Það barst bréf frá Síberíu. Það er þá kannski ennþá smá von

Bréf frá Íslendingi í Síberíu 

Mikið gladdist ég við að heyra frá Davíð Oddssyni í Morgunblaðinu - og varð jafnframt glaður yfir að við skyldum náðarsamlegast FÁ LEYFI til að heyra frá Davíð Oddssyni. Það er ekki oft sem það berast bréf frá Síberíu íslenskra fjölmiðla og stjórnvalda þeirra. Þetta gefur ákveðna von. Vonin er fólgin í því að það sé ekki endalaust hægt að komast upp með að afvegaleiða alla íslenksu þjóðina í gegnum ríkisstjórn Íslands í KREML 101

Takk Davíð Oddsson! Takk!

Takið vinsamlegast eftir því að Davíð Oddsson talar ekki Evrópumálið. Talar það ekki. Hann talar Íslenskuna - og það helvíti vel  

 

Fyrri færsla

Treystir þú þessu fólki til að gæta hagsmuna Íslands og Íslendinga? 

Athugasemdir

[Haraldur Baldursson, 5.7.2009 kl. 17:52]

Stjórnmálin eru skrítinn. Það er augljóslega pláss fyrir Davíð, bæði í umræðunni og í stefni stjórnmálaflokks. Sjálfstæðisflokkurinn virðist á orði og æði ekki reiðubúinn að taka við honum. Staðreyndin er þó sú að skýrari stefnu vantar þaðan. Stefnu frá ESB, stefnu fram á við. Davíð gerði best í því að stofna nýjan flokk. Hægri flokk, sem etv. mætti kalla Íhaldsflokkinn, nema betri nafngiftir fæðist.
Það er þörf á kalli nokkur ár í viðbót, þó það kosti hann vel til unna hvíld, frá stjórnmálum.

[Árni Gunnarsson, 5.7.2009 kl. 23:21]

Það er alveg makalaust hversu vel Davíð Oddssyni tekst alltaf að kjafta sig frá ábyrgð raunveruleikans. Sennilega verður það bara að lokum misskilningur Íslandssögunnar að hann hafi verið arkitektinn í sölu ríkisbankanna og síðan yfirmaður Seðlabankans í öllum aðdraganda bankahrunsins. Og sögufölsun þetta myndbrot sem við sjáum stundum í fréttatímanum þar sem hann heldur skálarröðuna í opnun útibúsins í London og þakkar sér útrás bankanna. Og lygi að hann hafi afnumið bindiskyldu bankanna og sagt að hún væri orðin úrelt fyrirbæri. Og misskilningur að hann hafi sagt að gjaldeyrisforði okkar í febrúar 2008 væri með því mesta sem gerðist í heiminum. Og um svipað leyti sagt í blaðaviðtali í Englandi að staða íslensku bankanna væri afar sterk og hvatt til þess að fólk stefndi sparifé sínu þangað.

Svo eitthvað sé nú nefnt.   

[Gunnar Rögnvaldsson, 6.7.2009 kl. 01:17]

Kæri félagi minn Árni 

Hvers vegna eru menn að amast útí að ríkisbankarnir hafi verið einkavæddir? Átti Ísland að halda áfram að vera með ríkisrekið bankakerfi?  Ef já. Af hverju? Af öllum aðilum, af hverju ætti ríkið yfirhöfuð að geta rekið banka, landinu til góðs?  Það er ekkert til sem er verra en að hafa pólitíkusa með fingurinn á gikk fjármagnsins. Því er þá yfirleitt alltaf mjög illa varið og oftast helst varið í gæruverkefni pólitíkusa. Hvernig ættu pólitíkusar að vita hvaða aðilum og fyrirtækjum ætti að lána peninga? Hvaðan ætti sú vitneskja að koma?  Hvaða vörur og þjónustur ætti að fjármagna? Þetta er eins og að láta pólitíkusa stýra hvernær og hvar það rignir fyrir bændur, eða ekki.   

Það sem Davíð Oddsson er að reyna að gera almenningi og stjórnmálamönnum ljóst er það að við skattgreiðendur og allir landsmenn sem búa á Íslandi núna og í framtíðinni viljum ekki vera gerð ábyrg fyrir illareknum bönkum sem fóru í þrot vegna glæframennsku stjórnenda og stærstu eigenda bankanna. Við neitum að borga fyrir þeirra glæframennsku. Þetta fordæmi verður að setja. Hingað og ekki lengra. Illa rekin fyrirtæki eiga að fara á hausinn og deyja.  Við, öll þjóðin, viljum ekki bogra fyrr mistök fárra manna. 

