Flugvél forsætisráðherra Íslands er loks tilbúin til millilandaflugs

 

Mynd: unnið við hleðslu flugvélar forsætisráðherra Íslands á nýjum flugvelli Reykjavíkur sem lagður var fyrir nýju vél forsætisráðuneytisins. Flugvélin sem er tólf hreyfla er af gerðinni K-7 og kom til landsins í kyrrþey. Braggar almennings sjást óljóst í bakgrunni myndarinnar. Þeir eru af gerðinni IceSave

Millilandaflug forsætisráðherra   

Margir hafa velt því fyrir sér af hverju forsætisráðherra Íslands, frú Jóhanna Sigurðardóttir, hafi ekkert persónulegt samband við starfs- og vopnabræður sína í Evrópusambandinu. Sumir hafa haldið því fram að það sé vegna hættunar á að hún yrði handtekin af yfirvöldum allra 27 ríkja Evrópusambandsins samtímis. Það er nefnilega orðið æ algengara að fólk í Evrópusambandinu sé dæmt í einu landi án vitneskju um jafnvel málshöfðun og svo handtekið því að fyrirvaralausu í öðru Evrópusambandslandi. Fólk er nú dæmt án þess að vita af því og krafist er útvísunar til þess lands þar sem afbrotið á að hafa verið framið

 

Mynd: ný flugvél forsætisráðherra Íslands undirbýr millilandaflug á nýjum flugvelli Reykjavíkur 

Evrópufræðingar sem eru hvað fremstir í Evrópuréttum á Íslandi hafa varað við því að forsætisráðherra yrði ef til vill haldið sem gísl erlendis þangað til annaðhvort; hún sjálf hafi borgað Icesave; eða að öðrum kosti hafi lent öllu Íslandi fyrri fullt og allt inn í Evrópusamsteypustöðina. Þessir Evrópufræðingar hafa ítrekað haldið því fram að þetta hafi komið í veg fyrir að ferðamál forsætisráðherra kæmust í farveg og skjól

Misskilningur byggður á fordómum og einangrunarhyggju 

En þetta er alger misskilningur, hvoru tveggja, segir í fréttatilkynningu frá forsætisráðuneytinu. Eina ástæðan fyrir staðfastri veru forsætisráðherra innandyra innanlands er einfaldlega sú að forsætisráðherra hefur verið að bíða eftir að fjármálaráðherra Íslands útvegi henni fjármögnun sem kostað geti hinn nýja glæsilega flugvélakost embættisins, og sem einnig gæti rúmað allar ráðgjafanefndir og 27 túlka ráðuneytisins samtímis. Aðstaða er einnig um borð fyrir útivist, skrifstofu- og ráðstefnuhald, svo og pönnukökubakstur. Flugþol vélarinnar er talið vera aðra leiðina til Brussel. Rjómaþeytari er í öllum vistarverum loftfarsins sem því er ekkert að vanbúnaði til millilandaflugs

Nýr framleiðandi og nýtt fjármagn 

Evrópusambandið hefur nú yfirtekið framleiðslu á þessari flugvélategund. Verkefnið hefur fengið nýja fjárveitingu og hlotið starfsheitið: Brussel's Flying Fortresses 

Athugasemdir

[Vilhjálmur Örn Vilhjálmsson, 17.8.2009 kl. 08:07]

Þessi vél mun gegna hlutverki meðal þjóðanna. Nú bið ég bara eftir afsökunarbeiðni frá þeim sem trúðu ekki á þetta væri hægt.

[Haraldur Baldursson, 17.8.2009 kl. 14:07]

Síðasti maður frá landi slökkvi ljósin

Nei annars....við skulum ekki láta hafa af okkur landið okkar án baráttu...verjumst

• ESB
• Verjumst risalánum sem á ekki að nota
• Verjumst risalánum sem á ekki að nota en yrðu notuð
• Verjumst AGS, stærsta innheimtufyrirtæki á jörðunni
• Verjumst þrælsótta

[Vilhjálmur Örn Vilhjálmsson, 17.8.2009 kl. 14:13]

Haraldur, mér þykir víst að þú munir ekki fá far með fljúgandi virki ríkisstjórnarinnar, með svona afbrigðilegar hugsanir.

[Haraldur Baldursson, 17.8.2009 kl. 14:37]

Ég fengi kannski að fljóta með í steingerfingaskápnum um borð....

[Sigurður Þorsteinsson, 17.8.2009 kl. 17:47]

Mér sýnist þetta líkjast einna helst skjaldborg. Hér er kannski komin skjaldborgin sem átti að slá um heimilin í landinu?

[Ragnhildur Kolka, 19.8.2009 kl. 23:03]

Hrædd er ég um að 12 hreyflar dugi ekki til að toga Steingrím upp úr ráðherrastólnum.

Til þess þarf ekkert minna en kjarnorkusprengju. 

[Jakobína Ingunn Ólafsdóttir, 20.8.2009 kl. 00:26]

Icesave skjaldborgin í baksýn sýnist mér. Flott flugvél. Vonandi gott pláss fyrir samninganefndir.