Gunnar Bragi hefur rétt fyrir sér

****

Það er rétt sem Gunnar Bragi segir um þennan starfsmann ESB. Og reyndar er þar um ekkert einsdæmi að ræða, því nýlega hélt danskur starfsmaður hins opinbera þar í landi því fram að Íslendingur búsettur í Danmörku yrði að gegna herskyldu í Danmörku, því Ísland væri nýlenda Danmerkur

Afdalamennska einkennir flest er viðkemur þessu fyrrum nýlenduvaldi úr Evrópu. En verst af öllu er þó hin þýskumælandi afdalamennska, eins og sést á foringjaleik þessum sem Gunnar Bragi réttilega gerir hér að umtalsefni, daginn eftir foringjaleikana í gær

Fyrri færsla

Eitthvað sem ekki passar hér [u]

Gefur ekkert fyrir orð von der Leyen

Athugasemdir

[Ingólfur Sigurðsson, 21.7.2025 kl. 04:17]

Ég met pistla þína mikils. Ég sá að á Stöð 2 og RÚV um helgina voru menn ekki sammála um þetta atriði. Sigmundur Davíð var ákveðinn á því að umsókn Íslands sé ógild og að hann hafi sjálfur reynt að skýra það fyrir embættismönnum ESB.

Hinsvegar kom Eiríkur Bergmann, sem er rótgróinn stjórnmálaskýrandi bæði á RÚV og Stöð 2 og sagði það ekki rétt, að umsóknin væri virk, að ekki væri búið að gefa opinberlega yfirlýsingu um að hún væri óvirk.

Það verður að vísu að taka það fram að Eiríkur Bergmann er ESB-sinni, eða það myndi ég halda miðað við bækur sem hann hefur skrifað um rasisma og þjóðerniskennd á Norðurlöndum, og fyrir Evrópumarkað og fræðimenn sem eru sammála honum, dæmigerða jafnaðarmenn sem reyna að hneykslast á öllu svona og ýkja það sem mest.

Ég get ekki verið viss um hvað ég á að halda miðað við misvísandi skilaboð. Ursula von der Leyen túlkar þetta svona og það gera fleiri.

Vona að þú skrifir sem mest um þetta og annað, pistlar þínir eru yfirleitt mjög vel unnir og rökstuddir.

[Gunnar Rögnvaldsson, 21.7.2025 kl. 12:03]

Þakka þér fyrir Ingólfur.

Margir í Japan halda því enn fram að Bandaríkin hafi ekki lagt keisaraveldið það að velli í Síðari heimsstyrjöldinni af því að engir Bandarískir hermenn hafi barist við japanska herinn á meginlandinu. Stuðningsmenn Adolfs Hitlers héldu því sama fram um Þýskaland eftir Versalasamningana, sem meira að segja voru skriflegir, eins og japönsku uppgjafarsamningarnir voru síðar. En Þýskaland fór aldrei eftir þeim og stóð aldrei við neitt, þrátt fyrir hve mildir þeir voru miðað við það sem þýskir létu yfir Rússa ganga og hugðust láta yfir Frakka ganga með septemberáætluninni.

Í dag halda Ursula foringi og félagar hennar því einnig fram að Frakkland hafi ekki lagt stjórnarskrá Evrópusambandsins að velli í þjóðaratkvæði af því að ESB-turnspírubáknið reif kápuna utan af henni -og þar með frönsku þjóðinni líka- eftir þjóðaratkvæðið og sagði að nú héti hún annað og breytt hefði verið um leturgerð. Niður um kok þjóðarinnar skyldi hún samt; þú veist, ef það kemur ekki rétt út úr kosningum þá þarf að kjósa aftur, eða míga með öðrum hætti á þjóðina sem kaus vitlaust.

Þessi niðurlagningarverksmiðja alls og afæta á Evrópu, þar með talin utanríkismálahirðfífl sambandsins, eiga þessum aðferðum að þakka "embætti" sín. Enginn hefur þó kosið þær til neins; þær eru báðar afleiður pólitískra hrossakaupa sem gengu út á að losa viðkomandi lönd við þær út á hina endanlegu pólitísku ruslahauga Evrópu: Evrópusambandið. En sambandið var stofnað til þessa að auðvelda stærri löndunum að ríða minni löndum álfunnar í afturendann. Þess vegna ef heimsálfan Evrópa að farast núna.

Það er engin "umsókn" og það er ekkert Evrópusamband, Ingólfur, heldur einungis nýtt sovétríki í smíðum.

Hrynja nú afkomuviðvaranirnar inn hjá félögum skráðum í svo kölluðum kauphöllum meginlandsins, einkum DAX-týpurnar. Útflutningslíkan Þýskalands er hrunið og enga eftirspurn er hægt að skapa heima því engin þjóð býr í láglaunalandinu því lengur, heldur einungis barnlausir láglaunaþrælar og þríhyrnd ESB-banka-export-mafía.

Taktu eftir því Ingólfur hvernig orkupakkar Evrópusambandsins hafa virkað eins og sovésku hagstjórnartækin virkuðu í Sovétríkjunum: þ.e. eftirspurn eftir rafmagni er haldið í skefjum með skorti og skömmtunum. Í Hollandi er rafmagn skammtað. Í Danmörku er rafmagn skammtað með því að hafa verðið svo hátt á vökutíma þjóðarinnar að hún neyðist til að vaka og aðhafast um nætur. Fleiri lönd eru á sama stað í raforkumálum og þau eiga aðeins eftir að sökkva dýra og fyrirtækin að flýja þau enn hraðar.

Góðar kveðjur