Enn einn neyðarfundurinn í ESB [u]

GJALDÞROTA FLOKKUR FÁBJÁNA
Nýr esb-neyðarfundur • Allt tapað aftur á meginlandi taparanna • NATO skrifstofuörmagna • Allar skotafærageymslur tæmdar • Úkraínustríðið tapað

****

Nú rífast 27 ESB-lönd innbyrðis um það hverjum var boðið til Parísar á neyðarfund í erfidrykkju Macronismans og hverjum var ekki boðið

En Emmanuel Macron forseti Frakklands komst til valda með því að fullvissa greinilega of stóran hluta Frakka um að í hans stjórnartíð yrðu öldurnar lægðar innvortis í Frakklandi, vegna þess að hann, já hann einn, myndi stunda hugmyndafræðilaus stjórnmál eins og sannur veraldarhyggju-bókhaldari eða tölva

Ómögulegt er því að skilja af hverju Macron færði ekki bara utanríkispólitíska færslu Donalds Trumps inn í bókhaldskladdann og hélt sér síðan áfram við kaffidrykkju aðeins. Nema þá að hugmyndafræðileg pólitísk-klessukeyrsla hans hafi komið í veg fyrir það

Aðeins 6 ESB-löndum af 27 fyrir utan fundarhaldarann var boðið ásamt Bretlandi til Parísar, til að kvarta þar yfir því að Bandaríkin láta sér frá og með nú dálítið annt um bandaríska hagsmuni

Tékklandi var til dæmis ekki boðið en það hýsir hlutfallslega stærstan fjölda flóttamanna frá Úkraínu og er með bestu vopnaaðfangakeðju álfunnar

Og Grikklandi með hlutfallslega stærsta her álfunnar var ekki boðið af því að það er í 100 ára ESB-skammarkrók og skuldafangelsi vegna fjárlagahalla eins og þann sem Frakkland er með núna

Ungverjalandi var auðvitað ekki boðið af því að það hefur einna mest sjálfstraust allra ríkja álfunnar, plús það að eiga þvingunarbúsettan minnihluta í Úkraínu eftir að Úkraína var sett upp sem gerviríki

Rúmeníu, kosningabana með velþóknun ESB, var heldur ekki boðið en hún á 600 km. af landamærum beint upp að Úkraínu, svo auðvitað kemur Úkraína Rúmeníu ekkert við, heldur aðeins Frakklandi og Bretlandi úti við Atlantshaf

Danmörku var hins vegar boðið af því að danska konungsfjölskyldan óttast um tilvist næstu póstkortaseríu með myndum af Grænlandi. Þess utan eru 18 danskir hermenn á Grænlandi, gegn Trump

Þetta lýsir Evrópusambandinu vel, en það var fyrst og fremst stofnað sem handjárnunarþjónusta stærri ríkja álfunnar á þau smærri, til að geta nauðgað þeim með minni áhættu og með tíð og tíma gert þau upptæk

Maður þarf annað hvort að vera pólitískt pelabarn eða steinaldarhyggjumaður til að aðhyllast fyrirbæri á borð við Evrópusambandið

-------

Uppfært þriðjudagur, 18. febrúar 2025 kl. 10:38:46

Fundur utanríkisráðherra Rússlands og Bandaríkjanna hófst í Ríad í Sádi-Arabíu áðan: Tass (mynd og fundarsætaskipan)

Fyrri færsla

Grautarhaus Starmer og co

Scholz: Evrópa og Bandaríkin verða að vinna saman

Athugasemdir

[Grímur Kjartansson, 18.2.2025 kl. 07:25]

Ég held nú að líka valið hafi verið á fundin útfrá þeim "leiðtogum" sem tryggt var að mundu koma með yfirlýsingar um að auka þyrfti útgjöld til hernaðarmála svo varla þarf að fara í grafgötur með hverjir kostuð veitingarnar sem boðið var upp á

Annars sá ég á erlendum miðli því velt upp að ef Trump kæmi á friði í úkraínu þá yrði erfitt að ganga fram hjá honum þegar friðarverðlaun Nóbels verða veitt.
Obama fékk jú þau verðlaun fyrir mun minni sakir sem erfitt er að muna hverjar voru

[Gunnar Rögnvaldsson, 18.2.2025 kl. 08:31]

Þakka þér fyrir Grímur.

Sjálfur neyðarfundur Evrópusambandslanda um útilokun Evrópusambandsins frá Rússland-Bandaríkja-viðræðum  útilokaði Evrópusambands-málsaðila frá neyðarfundinum. 

Er þetta ekki yndislegt Grímur.

Flopp, flopp og flopp eins og allir aðrir neyðarfundir Evrópusambandsins. Algjörlega árangurslaus.

Flopp, flopp og flopp.

Það brakar og brestur í evrunni.

Kveðja

[Ragnhildur Kolka, 18.2.2025 kl. 16:46]

Þú gleymir því að stórkanónunni íslensku, Kristrúnu, var ekki boðið á neyðarfundinn. Hún hefur nú heitið Ukrainu ævarandi ást og stillt sér þannig upp með EU-NATO.

Ég velti hins vegar fyrir mér hvernig hún ætlar að standa að sjálfstæðismálum Íslands,því ef mig misminnir ekki þá er varnarsamningurinn okkar við USA en ekki NATO. Við gætum vaknað upp við vondan draum ef Trump rýfur sambandið við NATO. 

[Gunnar Rögnvaldsson, 18.2.2025 kl. 23:59]

Þakka þér fyrir Ragnhildur.

Ég geri ráð fyrir að allt of ungur forsætisráðherra okkar viti ekki meira en hægt er að vita þegar maður er allt of ungur til að geta vitað neitt af viti. Og ég geri heldur ekki ráð fyrir því að hún verði forsætisráðherra lengur en samræmist stoppistöðvaferli hennar. Sýnist þess utan að öll ríkisstjórnin riði til falls.

Þetta er auðvitað hrikaleg staða á þessum umbrotatímum. 

Á fundinum í Ríad í dag kom bersýnilega í ljós að það eina sem ESB-lönd geta gert til að liðka fyrir friði og stöðugleika í álfunni er að halda sér frá afskiptum af öllum löndum álfunnar og hætta öllum vopnasendingum á þau bál álfunnar sem nú þegar loga eða eru við það að kvikna. Og þau eru mörg.

Þessi verður náttúrlega ekki hlýtt vegna þess að Evrópusambandið er í eðli sínu ófriðarveita, eins og sést svo vel í praxís núna.

Nú er bara að bíða þess að Úkraínumenn gjaldi í sömu mynt og þjóti út á götur Berlínar og Parísar til að kollvarpa ESB-sovét-ríkisstjórnum þessara landa.

En kannski bíða þeir fram á sumar, því þá er gert ráð fyrir enn nýju falli frönsku ríkisstjórnarinnar, enn á ný.

Kveðja

[Gunnar Rögnvaldsson, 19.2.2025 kl. 00:50]

Ef ég væri Sergey Lavrov utanríkisráðherra Rússlands þá myndi ég, eins og JD Vance gerði, krefjast þess að fá að heimsækja og hitta stjórnarandstöðuna í Þýskalalandi núna - og í Frakklandi líka. Og hafa matarpakka meðferðis til matargjafa.

Ég held, Ragnhildur, að það komi vel til greina að Bandaríkin endi NATO og dragi sig út úr Evrópu eins og Varsjárbandalagið rúllaði sér til baka.

Varnarsamningur okkar við Bandaríkin er því enn mikilvægari en allt annað í öryggis- og utanríkismálum okkar.