Sjálfstæð "Palestína" sýnir morðgetu sína á tvo kanta

Gaza-svæðið er í reynd eins konar sjálfstætt ríki með eigin ríkisstjórn. Ísrael hersetur það ekki frá og með 2005 og er ekki með hermenn þar. Og það eru engin búsetusvæði Gyðinga á Gaza. Reyndar hafa Gazamenn séð til þess að engir Gyðingar búi á Gaza, því samkvæmt þeirra höfðum á Gaza-svæðið að vera, og er, "judenfrei" eða júðahreint eins og Adolf Hitler kanslari Þýskalands orðaði og vildi hafa það - alls staðar í heiminum

Þetta eins konar sjálfstæða Gaza-ríki hefur nú sýnt hvað í því býr og hverslags stjórnarfar þar ríkir. Þeir sem endalaust hafa talað fyrir að "tveggja-ríkja-lausn" "leysi málin" fyrir botni Miðjarðarhafs, hafa hér með fengið það sem þeir vildu: heilsteypt og sjálfstætt hryðjuverkaríki er nefnist Gaza, þar sem enginn Gyðingur býr

Tvær milljónir Araba búa hins vegar í Ísraelsríki og eru með ísraelskan ríkisborgararétt og vilja að sjálfsögðu ekki búa í helvíti hryðjuverkaríkis, heldur í Ísraelsríki

Lesendur athugi að það eru engir sérstakir "Palestínuarabar" til. Palestína er grískt nafn sem klínt var á konungsríkið Ísrael í fjarveru þjóðar sem þá hafði verið gerð útlæg úr landi sínu af heimsveldi sem í dag líkist Evrópusambandinu. Það var 700 árum fyrir Krist

Í dag herjar hið sjálfstæða ríki Gaza bara á ríki Gyðinga. Takið eftir að Gaza-ríkið herjar ekki á landamærin í vestri sem snúa að Egyptalandi, því þar eru engir Gyðingar, heldur arabar sem ekkert vilja með Gazamenn hafa

Ísraelar skaffa hins vegar Gazabúum rafmagn og hleypta inn til þeirra vörum og olíu og öllum hinum mikla "stuðningi" til áframhaldandi hryðjuverka sem streymir til Gaza frá Vesturlöndum, sökum þess að Vesturlönd hvíla á siðferðilegum sökkli Gamla testamentisins - eða hvíldu að minnsta kosti á þeim sökkli, þar til þau, eða visst fólk innan þeirra, hófu stuðning við til dæmis hryðjuverk en sem í raun er illkynja blanda af friðþægingarstefnu, dyggðflöggun og illkynja vinstrimennsku

Öll þau ríki sem neitað hafa að hvíla á hinum djúpa og bjargfasta siðferðilega sökkli Gamla testamentisins og sem Vesturlönd sköpuðust upp af, og hvíla á, og sem veist hafa að Gyðingum af því að þeir eru Gyðingar, liggja hins vegar í rúst í ruslatunnum sögunnar. En einmitt þeim ríkjum fylgja Gazamenn nú til heljar. Og á hinni löngu leið til heljar, sem Gazamenn fylgja, liggja Faraóar, Amalekítar, Rómverjar og Nasistar sem gjall á veginum út um allt, því þessir neituðu að hvíla á hinum siðferðilega sökkli Gamla testamentisins og töldu sig frjálsa til að útrýma smáþjóðum á borð við Gyðinga

Sem betur fór réðu Rússar niðurlögum hins yfirþýska imperíal-morðgengis nasista, því hvorki Frakkar, Bretar né Bandaríkjamenn höfðu kjark né getu til þess, því illkynja smit heimsvaldasinnans Hitlers náðu vítt og breitt út til heimsbyggðarinnar og átti það gengi mikla stuðningsmenn í valdastöðum á Vesturlöndum, og eiga enn, eins og sést á aðförinni að Rússlandi sem hófst 1941 og stendur yfir enn. Þannig fögnuðu þingmenn Kanada stormsveitar-nasista Hitlers um daginn með tvöföldu standandi lófaklappi í þinghúsi þeirrar þjóðar í Norður-Ameríku, sem virðist vera að breytast í heimsálfu sem fest hefur sig í sessi á afglapaskarði

