Nýja grænmetisríkisstjórn Íslands opnar nýja Hárgreiðslustofu Ríkisins

Af hverju er ekki þjóðstjórn að störfum núna? 

Með engu lýðræðislegu umboði frá þjóðinni opnar hin nýja grænmetisríkisstjórn Íslands aftur Hárgreiðslustofu Ríkisins en í þetta skiptið einungis handa forseta Íslands. Í undirbúningi er einnig enduropnum Bæjarútgerða um allt land og Peningabræðsla Ríkisins mun einnig aftur hefja starfsemi sína með um 928 fullbúnum útbúum um allt landið. Stefnt er að því að ríkisstarfsmenn muni koma þjóðinni endanlega á hausinn á 80 dögum, ef vel tekst til. Samfylkingin mun leiða þessar aðgerðir nýju ríkiskirkjunnar eftir að hún gékk í hjónaband með sér meiri kommum.  

Fyrsta verkefni grænmetisríkisstjórnar Íslands er aðgerðarleysi í öllu sem nauðsynlega þarf að vinna í. Mikil áhersla verður lögð á að rífa strax niður þá stofnun sem varaði viðskiptaráðherra Samfylkingarinnar við því að hann væri að koma þjóðinni á hausinn með því að aðhafast aldrei neitt nema eitt: að vera í útrásaræði

Seinna verkefnið er að kveikja elda undir 928 útibúum Peningabræðslu Ríkisins með því að setja þeim markmið um hversu miklum verðmætum skuli brennt með góðri ráðgjöf ríkisstarfsmanna. Eins og allir kannast við af biturri reynslu þá vita ríkisstarfsmenn minnst af öllum lifandi veirum í heiminum um hvernig búa á til verðmæti. Almenningur mun svo bogra rekstur brennslunnar og verða fátækur að eilífu. En það mikilvægasta er að ríkisstarfsmenn hafi það gott og séu ánægðir með eigin hag og með hag Samfylkingarinnar. 

Ríkisbönkunum sett útlánamarkmið fyrir 2009 

Ríkisstjórn Jóhönnu Sigurðardóttir ætlar að setja ríkisbönkunum sérstök útlánamarkmið fyrir yfirstandandi ár. Þetta kemur fram í verkefnaskrá ríkisstjórnarinnar, en lögð er áhersla á að endurfjármögnun bankanna verði hraðað.
Ríkisstjórnin segist ætla að sjá til þess að fjármálastofnanir gangi hratt og örugglega til verks við að greiða úr vanda lífvænlegra fyrirtækja „á grundvelli gegnsærra og alþjóðlega viðurkenndra reglna.“ Ekki er nánari grein gerð fyrir hvernig staðið verður að verki en bætt við:
„Gætt skal sanngirni og jafnræði í þjónustu við fyrirtæki og huga sérstaklega að því að viðhalda virkri samkeppni.“
Hraða á verðmati á eignum nýju ríkisbankanna samhliða endurfjármögnun þeirra:
„Eyða þarf óvissu sem hamlar starfsemi bankanna, svo sem samningum við kröfuhafa, innlenda og erlenda, þar með taldar kröfur vegna innstæðutrygginga.“ 

Ríkisbönkunum sett útlánamarkmið fyrir 2009

Ha ha ha ha ha ha

 

Please: Let the Incompetent People Go Bankrupt 

 

Fyrri færsla:

Ísland lærir hratt: það fór finnsku og sænsku leiðina strax. En getur Samfylkingin lært? 

Forsíða 

Athugasemdir

[Vilhjálmur Örn Vilhjálmsson, 1.2.2009 kl. 20:44]

Þetta verður eins og í ævintýri.

Fyrst Kreppa I og nú Kreppa II the sequel.

Bacon, nei ekki Kevin heldur Óli, er enn í aðalhlutverkinu sem the straight 'airdresser, en nú þarf hann að leika með gay leikaranum Hýru stýru.

Þjóðin er neydd til að horfa á þetta.

