Natópóleon beinapartur

ÓFRIÐARVEITUR

Heilög vandlæting svo kallaðra fjölmiðla vesturlanda er því sem næst áþreifanleg þessi árin, en þó einkum frá og með í gær. Tilefnið akkúrat í dag er heimsókn Vladímírs Vladímírovich Pútíns forseta Rússlands til nágrannaríkisins Norður-Kóreu. En ríkin eru með sameiginleg landamæri við Japanshaf og hlýtur því "samgangur og samþætting" að vera af því algóða - samkvæmt hugsjónum Natópóleons beinaparts í því sem áður var Evrópa. Rússar eru meira að segja enn að grafa upp og skila til baka líkamsleifum þannig hugsjóna til Frakklands: beinapörtunum

Og nú þegar beinamáttur innréttinga Natópóleons í því sem áður var Evrópa notar frá og með árinu 2008 Úkraínu og Úkraínumenn til að pota í Rússland, þá er kannski ekki úr vegi að ég, og þar með við Rússar, komum okkur upp potprikum til að pota inn í beinaparta- og krossferðamiðstöðina Bandaríkin á vesturhveli jarðar. Við getum það, því við erum bæði á austur- og vesturhveli jarðar. Sitthvað á þeim nótum myndi ég að minnsta kosti hugsa væri ég Pútín í dag. Þess vegna er hann í Norður-Kóreu. Hissa er ég þó á því að hann skuli ekki hafa farið þangað löngu fyrr

Hefjast því sameignlegar heræfingar Rússa og Norðurkóreumanna örlítið seinna en annars, því flytja verður fyrst út viss vopn yfir til Norðurkóreumanna og sem Bandaríkin neyðast til að endurspegla á sömu slóðum og mun sú endurspeglun einnig taka tíma og umfram allt mikla orku, svo ekki sé talað um getu. Svona virka lárétt stigmögnunarprik og þeim á Rússland nóg af, enda varla byrjaðir potið enn. Bandaríkin hafa hins vegar verið að frá því að Berlínarmúrinn féll. Öllu þessu hefði auðveldlega verið hægt að komast hjá

Næsta stopp Pútíns er í Víetnam

Við höfðum nú upphaflega ekki hugsað okkur neitt sérstak í þessum efnum. En fyrst að krossferðir Natópóleons í Evrópu -og jafnvel víðar- eru fyrir löngu hafnar á ný í formi nýrra innréttinga, þá getum við svo sem alveg tekið hið lárétta stigmögnunarprik okkar í notkun því það nær til allra horna veraldar, og sem öll eru hætt að vera við pollinn Miðjarðarhaf. Við erum líka með lóðrétt prik, mörg. En þau eru hins vegar síðari tíma saga, vonandi

Norður-Kórea gæti reynst okkur gagnleg í bæði láréttum og lóðréttum potefnum því ekki vantar einlægan áhuga þar. Sá áhugi er enn til staðar vegna loftárása Bandaríkjanna á Norður-Kóreu frá 1950 til 1953

En þar drápu Bandaríkjamenn 10-20 prósentur íbúanna og "jusu napalm yfir alla óbreytta þjóðina" eins og Winston Churchill orðaði það. Þeir sem dóu ekki í bandaríska sprengjuregninu á Norður-Kóreu dóu síðar úr hungri og vosbúð, þannig að Curtis LeMay sagði að: "á þremur árum drápum við 20 prósentur þjóðarinnar". Eyðileggingin á landinu varð svo algjör að sprengjuflugvélar Bandaríkjanna neyddust til að varpa sprengjuförmum sínum í sjóinn því engin skotmörk á jörðu niðri var að finna lengur. Allt hafði þegar verið jafnað við jörðu

Þessu hefur Norður-Kóreu þjóðin ekki gleymt og mun ekki gleyma. Slíkar minningar gleymast ekki. Enginn í Bandaríkjunum myndi heldur gleyma því ef 60 milljónum Bandaríkjamanna væri slátrað með sprengjuregni, brenndar lifandi með napalm og síðan sveltar í hel

Og nú þegar krossferðir Natópóleons beinaparts í Evrópu eru hafnar á ný þá neyðumst við sennilega til að pota til baka. Og mörg lönd munu reynast okkur gagnleg í þeim efnum. Við höfum Norður-Kóreu, og síðan eru það viss (reyndar mörg) lönd í Mið- og Suðurameríku og einnig í Evrópu og Miðausturlöndum, - er líklega rökrétt ályktun Rússa

Mér sjálfum er alls ekki ljúft að álykta sem svo að hin innri fyrirlitning Bandaríkjamanna á sjálfum sér og ríki sínu gæti farið að rista svo djúpt að ekki verði til baka snúið. Við skulum vona að ég hafi algjörlega rangt fyrir mér. En von er því miður ekki stefna. Hún er bara von. En efinn er kominn - og það er ekki gott

Kæru lesendur. Fjölmiðlar ykkar hafa sagt ykkur að Úkraína hafi verið að vinna stríð við Rússland síðastliðin tvö ár. Ekkert hefur þó verið fjarri sannleikanum en einmitt slíkar fréttir þeirra

Og einmitt það áttu NATÓ-ríkin að vita strax árið 2008. Þau áttu að vita að slíkt kæmi aldrei til greina. En sökum yfirþrymandi innri valdamannheimsku og múgsefjunar stjórnvalda NATÓ-ríkjanna er staðan því eins og hún er í dag. Það var NATÓ sem með pot-stefnu sinni bað um stríð í Evrópu á ný. Þessi þróun er alfarið NATO að kenna. Engin ástæða var til útþenslu NATÓ í austur

