EU. Frábært fyrir þá sem hafa byggt ályktanir sínar á ákvæðum Lissabonsamnings því þeir verða ekki sakaðir um neina óraunhæfa spádómagáfu.

Nú byrjar nýtt skeið hjá hæfum meirihluta í anda fullkomnunar áráttu hvað hagsýni varðar. Niðurskurður á öllum óþarfa innan sameiginlegrar stjórnsýslu. Þetta bruðl sem allir sammál um að sé óþarft það er almenningur ekki EU þingið sjálft eða skoðana nefndirnar. Atvinnuleysi verður að hluta fært úr menntageiranum yfir í hermennsku.  Eðlilegt atvinnuleysi farandlaunþegageirans verður áfram og jafnt stærðahlutfalslega milli Meðlima-Ríkjanna. Einfaldlega af því það þjónar arðbærissjónar miðum [hæfs meirihluta] heildarinnar.

[Elle_, 4.10.2009 kl. 00:12]

United States of Europe, ha?   Snilldar-orðaforð, Gunnar.  Megum við hin nota þetta USE orðalag?

[Elle_, 4.10.2009 kl. 00:17]

Átti að vera orðaforði.   En ætli þetta verða ekki svona þegar við fellum inngöngu í EU?  Nei-ið verður ekki metið sem nei, heldur kannski?  Og við verðum pínd inn í USE-himnaríki.

[Júlíus Björnsson, 4.10.2009 kl. 01:06]

GDP EU   14.910.000.000.000-

GDP USA 14,260.000.000.000-

GDP Kína  7,973.000.000.000-

Skipting vinnuafla

Ísland.

Landb. 3%   Iðnaður 19% Þjónusta 78%

EU

Landb. 6% Iðnaður 28% Þjónusta 67%

Kína.

Landb. 43% Iðnaður 25%  þjónusta 32%

Lítum á 500.000 milljónir [íbúatala EU] og sleppum fátækum sjálfþurftarbændum.

 Þá er Kína með um 50% í iðnað og 63% í þjónustu.

Hver ógnar GPD EU mest í framtíðinni.?

[Haraldur Baldursson, 4.10.2009 kl. 09:49]

Írski sigur ESB byggir á blöndu af loforðum og hótunum. Þegar til atkvæðagreiðslu á Íslandi kemur (verði þjóðinni boðið upp á að kjósa) mun sama aðferð verða notuð. Okkur verða boðið gull og grænir skógar í bland við hótanir um allt og ekkert. "Málsmetandi" menn verða keyptir til þægðar og fengnir til að sannfæra aðra þá sem leggja traust til þessara "þjóðernissinna". Ríkisútvarpið verður notað til áróðurs og þáttastjórnendur munu leggja allt undir í að sannfæra landsmenn..... vitanlega er allt þetta þegar byrjað og við erum á bullandi siglingu inni í þessu ferli nú þegar. Írska leiðin er í gangi á Íslandi og ESB ÆTLAR að bæta Íslandi í safnið. Og þegar við erum komin í faðm ESB, verður okkur aldrei hleypt út aftur...aldrei !

[Valsól (IP-tala skráð) 4.10.2009 kl. 11:20]

Ég vill ganga í ESB út af því að ég vill að börnin mín standi jafnfætis öðrum íbúum Evrópu þegar kemur að því að þau langi til að kaupa sér þak yfir höfuðið.

Vissir þú að vextir munu lækka um 228 miljarða á ári, já á hverju ári? Þetta þýðir að við þurfum að leggja minna á okkur til að endar nái saman, sem svo aftur þýðir að við getum eytt meiri tíma með börnunum okkar. Þetta verður mesta kjarabót sem íslenskur lamenningur mun nokkurn tíman standa til boða.

Ef tekið er lán upp á 10 miljónir í íslenskum krónum til 40 ára þá þarftu að borga miðað við að allt væri í þessu fína og 5% vexti og 5% verðbólgu, þá yrði það ekki minna en 90 miljónir til baka. Ef þú tekur sama lán í Þýskalandi, þá borgar þú til baka á 40 árum 12 miljónir. Þú vilt sem sagt að börnin þín þurfi að borga 90 miljónir á sama tíma og þér gefst tækifæri á að bjóða þeim lán þar sem þau þurfa ekki að borga nema 12 miljónir.