Davíð reyndi að koma í veg fyrir að fámennur hópur manna gætu svo að segja eignast alla bankana. Hann vildi dreift eignarhald. Það tókst því miður ekki. Ég veit ekki hvers vegna þetta mistókst. En eitthvað kom í veg fyrir þetta. 

Hvað varðar hlutfall bindiskyldu Árni, þá var hún að mestu afnumin fyrir árið 1991. Sjá mynd 

 

En þetta með bindiskyldu á Íslandi náði alls ekki til reksturs Íslenskra banka í útlandinu. Þessutan þá varð að uppfylla þennan bölvaðan EES samning sem gildir á öllu efnahagsleysissvæði ESB og sem við erum aðilar að (því miður í sumum tilfellum) og hærri bindiskylda en var leyfð þar hefði verið kærð samstundis.

Það er heldur ekki ósannindi að gjaldeyrisforði SBI var með stærsta móti miðað við stærð þjóðarframleiðslu Íslands. En hann var alls ekki hugsaður sem björgunarhringur til að bjarga þeim vonlausu og til að halda uppi háu gengi fyrir hina vonlausu. Davíð marg marg varaði við stærð bankakerfsins miðað við efnahag Íslands. 

Stór hluti banka á heildsölumarkaði peninga í Þýskalandi eru í eigu þýska ríksins Árni (Landesbank í hverju ríki/fylki Þýskalands). Þessir bankar eru afar illa settir núna. Þeir hafa sko ekki komið betur úr úr fjármálakreppunni en einkabankar Þýskalands. Svo það að bankar séu í ríkiseigu hindar ekki að þeir fremji sömu og verri afglöp en bankar sem eru almenn hlutafélög.

Þú veist það einnig jafnvel og ég Árni að það var FJÁRMÁLAEFTIRLITIÐ sem hafði eftirlit með bankarekstri á Íslandi. Það var ekki Seðlabanki Íslands. Sama sagan er á Írlandi. Þar var eftirlit með bönkum tekið frá Írska seðlabankanum og sett yfir í "fjármálaeftirlitið" (eða réttara sagt fjármálaeftirlitsleysið). Fjármálaeftirlit Ísland var undir höndum Samfylkingarinnar. Það brást hörmulega. 

Davíð Oddsson er einnig að reyna að gera almenningi og stjórnmálamönnum ljóst að þeir verða að tala máli Íslands. Þeir eiga að vera okkar menn en ekki menn útlendinga og óvina okkar í þessari deilu. Þetta nefnilega ER deila á borð við landhelgisstríðið og jafnvel ennþá stærra mál. Ríkisstjórn Íslands verður að vera ríkisstjórn Íslands en ekki ríkisstjórn Evrópusambandsins á Íslandi. 

Þetta er alveg ömurleg stjórn og ég er alveg RASANDI reiður yfir því hversu létt Vinstri grænir ætla að hlaupa burt frá ÖLLUM kosningaloforðum sínum og gersamlega gleyma að það er fyrst og fremst þjóðarhagur sem þarf að vinna að og fyrir. ég taldi Vinstri græna EKKI vera landsöluflokk. En hvað sjáum við núna? Þeir hafa selt sálu sína til Samfylkingarinnar og er núna nauðgað og misþyrmt í bak og fyrir að algerum geðþótta Samfylkingarinnar. Alveg eins og Sjálfstæðisflokkurinn lét nauðga sér í hörmulegri ríkisstjórn með Samfylkingunni. Þetta voru hræðileg mistök hjá Sjálfstæðisflokknum, já. Vinstri grænir eru nú að feta í fótsporin. Þetta verður að stoppa!!   

Kveðjur til þín 

[Karl Ólafsson, 7.7.2009 kl. 01:52]

Sæll Gunnar, ekki að ég ætli að svara fyrir Árna, um það er hann fullfær sjálfur, en mig langar hins vegar til að leggja aðeins orð í belg út frá athugasemd þinni hér á undan.

Að gagnrýna framkvæmd einkavæðingar bankanna sem og annarra ríkisfyrirtækja er ekki endilega það sama og að vera á móti sölu fyrirtækjanna. Hins vegar var ekki í lagi hvernig staðið var t.d. að vali fjárfesta sem fékk að kaupa bankana (helmingaskiptin svokölluðu) og það umhverfi sem þeim var búið til að starfa í var að sjálfsögðu aldrei í lagi, það sjáum við nú.

