Samfylkingin: þjóðhættulegir öfgasinnaðir jafnaðarmenn og einangrunarsinnar?

Samfylkingin er tilbúin að selja landið okkar og veðsetja framtíð Íslands

Samfylkingin er meira að segja tilbúin að selja Ísland fyrir ekki neitt nema fyrir það eitt að fá að sitja áfram í þeim ráðherrastólum sem hún sat í þegar hún kom hruninu af stað með því að sofa dauðasvefni drykkjumannsins á verðinum í bankamálaráðuneyti Íslands. Hverjir aðrir en þjóðhættulegir öfgasinnaðir jafnaðarmenn gera svona lagað og það alveg án refsingar og sjálfsrannsóknar? Særa þeir svo í gegnum Alþingi Íslands svikaumboð til að fara með landið á uppboð erlendis. Einungis til að hefna fyrir stofnun lýðveldisins árið 1944. Þá öðlaðist Ísland það sjálfstæði sem Samfylkingin hefur aldrei þolað. Það eru aðeins 65 ár liðin 

Hvað gerir svo Samfylkingin?

Jú þeir velja dyramottu með rauðan varalit fyrir forsætisráðherra Íslands og sem getur ekki talað við neinn fyrir utan já já herbergið sitt. Ísland hefur aldrei verið eins vel og vandlega einangrað frá umheiminum eins og núna, bæði áhrifa- og stjórnmálalega séð. Einangarð á ögurstundu fyrir land og þjóð. Þetta er skandall! Alger skandall! Algerlega óhæf manneskja er sett í valdamesta opinbera embætti sem til er á Íslandi. Allt sökum heimsku nokkurra manna sem þjóðin kaus ekki. Fjósameistari, strengjabrúða og samverkamaður Samfylkingarinnar er svo einræðisherrann og kosningasvikarinn Vinstri höndin Græna á S. J. Sigfússyni. Hann heldur sér við völd með því að sýna kjósendum sínum bakendann á meðan hann nuddar framhlutanum framan í Samfylkinguna. Þvílík skömm. Þetta er frík show. Þetta getur ekki verið raunveruleikinn

Getur þetta orðið verra?

Nei! Þetta getur ekki versnað! Við erum með ríkisstjórn sem er að grafa lýðveldi Íslands stóra og varanlega gröf. Þessi gröf er grafin innanfrá á Íslandi! Hún er ekki grafin af óvinveittu erlendu afli. Nei! Hún er grafin af þeim sem áttu að vinna fyrir Ísland og vinna hart fyrir hagsmunum Íslands. Af fólki sem sór þess eið. 

Svik þessa fólks eru hrikaleg. Þetta fólk mun verða brennt á steðja sögunnar. Hamrað og brennt til ösku á steðja sögunnar. Þessu munum við ekki gleyma. Aldrei! 

71% þjóðarinnar kaus ekki Samfylkinguna. Munið það. Ég sendi þeim sem kusu Vinstri græna mínar samúðarkveðjur 

Fyrri færsla

• Lánstraust Evrópusambandsríkisins Lettlands lækkað niður í rusl. Hörmungar Lettlands ætla engan endi að taka 

Athugasemdir

[Vilhjálmur Örn Vilhjálmsson, 14.8.2009 kl. 22:19]

Hverju orði sannara hjá þér. Nú er frænka þeirra, Halvorsen í Noregi, að þeyta lúðurinn eftir pöntun. Sannkallað Frík Fantasy

[Haraldur Baldursson, 14.8.2009 kl. 22:38]

Hafi mönnum þótt hrunið hneyksli, hvað má þá segja um úrvinnsluna ? Aðeins eitt Samfylkingin tryggði að hún brást. Blóm og kransar vinsamlega afþakkaðir.

[Jón Kristjánsson, 15.8.2009 kl. 08:04]

........."þjóðhættulegir öfgasinnaðir" ....."svikaumboð"....."......heldur sér við völd með því að sýna kjósendum sínum bakendann á meðan hann nuddar framhlutanum framan í Samfylkinguna" ......"Þetta er frík show"......."Hamrað og brennt til ösku á steðja sögunnar"...... Þið félagarnir Vilhjámur Örn og Jón Valur eruð einstaklega aumkunarverðir. Mér finnst raunar að flest þessara orða eigi langtum betur við ykkur, sérstaklega þetta með "þjóðhættulega öfgasinnaðir" og  "frík show"......Flytjið bara til Bandaríkjanna og leggist undir Rush Limbaugh. Það ætti að vera maður að ykkar skapi. Mig grunar að ykkur skjöplist illilega með það hvernig sagan muni dæma þessa hluti.

[Hólmfríður Bjarnadóttir, 15.8.2009 kl. 09:35]

Mikil er ykkar reiði og þið eigið alla mína samúð. Mér er létt, því nú getur endurreysnin haldið áfram og það er gott.