Bandarísk herskip undan ströndum Ísraels liggja því ekki þar til verndar Ísraelsríki, heldur til stuðnings klerkaveldi Írans. Með öðrum orðum; til að koma í veg fyrir að Ísrael raski heimskuveldi Hvíta hússins á afglapaskarði

USCENTCOM eða "U.S Central Command" með aðalstöðvar sínar í Katar sér um aðgerðir þessara herskipa og eru þær slóðir lítið annað en Hamas-sjoppa er skaffað hefur Hamas búðarglugga til að selja sig í á þeim peningaflæðis-slóðum

Íranaðdáandinn Robert Malley úr friðþægingarteymi Baracks Obama leiðir nú samningateymi Bidens stjórnarinnar á afglapaskarði við Íran - eða réttara sagt hann leiðir peninga-á-pöllum-til-Klerkaveldis-stefnu Bidens í nafni "samþættingar"- og fjölhelvítisbreytileikanna. Eru Bandaríkin og Norður-Ameríka öll því orðin svo langt leidd á afglapaskarðinu sem þau grófu sér, að þau eru hvorki fær um að reka innanríkis- né hvað þá utanríkispólitík í löndum sínum

En nú vita hirðfífl Vesturlanda í hvað stuðningurinn frá þeim til "Palestínu" hefur farið. Hann fór í að grafa jarðgöng undir Ísrael, kaup á þúsundum eldflauga og vopnum, og til skipulagningar á því hvernig þurrka skuli Ísraelsríki út af yfirborði jarðar

Fyrri færsla

Benjamín Netanyahu hringdi strax í Zelensky. Hvers vegna?

Athugasemdir

[Ingólfur Sigurðsson, 17.10.2023 kl. 04:59]

Ég dáist að rökfestu þinni og góðum pistlum Gunnar. Ekki veit ég hvað veldur að fáir koma með athugasemdir við þennan pistil. Ætli fólk vilji ekki taka afstöðu og telji þetta of pólitískt mál? Ég get ekki neitað rökum þínum og skýrri framsetningu, en er kannski ekki sammála þessu öllu. 

Ég dáðist að skrifum þínum um Evrópusambandið þegar fólk fékk glýju í augun af Mömmu Merkel. Þú hefur oft verið fyrri til að sjá og skilja á meðan aðrir veigra sér á þær brautir.

Lykilsetningin í pistli þínum er kannski að Vesturlönd hvíla ekki lengur á siðferðislegum sökkli Gamla testamentisins, og því velja þjóðirnar hverskonar syndir og eyðileggingu þær kjósa.

Af pistli þínum má einnig merkja að mistök Vesturlanda eru meiri og margvíslegri en fyrr var talið. Hvað segir þú um Svíþjóð sem afneitar því ástandi sem fer versnandi en ekki batnandi, og ekki gripið til aðgerða?

Er ekki ástandið í heiminum svona varasamt því fólk notar ekki skynsemi sína til að athuga hvaða afleiðingar friðþægingarstefnan hefur og ábyrgðarleysið?

[Gunnar Rögnvaldsson, 17.10.2023 kl. 13:11]

Þakka þér fyrir Ingólfur.

Staðan í Svíþjóð er að verða sú að lögreglan í landinu er að hluta til komin á erlendrar hendur og í vasa innflutts glæpalýðs. Svíþjóð er því að verða stjórnlaust drukknandi land. Drukknandi í ógeði stjórnmálastéttar sem er svo langt leidd af aumingjaskap að hún sést varla lengur og er því að kafna í sinni eigin ælu. Þess vegna hefur komið til tals að kalla sænska herinn til. Ekki veit ég hvar þetta svokallaða land endar. Mér sýnist Svíþjóð nefnilega vera að enda. Hvað tekur við veit ég ekki.