Hvað varðar Davíðs viðtalið þykir mér því miður sem oft áður að menn blindast af eldmóði þegar Davíð talar, bugta sig og ákalla goðið og biðja þess heitast að hann snúi aftur í stjórnmálin. Hann hafi lausnirnar. Því miður felst hins vegar einmitt oftast mestur sannleikurinn í þeim atriðum sem Davíð ræðir ekki í svona viðtölum, ekki í því sem hann segir. En sannfæringarkraftur hans er mikill og margir falla í þá gildru að trúa því að allt sé satt og rétt sem hann segir og það sé líka allur sannleikurinn. Ég hef ekki þá trú.

Vel má vera að aukin bindiskylda hefði kallað á óvinsældir og jafnvel kærur. E.t.v. þurfti þá að taka þann slag með þeim rökum sem Davíð notar núna; að hann hafi séð hvert stefndi; og því hefði e.t.v. mátt sannfæra ESB/EES kærunefnd eða dómstól eða hvaða batterí sem tæki á slíkri kæru um réttmæti aukinnar bindiskyldu. Í staðinn var aðeins beitt hækkunum stýrivaxta sem gerðu ekkert annað en að auka á vanda heimila og fyrirtækja og kalla yfir landið enn meiri spákaupmennsku sem átti sinn þátt í því að yfirkeyra gengi ISK með þeim afleiðingum sem við sjáum í dag. Og þegar þetta virkaði öfugt kom Davíð fram og sagði að þegar meðalaskammtur dygði ekki þyrfti stundum að auka skammtinn og þar með hækkaði hann bara stýrivextina enn meira. Sum meðalagjöf drepur hins vegar vegna eitrunar sem hún veldur í of stórum skömmtum!

FME brást algerlega, þar erum við sammála. Það að FME skyldi heimila LÍ að gangsetja ránsherferð sína í Hollandi í maí 2008 er skandall sem hlýtur að eiga eftir að fá sinn dóm í uppgjöri mála, þó ekki verði fyrr en eftir 3-5 ár. En mér er farið að leiðast verulega dilkadráttur manna á alla vegu. Að gagnrýna VG fyrir það að neyðast til að leggja til að Alþingi samþykki þann samning sem nú er á borðinu v. Icesave, samning sem að mestu lá efnislega fyrir í nóvember, er ódýrt ábyrgðarafsal þeirra sem vita betur (og ég er ekki VG maður). Að segja að Sjálfstæðisflokkurinn hafi látið Samfylkinguna nauðga sér er fyndið (og ég er ekki Samfylkingarmaður). Hvað verður að stoppa? Og hvað viltu fá í staðinn? Sjálfstæðisflokkinn í ríkisstjórn? Og hvað heldur þú að þeir muni gera öðruvísi? Og með hverjum viltu að þeir starfi?

Það er enginn kostur í stöðunni núna annar en að Alþingi samþykki Icesave samninginn. Og til þess að hægt verði að greiða hann í fyllingu tímans er ekki annað í stöðunni en að gera allt sem hægt er til að koma hjólum atvinnulífsins og hagkerfisins í gang aftur. Það gerum við ekki með því að stinga hausnum í sandinn og neita að samþykkja samninginn. Við megum alveg vera sár og reið yfir því að þurfa að samþykkja slíkan afarkostasamning og við getum verið gallhörð á því að við ættum aldrei að hafa þurft að fá þessa ábyrgð á okkar herðar, en við breytum því ekki héðan af, sama hvað draumóramenn segja.

[Gunnar Rögnvaldsson, 7.7.2009 kl. 02:47]

Kæri Karl.

Þú stingur einmitt hausnum djúpt í sandinn og hagar röksemdafærslu þinni eins og óábyrgur skuldasafnari sem ekki hefur í hyggju að greiða neitt þegar á reynir. Þú vilt fá stundarfrið til að geta byrjað að eyða um efni fram aftur. Þú vilt friðþægjaast, láta undan kúgun og þrýstingi. Þú vilt safna skuldum, sama hvað það kostar landið okkar. Til þess eins að geta gefið restina af líki Íslands til Evrópusambandsins. Þetta heitir friðþægingarstefna og hún var stunduð af til dæmis Neville Chamberlain forsætisráðherra Bretlands áður en Winston Churchill kom til og bjargaði hinum siðmenntaða heimi frá glötun. Okkur vantar svona mann, Karl. Okkur vantar ekki fleiri Chamberlain's því við höfum jú Samfylkinguna alla eins og hún leggur sig og svo herra Steingrím Joð, sem núna þjáist að illkynjaðri meðvirkni. Nema þá að hann sé geðklofi, miðað við kosningaloforð Vinstri grænna fyrir kosningar.

