Fjármagnsþurrð á evrusvæði. Ekki hjálpar evran Slóveníu

Slóvenía tók upp evru þann 1. janúar 2007.

Núna á þetta land í miklum erfiðleikum sökum fjármagnsþurrðar því enginn vill kaupa skuldir af ríkisstjórn Slóveníu. Þetta segja m.a. FT Deutschland og Forbes í dag. Ríkisstjórn Slóveníu hefur verið að reyna að afla fármagns til þess að geta fjármagnað björgunarpakka til handa efnahags landsins. Ætlunin var að afla eins miljarða evra sem átti að nota til þess að búa til efnahagslegan björgunarpakka. En engir kaupendur af skuldabréfum ríkisins hafa sýnt áhuga. Fjármálaráðherra Slóveníu varar nú við fjámagnsþurrð.

Svipað ástand er að myndast í mörgum smærri og stærri löndum myntbandalagsins.

Samkvæmt evruáhugamönnum er þetta það sem átti ekki að geta gerst ef maður væri í þessu myntbandalagi Evrópusambandsins.

Ef þú værir fjárfestir, myndir þú vilja fjárfesta í landi þar sem:

• ríkið ræður engu um gjaldmiðil landsins
• ríkið ræður engu um peningastjórn landsins
• ríkið getur ekki fellt gengið og ræður engu um gengið
• útflutningur bíður afhroð vegna þess að gengið er alltof hátt fyrir þig
• lækka þarf laun almennings með handafli yfir mörg ár
• ríkið er algerlega háð því hvernig gengur í Þýskalandi & Frakklandi og þar gengur næstum alltaf allt illa
• ríkið er meðlimur í hnignandi efnahagskerfi sem vantar 194 milljón nýja utanaðkomandi þegna fyrir árið 2035 til þess eins að viðhalda núverandi velferð og vinnuafli hinna 15 eldri landa Evrópusambandsins

 

 

Nei, það myndir þú ekki vilja. Það eru nefnilega til miklu betri fjárfestingakostir. Glitnir Banki skrifar því í dag um: Ágætlega heppnuð skuldabréfaútboð á Íslandi.

 

Slovenia’s Business Confidence Falls to Lowest on Record

 

 

Barnaskapur Samfylkingar á Íslandi . . 

 

Sá stjórnmálaflokkur sem hefur eins miklar og stórar væntingar til stofnunar eins og Seðlabanka Íslands og peningastefnunnar eins og Samfylkingin hefur til Seðlabanka Íslands er að mínu mati óhæfur til að sitja í sjálfri ríkisstjórn Íslands. Allar breytingar á högum og innviðum Seðlabankans eru dæmdar til þess að valda gráti og vonbrigðum hjá Samfylkingunni og öllum landsmönnum einnig, því það er ekki hægt að lifa upp til svona óraunhæfra og barnalegra væntinga til svona stofnunar.  Þetta er skrípaleikur, þráhyggja og því skaðvaldur í íslenskum stjórnmálum núna. Samfylkingunni væri nú og sennilega í fyrsta skipti á stuttri æfi sinni hollt að huga að því hvað sjálfu Íslandi er fyrir bestu og ekki eingöngu hvað Samfylkingunni þóknast sem hið undirgrafandi pólitíska afl á Íslandi í núverandi aðstæðum. Að koma með svona barnalegar kröfur í miðju IMF-prógrammi er stórhættulegt fyrir landið og nálgast landráð. 

 

. . og höfnunarárátta varaformanns Sjálfstæðisflokksins bætir blýgráu ofaná rautt

 

Þorgerður Katrín Gunnarsdóttir sem er varaformaður Sjálfstæðisflokksins eins og er, hefur einnig látið alvarlega þráhyggju byrgja sér sýn á vandamál þjóðarinnar. Fyrst segir hún að bandarískir aðilar sem tjáðu sig um komandi efnahagsvandamál Íslands hefðu þurft á endurmenntun að halda snemma árs 2008. Seinna segir hún einnig - og þrátt fyrir stórkostlega aðkallandi vandamál þjóðarinnar - að hugmyndir um þjóðstjórn á Íslandi hafi verði tímaskekkja þá þegar í október mánuði:

 

Við erum með mjög samhenta ríkisstjórn sem er algjörlega einhuga í því að það þurfi að takast á við þessa stóru erfiðleika sem við stöndum frammi fyrir, sem eru náttúrlega gengi krónunnar og efnahagsmálin í heild. Það eru raunverulegu vandamálin, ekki það hvað seðlabankastjóri segir eða einhverjir forstjórar fyrirtækja. Við þurfum að tala saman, en ekki svara fyrir einhverjar svona hugmyndir sem koma innan úr embættismannakerfinu.“ 

 

Það má þó segja Þorgerði Katrínu til hróss að hún, öndvert við Samfylkinguna, skildi að embættismannakerfið er einmitt embættismannakerfi.

