Á Ísraelsríki þá líka að leggja kosningar af?

Fyrst að þetta er svona þarna í Evrópu, já þá hlýtur Ísraelsríki að geta lagt kosningar alfarið af, bannað alla stjórnarandstöðu, lokað öllum þeim fjölmiðlum sem malda í móinn, eða gert þá útlæga. Og fengið lófaklapp frá vinstrimönnum ESB-Evrópu fyrir

Síðan mega náttúrlega allir forsætisráðherrar Ísraelsríkis arka inn í hið Hvíta hús hins bandaríska forsetaembættis í hvaða drullugalla sem er, eða jafnvel í stríðsbúningi, og heimta hvað sem er og þrætt við forsetann og varaforsetann og heimtað og heimtað næstum hvað sem er, hvenær sem er

Sem betur fer hafa vinstrimenn misst völdin vestanhafs þannig að æmt þeirra og skræmt í Evrópu hlustar enginn á

ESB-vinstrimenn Evrópu eru reiðir Rússum fyrir að hafa varpað af sér oki alræðisins sem nú er að setjast yfir meginland ESB-Evrópu. Engar kosningar takk. Enga fjölmiðla. Enga stjórnarandstöðu, það er sko bara það sem við viljum í ESB - plús það að ógilda kosningar

Það er eins gott að forseti Frakklands geti hvorki breytt notkunartilgangi né notkunarsviði kjarnorkuvopna Frakkalands á meðan landið er enn í eins konar silly-billy ég-borga-ekki "varnarbanalagi" með Bandaríkjunum, því allar breytingar þar að lútandi krefjast einmitt samþykkis Bandaríkjanna. Frakkland ræður því ekki sjálft yfir kjarnorkuvopnum sínum svo lengi sem það er í varnarbandalagi með Bandaríkjunum

En samkvæmt þjóðarávarpi Frakklandsforseta í gær eiga þau vopnin ef til vill frá og með bráðum að notast í þágu alls ESB - og sussum sei jafnvel kannski Úkraínu líka? Þessi ummæli Macrons forseta vekja því upp spurningar um hvort að Frakkland sé á leið út úr varnarbandalagi með Bandaríkjunum

Rússar bara stara á í vantrú, en þekkja samt þarna vissa gamla takta meginlands Evrópu frá fyrri tíð

Þetta er bilað fólk

PS: Hvað eru íslensk tollayfirvöld að hugsa. Ef einar nærbuxur framleiddar í Ísrael eru í sendingunni þá stoppar allt. Af hverju flæðir þá allt inn frá Úkraínu fyrst að þetta er svona eins og það er þar

Fyrri færsla

Njótið: Evrópa loksins home alone

Hafna baktjaldamakki Trumps og kosningum á stríðstíma

Athugasemdir

[Ragnhildur Kolka, 8.3.2025 kl. 00:31]

Sæll Gunnar,Já Macron telur sig glæstasta hanann á haugnum. En hann stjórnar (sic) bara útnara stórveldisins I vestri. Sama var um Ukrainu. Sovétið staðsetti kjarnavopn þar sem síðan voru tekin til baka. Nú halda Úkraínar því fram að vopnin hafi verið svikin af þeim. Öll aðdáunin sem Zelensky hefur notið hefur stigið honum til höfuðs og líkt og Macron gerir hann tilkall til hæsta punktsins á haugnum.

Við megum þakka forsjóninni fyrir að vopnin voru kölluð heim. 

[Gunnar Rögnvaldsson, 8.3.2025 kl. 00:49]

Já það er einmitt þannig Ragnhildur.

Trump líst illa á stöðuna á meginlandi Evrópu núna og segir að honum sýnist Evrópusambandið þrýsta á um stríð. Það gætti því styst í að Bandaríkin, eins og Rússar gerðu, taki kjarnorkuvopnin sín heim svo að þau séu ekki fyrir ESB þegar allsherjarfriðurinn brýst út þarna í friðarbandalaginu.

Og svo hyggst Trump ef til vill flytja 35 þúsund bandaríska hermenn frá Þýskalandi niður til Ungverjalands. Sennilega líst honum betur á stjórnarfarið þar. Tass var með þetta í kvöld (ómetanleg fréttastofa og sennilega sú besta í heiminum í dag).

Góðar kveðjur