[Páll A. Þorgeirsson (IP-tala skráð) 15.8.2009 kl. 12:44]

Varðandi ESB, þitt "uppáhald".

Hvað með Hagvöxtinn í Þýskalandi og Frakklandi ?

Hvað með ánægju finnskra bænda vegna inngöngu í ESB ?

Við fáum "allar fréttir" um ESB til Íslands, ennþá, ekki bara þær neikvæðu frá þér.

Vertu nú sanngjarn og góður strákur, ræddu líka þær jákvæðu

[Þórkatla Snæbjörnsdóttir (IP-tala skráð) 15.8.2009 kl. 12:45]

Gunnar Rögnvaldsson, hverju orði sannara, algerlega sammála þér.

[Halldór Björgvin Jóhannsson, 15.8.2009 kl. 16:24]

 því nú getur endurreysnin haldið áfram

Hvaða endurreisn á að halda áfram?, það hefur ekki verið nein endurreisn í gangi hér!

[Gunnar Rögnvaldsson, 15.8.2009 kl. 17:50]

Þetta er sennilega stafsetningarvilla Doddi. Það hefur átt að standa endurreiðin: => pólitískir útrásarvíkingar Íslands halda nú áfram að grafa landinu gröfina. Maður ríður sama hestinum aftur. Almenningur borgar brúsann. Í fyrsta útreiðartúr voru það hluthafar og fjárfestar sem treystu hæfileikalausum og blönkum grobbhönum Íslands fyrir fjármunum sínum. Núna fá þeir að borga aftur, tvisvar, restin af þjóðinni fær líka að borga núna og landinu blæðir út. Allt í boði þjóðhættulegra öfgasinnaðra vinstri jafnaðarmanna og kommúnista. Geldingar Sjálfstæðisflokksins slefa svo yfir líkinu og vilja fá að leika með í þrotabúrinu.

[Halldór Björgvin Jóhannsson, 15.8.2009 kl. 18:58]

Þetta er eflaust rétt ályktun hjá þér Gunnar.

[Guðmundur Jónas Kristjánsson, 16.8.2009 kl. 14:36]

Sæll Gunnar. 100% SAMMÁLA ÞÉR eins og alltaf. Samfylkingin er
pólitískt krabbamein í íslenzkum stjórnmálum sem þarf að úthýsa.
Hef marg oft bloggað um óþjóðhollustu þessa flokks, og þegar kommanir koma svo inn í landsstjórnina með henni fær maður á
tilfiningunna að í landinu sé ERLEND STJÓRN. Sbr icesave og hinir
hrikalegur Versalasamningar í tíunda veldi honum tengdir, svo og
ESB-umsóknin.  ALLT Í BOÐI hinnar HREINRÆKTUÐU Vinstristjórnar.
Þess vegna var ég fyrir miklum vonbrigðum með niðurstöðu Sjálfstæðisflokksins í ivesave og hvet á bloggi mínu í dag til
stofnunar ÞJÓÐLEGS BORGARALEGS flokks. Því ALDREI hefur verið
eins mikil þörf á slíku þjóðlegu stjórnmálaafli til að STANDA VÖRÐ UM
FULLVELDI Íslands og ÞJÓÐARHAGSMUNI Íslendinga, og EINMITT
Í DAG!

[Gunnar Rögnvaldsson, 16.8.2009 kl. 16:39]

Takk fyrir þetta Guðmundur Jónas.

Já þetta er ömurlegt og sérstaklega er það ömurlegt að Samfylkingin reynir allt til þess að nýta sér ótta þjóðarinnar til að spinna pólitískt gull á hamförum lands og þjóðar. Að sprengja ríkisstjórn í miðjum hamörfum þjóðar og lands gerir enginn flokkur nema flokkur þjóðhættulegra öfgasinnaðra jafnaðarmanna: SAMFYLKINGIN !

Þetta er ógnvænlegt og skelfilegt. Stærsta von mín, sjálft Alþingi, er að bregðast skyldum sínum og er núna notað sem pólitískt vændishús Vinstri Grænna og Samfylkingarinnar. Þetta er alger lágkúra. Alger SKANDALL !

Hvar í heiminum sér maður handjárnaða þingmenn eins og marga þingmenn Vinstri Grænna segja já við því sem þeir segja nei við? Þetta er pólitískt vændi. Þetta eru Kreml aðferðir! Vonbrigði mín eru ólýsanleg.

[Gunnar Rögnvaldsson, 16.8.2009 kl. 16:59]

Þakkir til Vilhjálms, Haralds sem og annarra hér fyrir innlitið

[Jón Aðalsteinn Jónsson, 20.8.2009 kl. 18:37]

Frábær pistill

[Gunnar Rögnvaldsson, 20.8.2009 kl. 20:41]

Þakka þér innlitið Jón Aðalsteinn

Kveðjur