 

Forsíða

 

Fyrri færslur:

Allt ykkur sjálfum að kenna

Angela Merkel fer á dráttarvélanámskeið 

 

Athugasemdir

[Haraldur Baldursson, 26.1.2009 kl. 13:33]

Ingibjörg Sólrún Gísladóttir (ISG) er veik. Það ber að harma. Öll þjóðin sýnir því skilning og óskar henni bata.

Á sama tíma eru fyrirliggjandi verkefni að líða fyrir það að traust ISG til þess varaformanns, sem síðasti landsfundur Samfylkingar valdi sér, er það lítið að hún stígur ekki til hliðar.

Valdataka ISG á kostnað svila síns Össurar skildi "óska-varaformann" hennar eftir með það sárt enni, að honum kom ekki til hugar að sækjast eftir varaformennsku.

Þó sárt sé að segja það þá líða tímasetningar ákvarðana ríkistjórnarinnar fyrir fjarveru ISG, því hún réttir ekki kyndilinn af sér til réttkjörins varaformanns.

Uppstokkun í ríkistjórn og sameining Fjármálaeftirlits við Seðlabanka hefur dregist von úr vitit af því að enginn þorir, eða má taka ákvörðun í Samfylkingunni.

Það sorglega er að þessi hiksti í framkvæmd breytinga er svo allur færður á reikning Geirs Haarde. Ég held að nær væri að fólk skoðaði hversu mikill sandur er kominn í starf Samfylkingarinnar, sandur sem ekki þyrfti að vera ef traust væri þar til staðar fólks á milli.

 Og nú er stjórnin fallinn vegna sjálfhverfra krafa Samfylkingarinnar. Ég vill hvetja fólk til að skoða verk/verkleysur Samfylkingarinnar í því ljósi að þau treysta ekki einu sinni hvort öðru. Samstarf við þau hlýtur því alltaf að vera ótraust. Hárprúðir læknar geta engu við bætt á þeim bænum til upphafningar slökum grunni.

[Þór Ludwig Stiefel TORA, 26.1.2009 kl. 14:57]

Þú vilt kannski bara halda áfram á sömu braut? Það hefur jú gefist svo askoti vel að hafa þessa krónu og það hefur ekkert að gera náttúrulega með ástandið í dag.

[Júlíus Björnsson, 26.1.2009 kl. 17:18]

Samkvæmt nýjustu fréttum alþjóða gjaldeyrissjóðsins [IMF] mun efnahagslegt hrun ESB draga með sér niður margar þjóðir utan einokunarbandalagsins vegna þess hve samþætting er mikil í viðskiptum aðila. Áður var þörf nú er nauðsyn að losa okkur undan samþættingar krafti ESS. ESB "var" gamalt vín á gömlum belgjum, sem nú er ódrekkandi sem hrein edikssýra.

[Gunnar Rögnvaldsson, 26.1.2009 kl. 17:31]

Jón Frímann: hvað kemur Slóvakía þessu máli við? Eru þeir kanski einnig í sömu vandræðum með nýju evruna sína?

Kveðjur

PS.: lesa fyrst, skjóta svo

[Loftur Altice Þorsteinsson, 26.1.2009 kl. 18:27]

Það er athyglisvert að sjá Gunnar, að þú ert aðdáandi Seðlabankans, þessa gamaaldags ríkisfyrirtækis sem búið er að sökkva þjóðarskútunni. Upphafsmenn kommúnismans myndu klappa fyrir þér vel og lengi.

Ég hefði haldið að þú skildir, að peningastefna seðlabankanna er í andstöðu við hugsjón Sjálfstæðisflokksins um hinn "frjálsa markað". Staðreyndin er sú, að seðlabankar og peningastefna þeirra er holdgerfingur ríkisrekstrar. Þeir sem eru fylgjandi seðlabönkum og afskiptum þeirra af efnahagslífinu, hljóta jafnframt að vera fylgjandi uppvakningum eins og Skipaútgerð ríkisins, Ferðaskrifstofu ríkisins og Raftækjaverzlun ríkisins.