Þetta er ótrúlegt, ég skil ekki svona, ég bara skil það ekki. Ef við breytum þessari upphæð í 20 miljónir, þá lýtur dæmið svona út. Annað hvort tekur þú íslenskt lán og borgar 200 miljónir til baka á 40 árum eða þú tekur lán í ESB landi og borgar 24 miljónir.

Mismunurinn á þessum lánum hann fer eitthvert, skilurðu, það er einhver sem setur hann í vasann, hann hverfur ekki bara, og ég get alveg lofað þér því að sá aðili vill ekki ganga í ESB. Ef við göngum í ESB, þá munu verða þeir mestu fjár flutningar á milli stétta á íslandi eins og aldrei áður. 228 miljarðar til almennings á hverju ári í formi lægri vaxtagreiðslna. Nú veit ég að einhver er ekki sammála mér um þennan mismun, en hvort sem mismunurinn fer í vasa einhvers eða hvort þetta var gjaldið sem við þurftum að borga fyrir að vera með krónu, þá skiptir það ekki máli, þetta eru fórnarpeniingar sem voru að sliga fjölskyldur landsins.

[Valsól (IP-tala skráð) 4.10.2009 kl. 11:29]

Gunnar, er ekki annars gott að búa í ESB landi?

[Gunnar Rögnvaldsson, 4.10.2009 kl. 12:05]

Þakka ykkur kærlega fyrir innlitið kæra fólk

Haraldur: já þétta er hárrétt greining hjá þér. Hér get ég aðeins kinkað kolli.  

Elsku Valsól. Þjóðverjar taka helst ekki lán því:

1. Það fæðast svo fá börn í Þýskalandi
2. Húsnæðismarkaðurinn er því lélegur vegna fólksfækkunar og lélegrar eftirspurnar
3. Raunverð húsnæðis hefur því lækkað um tæp 25% frá 2001 (beint tap)
4. Þeir leigja því þeir hafa oft ekki efni á að kaupa
5. Þeir hafa margir hverjir ekki atvinnu og hafa ekki haft hana síðustu 30 árin. Ekki haft atvinnu í eins miklum mæli og Íslendingar hafa haft. Engin vinna engin íbúð. 
6. Á meðan Íslendingar fengu 80% kaupmáttaraukningu á síðastliðnum 15 árum fengu Þjóðverjar 0% kaupmáttaraukningu. Því er t.d. auðveldara að borga af lánum sínum á Íslandi. 
7. Vextir á húsnæðislánum eru oft lægri á Íslandi en í ESB því verðtryggingin tryggir fjármagnseigendur. Þeir krefjast því oft lægri vaxta en í ESB.
8. Byrjunargreiðslubyrði verðtryggðra lána er alltaf lægri á fyrstu árunum en á óverðtryggðum lánum. Þetta gerir ungu fólki betur kleift að hefja búskap og komast inn á markaðinn.

Í mörgum löndum skuldbreyta lántakendur lánum sínum svo oft. t.d. á 3ja ára fresti, að erfitt er að bera saman kjör. Í hvert skipti sem skuldbreytt er bætist nýr kostnaður við höfuðstól og svo ný afföll. Mjög margir borga aldrei niður lánin sín.

Það er ekki hentugt að hafa lánstímann 40 ár. 30 ár er skynsamlegra.

Hvergi í Evrópu eiga eins margir sitt eigið húsnæði og á Íslandi.

Þú verður að bera saman lánin í báðum löndum á sömu verðbólgu.

Summa summarum: ef þú byggir í Þýskalandi Valsól þá ættir þú sennilega engin börn -  ekkert húnsæði - og værir atvinnulaus eða hefðir a.m.k verið atvinnulaus árum saman á síðustu 30 árum.

Það besta við að búa í Danmörku eru Danir. En nú er ég að flytja heim ti Íslands aftur. Börnin eru orðin stór og flutt til annarra landa. Þau geta sjálf núna. Takk fyrir umhyggjuna. 

Kvðejur

[Halldór Björgvin Jóhannsson, 4.10.2009 kl. 13:26]

Vissir þú að vextir munu lækka um 228 miljarða á ári, já á hverju ári? Þetta þýðir að við þurfum að leggja minna á okkur til að endar nái saman, sem svo aftur þýðir að við getum eytt meiri tíma með börnunum okkar. Þetta verður mesta kjarabót sem íslenskur lamenningur mun nokkurn tíman standa til boða.

Það má vel vera að vextir lækka, upp á móti þarf að koma eitthvað, heldurðu virkilega að þú komir allt í einu til með að eiga fullt af auka peningum á mánuði?