Það er alltaf annar kostur í stöðunni. Að segja að það sé einginn annar kostur er alger uppgjafahugsun sem verið er að reyna að heilaþvo þjóðina með. Það á alls ekki - BARA ALLS EKKI - að geta komið til greina að binda hendur og fætur núverandi og komandi kynslóða Íslands í svona svívirðilegt skuldafen sem þær bera ENGA ábyrgð á. Það ætti ekki einusinni að þurfa að ræða þetta.

Þetta er og verður aldrei annað en landráðaleg skemmdarverkastarfsemi sem þessi ríkisstjórn er að vinna að. Aðeins aular og gungur gangast að svona samningi. Algerir aular og vesalingar.

Hvað varðar penigastefnu Seðlabanka Íslands þá var hún ekki verk Davíðs Oddssonar. En já, - undir forsendum þeirrar peningastefnu sem þá var og er ennþá í gildi, og einnig undir forsendum hinnar omögulegu þrenningar Mundell-Fleming líkansins, þá var hækkun stýrivaxta eina færa og rétta meðalið sem hægt var að gefa. Nema náttúrlega að menn hafi viljað hengja Davíð Oddsson opinberlega í gálga fyrir að legga til að gjaldeyrishöft hefðu verið sett á þarna þegar engum datt í hug sú atburðarrás sem svo varð til í október 2008.

Nei, kæri Karl. Það hefði átt að hækka stýrivexti ENNÞÁ meira og miklu fyrr. Miklu miklu meira. Massíft! Já, það átti einmitt að refsa og koma í veg fyrir að menn færi í bankann til að troða eyrun á fyrirtækjum og heimilum sínum stútfull af ennþá meiri SKULDUM! Það hefði komið sér ákaflega vel núna í dag, ekki satt.

Kveðjur

[Karl Ólafsson, 7.7.2009 kl. 09:05]

Gunnar, þú ætlar mér mikið og þú ætlar mér miklar skoðanir sem ég hef ekki lagt fram. Ég hef ekki í hyggju að rökræða þetta frekar enda er þinn málflutningur því miður oft í sama anda og hjá ofurbloggaranum JVJ. Þér verður ekki snúið í hatri þínu á ESB og því ástæðulaust að reyna það. Þú ert oft með góða röksemdafærslu og mjög oft með ágætis gögn máli þínu til stuðnings. En þegar þú ferð að líkja smámenni og einfeldningi eins og mér við Chamberlain, þá finnst mér ekki lengur hægt að rökræða við þig.

Hafðu góðar stundir í ESB.

[Gunnar Rögnvaldsson, 7.7.2009 kl. 15:27]

Það er mjög mjög mörgum þegnum í ESB mjög illa við ESB Karl. En þeim er bara ekki boðið að kjósa um veruna sína í ESB aftur. Aldrei aldrei.

Sem dæmi sögðu stjórnvöld í Schleswig Holstein fylki Þýskalands í gær að ESB hafi eyðilagt innviði bankakerfis Þýskalands. Þessum mönnum er mjög illa við ESB. Mjög illa við þetta bákn. (EU blamed over German bank woes)

Þeir sem hafa prófað ESB Karl, er oft mjög illa við þetta ömurlega bákn og spillingarbæli über elítu Evrópu. Þeir hata ESB margir hverjir.

Ekki gleyma að Neville Chamberlain hafði mikið fram yfir Ríkisstjórn Íslands, þ.e. Samfylkinguna og stóran hluta Vinstri grænna: hann stóð nefnilega í góðri meinungu vegna eftirminnilegra áhrifa fyrri heimsstyrjaldarinnar fyrir Bretland og Evrópu. En þetta gerir ríkisstjórn Íslands alls ekki. Hún stendur algerlega í slæmri meiningu og vinnur ötullega að undirförulli skemmdarverkastarfsemi á landi og þjóð - á fullum launum!