Að þínu mati er óskalisti fjárfestisins eftirfarandi:

• ríkið ræður ÖLLU um gjaldmiðil landsins
• ríkið ræður ÖLLU um peningastjórn landsins
• ríkið getur fellt gengið og ræður ÖLLU um gengið

Þetta er EKKI ástand sem hugnast þeim sem skilja gildi "frjáls markaðar". Þetta er EKKI ástand sem Sjálfstæðisflokkurinn getur unað lengur við.

[Júlíus Björnsson, 26.1.2009 kl. 18:31]

Hversvegna er háir dráttarvextir betri en þrepaskattur í heimskreppu?

[Gunnar Rögnvaldsson, 26.1.2009 kl. 19:04]

Svo framarlega sem ég veit Loftur, þá eru allir peningar sem eru í notkun í heiminum gefnir út af einmitt seðlabönkum. Ef þú vilt ekki nota peninga þá er það allt í lagi.

En ef þú vilt nota peninga þá er alveg ágætis hugmynd að gefa þá út sjálfur og í samræmi við eigin efnahag og einnig ráða yfir þeim sjálfur.

Ég veit að sumum finnst betra að fara á hausinn með mynt annarra, þeim þykir það kanski fínna. En endurreisnin mun þá ekki fara fram með með þínu samþykki og samkvæmt þínum skilyrðum því þú átt ekki myntina. Hún mun fara fram án þinnar íhlutunar. Þú munt bara horfa á og samþykkja það sem verður hent í hausinn á þér.

Kveðjur

[Loftur Altice Þorsteinsson, 26.1.2009 kl. 20:48]

Ég get frætt þig um Gunnar, að seðlabankar gefa ekki út alla peninga í heiminum. Þar koma til dæmis við sögu myntráð og ef horft er aftur í tímann, hafa einstakir viðskiptabankar gefið út peninga. Margir fleirri hafa einnig gefið út peninga. Það sem skiptir máli varðandi útgáfu peninga, er að útgefandinn eigi verðmæti til að baktryggja sína útgáfu.

Þeir sem nota peninga í einhverju landi eiga heimtingu á, að baki þeim standi stoðmynt eða önnur verðmæti. Í raun eru peningar vaxtalaust lán til þess sem gefur þá út og lágmarks krafa hlýtur að vera að verðmæti þeirra sé viðhaldið. Seðlabankar eru vanir að svindla á þeim peningum sem þeim er trúað fyrir og það er ein megin ástæða kröfunnar um að þeir verði lagðir niður.

Það sem þú segir um "eigin mynt og annara" er tómur hugarburður og án allra tengsla við raunveruleikann. Ég fullyrði, að þeir sem hafa orðið gjaldþrota vegna gengishruns eru ekki að velta fyrir sér hvort myntin sem hrundi var þeirra "eigin mynt eða annara". Annars skil ég ekki hvernig hægt er, að halda því fram að veik innlend Króna sé þjóðlegri en sterkur innlendur Dalur.

[Auðun Gíslason, 26.1.2009 kl. 21:09]

Af einhverjum ástæðum eru Írar meðal þeirra, sem anda léttar vegna þess að þeim tókst að losna við eigin mynt!  Það væri ósköp gott að þú útskýrðir það fyrir oss fáfróðum.  Ég nefnileg skil ekki hversvegna ekki er búið að afleggja evruna og leggja niður Evrópusambandið, ef það er allt svona afleitt.  Skynsamar þjóðir hljóta þá að sjá hag sínum borgið án þess.  En Göran er ánægður.

[Gunnar Rögnvaldsson, 26.1.2009 kl. 21:13]

Myntráð eru alltaf tengd öðrum gjaldmiðlum gefnum út af seðlabönkum, Loftur.

Það síðasta sem Ísland þarf núna er sterk mynt. Það versta sem gæi komið fyrir Ísland núna er að fá sterka mynt því núna og á næstu árum verður eina vonin fyrir hagkerfin að vinna sig út úr vandanum í gengum útflutning. Þau sem hafa ekkert til að flytja út verða mjög illa úti. Ekki verða hissa á því að Bandaríkjamenn stígi það skerf á næstu árum að snarfella dollar til að boosta útflutningi. Ég er ekki að segja að það gerist. En EF ástandið veður nógu slæmt þá verða prentvélarnar látnar keyra miskunarlaust.