Svoleiðis virka hlutirnir bara ekki, ef það verður ekki hækkaður eignaskattur eða launaskattur þá verður það tekið út með lægri launum, svo að á endanum siturðu uppi með það sama í hverjum mánuði, tölurnar líta bara aðeins öðruvísi út.

Menn eru að tala um að það verði svo æðislegt í ESB því þá detta niður tollarnir, til hamingju því þá færðu að borga vörugjöld upp á svipaða upphæð eða eitthvað því líkt.

Ef þú átt að hafa meira á milli handanna í hverjum mánuði þá þarf það að fara af einhverjum öðrum (líklegast samstarfsmanninum sem var sagt upp), semsagt aukið atvinnuleysi.

[Júlíus Björnsson, 4.10.2009 kl. 14:06]

Meðlima-Ríki EU er öll með sínar eigin efnahagslögsögur. Innri fjármálmarkað. Vextir halda á fram að vera hér eins og áður. Enda eru þeir mismundi í Ríkjum EU í dag.

Vandamálið er tæknilægt hér því neysluvísitala til vaxtabreytinga viðmiðunar þegar veðið er Heimilsfasteign á heimamarkaði 80-100% af lánum Heimilanna, 30-50% af launum eftir skatta. Þessi vísitala er með ef rétt mæld gefur jafna grunn verðbólgu  um 2,0% á 30 árum.

Fasteignavísitala er hins laus við þessa skekkju og veldur lækkun   vaxta langtímalána með veði í fasteign þegar bólgu eða neyslu vístala veldur of háum vöxtum. 

Lán hér með veð í fasteign fastirvextir 5% og neyslubólguvaxtaleiðrétting í 30 til 40 ár.  

Jafngildir 30-40 ára láni  fastir vextir 7% og leiðrétt miðað við fasteignavísitölu.

Íslenska bankakerfið er með um 30-40% hærri vaxtaþörf en þau í flestum ríkjum EU og USA .(7/5*100% -1)= 40%.

Þetta er skýring á því hve þau uxu hratt samfara mikill þenslu á fasteignmarkaði í kjölfarið.

Fasteignavísitala vegur niður bólguáhrif neyslu sem veldur stöðuleika samanber USA og EU.

Leiðrétta fasteignavexti miðað við fasteignavístölu. þá má lækka vexti langtímalánanna til samræmis við USA og EU.

Fastakostnaður við Íslenska Bankakerfið er líki einn sá mesti í heiminum. Margar yfirbyggingar kosta sitt.

[Haraldur Baldursson, 5.10.2009 kl. 09:17]

Það sem þjóðverjar hafa fram yfir okkur íslendinga er fyrirhyggjusemi í fjármálum. Dagleg neysla þeirra er hófstilltari og þeir leggja sig fram um sparnað. Skýringanna er etv. að leita í sögu þeirra, því þeir hafa í gegnum ladirnar liðið.....

EN það er margt annað sem greinir okkur að....fókusinn hjá þeim á 1.persónu eintölu, sumarfrí og áhugamál er mun ríkari en hjá íslendingum. Er það slæmt ? Nei það er ekki slæmt svo fremi sem það gengur ekki það langt að börn komast ekki fyrir í jöfnunni. Þjóðverjar eignast ekki nógu mörg börn til að viðhalda samfélaginu. Það er nú þegar farið að skila sér í vanda, með því að íþróttastarfssemi þeirra er farinn að stilla sig inn á minnkandi þátttöku.

Af því tvennu vel ég því óráðsíu og barnseignir...

Áfram Ísland, ekkert ESB, út með AGS

[Haraldur Hansson, 6.10.2009 kl. 12:43]

Greinin um Írland, eftir Derek Scott, er áhugaverð. Það má kannski bæta einu atriði við allt það sem Scott nefnir, en það er skattlagning atvinnufyrirtækja á Írlandi. Það má svo setja í samhengi við Lissabon.

Írar hafa í mörg ár haldið sig við lága 12,5% skattlagningu á fyrirtæki og að auki notað ívilnanir til að laða ný fyrirtæki til landsins. Þó að skattamál séu ekki á forræði ESB felldu Írar Lissabon í fyrra, m.a. af ótta við að ESB setti puttana í skattalögin með dómum á grundvelli reglna um innri markaðinn.

ESB hefur (mis)notað dómstólana til að blanda sér í mál sem þeim kemur ekki við, m.a. skattamál. Ótti Íra var því ekki ástæðulaus. Dæmi eru um þetta frá Danmörku og Finnlandi. Írar fengu samþykkta bókun um að fá að vera í friði með þessi mál fyrir Brussel. Framtíðin leiðir í ljós hvernig það fer.

