Bandaríkin eru tilbúin að fjárfesta milljörðum dala í Grænlandi. F35A-samningur í hættu

Mynd: Frétt Tass í dag

****

GRÆNLAND

Forseti Bandaríkjanna segir í málgagni sínu í dag að Bandaríkin hafi áhuga á að fjárfesta milljörðum dala í Grænlandi, bæði sem sjálfstæðu ríki og –ef Grænlendingar vilja það– sem hluta af Bandaríkjunum

Við styðjum rétt Grænlendinga til fullveldis og sjálfstæðis og rétt þeirra til að ákveða framtíð sína sjálfir. En ef þeir skyldu kjósa að sameinast Bandaríkjunum þá myndum við bjóða þá velkomna – sagði forsetinn

Við munu halda áfram að gæta þjóðaröryggis Grænlands eins og við höfum gert frá lokum Síðari heimsstyrjaldar. Og við erum tilbúin að fjárfesta milljörðum dala í Grænlandi og gera ykkur rík – sagði Bandaríkjaforseti ennfremur

Danir fóru að mestu frá Grænlandi þegar Danmörk ákvað árið 1979 að gera ekki eins og Bandaríkin gerðu 1959 þegar þau heimiluðu Havaíeyjum að gerast fullgilt fimmtugasta ríki Bandaríkjanna, skrifar Asger Aamund fyrrum forstjóri Rockwool og formaður danska Alzheimer rannsóknarsjóðsins. Bandaríkin ákváðu þá að fylgja ekki síðar komandi eftirdæmi Danmerkur sem gerði Grænland ekki að hluta af Danmörku, af ótta við að þurfa að halda Grænlendingum uppi um alla framtíð. Sá ótti varð einnig til þess að Danir eru að mestu farnir frá Grænlandi. Búa nú ef til vill fleiri Filippseyingar á Grænlandi en Danir. En í Danmörku búa hins vegar um 18 til 20 þúsund Grænlendingar sem fæddir eru á Grænlandi en eru búsettir í Danmörku

"Trumps mareridt er Grønland som et arktisk Cuba"

Í dag er því spurning hvort að fleiri Filippseyingar en Danir búa á Grænlandi. Tæplega þúsund Filippseyingar búa á Grænlandi í dag, eða hvort að Grænland verði Kúba norðursins eða ekki – eins og Ásgeir Aamund orðar það. Hér þurfa bjálfar Íslands því að hlusta vel og hætta andartepptu krataþvaðri

Mynd: Myntvafningur Austurrísk-Ungverska keisaradæmisins raknaði upp 1918

****

KOMANDI TOLLAR Á EVRÓPUSAMBANDIÐ

Mig grunar Bandaríkin muni setja mikla og harða tolla á vörur frá ESB-löndum á næstunni. Viðskiptahagnaður ESB er þess eðlis að hann kerefst harðra aðgerða af hálfu Bandaríkjanna. Plús það að Evrópusambandslöndin eru algjörlega háð Bandaríkjunum þegar kemur að ávöxtun á sparnaði og umframsparnaði bæði íbúa og fyrirtækja í ESB-löndum. Evrópusambandslöndin flytja því ekki bara út vörur til Bandaríkjanna heldur flytja þau líka út nær allan sparnað álfunnar – til ávöxtunar í Bandaríkjunum

Ýmislegt kemur til en ástæðan er fyrst og fremst sú að íbúar flestra Evrópusambandslanda og smáfyrirtæki þeirra eru ekki metin sem verandi lánshæf vegna láglaunaþróunar í flestum löndum sambandsins, þannig að bankakerfin á evrusvæðinu geta hvorki ávaxtað sparnað almennings innanlands né heldur hagnað fyrirtækja. Allur umframsparnaður er því fluttur úr landi til ávöxtunar á fjármálamörkuðum Bandaríkjanna - og fjárfestingarfé því sömuleiðis. En Bandaríkin eru eina land heimsins sem er með algjörlega frjálsa fjármálamarkaði

Þess utan er gengisáhættan svo mikil í evrulöndum ESB vegna þess að evran er myntvafningur eða prjónuð mynt sem raknað getur upp. Evran er líka næstum eingöngu héraðsmynt því hlutur hennar í gjaldeyrisforðum seðlabanka veraldar hefur ekki orðið neinn að ráði, eða kannski um 20 prósentur á móti 65 prósentum Bandaríkjadals