Þeir sem sitja á næstu árum með mynt sem þeir ráða engu um veða stærstu fórnarlömbin í þeim stóru breytingum sem verða á efnahagsmálum alls heimsins á næstu árum.

Kveðjur

[Gunnar Rögnvaldsson, 26.1.2009 kl. 21:18]

Ég held ekki að þú hafir fylgst vel með Auðun. Írar eiga á hættu núna að verða reglulega, algerlega, gersamlega og ófrávíkjanlega gjaldþrota (bankrupt) með evru á næstunni. Þökk sé mynt annarra.

Hætta í ESB eða verða gjaldþrota segir írskur hagfræðingur

[Loftur Altice Þorsteinsson, 26.1.2009 kl. 21:41]

Þú hefur þetta allt saman rangt Gunnar. Myntráð notar þau verðmæti til stuðnings, sem henta aðstæðum hverju sinni. Oftast á okkar tímum er það alþjóðlegur sterkur gjaldmiðill, en gull og silfur hefur einnig verið notað.

Ef þú vilt setja allt atvinnulíf í landinu í gjaldþrot, fellir þú auðvitað gengið sem mest. Við hin sem viljum viðreisn atvinnulífs og heimila, viljum sterkan gjaldmiðil sem hjálpar þjóðinni og dælir ekki verðbólgu inn í hagkerfið.

Ég hélt að allir væru búnir að skilja hvílík firra sú hagfræðikenning er, að smá og vanþróðuð hagkerfi geti notað gengisfall til að vinna sig út úr ofneytslu og skuldasöfnun. Það eru bara stór hagkerfi sem þetta geta. Þau finna ekki einu sinni fyrir gengisbreytingum, því að framleiðsla þeirra er svo fjölbreytt að innflutt verðbólga er þeim óþekkt hugtak.

[Júlíus Björnsson, 26.1.2009 kl. 21:58]

Þótt Íslendingar styðjist við arðbærasta gjaldmiðillinn þá geta Ríkistjórn, bankar, og fyrirtæki haldið áfram að gefa út skuldabréf á eigin ábyrgð.

[Gunnar Rögnvaldsson, 26.1.2009 kl. 22:16]

Loftur: Eistland og Litháen eru með myntráð og Lettland er með mintáðslegt fyrirkomulag.

.

Centre for Strategic Research í Moskvu segir í viðtali í dag að þeir gefi löndunum tvö ár þangað til þau verði gjaldþrota þ.e. ríkisgjaldþrot (state bankruptcy)

Kveðjur

[Gunnar Rögnvaldsson, 26.1.2009 kl. 22:29]

Fjármálageirinn í þessum löndum: eignahlutfall útlendinga í fjármálakerfum þessara landa:

Lettland: 54% í eigu útlendinga - myntráð

Litháen: 92% í eigu útlendinga - myntráð

Eistland: 99% í eigu útlendinga - myntráð

[Loftur Altice Þorsteinsson, 26.1.2009 kl. 22:31]

Centre for Strategic Research, er það nú traust heimild ? Annars er hægt að eyðileggja hvaða fyrirkomulag sem er og myntráð eru ekki undantekning, þótt þau standist margt.

Kveðja.

[Guðbjörn Jónsson, 26.1.2009 kl. 23:16]

Sæll Gunnar! Takk fyrir þennan pistil. Eftir lesturinn á því sem Loftur ritar hér, og í ljósi þess að þar sé um skilning Sjálfstæðisflokksins (frjálhyggjuklúbbsins) að ræða á fjármálum þjóðfélags, er ég ekki undrandi á stöðu okkar í dag, miðað við hve langan tíma þessi öfl hafa farið með fjármál þjóðarinnar.  ESB og Evruhrunið var ég búinn að sjá fyrir (hef mín leynilegu sambönd) svo þær fréttir sem þú talar um koma mér ekki á óvart.

[Haraldur Baldursson, 26.1.2009 kl. 23:44]

Loftur, bara sakir forvitni, hvaða myntráð eru starfandi í dag sem ekki tengja sína mynt annarri stærri mynt ? Ég spyr þig bara af því ég veit þú hefur kynnt þér myntráðin svo vel. 