Á vegum ESB hefur nú verið starfandi 42 manna nefnd í fimm ár til að rýna í skattamálin. Aðallega vegna fyrirtækja með starfsemi í fleiri en einu landi, en þeir fara langt út fyrir þann ramma eins og skýrslur nefndarinnar sýna. Ég vona, Írlands vegna, að ESB standi við orð sín, en hef því miður enga trú á því.

[Gunnar Rögnvaldsson, 6.10.2009 kl. 18:15]

Þakka ykkur fyrir Haraldur Baldursson og Hansson og Júlíus

Það er oft undarlegt að heyra menn tala um yfirvofandi vandræði ríkisstjórnar Bandaríkjanna með að fjármagna bandaríska samfélagið í framtíðinni. Þegar nánar er skoðað og þegar maður les það sem t.d. AGS skrifar um öldrunartengd útgjöld ríkissjóða Þýskalands, Ítalíu, Spánar og fleiri landa í ESB - þá mun þessi útgjöld verða 400-600% af landsframleiðslu þessara landa á ári hverju. Bandaríkin verða í samfélagslegri skemmtiferð á meðan ESB er að deyja.  Allt sem heitir velferðarsamfélag mun sjálfkrafa verða lagt niður í ESB. Það er sjálfgefið. 

Ef sjálft myntbandalagið á að halda í svona sjóferðalagi hinna risastóru elliheimila ESB þá verður að sameina skuldir og skatta. Myntbandalagið mun aldrei lifa af í svona innri togstreitu. Það verður að sameina fjárlög ríkja ESB - og þar með einnig skatta. Sem dæmi má einnig nefna innri fjármálamarkað ESB. Sá markaður mun heldur aldrei komast almennilega á koppinn nema að skattheimta verði sameiginleg. Ekki vilja ríkin láta önnur ríki sambandsins brenna gat í kistu síns eigin ríkissjóðs.

Því verður að "samhæfa" og helst sameina skattheimtu. Og það er alveg 100% öruggt og algerlega skothelt að myntbandalagið mun ALDREI lifa af án pólitísks samruna  þeirra ríkja sem eru í því. Þetta er nú þegar orðið stórvandamál. Þekktir menn eru farnir að spá því að Þýskaland muni segja sig úr þessu myntbandalagi innan næstu 10 ára.

Góð lesning hér 

Ég mæli eindregið með lestri síðasta mánaðalega bréfs hans Niels C. Jensen hjá Absolute Return Partners í London, sem birtist með leyfi höfundar á heimasíðu Ed Harrison, Credit Writedowns;  A Country for Old Men and a Bit of Samba

[Júlíus Björnsson, 6.10.2009 kl. 18:59]

Ég vil líka árétta að vextir á lánum utan Íslands innifela í sér verðtryggingu með tilliti til lánstímans.

Langtímalán almennings er undantekningalaust verðtryggð  miðað fasteignagengi á heimamarkaði. [Mortgage rated or linked] Það mætti kalla á góðri Íslensku Fasteignaverðtyggingu.

Skammtímalán oftast verðtryggð miðað við neysluverðbólgu. Það mætti kalla bólguverðtryggingu [inflation rated or linked].   

Það er álitið óeðlilegt að blanda þessum verðtryggingum saman hér jafnt og í USA og EU.

IMF segir á heimsíðu sinni [m.ö.o] að vegna þess að almenningur hér á ekki rétt til fasteignaverðtryggingar, neyðist  til að sætta sig við skammtíma bólguverðtryggingar eða gengisverðtryggingar, þá sé ekki hægt að lækka stýrivexti vegna áhættu um gengisfall sem myndi að sjálfsögðu rústa eiginfé heimila algjörlega þótt ekki væri um að ræða nema nokkra mánuði. Skýring felst í rangri verðtryggingu. Samanber USA og EU.

Til þess að fella gengi verður að leiðrétta þessa vitleysu.  

Fasteignir á Íslandi eru ekki fasteignaverðtryggðar heldur bólguverðtryggðar með veði í heimilinu, sem er allt annað mál heldur en flestir hér virðast gera sér grein fyrir við undirritun lánasamnings. 

Segja burt með bólguverðtryggingu af heimilinu mínu.

EU sinnar ættu að vera fyrst til að afnema einokun bólguverðtryggingu.