Heilbrigð skynsemi dugar ekki til að lægja öldurnar í heiminum. Engum með heilbrigða skynsemi í Evrópu datt til dæmis i hug að 15 árum frá aldamótunum 1900, þegar Evrópa þóttist standa sterk og friður átti að vera kominn á ásamt gagnkvæmum viðskiptum á milli landa álfunnar, að aðeins 16 árum síðar hefði heimsálfan Evrópa framið harakiri, blætt út og síðan höggvið höfuðið alveg af sér 20 árum eftir að reynt var að rippa álfuna saman á hálfsárs friðarráðstefnu í París 1919.

Engri heilbrigðri skynsemi hefi þarna um aldamótin 1900 dottið í hug að 100 milljón manns ættu eftir að falla og að yfir-taparinn Þýskaland og bandamenn þess hefðu drepið 80 milljónir þeirra, því fram að því höfðu sigurvegarar styrjalda ávallt og sögulega staðið fyrir að fella yfirþyrmandi meirihluta þeirra sem létu lífið í styrjöldum. Þessi Evrópu-geðbilun var hins vegar alveg öðruvísi en allt sem áður var þekkt í heiminum öllum.

Með því að tuða að tími styrjalda hvar sem er í heiminum séð liðinn, er hættunni boðið heim. Tími styrjalda er aldrei liðinn. Aðeins fábjánar halda slíkt.

Fólk þarf því fyrst og fremst að hætta að vera útópískir fábjánar - og muna að ekkert hefur breyst frá tímum Tyrkjaránsins þar sem hundruð Íslendinga voru höggnir í spað og rænt, og þeirra 900 ára sem íslamistar herjuðu á Evrópu og rændu þaðan milljón manns til þrælahalds.

Ekkert hefur breyst. Að halda annað er útópískur heimskingjaháttur á þriðja afglapastigi, apastiginu.

Góðar kveðjur

[Kristinn Bjarnason, 17.10.2023 kl. 20:45]

Staða Svía er orðin mjög slæm. Það kemur líka á óvart hversu slæm staðan er orðin á Íslandi. Yfirvöld vinna hörðum höndum að gera Íslendinga sárafátæka. Þessa dagana soga fjármálastofnanir og fjármagnseigendur það litla eigið fé sem stór hluti landsmanna hafði nurlað saman. Hinn dæmigerði Íslendingur er orðinn mjög laskaður eftir viðskiptin við opinbera sem hafa m.a. gert sparifé landsmanna upptækt og sett húsnæðismarkaðinn í lás þar sem fólk hefur hvorki efni á að kaupa eða leigja. Þessi hegðun ætti ekki að koma á óvart eftir yfirlýsingar fjármálaráðherra og seðlabankastjóra um að þeirra stærsta vandamál væri að fólk væri með of mikið á milli handanna. Þegar þessar yfirlýsingar fóru í loftið var u.þ.b. helmingur vinnandi sem náðu ekki endum saman en eru víst búnir að ná því í 60% núna. Það er alveg óhætt að hafa áhyggjur af framhaldinu.

[Gunnar Rögnvaldsson, 18.10.2023 kl. 10:13]

Þakka þér fyrir Kristinn.

Já já, eldhúsdagsumræður í okkar landi megum við auðvitað ekki vanrækja, þó svo að Svíþjóð brenni og fuðri bókstaflega upp umvafin Rómarsáttmálanum.

Þetta hljómaði svo vel þarna um árið 1994: ESB-inngangan átti að færa Svíum velsæld og hinn eilífa ESB-frið.

Hvað nú Sverige?

Kveðjur