[Júlíus Björnsson, 27.1.2009 kl. 01:27]

Ég er hlynntur Dollar því þá mun Evran aldrei vera tekin upp hér. Kauphöllin er upphaf mestu græðginnar hér á landi [hugmyndafræði ESB líka]. Kallar á samþjöppun fyrirtækja og breytt eignarhaldsforms allra fyrirtækja. Hverjir eru tekjustofnar Kauphallar Íslands og Seðlabanka Íslands?

Útflutningur Kínverja til ESB hefur minnkað um 1/3 ætli það sé komið inn í næstu væntingaspár kauphallanna.

Krónan bíður upp á stjórnmálalega misnotkun. Krónan  er ástæða þess Íslenskt íbúðarhúsnæði heimilanna þarf að bera auka verðtryggingu með tilliti til meðalgengis stærri gjaldmiðla. Krónan veldur óþarfa kostnaði á innflutningi.

[Júlíus Björnsson, 27.1.2009 kl. 03:01]

Skilyrðin fyrir upptöku evru mundu einnig tryggja það að rekstur ríkisins hérna á landi yrði með ábyrgum og skynsömum hætti.

Ábyrgum gangvart erlendum fjárfestum mun rétta vera. Um skynsemi það er annað mál.

Ef ESB sinnar trúa ekki á sina eigin skynsemi til að reka sitt eigið ríki á ábyrgan hátt þá er ekki von að hér náist meirihluti fyrir innlimun á næstunni. Við hin erum ekki enn búinn að gefast upp.

Útflutningtekjur Þjóðverja hafa dregist saman um 8% síðasta mánuð. 

[Loftur Altice Þorsteinsson, 27.1.2009 kl. 09:16]

Haraldur, að því er ég bezt veit er ekkert myntráð núna með bakstuðning í gulli. Síðasti gullfóturinn var undir Bretton Woods samkomulaginu, sem var í gildi 1944 - 1971. Í grófum dráttum var fyrirkomulagið þannig, að US Dollar var tryggður með gulli (1 únsa gulls = 35 USD). Aðrar myntir víða um heim höfðu síðan USD sem stoðmynt. Hér hef ég fjallað eitthvað um þetta:

http://altice.blog.is/blog/altice/entry/750298/

Hér á ég töflu um myntráð starfandi í desember 2007:

http://altice.blog.is/blog/altice/entry/731502/

[Haraldur Baldursson, 27.1.2009 kl. 10:12]

Loftur óttast þú ekkert þær sveiflur sem gætu orðið á þeim gjaldmiðli sem fótur ISD stendur á ? Eða stökkvi upp á við ? Ég væri reyndar enn hræddari við það þegar fóturinn (sem þú vilt nota sem USD) stekkur upp á við. Ef það gerist þá hefði það gríðaleg áhrif á þau útflutningsfyrirtæki sem sína vöru flytja til annarra markaða en þeirra sem versla í USD, t.d. á Evrusvæðinu.
Auk þess sem stökk eða fall USD (best að hætta að taka um fætur fyrst þín tillaga gengur út á 1 ISD = 1 USD) gæti átt sér stað þvert á þá átt sem efnahagur Íslands er að færast til. Þannig gæti það dempað hagvöxt á röngu augnabliki, eða magnað niðursveiflur.
Við njótum þess að sækja á marga markaði og með því að notast við eigin mynt náum við einskonar meðaltalsvigtun (nokkur einföldun hér) á árangur útflutnings okkar og efnahagsstýringu. Stærri mynt býður okkur ekki upp á þetta mæligildi árangurs. Heillandi hugmyndir þínar Loftur, sem í fullkomnum óendanlega frjálsum mörkuðum, sem ekki eru til, ná ekki að þekja þá galla og frávik sem við er að glíma. Fullkomið flæði og allra vöruskipta, sem þá líka verða að ná til vinnumarkaða, þar sem staðsetningar eru bara prjónar á landakorti og geta verið færðir til eftir geðþótta, er ekki raunveruleikinn. Í USA er komist næst þessum raunveruleika, en þar eru forsendur líka allt aðrar. Hjólhýsi, eins og kom reyndar fram í fyrri pistli Gunnars minnir mig, eru þar valkostur hreyfanlegs vinnuafls og jafnvel fleiri, ekki alltaf sökum fjárþurftar, heldur sökum lífsstíls. Þetta er nokkuð sem við erum ekki á leiðinni að fara að upplifa á Íslandi og þetta er ekki á leiðinni að fara að gerast í ESB.
ESB virðist stundum hafa verið sett á laggirnar með "við getum líka" prinsípinu og talið átt að verða þessi Bandaríki Evrópu, sem menningarlega er ekki hægt. Evran er því óhjákvæmilega dæmd til að mistakast, þó ekki væri nema vegna þess að vinnuaflið hefur ekki nándar nærri sama sveigjanleika og USA býðu upp á.
Ég er þó á því stærsta meinið í ESB sé barna-fælni þeirra....elli kerling mun knýja Evrópu á kné sér....hún er reyndar byrjuð að sveigja þeim nú þegar.

