Njótið: Evrópa loksins home alone

Mynd: Hnignun

****

Þessi mynd frá mánudeginum 17. febrúar 2025, mun líklega fara inn í sögubækurnar sem fimmfalt Súez Evrópu. Frekari skýringar fáum við á næstu árum. Óttinn í andlitunum leynir sér ekki

 

Mynd: Vestan Atlantsála er hins vegar þetta hér helst að gerast

Fyrri færsla

Á landmassa Gamla heimsins gilda ekki úthafslögmál 

Athugasemdir

[Ingólfur Sigurðsson, 6.3.2025 kl. 02:41]

Emanuel Macron ávarpar þjóð sína brúnaþungur, ný frétt um það, ég fjallaði um það í nýrri færslu. Hann talaði um það í ræðunni að nú væru óvissutímar og ESB ætli að auka stuðning við Úkraínu og stríðið. Allt mjög vandræðalegt og úr takti.

 

Ég endaði minn nýja pistil svona:

 

RÚV er orðið að nátttrölli. Það er að breytast í stein því dögunin er komin. ESB allt virðist orðið að nátttrölli að því er virðist, þar er ekki stefnubreytingar að vænta.

Það að Macron þurfi að ávarpa þjóð sína og tala gegn Trump og hans stefnu, sýnir hvernig almenningur í Frakklandi er á báðum áttum, og farinn að vakna.

Óvissutímarnir í ESB eru tilkomnir vegna þess að þar þarf að snúa stýrinu, og ekki frá Pútín og Trump, heldur til að nálgast þeirra stefnu, og frið á milli Rússlands og Vesturlanda, og samvinnu milli BRICS og Vesturlanda.

 

Mér finnst það frábært að þú varst meðal þeirra fyrstu sem sáu þetta fyrir.

[Gunnar Rögnvaldsson, 6.3.2025 kl. 12:05]

Þakka þér fyrir Ingólfur.

Athugasemd þín er svo góð að lítið betra en einmitt hún er á boðstólum hér heima. Hún er svo sönn. 

Emmanuel Macron forseti Frakklands sér alltaf fyrir því að í öllum þeim málum og ekki-málum sem verða til sé hann miðdepill alls. Það er hans eðli. Það er enginn mikilvægur heimur til fyrir utan hann sjálfan.

Frakkland er ekki með neinn stórstríðsvæddan meginlandsher fyrir þúsund kílómetra langa víglínu þannig að Franski herinn verður ekki sendur eitt né neitt.

En Macron segir þó að sjálfsögðu aldrei nei við nýlendustríði, eins kom fram þegar hann bauð Mette minkabana Friðriksdóttur að senda franska hermenn til Grænlands.

Það rýkur enn úr Macron og grautarhaus Starmer eftir meðferðina í Hvíta húsinu. Báðir komu þeir meira en alls lausir heim. Og Trump kom ekki einu sinni til dyra þegar Macron bankaði, heldur herbergisþerna hans.

Kveðja