En það er einnig nýtt atriði sem fær mig til að álykta sem svo að komandi tollar Bandaríkjanna á vörur frá Evrópusambandslöndum verði harðir. Í fyrradag greindi Tass frá því að Þýskaland hyggist ef til vill hætta við kaup á F-35A orrustuþotum frá Bandaríkjunum af ótta við að Bandaríkin muni geta "slökkt á þeim" með fjarstýringu (e. kill-switch) þegar þeim þykir þess þurfa. Um er að ræða margra milljarða dala samninga. Tass og enginn annar var auðvitað með þessa frétt í gær

Fyrri færsla

Já, Pólverjar verða að vakta landamærin upp að Þýskalandi. Það er gefið

Bandaríkin munu fjárfesta fyrir milljarða dollara á Grænlandi

Athugasemdir

[Ómar Geirsson, 10.3.2025 kl. 15:18]

Blessaður Gunnar.

Veistu, ég held að þeir þarna í Brussel, sem hafa langa lengi ekki vitað í hvorn fótinn þeir eiga að stíga, gerðu margt vitlausara en að ráða Tilveruna sem ráðgjafa, það er ef þú gefir þig ennþá út fyrir að vera ráðgjafi.

Óháð skoðunum og öllu, stundum þarf mann sem segir sannleikann.

Kveðja að austan.

[Ingólfur Sigurðsson, 10.3.2025 kl. 15:45]

Ég vil ekki tjá mig mikið um þetta því ég veit ekki mikið um þetta, en það var þó í fréttum á RÚV - sem ég horfi stundum á enn, að Grænlendingur sagði að þeim væri að fækka, flest unga fólkið að flytjast til Danmerkur. Það er svipuð þróun og víða, fólk fer þangað sem "nútímamenning" er og peningar, þéttbýli.

Samt er reynt að koma á grænlenzku sjálfstæði, sem er skiljanlegt.

Það eru sumir á Grænlandi sem vilja að Trump kaupi landið - eða geri bandarískt, en andstaðan er líka mikil. Þetta gæti orðið strembið og tekið tíma.

Ég er á því að margt sé til í því sem Trump segir, - að með einum eða öðrum hætti geti þeir fengið þarna völd og yfirráð eins og þeim sýnist. 

Já þetta tollastríð gerir stöðu Evrópu enn erfiðari.

[Guðjón E. Hreinberg, 10.3.2025 kl. 16:05]

Þessi umræða dafnar, vegna þess eins að "Íslendingar" hafa misst trúna á sjálfa sig.

Grænland, Labrador, Nýfundnaland, Rockall, Jan Mayen, Grænland, Færeyjar, Hjaltlandseygjar (Shetland), Orkneyjar, Suðureyjar (Hebrides) og Mön; tilheyra öll lögsagnarumdæmi "Þjóðveldis Eldra 930 - 1662 AD."

... sem merkir tilakka "Þjóðveldis yngra, 2013 -..."

Eins og einhver sagði, fólk veit ekkert, og skilur mun minna.

Samtímafrásaga er misvísun og villukennsla.

[Guðjón E. Hreinberg, 10.3.2025 kl. 16:06]

"tilakka" átti að vera "tilkall" :) það vantar "edit" hnappinn.

Bestu kveðjur.

[Gunnar Rögnvaldsson, 10.3.2025 kl. 18:37]

Þakka þér fyrir Ómar minn.

Frekar myndi ég gerast kamarhreinsari í Síberíu en að vinna fyrir eða í þágu Evrópusambandsins. Miklu frekar. Eða jafnvel skófla skít í Louisiana eins og Patton orðaði það.

Kveðja

[Gunnar Rögnvaldsson, 10.3.2025 kl. 18:39]

Þakka þér fyrir Guðjón.

Grágás er amk. með Grænlandsmál okkar á hreinu, er mér sagt. 

Góðar kveðjur

[Gunnar Rögnvaldsson, 10.3.2025 kl. 18:44]

Þakka þér fyrir Ingólfur.

Þarna getum við aðstoðað Bandaríkin við að leiða Grænlendinga til sjálfstæðis. Við getum það því við erum nógu smá til þess. Grænlandi verður ekki sinnt eins og þarf nema frá Íslandi.

Koma tollar á ESB og koma þeir stórir.

Kveðja