Grunnvextir hækka á evrusvæðinu - varanlega

Mynd: Grunnvextir eru að snarhækka í Þýskalandi og þar með á öllu evrusvæðinu

****

Skuldaþakið eða "skuldabremsan" sem innleidd var í Þýskalandi sem vörn gegn því að Þýskaland er eitt stærsta óðaöldrunarhagkerfi veraldar, því svo fá fæðast þar börnin sökum geldingar þýsku þjóðarinnar og sem því er reyna að spara sig í hel, já það er hún sem haldið hefur niðri ávöxtunarkröfum þeirra sem hafa keypt skuldir af þýska ríkinu og öðrum evrulöndum. En nú á að slaka á þessari skuldabremsu svo hægt sé að verja elliheimilið, ekki gegn sjálfu sér, heldur gegn Rússunum sem Þýskaland reyndi að þurrka út en varð hins vegar sjálft þurrkað út eins og bæði sést og heyrist núna

Þessi svo kallaða skuldabremsa er að gefa sig vegna álags og þýska elliheimilið mun því verða skuldum vafið við andlátið, og þar með gera út af við þau fáu börn sem þrátt fyrir allt fæðast þar enn, þó svo að einu varnir Þjóðverja gegn öllu og öllum sé sparnaður. Þýski herinn notast því við kústsköft við æfingar

Bíddu aðeins: var ég búinn að nefna það að Úkraína skilaði víst til baka skriðdrekunum sem Danir "gáfu" henni – sökum úreldingar

Jæja, en hvað um það. Vextir eru því að hækka á öllu evrusvæðinu til frambúðar því skuldabréfakaupendur segja að ríkisfjármálaakkeri evrusvæðisins sé þar með farið. Ríkisskuldasúpa verður því framtíð evrulanda, sem nær öll eru skuldsett upp fyrir skorsteinana nú þegar, eða sem svarar til um og yfir 90 prósentum af landsframleiðslu þeirra – yfir alla línuna

Nú ber hins vegar svo við að á sama tíma og Bandaríki Norður-Ameríku hyggjast hætta vanþróunaraðstoðinni við svokölluð "varnarmál ESB-landa", að þá eru ríkisskuldir evrulanda í hæstu hæðum vegna einmitt evrunnar og þar af leiddri innvortis geldingu alls hagvaxtar; sem aftur bitnar á heilbrigðskerfunum sem eru að kafna vegna óðaöldurnar íbúanna; og afleiddra hárra skatta; og svo vegna svokallaðra "velferðarkerfa" sem eru að kikna undan óðaöldrun skattgreiðenda; og massífum innflutningi á ósjálfbjarga og þurftafrekum geimverum frá öðrum sólkerfum

Það er allt þetta sem er svo eftirsóknarvert fyrir það setulið sem nú mannar ríkisstjórn Íslands: að komast alla leið til helvítis á sem skemmstum tíma

Sem sagt: Akkerisfestingarnar á skuldabréfamörkuðum evrulanda hafa slitnað, því Þýskaland er byrjað að reka. Vextir hækka yfir alla línuna því áhættan fer hratt vaxandi, en ekki minnkandi. Horfunar fyrir lánshæfnismat evrulanda versna og lánshæfnismatið mun lækka - og svo koll af kolli, aftur og aftur

ESB og Evran
Hefur drepið hagvöxt evrulanda
Ríkisskuldasúpa evrulanda sýður því og kraumar
Afleiðingin er hækkandi vextir evrulanda
Útdauði skattgreiðenda evrulanda
Komandi innri borgarastyrjöld evrulanda
Rigor mortis þ.e. dauðastirðnun evrulanda
Allt þetta kallar á enn hærri vexti því áhættan bara vex og vex

Fyrri færsla

Fallbyssur Trumps í tollamálum

Ræðir við Pútín á morgun

Athugasemdir

[Guðjón E. Hreinberg, 17.3.2025 kl. 19:24]

Þetta endar með því að ESB mafían fær pólitískt hæli hér á  Stórastaquislíngalandi.

[Gunnar Rögnvaldsson, 17.3.2025 kl. 21:06]

Þakka þér fyrir Guðjón.

Það er aldrei að vita hvert Brusselmúrinn fellur þegar hann hrynur. En þegar Berlínarmúrinn hrundi þá féll hann vestur yfir Vestur-Evrópu.

Árið 1978 fengu þýsku meginstraumsflokkarnir (CDU/CSU, SPD og FDP (og Grænir frá og með 1980)) næstum 100 prósent af greiddum atkvæðum í þingkosningunum þar í landi.

Árið 1994 var þetta hlutfall í kringum 90 prósentur.

Árið 2010 var hlutfallið um 70 prósentur.

En núna um daginn, þann 23. febrúar, reyndist það vera aðeins 49 prósentur.

Þarna hokra þeir nú í horni sínu, og rétt hanga á fingurgómunum við vafasöm völd.

Það er því aldrei að vita hvað gerist næst í Þýskalandi og ESB, sér í lagi þegar stjórnmálamaður á borð við Friedrich Merz sem er væntanlegur næsti kanslari landsins, snéri sér 180 gráður á aðeins 14 dögum eftir kosningarnar þar í landi um daginn.

Þýskir kjósendur hafa varla nokkru sinni verið sviknir eins hratt í sögu þessa sögulega vandræðalands sem nær aftur til 1871.

Kveðjur

[Ingólfur Sigurðsson, 19.3.2025 kl. 00:32]

En eins og Einar Björn Bjarnason bloggaði um nýlega, hann kallaði það söguleg tímamót að Þýzkaland sé að auka hernaðarútgjöld sín. Hann spáði því að Þýzkaland yrði aftur stórveldi og jafnoki Rússlands eins og eitt sinn var að hans mati. Evrópa geti loksins aftur staðið á eigin fótum vegna þess sem Trump gerir.

Hvað segirðu um það? Ekkert að marka þetta hjá honum?

"Þýzkaland er minnst skuldsetta stóra iðnríkið í heimi hér með 63% skuldsetningu", skrifaði hann. Því sé engin hætta fyrir Þýzkaland að í 10-12 ár verji þeir miklu til hermála. 2 trilljón evra dreifð yfir 10-12 ár sé viðráðanleg.

Ef þetta gengur eftir þá sjáum við söguna frá 1914-1945 endurtaka sig.

Eitt er þó öðruvísi. Það fæðast ekki nógu margir í Þýzkalandi til að láta stríðshakkavélina éta sig látlaust. Andrúmsloftið er líka annað og mettað af móðursýki kvenlegra grátkóra. Ætla þeir að senda Þjóðverjana í herinn af útlendu ætterni?

Hætt er við að meiri andstaða verði við þessa hervæðingu en var fyrir 100 árum. Þjóðverjar eru klofnir í allskonar skoðanir og hópa, meira en þá.

Tekur þú mark á Einari Birni Bjarnasyni Evrópufræðingi og bjartsýni hans um Þýzkaland og Evrópu?

[Gunnar Rögnvaldsson, 20.3.2025 kl. 00:34]

Þakka þér fyrir Ingólfur.

Nei, ég tek ekki mark á neinu af þessu þessu.

Þetta eru Hollywood-hugmyndir um Þýskaland. Svona jafnrangar og þöglu-mynda hugmyndir Hollywoodfjölmiðla vesturlanda eru um Rússland í dag.

Kveðjur