[Loftur Altice Þorsteinsson, 27.1.2009 kl. 12:30]

Ég skil vel áhyggjur þínar Haraldur, að stoðmyntin kunni að sveiflast í öðrum takti en hentar Íslendska hagkerfinu. Ekki get ég gefið neinar tryggingar hvað þetta varðar, en tel einungis að USD sé bezti kosturinn. Menn hafa tekið eftir því á síðustu árum, að hagsveiflur hér og í Bandaríkjunum líkjast stöðugt meira. Ástæðan er væntanlega aukin álframleiðsla hérlendis.

Eitt atriði þessu tengt, er vaxandi óformleg Dollaravæðing hérlendis. Benda má á, að Dollaravæðing merkir ekki bara notkun US Dollars heldur líka annarra erlendra gjaldmiðla. Að auki er vísitölutrygging lána einnig Dollaravæðing. Að þessu skoðuðu tel ég ekki ólíklegt að óformleg Dollaravæðing Íslendska hagkerfisins liggi á bilinu 70% til 90%. Spurningin er hvenær við viðurkennum þessa staðreynd og göngum skrefið til fulls.

Síðan ég hóf að boða endurskoðun peningastefnunnar, hef ég bent á mikilvægi þess að þjóðin taki upp nýja umgengishætti við peninga. Við verðum að temja okkur sparnað í stað eyðslu. Stofnun Myntráðs er mikilvægt tæki til að knýja stjórnvöld til sparnaðar og ég hef víða bent á hvernig það skeður. Seðalbankar um heim allan stunda "seðlaprentun" og slík útþynning gjaldmiðilsins er ásamt vaxtastýringa-æfingum seðlabankanna, þau atriði peningastefnunnar sem frábært væri að losna við.

[Haraldur Baldursson, 27.1.2009 kl. 13:02]

Sæll Loftur (svo haldið sé áfram með þráðinn okkar sem ekkert hefur lengur með færslu Gunnars að gera ).

Svo ég taki hliðarspor með þér, þá vill ég einmitt frekar klippa á gengistengingu (þá beinu með gengistryggingu og þá óbeinu með verðtrggingarviðmiði lánskjaravísitölu) lána. Ég vill sjá verðtrygginguna halda sér, en tengjast launavísitölu. Þessu markmiði, eða öllu heldur þessum valkosti vill ég ná fram með því að setja Lífeyrissjóðina enn framar í búðargluggann. Þeir eru nefninlega með allt annað hjá sér í launvísitölu, innkomu sem útgjöld. Ég fjalla að vísu nánar um það hér, þó enn verði að fylla betur í rammann en ég geri.

[Loftur Altice Þorsteinsson, 27.1.2009 kl. 13:42]

Ég tel þessa breytingu á lánavísitölunni ekki vera nægilega stórt skref. Þetta er gott fyrir þá sem hafa atvinnu, en hjálpar ekki þeim fjölda manns sem er að vissa vinnuna.

Miklu betra í bráð og lengd, er að minnka verðbólguna þannig að hvorug vísitalan telji til hækkunar. Þetta gerum við með upptöku trausts innlends gjaldmiðils, sem hefur stuðning af verðbólgu-litlum erlendum gjaldmiðli.

Kveðja.

[Júlíus Björnsson, 27.1.2009 kl. 14:56]

Neysluverðvísitala OCED [ESB] mælir heildarrekstrar kostnað starfskrafta efnahagseiningarinnar Íslandi gefur vísbendingar um vergar tekjur Landsframleiðslu. Sem væntingar erlendra fjárfesta í Kauphöll Íslands byggja á. Neysluverðsvísitala, Kauphöll, Seðlabanki,  Gjaldmiðill  er allt einn kostnaðarpakki sem fylgir ESB [eða einokunarbandalagi]. Einnig krafa um stærri rekstrareiningar og breytt eignarhaldsform til að örvar verðbréfa viðskipti.

