Kanslaraefni CDU segist ætla að loka landamærum Þýskalands og Schengen á fyrsta degi sínum í embætti; varanlega

Taugaveikisvæði Evrópu: myntbandalag ESB

****

Það nýjasta frá hinu sökkvandi Evrópusambandi meginlands Evrópu er það að Friedrich Merz kanslaraefni Kristilega demókrataflokksins (CDU) hefur dregið rauða línu umhverfis Þýskaland. Verði hann kanslari eftir þingkosningarnar í febrúar næstkomandi, þá segist hann á fyrsta degi sínum í því embætti ætla að loka opnum landamærum Þýskalands varanlega og loka Schengen-fyrirkomulaginu niður fyrir fullt og allt hvað Þýskaland varðar

Ekki er seinna vænna fyrir Þjóðverja að huga að slíku, því allt logar þar stafnanna á milli vegna pólitískrar helstefnu Angelu Merkels flokkssystur Merz frá DDR í útlendingamálum, sem og í nær öllum öðrum málum. Þess utan hefur þriðjungur þýskra iðnaðarfyrirtækja nú flutt rannsóknar- og þróunarvinnu sína burt frá Þýskalandi. Þar virðist sviðin jörð vera helsti árangurinn af ESB-þátttökunni

Þýsku rassaköstin koma yfirleitt á 80-100 ára fresti. Það vita Rússar manna best. Allur er því varinn góður

Fyrri færsla

Mætti í vinnuna strax í gærkvöldi og hóf störf

Athugasemdir

[Ingólfur Sigurðsson, 24.1.2025 kl. 17:46]

Merkilegt er þetta, að það eru firna mörg ár síðan manni fannst skipið þarna að sökkva í miðju ESB, en núna fyrst er farið að breyta um stefnu, heldur seint!

Hér má minnast á að menn eins og George Soros hafa grætt morð fjár á fjölmenningunni, og hafa fengið í lið með sér barnalega unglinga og ungt fólk í allskyns fjölmenningarverkefni - "allir græða á fjölmenningunni", þetta slagorð sem öskrað var af mestum krafti fyrir 10-20 árum síðan og Angela Merkel opnaði gáttirnar sínar.

George Soros er svona dæmi um píramídasvindlara sem "selur" fólk hugmynd sem grefur undan þjóðum og ríkjum.

Ég lít þannig á að Þjóðverjar séu gjarnir á að ganga mjög langt í öfgunum. 

Það má kalla það jafnaðarfasisma þegar aðrar raddir máttu ekki heyrast en fjölmenningardýrkun á þeim tíma, eins og þjóðernisfasisma um 1940.

Ég hef alltaf dáðst að svona pistlum frá þér, þegar ekki er verið að fara í grafgötur með það sem bæta mætti.

Því alveg eins og fyrir hrunið 2008 þá eru firna margir sem afneita þessu, sem þó augljóst er.

Það er einhver óskhyggja í bland við spillingu eða hrein og tær heimska í fólki, að vilja frekar trúa því sem ekki stenzt.

Það er loksins núna sem jafnaðarmenn eru að vakna svo víða, í Bretlandi, Evrópu, þegar "hægriöfgamenn" frá meira fylgi og ógna þeirra kyrrstöðu.

Já, þetta er þarfur pistill. Tímaskekkjan mikla er þessi stjórn sem er núna við völd, og tveir flokkar sem vilja í ESB.

[Gunnar Rögnvaldsson, 24.1.2025 kl. 21:41]

Þakka þér kærlega fyrir góða og fróðlega athugasemd Ingólfur.

Athugasemd þín kom eins og hún væri við manninn mælt, því í dag útilokaði hið þýska kanslaraefni CDU-flokksins að hann myndi nokkru sinni taka flokk á borð við til dæmis Repúblikanaflokk Bandaríkjanna með í ríkisstjórn sína. Hann kýs því vinstriofstækismenn græningjaflokksins með sér í ríkisstjórn fram yfir til dæmis þá sem standa hægramegin við vinstrið sem CDU er límt fast á.

Þýskaland mun því áfram stefna hraðar og hraðar í átt til algjörs stjórnleysis. Ástandið þar í varnamálum er ekki betra en það er í Danmörku, þar sem hálfsmánaðar bið er eftir USB-lyklum í danska hernum og hjálmar ekki til fyrir yfirmennina.

Þýskaland er til dæmis ekki lengur fært um að framleiða skotfæri fyrir þýska herinn og æfir hann því með kústsköftum. Engar flugvélar landsins geta tekið þátt í NATO-aðgerðum fari þær ekki fram í dagsljósi.

Landið sem deyr úr skömm mun heita Þýskaland og fast á hæla þess fylgja gervihnettirnir sem eru á sporbraut um það, eins og til dæmis Danmörk, þar sem hernaðargetan felst í því að drepa minka í búrum og fara síðan að grenja eins og Mette-sósíaldemókrati gerði.

Það er því ekkert undarlegt við það að Bandaríkin hafi þungar geopólitískar áhyggjur af Grænlandi, því ESB og allt sem því tilheyrir er þjóðargjaldþrota.

Kveðjur

[Gunnar Rögnvaldsson, 24.1.2025 kl. 21:56]

Þess má geta hér að klausa númer þrjú í NATO-sáttmálunum kveður á um að löndin í því skuldbinda sig til að geta varið sitt eigið land og landsvæði.

Ekkert NATO-ríkjanna í Evrópu er fært um neitt slíkt.

Bandaríkin geta hins vegar varið sig sjálf og við getum það á meðan við erum með varnarsamning við Bandaríkin.

Klausa númer fimm mun því ekki ná til neinna ríkja á meginlandi Evrópu, nema kannski til Frakklands.

Hún mun því aldrei verða virkjuð sama á hverju gengur því ESB27 er símsvari af Glistrupgerð. Svarthol.

[Ingólfur Sigurðsson, 25.1.2025 kl. 07:16]

Þakka þér fyrir Gunnar svörin. Þetta er auðvitað háalvarlegt mál og grálegt eða grátbroslegt, en maður getur varla að því gert að manni stökkvi bros að lesa þetta, því ESB telur sig einhverja þungamiðju veraldarinnar að siðgæðum og mætti, og þannig tala þeirra spútnikar hér á Íslandi í Viðreisn.

Já það er mikið í fréttum núna hvað Evrópa er að taka sig á í varnarmálum vegna Pútíns og Trumps. En samkvæmt þessu þá er það varla neitt nema vindhögg.

Ein DV frétt fjallar um það hvað það kostar Íslendinga að fylgja 5% Natómarkmiði Trumps. Sú frétt á að sannfæra lesendur hvað hann sé vondur og óréttlátur. Langflestar fréttir eru svona.

En sú frétt segir frekar hvað það kostar að stunda stríð við Rússland, og að lifa í svona heimi þar sem ógnir eru. 

Beztu kveðjur.