[Guðmundur Jónsson, 1.2.2009 kl. 21:47]

Jóhanna og Steingrímur eru ekki fávitar og þau munu stíga varlega til jarðar þessa 80 daga sem þau eru umboðslaus vona ég. Ég á til dæmis erfitt með að sjá þessa fjölgun á seðlabankasjórum úr þrem í hóp fræðinga með bisnesgráðu fara í gegn um Þingið.  Þessar breytingar fela í raun í sér að til verður hópur bankastjóra sem fara með vald þeirra þriggja sem nú starfa, svokallað peningastefnuráð og þá verður kominn einn" óþarfur " bankastjóri til að skrifa undir, hann verður því að líkindum með neitunarvald sem getur gert Seðlabankann óstarfhæfan ?

[Loftur Altice Þorsteinsson, 1.2.2009 kl. 23:11]

Þakka þér Gunnar fyrir að minna mig á Grænmetisverslun ríkisins, sem ég satt að segja var búinn að gleyma. Ef ríkisstjórn Jóhönnu endurvekur Grænmetisverslun ríkisins úr svefni sem flestir héldu að myndi vara til eilífðar, hvers vegna mun hún þá ekki einnig vekja Skipaútgerð ríkisins, Ferðaskrifstofu ríkisins og Raftækjaverzlun ríkisins ?

Eins og þú veitst er Seðlabanki ríkisins stofnun af sömu tegund og fyrr nefndar stofnanir ríkisins. Þú veitst líka að peningastefna seðlabankanna er í andstöðu við hugsjón Sjálfstæðisflokksins um hinn "frjálsa markað". Ætli við verðum því ekki að una því, að nokkur bið verði á að Seðlabanki ríkisins verði lagður niður ? Ríkisstjórn Jóhönnu mun líklega ekki stuðla að því. Ég meinti auðvitað: Grænmetisríkisstjórn Íslands mun líklega ekki stuðla að því.

[Scorpion (IP-tala skráð) 2.2.2009 kl. 00:39]

Held þú ættir að tala minna um bæjarútgerðirnar. Veit ekki betur en sumir fyrrverandi bankaeigendur hafi eignast þær og kvótann fyrir slikk. Þetta notuðu þeir til að koma Íslandi á hausinn.

Hef alltaf lesið þetta blogg þitt af miklum áhuga því ég hef aldrei verið hrifinn af ESB ruglinu. En þó ég hafi aldrei kosið samfylkingu eða vinstri græna finnst mér þessi vefur detta mikið niður núorðið. Ef þú vilt láta taka þig trúanlegan þá talaru um ESB málin hér á "tilveran í esb" og stofnar svo IloveD.is til að tala um trúmálin.

[Gunnar Rögnvaldsson, 2.2.2009 kl. 13:45]

Þakka ykkur innlitið.

Það er víst ekkert launungarmál að ég álít Samfylkinguna vera stjórnmálaafl sem er andsnúið hagsmunum Íslands og beinlínis hættulegur sem stjórnmálaflokkur á Íslandi. Þetta sýnir sig best núna þegar það er komið í ljós, hjá öllum sem hafa augu, að Samfylkingin er óhæf til að sitja í ríkisstjórn því ábyrgðarleysi og undirförulskapur er þar helsta dagskrárefnið.

Ég vorkenni þó nokkuð Vinstri Grænum fyrir að þurfa að starfa með þessari flokksleysu sem kallar sig núna Samfylkingu, því hún er slæmt afl í íslenskum stjórnmálum og skaðvaldur þegar á reynir. Undanfarnir mánuðir hafa sannað það. En Vinstri Grænum óska ég alls hins besta og vona að þeir hafi manndóm til að sýna hreinskilni í parxís.

Þeir sem skilja ekki tvískinnungsstefnu Samfylkingarinnar ættu sér til aukins skilnings að lesa grein Birgis Ármannssonar á amx.is: Hvað varð um ESB-stefnu Samfylkingarinnar?

og skrif Björns Bjarnasonar (Stjórnarsamstarf við upphaf 1956 og 2009) sem hann skrifaði þegar þann 3. janúar og hafði þá og ennþá svo innilega rétt fyrir sér.

Geir H. Haarde hefur því rétt fyrir sér þegar hann skynjar að Samfylkingin sé stjórnmálaflokkur í tætlum.

Það er einnig slæmt fyrir þjóðina að hafa svona lélegan forseta sitjandi því hann er búinn að veðra sjálfum sér og þjóðinni til skammar út um allan heim á undanförnum árum. Hann ætti að vita betur en svo.

Kveðjur