Ekkert ríki getur aukið þjóðaröryggi sitt á kostnað þjóðaröryggis annars ríkis. Þetta á sérstaklega við um nágrannaríki. Þessi einfalda regla alþjóðlegra samskipta ríkja, og einfaldi sannleikur í daglegu lífi hvers manns, átti að liggja sem vel varið djásn inni í innstu stefnumarkandi hugsunum allra þeirra landa sem eru í NATÓ

Að öðrum kosti breytist fyrirbæri á borð við NATÓ í ófriðarveitu. Því miður er það einmitt slíkt sem hefur gerst

Fyrri færsla

Rússland nú fjórða stærsta hagkerfi veraldar. Lánshæfnismat Frakklands lækkað

Pútín og Kim undirrita samkomulag

Athugasemdir

[Ragnhildur Kolka, 21.6.2024 kl. 12:13]

Fróðleg færsla. Sem barn man ég aðeins eftir Kóreustríðinu úr fréttatímum og því að amma lét okkur alltaf klára matinn því börnin í Kóreu sultu. Hún sendi þeim líka fötin af okkur systrum, m.a. sparikjólana okkar sem við sáum eftir. En einhvern vegin hefur maður bara keypt hina vestrænu frásögn og ekki hugsað meira um það. Að landið hafi nánast verið lagt í rúst og síðan einangrað á vestrænum vettvangi hlýtur að vera hámark grimmdar. Allt í nafni kommagrýlunnar. Ekki skrítið að N-Kórea og Víetnam halli sér að Rússum, nú þegar heimurinn er að skiptast í blokkir.

[Gunnar Rögnvaldsson, 21.6.2024 kl. 13:32]

Þakka þér fyrir Ragnhildur.

Krossferðaríkið Bandaríkin horfir nú á stöðu sína í Norðaustur-Asíu komna í skák og mát.

Sigurvegarinn hér er Kim Jong-un og á hann sigur þennan fyllilega skilið, séð með augum margra ríkja veraldar.

Nú munu refsiaðgerðirnar sem Norður-Kórea hefur verið beitt hrynja ein af annarri, og þjóðin í ríki hans umfaðma leiðtoga sinn af raunverulegri ánægju.

Þetta er það eina sem Bandaríkin hafa haft upp úr brölti sínu um Austur-Evrópu og Asíu.

Heimskan fyllir svo mikið í mögum svo kallaðra "leiðtoga" Natópóleon-ríkjanna að þeir koma ekki auga á að minna en ekkert er á hungurdiskum þeirra.

Kveðjur

[Ingólfur Sigurðsson, 22.6.2024 kl. 14:41]

Ég fór að lesa eftir þig pistlana áður en ég fór að skrifa reglulega Gunnar og tel þig í flokki þeirra snjöllustu hér. En hvað kemur til að þú skrifar ekki lengur um Evrópu mikið? Það hefði verið forvitnilegt að lesa eftir þig hvað þér finnst um Evrópuþingskosningarnar? Þjóðlegu flokkarnir stækka en þrjózkan er mikil og sumsstaðar stækka kommúnistaflokkar lengst til vinstri, eins og sumsstaðar á Norðurlöndunum, og Þýzkaland hallar sér að kristilegum demókrötum.

Þó er afD kominn uppí 16% og sterkari en Scholz, þannig að bæði Scholz og Macron tapa miklu. Græningjar jafnvel ekki mjög sterkir lengur í Þýzkalandi.

Varðandi þennan pistil, get ekki mótmælt honum heldur. "Múrinn féll í Vestur", þetta voru þín orð og hafa heldur betur ræzt.

Það er mjög skrýtið að sífellt er verið að senda meiri fjármuni og vopn til Úkraínu, en Rússland styrkist eins og BRICS, en Vestrið veikist!

Dettur þeim aldrei í hug að stefnubreytingu þurfi í Vestrinu þessum leiðtogum ESB? Dettur þeim aldrei í hug að kommúnisminn sé hjá þeim?

Prýðilegur pistill, alltaf fróðlegt það sem þú skrifar.

[Gunnar Rögnvaldsson, 22.6.2024 kl. 16:12]

Þakka þér Ingólfur

Góð spurning.

Svar: Málefnið Evrópusambandið er fyrir löngu komið fram yfir síðasta söludag, bæði hér innanlands á Íslandi sem og erlendis, en einkum innan sjálfs sambandsins.

Hrunferli sambandsins er fyrir löngu hafið, myntin evra náði því varla að verða héraðsmynt og nú er það óstjórn, skuldir, hnignun, félagsleg- sem og pólitísk- upplausn sem stýra ESB-skútunni í strand.

Allt þetta var ég búinn skrifa um í mörg ár. Ógeðið á ESB-fyrirbærinu er orðið svo mikið að maður fær sig varla til að minnast á það, því slíkt gæti kostað alvarlegt ælukast.

Nei þessu liði þarna dettur aldrei neitt annað í hug, Ingólfur, en að berja tómum hausunum við sama Evrópu-steininn. Allra síst hvarflar það að þeim að spara mannslíf Úkraínumanna. Þeim er bara splæst eins og að þau kosti ekkert. Enda kosta þau ESB- og NATO-aðalinn ekkert. Mennskan er horfin. Enda örstutt í hinar evrópsku fyrirmyndir geðbilunar, villimennsku, pólitískrar sturlunar og brjálæðis.

Það vita Rússar vel. Þess vegna eru þeir komnir í varðstöðu. Þeir vita vel hvað kemur næst úr villta vestrinu.

Kveðjur