Hlýtur að vera Rússum að kenna [u]

ALLT RÚSSUM AÐ KENNA

Þarna sést að Rússland stendur auðvitað fyrir þessu stríði á hendur Ísraelsríki því það flutti jú sendiráð sitt til Jerúsalem og það sendi ekki þá sex milljarða dala sem Biden-stjórnin lofaði írönskum eigendum Hamas fyrir að láta fimm Bandaríkjamenn lausa úr haldi þann 19. september síðastliðinn

Einnig er það náttúrlega og að sjálfsögðu Rússum að kenna hversu Biden-stjórnin í Washington hefur verið fjandsamleg í garð Ísraela, einkum Benjamíns Netanyahu, en vinveitt eigendum Hamas í Íran. Bandaríkin fjármagna því ef til vill óbeint eins konar stríð á hendur Ísraelsríki og það er að sjálfsögðu Rússum að kenna - eins og allt annað sem gerist og gerist ekki í þessum heimi

Hvað skyldi Hillary Clikkton hin fremsta klikk-stjarna Bandaríkjanna á sviði atvinnu-Rússahaturs segja núna. Jú hún mun segja: Hvað sagði ég? Allt Rússum að kenna!

[ At all costs, America believes that it must do whatever is necessary to prevent the Israeli state from exercising its sovereign right under Bibi’s restored leadership to balance between the US-led West’s Golden Billion and the Sino-Russo Entente in the New Cold War instead of decisively take the former’s side against the latter. ]

Það kæmi mér alls ekki á óvart ef að hin Ísraelsfóbíska og Rússahatandi vinstristjórn í Washington stæði að baki þeim innri óróa og ólgu sem plagað hefur Ísrael undanfarin tvö ár - með það fyrir augum að koma þar á innri óstöðugleika sem leitt gæti til innri upplausnar, eins og Bandaríkjastjórn reyndi í Hvítarússlandi í fyrra undir stjórn Jósefs Bidens og tókst í Úkraínu 2014 undir Barack Obama

Orðrómur um að vopnin sem Hamas notaði til árása á Ísraelsríki komi frá Úkraínu, geisar nú þegar á netinu

Uppfært

Síðastliðinn júní greindi tímaritið Newsweek frá þungum áhyggjum Ísraelskra hersins vegna þess risavaxna vopnabúrs sem Bandaríkin skildu eftir sig í Afganistan er þau gáfust upp og flúðu þaðan. Liðsforingjar í Ísraelsher voru þá farnir að sjá þau vopn í höndum Palestínumanna á Gazasvæðinu. Og í október í fyrra sagði finnska lögreglan að vestræn vopn frá Úkraínu væru þegar farin að sjást í höndum glæpalýðs í Finnlandi, Svíþjóð og Hollandi. Lítið sem ekkert eftirlit hefur verið haft með því hvað hin gerspillta Kænugarðsstjórn gerir við þau vopn og fjármuni sem til hennar fossa frá NATO-löndum og víðar að

Og nú hljóta nasistarnir í Kanada að fagna og standa viðstöðulaust upp á þjóðþinginu þar í boði þingforseta ("fábjána sem fór greinilega ekki í skóla", skv. Vladímír Putín) og forsætisráðherra landsins

Hvað ætla skotfæralaus og stríðsörend Bandaríkin að gera núna? Bomba Færeyjar? - eða prenta fleiri dali til að senda á pöllum? En slíkt gæti verið varasamt því Rússar gætu í staðinn sent kosningaeftirlitsmenn til að biðja bandaríska kjósendur um persónuskilríki skyldu þeir álpast þar á kjörstað á næsta ári til að láta hafa sig að fíflum, einu sinni enn

ESB hvað? - jú að kjósa aftur og aftur þar til rétt niðurstaða fæst!

Fyrri færsla

Þjóðverji með ónýta mynt á Zetros

Segja stríð hafið í Ísrael

Athugasemdir

[Ragnhildur Kolka, 9.10.2023 kl. 13:40]

Fullvalda ríki í augum BNA eru þau ríki sem ganga í takt undir stjörnufána þeirra. Ef Ísrael er farið að stíga einhver hliðar spor þá má vel vera að grunur þinn um kámuga putta Bidenstjórnar í þessum átökum sé réttur. Lita byltingar eru jú sérgrein þeirra og Netanyahu hefur ekki beinlínis verið á vinsældalista þessarar stjórnar.

[Gunnar Rögnvaldsson, 9.10.2023 kl. 14:02]

Þakka þér fyrir Ragnhildur.

Douglas Macgregor ofursti taldi víst að Bandaríkin stæðu að baki þeim látum og pólitísku krísum sem verið hafa undanfarið í Ísrael, þannig að ég er ekki einn um þá skoðun.

Grein Andrew Korybko frá því í mars á þessu ári er mjög svo umhugsunarveð í þessum efnum: The US-Backed Color Revolution In Israel Just Reached Crisis Proportions.