Málið er allt eða bara gjaldmiðilinn: Dollar selur betur hvað verðbréf varðar.

Auðvitað er verðbréfa höll ekki það form sem hefur hag almennings að leiðarljósi. Hún byggir tilvist sína á sveiflum og hruni við og við. Hún byggir fyrst og fremst á væntingu eins og önnur spilavíti eða happdrætti.

[Haraldur Baldursson, 27.1.2009 kl. 20:19]

Kæri Loftur.

Ég held að með því að nálgast hlutina út frá því að allt leysist með einni stórri sveiflu sé ekki endilega rétt. Staða fólks með lán í mismunandi stöðu eru í raun merkileg amörg vandamál og það þarf að sækja að þessu frá fleiri en einni hlið. Það munu ekki allir bjargast því miður. En sem betur fer er umræðan að dragst út úr "Lísu í Evrulandi" aftur. Það er með ólíkindum hversu niðurdragandi sú blindgata var orðinn.

En sökum þess hversu slæmt við höfðum það, var eina lausnin sú að gera það enn verra með því að skell á okkur vistri stjórn

[Loftur Altice Þorsteinsson, 27.1.2009 kl. 20:40]

Við venjulegar aðstæður myndi ég Haraldur taka undir vonbrigði þín með vinstri-stjórn. Hins vegar við núverandi aðstæður gæti það verið gott, að fá fleirri til að koma að björgun mála. Sjálfstæðisflokkurinn raunar bauð upp á þjóðstjórn á síðustu dögum stjórnar Geirs. Það var bara of seint eins og margt sem sú stjórn gerði. Ég var þeirrar skoðunar í haust, að þjóðstjórn hefði átt að mynda strax.

Margt sem stjórn Geirs gerði var einnig rangt og ég hef ekki legið á þeirri skoðun minni. Ég styð ekki á neinn hátt þessa nýju stjórn, en er samt að vona að "skjaldborg þagnarinnar" verði rofin. Fara þarf aftur yfir samninginn við IMF og peningastefnunni þarf að bylta. Icesave samninginn má ekki staðfesta og ESB umræðan verður að þagna, þar til jafnvægi er kominn á efnahagslíf landsins og Evrópu. Eins og Gunnar hefur verið að upplýsa, er ákaflega óvíst með framtíð ESB.

[Lísa Björk Ingólfsdóttir, 27.1.2009 kl. 22:53]

Úff - Lísa í Evrulandi, það hljómar hræðilega.....

Steingrímur J. sem fjármálaráðherra hljómar jafnvel en ver

Jón Frímann hljómar alltaf illa (ertu frændi ISG?)

Eigum við ekki að bjóða Slóveníu íslenskar krónur?  Þær virkuðu vel þegar ég var þar fyrir 3 árum.  Þá kostaði varan í Slóveníu 1/3 og sama vara hér á landi.  One third price land.  Þá voru þeir í IMRII ferli og væntu mikils af evrunni.  Nú búum við á halfprIceland (eða minna) án nokkurrar IMRII baráttu.  Held ég vilji þá frekar halda okkar handónýti krónu en að fá handónýtan evrugjaldmiðil.

Ekki góðir kostir í stöðunni í dag.  Hvar eru Norðmenn vinir okkar?

[Lísa Björk Ingólfsdóttir, 27.1.2009 kl. 22:55]

Og ef ég er að skrifa þetta eitthvað vitlaust er það vegna þess að ég er að sofna ofan í tölvuna mína þar sem einhverjir bjálfar í samkrulli við heimskreppu settu landið mitt á hausinn og ég varð að stökkva á plan B - námslán......

[Júlíus Björnsson, 27.1.2009 kl. 23:12]

Þökk sé ESS og ESB Kauphöllinni á Íslandi.

[Gunnar Rögnvaldsson, 27.1.2009 kl. 23:44]

Þakka ykkur öllum kærlega fyrir innleggin.

Hér á árum áður var ERM oft kallað:

The Extended Recession Mechanism

og núna er svo komið ERM II eða

The Extended Recession Mechanism II

og hefur því tvíeflst !

Kveðjur

[Lísa Björk Ingólfsdóttir, 28.1.2009 kl. 13:33]

Jón Frímann.  Think outside the box. You might see wonders.