Sömu lykt finn ég af skrifum Jerúsalem-póstsins í gærkvöldi: The meaning behind Joe Biden's unequivocal support for Israel - analysis. (Það getur verið að Jpost-dagblaðið sé niðri vegna árása núna, en þá er bara að reyna aftur. Vefur þeirra virkaði í morgun.)

Enginn með fullu viti í Jerúsalem hefur háar hugmyndir um stuðningsyfirlýsingar frá Washington lengur, og er það einfaldlega vegna þess að stjórnmálin í Bandaríkjunum lúta varla lengur vestrænni hugsun. 

Kveðja

[Gunnar Rögnvaldsson, 9.10.2023 kl. 20:30]

.. og svipað gildir um Evrópu.

[Ragnhildur Kolka, 10.10.2023 kl. 10:00]

Þakka þér Gunnar fyrir punktana. Komst ekki inn á Jpost greinina í gær, en í morgun komst ég í gegnum hana hálfa leið áður en lokað var á hana. Þegar maður les orð Biden um "Ísrael hefur rétt á að verja sig" og "stöndum með ykkur alla leið" kemst maður ekki hjá því að hugsa að þetta sé off-rampurinn sem BNA þurfti út úr Úkraínu-svaðinu. Þannig hafa loforðin til Úkraínu líka hljómað. Það útskýrir líka svokallaða "gloppu" í leyniþjónustu upplýsingum, því óþarfi er að bregðast við e-u sem þú veist ekki af. Vonandi hleypir Kaninn þessu ekki upp í háaloft með því að ráðast á Íran því það gæti leitt til þriðju heimsstyrjaldarinnar. Stríð í Miðausturlöndum og Evrópa full af múslimum er ekki ávísun frið.

[Gunnar Rögnvaldsson, 10.10.2023 kl. 11:01]

Góðar spurningar Ragnhildur.

Bandaríkin hafa stutt Íran þegar þeim sýndist svo, einnig eftir að Klerkaveldið komst þar til valda, svo við öllu má búast þegar veldi eins og Bandaríkin (nú hálft í hvoru Brandararíkin) missa "sitt Indland" og fara inn í saknaðartímabilið, í stað þess að griða sig í brók og samþykkja að "var á meðan var" og að nú eru nýjar bollur í súpunni og þar gildir það eitt að vera fremstur meðal jafningja í stað þess að reyna að fletta dagatalinu afturábak.

Og nú hljóta allir þeir sem standa fyrir þokulúðrablæstrinum um "fjölbreytileikann" að fagna hversu vel gengur að láta hann ganga upp í marhnútamusterum heilabúa þeirra, en bara alls ekki í veruleikanum. Og nú hljóta fagnandi þeir einnig að sjá að þar sem ekkert sameiginlegt demos, telos né ethos er til staðar að þar getur aldrei neitt gengið upp nema viðstöðulaus ófriður eins og í Miðausturlöndum, Norður-Líbanon Svíþjóðar og í Evrópuhelvítinu ásamt í tímasprengjutryggðu innflæðissullinu í Bandaríkjunum núna.

Bandaríkin stjórna ekki lengur framboði á orku, en þau stjórna hins vega ótakmörkuðu framboði af rugli. Slíkt viðheldur hvorki né skapar heimsáhrifavald. Ergo: þau geta ekki sett refsi- og þvingunaraðgerðir á það sem þau ekki stjórna.

Og nú er ESB þegar komið í þrefalda mótsögn við sig sjálft, og klofningurinn eftir aðeins þrjá daga er algjör: EU in PR meltdown on Palestine aid.

[Helgi Viðar Hilmarsson, 11.10.2023 kl. 09:11]

Nú er úr vöndu að ráða því nútímafólk nennir ekki lengur að hugsa. Ísraelsmenn eru búnir að setja upp smart/AI kerfi til að vakta Gaza og meta öryggisógnir frá því svæði. Hamas liðar þurfa því ekki lengur að blekkja Ísraelsmenn heldur heimskt tölvukerfi.

Að sama skapi hafa Haukarnir í Pentagon notað tölvumódel til að meta árangur af hernaðaraðgerðum áður en ráðist er í þær. Skemmst er frá því að segja að gagnsóknin mikla í Úkraínu átti skv. tölvumódelinu að ljúka með glæsilegri niðurstöðu svo vitað sé í orð Steingríms Joð.

[Gunnar Rögnvaldsson, 11.10.2023 kl. 12:24]

Þakka þér fyrir Helgi.

Já slíkt væri svo sem í ætt við margt annað sem gengur svo ofboðslega vel í fjölmiðlum og stjórnarráðum vesturlanda í dag. Vogue lætur ekki að sér hæða, og þýðir hið gervigreindarlega sama á öllum tungumálum.

Kveðja